石鍋堂

营业中

休息中

旺角這條街晚飯時間特別多人，每間餐廳都排著隊，這間主打石鍋燒的餐廳剛好排得不算長，於是便試試。餐牌選擇亦算多， 除了石鍋飯、燒物外，還有烏冬、燒物、蛋包飯。石鍋飯等候時間比較長，可能是即叫即造的緣故。我們分別點了雞肉和鰻魚配石鍋飯，上菜時店員提醒我們石鍋非常熱，鍋裏不斷冒起著煙，即使等了一會，石鍋亦和食物依然很熱。難怪從菜單上可以選擇食物另上而不要石鍋，我們需要一直攪拌食物，才能保持白飯不會過份炒燶，飯焦非常香口，而且粒粒分明。肉類味道不錯，但如果有蔬菜和配料會更好。 另外我們還點了一個關東冷豆腐作小菜，上面鋪滿了乾木魚和香甜醬汁，在吃熱辣辣石鍋飯時顯得非常適合，但豆腐味道沒有太大驚喜。

這晚約了友人到旺角～路過見到這家日式小店，大約8:30，幾乎坐滿！店面雖小，但Menu 好多選擇～有飯有烏冬，有小食、炸物⋯⋯真係要多來幾次先試得晒～（笑）今次就先試招牌石鍋烏冬，單是湯底已經有五款！！先來一客海鮮石燒手打烏冬，選配黑松露香菇湯石鍋熱辣辣！上菜時仲冒緊泡泡，等佢攤凍嘅時候可以相機食先～（哈）湯底好用上八種菇菌熬製，好鮮甜！黑松露香氣同口味道一樣好濃郁！海鮮份量好足料！有蝦、蜆肉、蟹柳、帶子等等，算是有誠意之作！手打烏冬用石鍋上依然煙韌彈牙，不會過熟變淋！友人點了安格斯牛肉石燒手打烏冬 配魚介豚骨濃湯牛肉由生肉到剛剛好滾熟，肉質新鮮嫩滑～柔軟多汁，讚！湯底用昆布和幾款魚乾熬製，再加上櫻花蝦，鮮而清！店內食客不斷，樓面阿姨好忙但好有禮貌～最後贈送一客紅豆和菓子，賣相好可愛！不會太甜，煙煙韌韌！整體食物質素同服務算是很對得住價錢！！最後要讚的是凳底有置物籃可以放手袋～好貼心（笑）

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝑀𝑜𝓃𝑔 𝒦𝑜𝓀店舖既門面跟足日本拉麵店既裝潢，一行入黎別有洞天。餐廳既一大幅牆身都畫左𝘥 好𝘤𝘰𝘯𝘵𝘦𝘮𝘱𝘢𝘳𝘺 又可愛既璧畫，並以黑、白、淺藍三色為主調，配上傳統日式大燈籠同射燈，比人一種非傳統拉麵店既低調俏皮感覺。雖然店面唔大，但店家好貼心咁係每個座位下提供籃仔可以放野。晚餐時間黎，9成半都坐滿左。🌟安格斯牛肉石燒手打冬 ($80)石鍋烏冬係滾住咁上枱，發出"𝘣𝘭𝘰𝘣 𝘣𝘭𝘰𝘣 𝘣𝘭𝘰𝘣"既滾燙聲，熱氣不斷冒出，已經𝘧𝘦𝘦𝘭 到佢有幾熱，好有打邊爐既感覺🍲鍋上鋪既牛肉此時都未完全熟透，有蒜片、日式魚蛋片、菜苗點綴令人未食已經覺得好吸引🤗湯底揀左黑蒜油豚肉湯，湯頭十分濃郁，將牛肉慢慢撈入湯道睇住佢由生變熟既過程非常治癒。烏冬彈牙同埋幾滑捋捋，同牛肉一齊食令人非常滿足😋🌟燒牛仔骨牛舌石鍋飯($78)石鍋飯都好有温度咁上枱，仍然聽到"嗞嗞嗞"既聲音，佢既飯上面加左白芝麻令飯更為香口，食到底又有少少飯焦，正! 加埋佢有少少醬汁更惹味。牛舌唔係我想像中好淋果種，係有少少爽，少少煙韌。牛仔骨帶少少肥，剛剛好。配菜有菜苗、西蘭花、蕃茄仔，算係營養好

