石鍋堂

营业中

休息中

通菜街 靠 近 橫行單邊， 有很多 細舖 食店 ，其中發現間'石鍋堂'， 門外已經有班年青人正在排隊等位， 餐廳門口也擺設了餐牌 ， 給客人 可以 預先選擇 食餐 ，好奇心驅使下， 也揭揭看看這餐廳的餐食， 餐牌上的食物有很多 不同款式 選擇， 價錢也很合宜。我們便決定 在這餐廳 品嚐一下 店內的食物， 等了一會後才 便安排 入座， 大家肚子都餓了 ，便快快選了" 吉列豬扒蛋包飯 "(咖哩汁)$65 吉列豬扒 外面 炸得金香酥脆， 肉質 不韌。 大大塊蛋皮包裹著 米飯 再配合 秘製的 咖哩汁 認真嘢未開胃。醬油 豬手石燒手打烏冬$88， 大大隻 的猪手，醬油 烹調後 的猪乎， 外皮嫩滑，肉質軟淋，味道惹味。石頭鍋飯方面 ， 蒲燒鰻魚雞扒石鍋飯$78( 可轉普通碗上)， 蒲燒鰻魚 上面塗上醬汁 香味濃郁， 雞扒 金黃酥脆 認真滿意。

今晚去左女人街食晚飯，女人街兩邊好多食肆，我地揀左呢間「石鍋堂」，晚飯時間入到去坐滿人，好彩岩岩有人走好快有枱有主食亦有小食，主打石鍋烏冬、石鍋飯等關東冷豆腐個汁唔錯，令平平無奇既豆腐變得美味炸芝士年糕外脆，內軟綿綿，芝士味香濃原條鰻魚蛋包飯份量超級大唔係條鰻魚短，係個飯超長兩件鰻魚都超長岩鹽燒牛舌好驚喜開頭覺得$48有d貴，但原來咁厚咁大件因為肥厚，咬落勁有口感又夠爽，牛味好濃郁，真係會齒頰留香吉列豬扒石鍋烏冬烏冬基本係必食，見到每枱都有！有五款湯底選擇，我揀左黑松露香菇湯，湯底超香重有甜品送🤤整體性價比高，味道好！

今日我地一行三人去食飯。由於朋友遲收工。我同另一位友人去拎位先。等左一陣有位喇。點知店員話要人齊先入得但門口一句話人齊先入得都冇顯示出黎算。入到去叫哂野食同飲品。。等左十分鐘先有罐可樂。追罐七喜啦。個店員話廚房話事。佢唔得閒就比唔到再等左廿分鐘仲差一碗烏冬未到。再追。。點知個店員話你追我冇用架啵。廚房未做就未做架啦。。終於等多一陣先到其實啲野食味道一般。唔係話特別好食。如果要食到一肚氣我寧願唔再幫襯

其實我平時都好鍾意食烏冬，特別呢排心情唔多好更加想食啲濕嘢，所以今次放工就去了呢間以石鍋作為主題的餐廳食飯。當中呢間餐廳真係好受歡迎，真係遲小小就要排長龍。餐廳食物種類都幾多，但今次過嚟食飯當然唔小得叫石鍋烏冬食啦。而且每款烏冬都有５款湯底選擇。醬油豬手石鍋烏冬石鍋上枱時熱辣辣，睇見都相當吸引。而且醬油豬手勁大隻而且炆得好淋好入味，食落去相當膠質，真係好正。而且烏冬相當彈牙，加埋豬手一齊食真係好滿足。黑松露帶子串燒食完石鍋烏冬已經飽飽地，之後要食呢個黑松露帶子串燒都係唔錯選擇。帶子相當鮮味，而且唔會燒得好乾，加埋黑松露一齊食，令到層次更加豐富。整體呢間石鍋烏冬店都係唔錯，特別佢價錢真係唔貴，值得之後再嚟食。

呢間係上網已經睇咗好多次 但係成日都冇時間去食 尋日終於搵到時間同啲朋友一齊去食啦 🙆🏻‍♀️🙆🏻‍♀️一去到個陣已經滿晒場 同埋要等齊人先至可以入場 我哋大約等左10分鐘左右就有得入 之後都一直見到有人排隊 所以我哋食完就即刻走 比其他人入去食今次我就叫咗個辛辣味吉列豬扒烏冬 🤤🤤🤤我啲朋友叫咗個海鮮烏冬 樣貌都唔錯而且好足料 烏冬一到嗰陣仲係好滾 要等一陣先可以食 本身都好擔心辛辣味呢一個會好辣 點知食落都OK 唔算太辣 店主仲好好人 服務態度都好好 食完之後仲送上甜品給我們 ❤️❤️❤️

