石鍋堂

营业中

休息中

今日同朋友出旺角行左一陣大約5-6點左右，朋友話不如搵餐廳食飯，行左一陣，我建議不如行去女人街睇下食咩，記得個女人街旁邊好多餐廳選擇，我哋行到近尾街見到食石頭鍋，我同朋友講不如食呢間，之前係旺角返工有同事介紹個午餐都好抵同好味，我們決定入去試試佢既晚餐，入到去睇到餐牌，有石頭鍋烏冬，石頭鍋飯，有咖喱飯，安格斯牛肉配黑松露香菇湯底 海鮮配魚介豬骨湯 十勝豚肉石頭鍋飯 4-5塊 關西風石燒流煎餃子 五粒炒雜菜跟住叫咗三杯飲品 蜂蜜蘋果茶、桂圓紅棗茶，蜂蜜柚子蜜

秋天到 天氣轉涼來碗熱辣辣石鍋烏冬是人間美事小店在旺角女人街的地鋪平日的放工時間 等位大概20分鐘湯底有五款 手打烏冬以石鍋上菜 保持住熱辣辣的温度到尾=吉列豬扒 - 魚介豚骨濃湯="卜卜卜"的湯底 睇得好治癒見到介紹說加入了鏗魚靖魚淆湯濃郁而且鮮味十足厚切的吉列豬扒 口感豐富 外脆肉淋手打烏冬口感彈牙 而且容易入味=照燒雞扒- 黑松露香菇湯=加入不同菌的淆的香菇湯超香黑松露的點綴之下另湯底更香湯的味道透入到每條烏冬之中雞扒好厚身 外皮夠香脆 雞肉滑而且不會乾=一口香芒鵝肝蛋糕=嘗試了一個比較特別的小食鵝肝口感算柔嫩 配著甜甜蛋糕咸咸甜甜挺特別的最後店員送上了紅豆和菓子作甜品吃完熱辣辣的烏冬 和菓子感覺十分清新

話說果日諗住晏d去試下 就打電話問清楚佢地有冇落場同幾點落 點知打去我問左第一句你地有冇落場架 電話個女人 已經好吾耐煩咁話有啊 我都未開聲問幾點 佢就話吾得閒啊cut埋我線！大佬 忙都吾係咁啊 答一下幾點用你幾多時間！ 咁嘅態度 去都費事去

好喜歡食石窩烏冬 因為可以keep住食物嘅溫度今日嗌咗鰻魚地獄湯底烏冬 佢其實係酸辣湯底 有泡菜嘅酸味 鰻魚味道出色 但唔夠脆另外嗌咗安格斯黑蒜湯底烏冬 佢個湯好好飲 除咗有黑蒜味 仲有少少松露香不過安格斯牛佢無一塊塊放入鍋上菜時黐埋一舊 熟度不均勻但呢個價錢係正嘅

天氣漸涼，吃一碗熱乎乎的烏冬就最適合不過。今晚就到訪旺角這間人氣小店，我們七點到達已經有不少食客在門口等待安排入座了。半小時後終於成功人座。其實除了鍋燒烏冬之外，還有不同的小食及燒物，我們一行三人都是點了黑蒜油豚骨湯。配菜方面就選了鰻魚，吉列豬扒及海鮮。海鮮份量非常足料，有巨型帆立貝，大蝦，大蜆，日式魚糕等等。鰻魚的size比我想像中的大，肥美的魚肉配以微甜的蒲燒醬汁，吃得非常滿足🤤至於吉列豬扒則炸得非常鬆脆，豚肉肥瘦適中，不過我最喜歡的都是鰻魚🤪另外，我們選了燒口舌為小食，牛舌厚度十足，質感彈牙，非常有咬口，超讚🤩🤩🤩🤩驚喜的是最後竟然有甜品贈送，雖然都是一貫紅豆餡料的和菓子，但勝在誠意十足。

係油麻地番學 平時會去女人街搵野食次次經過都會見到石鍋堂 成日都好多人排隊終於有機會去試下！今次無試人氣石鍋烏冬反而試左 炸蝦🍤帆立貝滑蛋大碗飯勁大碗勁足料大份又熱辣辣！！滑蛋真係做到滑滑既效果！好開胃！好好食❤️❤️❤️💯💯份量真係大到 女仔未必食得哂男仔就可以岩岩好食哂！好飽肚呀！價錢平又大份又好食！性價比高！值得一試！環境方面就好日本居酒屋feel座位比較少，需要耐心等位！值得去排隊既！❤️❤️

