石鍋堂

营业中

休息中

第一次嚟呢間上網搵見呢間烏冬好似好吸引啲湯底選擇種類又多食物種類都多有茶漬飯 有烏冬所以嚟咗呢到個人比較鍾意食烏冬 同辣揀咗個地獄辣烏烏冬加吉列豬扒超級抵食湯底又夠熱夠味 但都係唔夠辣吉列豬扒偏薄 但都唔算差朋友叫咗魚介湯 都超級推介下次一定會再嚟 試吓其他唔同菜式上菜速度都好快 唔怕餓親可能因為我哋係第一批客人所以好快 夜少少食食吓都越來越多人幫襯只係地方比較迫 但都算坐得舒服 雖然迫 但櫈下底仲可以放袋 唔怕哽住整體來講都算好好

好耐冇出旺角行街，難得今日有空約朋友出去旺角打個白鴿轉睇吓電子產品，行到攰當然要食飯，繼續和朋友吹水，朋友提議到這間位於女人街內的，「石鍋堂」全店主打滾熱辣的石鍋手打烏冬和石頭鍋飯，如果不喜歡石鍋上，亦有其它選擇，而我當然食石鍋系列。吉列豬扒石燒手打烏冬（黑松露香菇湯）吉列豬扒石燒手打烏冬，我朋友喜歡黑松露味，所以選了黑松露香菇湯，這個烏冬用料十足，烏冬和吉列豬扒分開上，烏冬在熱辣辣的石鍋內不斷翻滾，黑松露的味道亦隨着空氣一陣一陣撲入鼻腔，香氣誘人立時令人食慾大增，吉列豬扒大大件入口鬆脆唔油膩，可以脆食又可浸湯，浸湯後吸收了黑松露和香菇的味道，兩種食法都一樣好食。燒牛仔骨牛舌石鍋飯加低溫慢煮流心蛋燒牛仔骨牛舌石鍋飯，一上枱吱吱渣渣的聲音非常刺激，食的時候加上他們秘製調製的醬汁和低溫慢煮流心蛋，當兩者混合時，蛋味香濃，醬汁香味更加出眾。把石鍋飯的層次再度提升，牛仔骨牛味香濃分量十足入口柔軟，加上牛舌的濃香味道絕對適合喜歡食牛的朋友，當食到最後的時候鍋底還有濃香的飯焦十分鬆脆，值得一試。岩鹽燒牛舌岩鹽燒牛舌，質量十分高選用牛舌心來燒，燒的火候和時間拿捏得十分準確，入口甘香味濃油脂滿佈口腔内

烏冬一向都係我既最愛之一，而呢間位於女人街既石鍋烏冬，係近期朋友發貨，話今日同我去試下 ~石鍋堂既烏冬湯底有幾款選擇，有辣同唔辣！鮮活蜆黑蒜油豬骨湯底烏冬：大蜆好大隻吖，而家5大隻甘多吖，隻隻都好飽滿，好鮮甜哦~而家烏冬係即叫即煮，上來仲係滚緊架。安格斯牛肉山地獄辛辣湯：牛肉好大塊，牛味好濃。雖然話係山地獄辛辣湯，個名好似好辣甘~但其實唔算好辣架~烏冬軟滑得來有煙韌，湯底都好味哦~餐後仲有甜點，係日式和果子~真係完美既一餐

安格斯牛肉石燒手打烏冬 $80今次揀咗黑蒜油豚骨湯 除咗係面頭啲蒜片辣到我夾走哂之外 成個湯都好香濃 唔會好油😋 而牛肉食落都幾淋身 加埋烏冬同湯食都唔錯🤣評分: 8/10🌟鮮活蜆石燒手打烏冬 $80而另一個就叫咗和風咖喱濃湯 呢個一黎到就聞到好香既咖喱味 加埋成座山咁高既蜆肉都幾震撼😆 蜆肉食落郁算鮮甜又冇沙 加埋彈牙既烏冬同唔會太淡既咖喱湯底 整體都算幾好😚 而且仲有個甜品送 係黑糖紅豆和菓子 味道都正常 黑糖味較重 算係高cp值🤩評分: 8.5/10🌟———————————————————————石鍋堂 (旺角)旺角通菜街2A-2P號鴻光大廈地下D號舖