前排同朋友響女人街搵好野食，見到網上呢間好多好評，除咗石鍋，原來呢度蛋包飯都好出名，我地就特登過黎試一試～～今次我叫咗咖喱芝士叉燒蛋包飯，由落單去到上菜只係等咗大概5分鐘，就有得食啦賣相好吸引，個人認為呢種食法幾特別，但係如果芝士可以融響飯裏面，撈埋蛋汁一齊食就更加好～～朋友就叫咗照燒汁雞扒蛋包飯，份量好多，佢話雞扒肉質鮮嫩，非常好味！午市套餐連埋嘢飲都只係四五十蚊，唔需要加一，以呢個價錢來講都唔錯，值得一試～

因為去旺角買特別版玩具比朋友做禮物,所以約佢出來送比佢,順便一齊食埋生日飯,我知朋友好鐘意食烏冬,所以帶佢來這裡食!餐廳雖然面積唔係好大,但裝修得不錯,整店都充滿住日式味道,天花吊了日本燈籠做裝飾,牆上的可愛壁畫為餐廳添上生氣!我見到餐廳無間斷地都有人來食,睇得出這裡好受歡迎!!餐牌主打石鍋手打烏冬,有八款食材同時又有五款湯底選擇,點都有款合心意!還有石頭鍋飯和雪國冷手打烏冬,假如仲想食多一點,全部都可以追加配料!!如果想試其他類型食物都有,包括蛋包飯,熱石魚介昆布綠茶漬飯,野菜,小食,炸物和鐵人料理等!!今次我們都選擇了同一款湯底的石鍋手打烏冬!始終餐廳推介,味道一定不錯!!<鮮活蜆石燒手打烏冬配魚介豚骨濃湯> 烏冬用熱度超高的石鍋送上,熱力持續好耐都未有太多減退,非常熱辣辣!!蜆肉份量好多,多到覆蓋整個石鍋,肥大肉厚的蜆肉食起來沒有腥味,非常鮮甜彈牙!再加櫻花蝦,魚片和粟米等的配料一齊食,令味道和層次都豐富起來!<石鍋堂海鮮石燒手打烏冬配魚介豚骨濃湯> 海鮮包括鮮蝦,蜆肉,帶子和蟹柳等,蝦肉新鮮又大隻,食起來爽口彈牙,帶子厚肉肥美,非常鮮甜!魚介豚骨

女人街附近有一間石鍋烏冬餐廳經常性都好多人排隊，今次朋友話想食！我地就排隊等左陣，排隊的時間不算長大概半小時，但都值得的。小店裏面雖然不大，但係裝修都參照日本居酒屋設計，感覺簡單又溫馨。餐廳發選擇都幾多，除了烏冬外仲有飯餐，串燒同小食等等嘅選擇。鮮活蜆石燒手打烏冬（地獄辛辣湯底）：鮮活蜆好新鮮又大隻，蜆肉鮮甜而且完全沒有沙！！值得一贊。手打烏冬軟硬度適中，口感仲有少少彈呀！可能我本身食得辣，我覺得湯底方面就唔算好辣，但都惹味的。如果辣度可以比客人選擇相信一定更完美。吉列豬扒手打烏冬(黑蒜油豚骨湯)：朋友的吉列豬扒炸得幾鬆脆，點埋醬汁味道都唔錯。黑蒜油豚骨湯味道香濃，不會覺得膩口。餐廳水準不錯！而且價錢不貴，相信冬天的時候會有更多人光顧。

小店位於旺角的內街, 環境以黑色為主調! 店內只有5張2人枱和5張4人枱，合共30個坐位, 所以平日的午餐和星期六及晚餐時段都甚為多人!至於食物方面, 主要分為石鍋烏冬, 石鍋飯, 鐵板蛋包飯和綠茶積飯, 並有炸物小食!(詳細可見memu)! 今次叫了3款唔同湯底的烏冬, 包括魚介豚骨湯, 黑蒜油豚骨湯和咖哩湯底! 小店標榜湯底每日用上10小時煮出來的! 個人覺得每款湯底品味都幾香濃, 不過就以黑蒜油豚骨湯最鮮甜和香濃! 至於食材則點了吉列豬排, 曼魚和安格斯牛肉! 個人認為三款都好味，個人認為就以安格斯牛肉最好食! 三個石鍋烏冬加三杯飲品, 合共292元, 以此價錢有此質素, 真係唔算貴!

