石鍋堂

营业中

休息中

本身就好鍾意食烏冬，呢間仲聽聞湯底熬足五個鐘！真係慕名而去試，而呢間亦係我晚市見女人街唯一排隊既餐廳我叫左個黑松露雜菌海鮮湯烏冬，甫上枱就已經見到好夠滾！不過呢個湯底唔太夠味，以為會好重黑松露味，但食落就唔太覺得有，搞到烏冬索唔到湯汁不過勝在多海鮮，帶子非常大粒！亦有蝦，蟹柳，蛤類等。朋友配左鰻魚，見到好大條，好食！因為仲有其他朋友食唔同嘅湯底，我都有試咗其他口味，覺得魚介湯底係最好飲落好鮮同起碼食得出個味。 黑蒜油味飲落其實同出前一丁無乜分別最後仲送左個甜品，食落似果凍，入面包住豆沙餡