係旺角行完街就去左啲橫街小巷覓食，見到有間熱辣辣嘅石鍋料理就入咗去試試佢，入座前都先做好安心出行同埋量體溫！我就叫左個安格斯牛肉濃湯烏冬，佢有四款湯底選擇，而我就選擇左魚介豚骨濃湯。先講湯底，湯底係每一碗麵嘅靈魂，佢地啲湯既豬骨味極濃，濃得黎又唔係好鹹個種重味，且帶些少清甜既口感，而烏冬口感爽口彈牙，軟硬度適中！仲有就係啲安格斯肥牛，佢哋會將生嘅安格斯牛放喺石鍋烏冬上面，然後利用石鍋嘅熱度將牛肉灼熟，咁做一黎食客可以自行控制牛肉嘅生熟度，二黎又唔會令牛肉過熟，而且安格斯牛肉肉味香濃，成個烏東既配搭都係一流！而我朋友就叫左個300度鰻魚熱石茶漬飯，石鍋飯將鍋邊嘅飯燒成飯焦，建議喺倒落茶湯前先試試飯焦，咁就食到脆脆既飯焦，茶湯味道帶甜，口感幾新鮮，而鰻魚就爽口彈牙又鮮甜，份量又多，鰻魚汁又夠多！而且因為石鍋嘅關係，食物可以保持係一個高溫嘅情況下進食，保持到食物既溫度以及味道，唔錯唔錯！

去左旺角拎野, 咁岩想食烏冬, 睇D相幾吸引就諗住試下呢間, 地方唔算大, 要等位, 大概等左15-20分鐘到, 呢排天氣咁熱咁等法真係有D辛苦入到裡面,張台有D細, 不過睇落算乾淨黎到緊係要食佢D石鍋菜式啦,叫左個黑松露香菇湯底既海鮮烏冬 同 魚介豚骨濃湯既鰻魚烏冬, 另外再加左一份雞扒,水蜜桃綠茶 同 青蘋果綠茶先講烏冬啦, 個人覺得魚介湯底岩自己好味多D, 唔算太咸, 味道豐富, 湯底仲有D櫻花蝦係裡面, 增加口感之餘亦令味道變得更好 而D烏冬都冇煮得太淋, 口感非常好, 鰻魚亦都非常出色, 唔會太腥或者煮過頭, 而且仲大大條, 份量絕對足夠而黑松露香菇湯就比較濃味, 個人認為咸左少少, 不過味道都算好味, 海鮮有蝦,硯, 蟹柳, 帆立貝, 味道唔錯, 亦都冇腥味, 大細正常, 唔係D縮水海鮮另外加點既雞扒都好嫩滑, 亦都係大大份, 食完之後真係飽上加飽野飲偏甜左少少, 不過熱辣辣飲真係幾正, 重點係夠大杯

旺角餐廳形形色色，選擇繁多，有時真係唔知點揀，今次我就介紹一間餐廳俾大家，希望大家有時間去試吓啦餐廳以日式食物為主，主打石鍋飯同烏冬，我朋友點左個「蒲汁鰻魚食過雞扒飯」，石鍋嘅溫度非常夠，飯焦都出晒嚟，加埋本身賠償嘅鰻魚汁，感覺好似食緊煲仔我就點左個「照燒雞扒蛋包飯」，雞扒大大份，又有好多燒汁半碟，好滿足，唔單只係咁，我蛋包粉嘅蛋汁非常夠，淡淡蛋味，體驗非常唔錯。另外在嗌咗個炸雞，加埋老闆送上嘅甜品，呢個晚餐就咁樣完結啦，多謝老闆嘅熱情款待，大家得閒都可以多啲過嚟食呀

石頭飯就食得多，但我竟然係第一次食石鍋烏冬，冇諗過原來300度的石燒手打烏冬又幾好食！呢度的石鍋烏冬可以有5款湯底可以揀，鍾意食辣嘅我揀咗辣嘅山地獄辛辣湯。原本想嗌豚肉，但見到竟然有醬油豬手，好似幾特別，當然要試下！等咗大概十分鐘，職員拎咗個不斷滾緊的石鍋嚟，好耐無食過咁滾辣辣的菜式，烏冬夠滑，配埋小小辛辣有點韓式味道的辛辣湯底，真係食唔停。醬油豬手超讚，好大隻，啖啖肉，又淋又入味，筋膜位勁好食，值得一試！朋友就嗌咗照燒雞扒配黑松露香菇湯。奶白色的松露味湯底都幾濃香，配湯烏冬又幾特別，唔怪得話D湯底要淆十小時。雞扒煎得好靚仔，醬油味剛好。我哋加咗一個吉列芝士豬扒，呢個真係要推介。因為係新鮮炸，切開後中間芝士流心咁上碟，都只係$25，絕對係誠意之作！埋單每人一百鬆，性價比高，下次再嚟試下它蛋包飯。