有日心血來潮想食烏冬，就上openrice search，見到呢間唔貴就去試下，間舖唔大，好多人都係要搭枱坐，不過我就唔係好介意。佢地既烏冬都係用石鍋形式上，夠晒熱辣辣，佢地既肉類同烏冬係分開上，所以唔會整到d肉類林晒，好味又平🤤

今晚同朋友喺旺角行街，到咗晚飯時間，就一齊覓食。但旺角有好多餐廳小店，有時真係花多眼亂。經過街嘅時候，見到呢間石鍋堂門口企滿等位嘅年輕人，無乜頭緒嘅我地被人群吸引想試一試。好彩我地只有兩個人，等咗15分鐘左右就被安排入座。老實講，餐廳座位都幾窄，更令我好奇究竟有咩吸引力令咁多人唔介意環境，都願意排隊食。我同朋友點咗海鮮石燒手打烏冬，蒲燒鰻魚石鍋飯，岩鹽燒牛舌一齊share。野食好快到，由於係石鍋盛載，非常熱騰騰。野食都好足料，海鮮烏冬有蠔，帆立貝，硯，蝦，蟹棒，全部都大件又鮮美，特別係蠔，大大粒肥美鮮甜。石鍋飯嘅鰻魚係厚切，超肥美，豪不吝嗇。牛舌亦係厚切，香嫩juicy，加少少七味粉更正。最後仲有甜品送，係好煙軔嘅紅豆餡果子，口感同味道都好好。食完之後，我同朋友都覺得食物係用心製作，難怪餐廳人氣滿滿。

來到旺角想找點輕食日式店，正好看到餐牌有串燒有麵食，還有石鍋招牌便試試！脆味軟殼蟹前菜先上，香口小吃，味道不會太濃而搶過蟹肉質鮮味！燒鰻魚配魚介豚骨濃湯烏冬主菜到，鰻魚份量很足，整條滿滿的配汁，肉質爽口帶油脂，配汁剛好帶出鮮味。烏冬略帶淋身，魚介湯底木魚味清香，不會喧賓奪主！黑松露帆立貝小吃方面，帆立貝用黑松露醬燒起來非常惹味，帆立貝肉質鮮嫩彈牙，配搭一流！岩鹽燒牛舌非常厚身，但不會韌，外皮爽脆肉身嫩滑，多汁非常，驚喜推介！

同朋友係女人街附近shopping 完，拎住滿滿嘅戰利品去覓食。見到呢間石鍋專門店人頭湧湧，一於要等位都試下🤣燒牛仔骨牛舌石鍋飯❤️上菜時熱辣辣😋😋飯焦香脆可口，可自行加入燒汁，牛仔骨肉質嫩滑， 牛舌彈牙😚醬油豬手石燒手打鳥冬❤️烏冬同樣係滾住上菜，手打特別彈牙同掛湯😋地獄湯底辣度夠，惹味刺激！ 豬手另上勁吸晴，份量巨大！肉質淋身，每一啖都係骨膠原😍日式雜菜❤️有多款菜類，芝麻味突出，清清地好日式😚

最近看到同事在社交網站推介這家餐廳，照片拍得十分吸引，本來就很喜歡吃烏冬的我馬上約朋友一起去試試。餐廳位於通菜街，平日的晚上也幾乎滿座，幸好我們有預約。桌上放著點菜紙，在餐牌選好自己喜歡的食物，就可以自行寫在紙上落單。這裡的餐牌幾乎都有全部菜式的圖片，方便大家做決定。我們兩個人最後共點了兩份主食、一份炒菜，並各自點了飲品。日式炒雜菜點了份炒菜當前菜，很令人驚喜的份量，大白菜、燈籠椒、粟米、西蘭花炒在一起，色香味俱全。吉列豬扒石燒手打烏冬配黑松露香菇湯石燒手打烏冬類別其實可以有很多變化，八款烏冬跟五款湯可以自由配搭。因為看到旁桌大大塊吉列豬扒很吸引，便決定點這個，並配上我覺得很新奇的黑松露香菇湯。豬扒跟烏冬分開上，石燒烏冬果然厲害，上桌時是水滾的樣子，可見證生蛋變熟蛋，吉列豬扒份量十足，是厚切的，口感豐富，外脆內扎實，還有肉汁，非常出色。將烏冬拌開，黑松露味香濃，湯比我想像的清淡，吃著不會油膩。照燒雞扒蛋包飯配照燒汁蛋包飯是朋友的至愛，外層的蛋皮軟滑，上面有照燒汁，裡面包著的飯也稍有調味，整個吃起來很香。照燒雞扒跟我的吉列豬扒同樣大塊，外皮很夠味，裡面雞肉不會乾，朋友覺得好吃，但我覺得裡