星期六黃昏行完旺角開始肚餓，要搵晚餐咁就唯有喺通菜街一路直行睇吓有咩餐廳望落ok 就入去試其實本身想食煲仔飯但搵唔到，見到有石頭鍋飯喎，差唔多姐，咁就不如入去試啦地方好細好窄坐得唔算舒服兩個人都叫咗石鍋飯一個係鰻魚雞扒石鍋飯另一個叫左鰻魚乜乜石鍋飯，唔記得影相本身出邊天氣好熱入到黎啲位有啲迫，冷氣唔係好凍，又食住熱辣辣嘅石鍋飯，熱上加熱佢每一張枱都會有石鍋飯用嘅豉油，入邊有啲芝麻俾你淋上面，如果唔係本身啲味有啲淡我個人認為味道就麻麻哋啦，個價錢都OK既大概$60至$70一個石鍋飯要讚嘅係佢飯後有甜品我食嘅係好似和菓子入面有紅豆蓉，細細粒唔算甜幾好食整體來講試吓無妨，但唔會特別去食

約左朋友去旺角行街，行行下見到呢間餐廳咁多人等，我地就決定跟風喇😂入到去見到有人食牛仔骨牛舌飯好似好正咁又跟左佢叫😂個飯本身冇乜汁，枱上放左支汁，應該係用黎撈飯，撈左之後好食好多😂牛仔骨仲要好香，肉質鮮嫩☺️之後叫左呢度出名既石鍋烏冬，佢每個餸都有得揀湯底，我揀左安格斯牛肉，黑松露湯底，個湯係滾住咁上🙈睇到好熱血沸騰😂佢上面放左好多黑松露醬，個湯真係好濃郁既黑松露味，真材實料🙈最尾叫多個首爾七味豚黎試下🤗有成四大塊，厚切，而且肥瘦均勻，燒得好令好香😝呢個幾有驚喜就食完仲送左個甜品比我地，好窩心丫，冇諗過小店都會送甜品比我地食，難怪有咁多人排隊黎食喇🤗

下班後同朋友相約在旺角見面，朋友提議吃烏冬，於是來了石鍋堂。石鍋堂雖然是小店，但人流十分多，幸好七時多便到，不用等太久就能入座。日式炒雜菜$38炒雜菜有唔少配菜，椰菜，香菇，粟米，十分香口，而且很入味，加了日式燒汁炒香。凍柚子蜜$13柚子蜜好清新，甜度合適。和風咖哩濃湯烏冬配吉列豬扒$66咖哩湯十分濃郁，烏冬份量足夠，十分彈牙。豬扒炸得香脆亦不會太油膩。和風咖哩濃湯烏冬配照燒雞扒$66雞扒肉質亦不錯，份量大大份，加上照燒汁，值得推介。

最近每星期都到旺角做美容，所以可以四周圍發掘新食店，平時比較多到大型食店或者商場搵食，今晚決定走到通菜街一帶看看。行到街尾發現有間人龍店，門口已經大約有10多人在等位，原來是一間用石鍋做主題的餐廳，一於排隊試一試吧！餐牌選擇都算多吉列豬扒石燒手打烏冬配和風咖哩濃湯咖哩濃湯偏向日式口味，所以比較甜，吉列豬扒外層酥脆可口，肉質鮮嫩多汁！照燒雞扒石燒手打烏冬配魚介豚骨濃湯湯底豚骨味濃厚，烏冬滑嘟嘟，軟硬度適中，照燒醬汁香甜，雞扒軟淋，而且份量十足，非常超值！芝麻雞翼炸到金黃酥脆，入口香脆嫩滑。最後竟然仲有飯後甜點附送，價錢平而且份量大，非常經濟實惠！

久仰大名一直好想嚟試佢嘅蕃茄石鍋烏冬, 今日特登過嚟旺角試下佢,點知原來lunch time係唔會有石鍋,晚市先有雖然有啲失望但係唔緊要啦,一場嚟到就寄望佢嘅鰻魚烏冬la!餐飲揀咗杯蘋果紅茶,真係一啲都唔好飲,係糖水溝出黎個種,而且都幾淡,飲咗三份一就放棄左。等咗一陣,個烏冬同鰻魚就嚟到, 鰻魚份量都幾大,可以一分為四件,燒汁好味,而且唔會好多骨,當然呢個價錢唔可能要求好肥美嘅鰻魚,性價比嚟計都已經很不錯。雖然冇石鍋,冇蕃茄湯底,但係佢呢度嘅烏冬的確係好食,好煙韌又彈牙,湯底香濃,難怪有咁多捧場客。下次要試下佢晚市嘅石鍋烏冬先得。環境衛生方面,由於呢度位置比較窄,店員喺我哋食嘢嘅時候,需要拎住一袋垃圾或者要洗既一盤碗碟,不斷路過枱與枱之間一個身位嘅通道,感覺上真係唔係幾衛生。而我坐坐下發現畀嘢咬左幾粒,好痕,所以食完就拿拿聲走了。

網上 見到介紹石鍋堂嘅石鍋烏冬就頭也不回衝去食但原來想食石鍋烏冬要晚上先有所以今次就是食佢哋下午茶啦肥牛烏冬肥牛分量適中而手打烏冬煙韌，口感有層次配以桂圓黑糖茶， 建議飲前記得要攪勻否則到底就太甜炸雞烏冬有四嚿炸雞另上炸雞油而不膩~烏冬湯底耳豬骨為主，較為清甜如果喜歡濃味嘅朋友就未必太適合但服務態度好下次再去一定會再試石鍋烏冬~