好耐冇行女人街，難得平日放假舊地重遊😬出名多美食，見到有間石鍋堂，未夠七點已經排曬人龍，即刻香港人心態冇執輸🤣🤣排左十五分鐘算ok 見內面地方不大，防侈做得好好，枱與枱之間全部都有曬夾板👍當然要食石鍋系列🤩吉列豬扒石燒手打烏冬配魚介豚骨湯眼見好多人都會叫呢個餐，湯底非常之鮮甜，用上豚骨和魚介，石窩滾住上，我諗滾咗有五分鐘吧，感覺好自癒🥰🥰吉列豬扒唔錯，仲好多小脆卜卜，唔會好厚粉、juicy🤤🤤湯底仲有唔少配菜，當然要飲曬全部湯啦，因為真係好鮮甜😆😆一共有五款湯底！黑松露口味、地獄口味、黑蒜油下次可以試下其他☺️老公點咗石鍋飯蒲燒鰻魚雞扒當然都係吱吱聲，淋上自家製醬汁，食到底仲有少少飯焦添😎鰻魚一啲都唔腥，好軟！沒有骨！雞扒都夠滑，調味得唔錯熱辣辣嘅石鍋飯凍冰冰嘅百香果綠茶我就鍾情台式咖啡💞💞原來有埋甜品送㗎！口感有啲似日本嘅和果子，係紅豆餡，價錢相宜l分量又夠大一定再嚟試其他😋

呢間石鍋堂一直都係我至愛，行過見唔洗排隊當然要去食！湯底一向最愛係黑松露香茹，所以今日試下山地獄辛辣湯同黑蒜油豬骨湯底先！🌠安格斯牛肉黑手打烏冬山地獄辛辣湯 一上嚟熱辣辣真係好正，湯底辣度係小辣，味道係帶小許嗆，有小小似辛辣麵嘅湯底味😄安格斯牛薄薄一片，牛味濃而嫩，經熱鍋一浸，熟度剛好，不會過老🌠鮮活蜆石燒手打烏冬黑蒜油豬骨湯底呢個又係每次必點，呢間餐廳嘅蜆夠大隻夠肥美，而且鮮甜，黑蒜味超濃，初初我都好抗拒，但愈食愈覺得正，蒜香濃帶甜！手打烏冬絕不遜色， 煙煙靭靭掛湯力強😆超讚🌠流心蛋整得一試，平時食開流心蛋係蛋黃流心，但呢間係蛋白流心，而且非常嫩滑，放湯食一流

早前獨個兒前來吃午餐，對這兒的「石鍋手打烏冬」相對滿意，食過返尋味，便在一個晚上帶另一半來吃晚餐。前次到來，我吃的是「黑蒜油豚骨湯底上級肩胛牛肉石鍋烏冬」（$70），黑蒜油豚骨湯底極之香濃惹味，牛肩胛的肉質也不錯。不過這次我倆都沒有點「黑蒜油豚骨湯」，而是分別點了「燒鰻魚石鍋手打烏冬」配「黑松露香菇湯」（$98）和「安格斯牛肉石燒手打烏冬」配「魚介豚骨濃湯」（$82）。我的「燒鰻魚石鍋手打烏冬」黑松露香菇湯底清而不濃，但因為下了黑松露醬的關係，就讓本已香氣撲鼻的烏冬鍋更增添一份黑松露的香。早已切成四大件，另碟奉上的燒鰻魚厚身多肉，濃味的鰻魚醬油讓鰻魚味道十足，香甜的鰻魚肉配以熱氣騰騰的湯烏冬，美味可口。「安格斯牛肉石燒手打烏冬」的魚介豚骨濃湯底，濃甜中多了一份魚介的味道，下得不少的櫻花蝦應記一功。本來只是半熟的安格斯牛肉在熱燙得冒煙的湯中只須稍灼一會至剛熟便可夾來吃，以免過熟而變得韌而不滑。嫩滑的安格斯牛肉配以滑嘟嘟，十分索湯的烏冬，同樣好味。還點了「胡麻冷菠菜」（$32）做小食，爽口的菠菜配以香甜開胃的胡麻醬，再加上大量的木魚絲，是我很喜歡的日式小吃。這裡的冷泡綠茶有四款選擇，這晚我