要吃石鍋烏冬，只有晚上才有今天終於嚐了黑松露吉列豬烏冬和鮮活蜆黑蒜油豚骨湯底烏冬2 款湯底都很濃，不是淡淡了事因為是手打烏冬， 所以吃起來非常有口感因為是石鍋，所以吃到尾都很熱吉列豬排很脆，而且不油膩鮮活蜆份量不小，而且蜆非常大顆很鮮味，與黑蒜油豚骨湯底蠻配飲品這家也比較健康， 比較推薦桂圓茶服務員態度非常好，就這店人客比較多位置比較近可是要吃好東西就沒辦法😄如果不是排隊就早點到，因為每天都蠻多人在等位置

其實唔係第一次幫襯，之前都覺得食物質素同價錢都合理，當日咁啱到附近工作，所以就入左去食晏。下午茶時間人不多，點了碗牛肉飯，點知碗飯就好似成pet嘢咁，牛肉全部咬唔開，個汁杰到變槳，D飯又淋到好似俾BB食嘅糊仔。當時已經想即刻投訴，不過我自己又唔係十分肚餓，費事換個第二樣食唔哂會浪費，所以冇岀聲。之後有位女侍應(唔知係咪老闆娘)幾好聲氣咁叫我慢慢食，我就有禮貌咁講聲今日個飯有什麼問題。點知佢一聽完馬上黑面，跟著冇再同我講任何嘢，什至埋單嗰下佢都拎側塊面。我想同呢間嘢講，如果少少善意嘅批評都不能接受，你嘅客人只會不斷流失，經過今次事情，我想信永遠都唔會再踏進你們店內。ps. 因為太不滿，相都冇影

之前都食過一次呢間野黑松露味菇湯，好香黑松露味！手打烏冬好彈牙， 好淋，好香～今次試下大蜆魚介湯，魚介湯都幾香 有d 類似菜苗既野 ， 個湯頭好甜。不過如果魚介湯 對比黑松露，我會Prefer 黑松露多d。水準依舊，上菜既時候，熱辣辣好滾！叫左杯 百香果 綠茶， 幾香 ， 唔會太甜。差左香芒綠茶， 好甜。環境擠逼左小小 個鋪頭好細，容納唔到好多人，好多人係出面排隊，要人齊左先入座。 可以擴大黎做， 既然咁多客！食完仲送甜品， $100 落樓。唔係太夠飽，可能因為我食蜆。見到人地食豬排/ 照燒雞排都好吸引！

繼續有飯局，朋友難得約到岀來，就算求其食都要選間比較划算好食的。旺角女人街附近就有間好多人排隊的石鍋堂，多人排隊等位好似好食咁，就決定一齊排下隊食下朋友非常識食，點了醬油豬手拉麵，成隻豬手，大大隻，香嫩厚肉，不用刀也容易切割食用，加上一碗正常份量拉麵，包飽的一餐。第二是300℃熱石三文魚茶漬飯，非常特別，厚切三文魚，雖然有點單調，除了三文魚就沒有其他。但是味道是能接受的，一個大大的石鍋，加上熱茶，真可以達到300℃溫度，熱騰騰的加上淡香的日本茶。使軟彈的珍珠米變成濕潤的茶香味。一個小食，軟殼蟹，原隻香脆好吃。真會食不停口。加多個鰻魚雞扒石鍋飯，估不到鰻魚同雞扒都可以配合到。份量豐富，夠味道，不太甜膩。最尾少小飯後甜點，小小茶果。