女人街，即旺角通菜街，係香港旅遊及購物熱點，無論香港市民，或者外地遊客，都不會陌生。大家對於女人街兩旁的臨時排檔，售賣貨物林林總總，都好熟悉。但唔知大家有沒有留意，在排檔後面都有很多隱世美食，被人忽略了。其實排檔後面，有很多不錯的食肆。今日就嚐了一間主打石燒手打烏冬專門店，叫石鍋堂，印象唔錯。石鍋堂地方不算寬敞，座位擺設密密實實，很有日本小烏冬專門店feel。石鍋堂除了主打石燒烏冬，還有石鍋飯、創意蛋包飯、燒物和炸物等供應。石燒手打烏冬可配五款不同自家泡製靚湯底，分別是黑松露香菇湯、魚介豚骨濃湯、和風咖哩濃湯、山地獄辛辣湯和黑蒜油豚骨湯，還有多款追加配料，任君選擇。選了燒鰻魚石燒手打烏冬配魚介豚骨濃湯。燒鰻魚原條另上，鰻魚肉肥美帶油脂，色澤搶眼。達攝氏300度的特製石鍋，果然不同凡響，上枱時熱氣泡和湯底在石鍋內不停劇烈滾動，逢煙四起，氣勢不凡 。烏冬超滑溜，配上用鰹魚乾、小魚乾、柴魚乾、昆布、以及優質乾魚粉、乾貝粉熬製而成的魚介豚骨湯，湯底非常濃郁，味道認真一流。帶廣十勝豚肉石鍋飯，亦都好有水準。厚切豚肉有四塊，每塊都有1cm厚。帶廣十勝豚肉名不虛傳，肉質非常嫩滑，肥肉與瘦肉比例恰好，

晚飯時間在旺角覓食，經過這間主打石鍋烏冬的小店，見價錢合理便試試看。石鍋堂海鮮石燒手打烏冬，使用石鍋能一直保持溫度，選了魚介豚骨濃湯，湯底味道濃郁。烏冬彈牙有咬口，沾上了湯汁和海鮮的香氣更加滋味。有帆立貝，蜆肉和大蝦等海鮮作配料，口感層次豐富。帆立貝大隻厚肉，口感鮮嫩，以湯煮過仍能保留鮮甜味道。大蝦爽口彈牙，蝦頭有一點蝦膏，一口啜下去非常香口。岩鹽燒牛舌一份兩串，厚切令口感更佳，火侯也剛剛好沒有過熟。味道方面很有驚喜，牛舌爽口又容易咬開，加一點點七味粉更惹味。黑松露帆立貝也是一份兩串，每粒都厚肉飽滿，上面加了一點黑松露作點綴。燒過的帆立貝口感紮實，烤過帶點焦香更惹味。黑松露味道濃郁，但不會蓋過帆立貝的鮮味。百香果綠茶不會太甜，帶微酸，味道清新。咸檸七解膩又解渴，冰凍的汽水最暢快。除餐附送兩件甜品和果子，煙韌的外皮配上紅豆餡料，甜度適中。

今晚收工後有點涼意，經過旺角發現了石鍋堂這間餐廳，門外有不少人排隊，但安排入座也很快，石鍋堂主打是石鍋烏冬，我們便點了 鮮活蜆石燒手打烏冬、燒牛仔骨牛舌石鍋飯、關西風石燒流煎餃子5隻及 蜂蜜蘋果茶。鮮活蜆石燒手打烏冬有配以四款湯底供選擇，今次想嘗嘗「黑蒜油豚骨湯」，烏冬很有咬口，爽滑彈牙，配菜也很豐富，湯底熱辣辣，十分濃郁，烏冬吸收了大量蜆湯汁，蜆全部也是大大隻那種，鮮甜無沙，數量也很多，整體份量，熱度，新鮮材料！燒牛仔骨牛舌石鍋飯，份量同樣地多。牛仔骨蓋滿飯珍貴米飯，將燒汁絆飯來吃，在熱石鍋上香噴噴，牛舌不會過厚，燒得軟嫩，圓潤有口感，驚喜在鍋底的香脆飯焦，非常惹味！關西風石燒流煎餃子，特別之處在於蓋滿了木魚絲，口感更加香脆！蜂蜜蘋果茶，蘋果的香氣撲鼻，配上蜂蜜口感圓潤，甘中帶甜！這晚的晚餐十分滿足，店員態度友善，性價比很高，推得一試的餐廳！

星期一lunch time 去咗食bookmark左好耐嘅石鍋堂✨上級肩胛牛肉烏冬(6/10)牛肉質素唔錯，牛肉味濃厚，但係份量較少。烏冬份量太多，如果可以更吸汁入味就好。但整體係ok👌✨照燒汁雞扒蛋包飯(7/10)雞肉大份，肉質又嫩，加埋照燒汁好好味😋成個餐嘅份量都好大份，絕對夠飽，建議女仔叫少飯。蛋都好厚，但唔係滑蛋嘅質感，不過依個價錢冇得輸😋🔥如果係旺角返工，lunch time 可以考慮吓黎依到食！