石鍋堂我係兩年前已經食過，果陣食左佢地個黑松露菇湯既石鍋烏冬，覺得好驚喜，湯底好濃郁仲有大大pat黑松露醬🤩今次再食石鍋堂，就試左另一款湯底，再嗌多左個小食😌味道一樣都冇令我失望，朋友嗌左佢地既石鍋飯，都好好食，另外檯面仲有汁比比落落個飯到撈黎食👍1⃣️照燒雞扒石燒手打烏冬（$68）揀左配山地獄辛辣湯，湯底既味道有啲似係韓國泡菜辛辣湯既味，唔算係好辣，一上到檯既時候仲係熱辣辣，個湯仲滾緊😍烏冬食落唔算好彈牙，但係夠滑而且個湯底香濃惹味。雞扒就比較普通，燒得有啲乾，唔夠嫩滑，而且燒汁既味道淨係面頭層皮有，唔係好入味。  2⃣️岩鹽燒牛舌（$48）掛住食唔記得左影🙈牛舌好厚，食落唔會太乾，啖啖肉既口感好正😋  

喺女人街搵緊食咩好，咁啱見到依間石鍋專門店幾吸引😋 所以就入咗去食🤣同朋友各點咗一個餐👍🏻先係安格斯牛肉石燒手打烏冬（黑蒜油豬骨湯） 一上檯啲湯仲係熱辣辣🥵 滾咗差唔多5分鐘🤩牛肉份量好多，唔算薄身但食落去唔會煙韌👍🏻👍🏻烏冬好彈牙，每條都滑捋捋好好味😋黑蒜油湯唔算好濃郁，但正正因為咁先冇遮到豬骨味🤤另一個餐我地就點咗帶廣十勝豚肉石鍋飯😋 豚肉份量同樣好足夠，脂肪分佈好平均，整體豚肉偏肥但肥而不膩🤤 石鍋飯再配上特製豉油真係好開胃😋食到底仲有啲飯焦喺度😋好好味呢😍飲品方面我地點咗百香果綠茶同香芒果綠茶。兩杯嘢飲都好重水果味😋但仍然飲到綠茶香，唔會過甜，係好值得點嘅飲品呢👍🏻小食就叫咗岩鹽燒牛舌，牛舌好大塊而且好好咬口🤗最後食完店員仲好好心咁送咗個甜品比我地❤️整體間嘢性價比好高，而且地理位置咁方便，一定會再encore！地址：旺角通菜街2A-2P號鴻光大廈地下D號舖

消費消費，消費卷的原因，真係熱鬧哂，冇想過8:30食飯，還有咁多人等位，唔知係咪第二輪呢，好快就有位了。鮮活蜆石燒手打烏冬滾滾下，啲蜆大隻又多，湯底又香，見到都開胃。食了朋友1隻大蜆，真係好新鮮，勁鮮甜。我食石鍋堂海鮮石燒手打烏冬，同樣石鍋上枱後，湯還是好滾。黑蒜油豬骨湯，陣陣黑蒜香，湯底味道好濃郁。烏冬煙靱，滾煮滾煮食到尾，質地都好好。海鮮除了有大蜆，有海蝦、帶子、蠔和蟹柳，海鮮全部都好鮮，大蜆一樣咁鮮甜。海蝦爽口，好有蝦味。凍蜂蜜柚子蜜，食了滾熱辣的石鍋烏冬，飲啖冰凍蜂蜜，真係爽，味道不是太甜，淡淡柚子香，好解喝。

哩間石鍋堂一開門就坐滿人 咁多人幫襯我又試下咩料先ʕ•̀ω•́ʔ✧今次叫左佢地個lunch set 非常之抵食! 加埋野飲落樓都唔洗100蚊一個人‪ꔛ‬我叫左個厚切豚肉烏冬 黎到枱面熱辣辣仲滾住上 就算我影完相 都仲滾緊( Ꙭ )!! 豚肉非常厚 亦唔多肥肉! 仲食到有軟骨🤤湯味適中 就算我食完都唔會覺得太溜!

夜晚同老公去買波鞋，買完喺附近搵餐廳醫肚！路過石鍋堂見到有最鍾意食嘅烏冬，直刻入去！餐廳細細但環境佈置好日式！我哋叫左一個牛油雜菌，黑胡椒煮活蜆！ 我想食石鍋烏冬，叫左原隻豬手配黑松露鮮菌湯底！c佬叫天婦羅冷烏冬，牛油雜菌好大份，仲好香口，d菌又唔會太淋！煮蜆個湯底好甜，蜆無沙👍🏻我碟原隻豬手好大隻，煮得好淋甜，又入味味道濃😍😍湯底好香松露味，好正！老公碟天婦羅🍤炸得好脆唔油！睇得出有心機煮！

炎熱天氣當然要食冷烏冬，經過呢間主打石鍋飯及石鍋打手烏冬，仲有我地想食的冷手打冬冬。雖然環境比較狹窄，但係未夠7點就差不多九成滿座，個個都叫熱辣辣既石鍋烏冬。雪國冷手打烏冬 $78 兩餸 配胡麻沙律叶芝麻雞翼、汁燒牛仔骨手打烏冬比想像中更加彈牙，滑嫩而且好有口感。配上胡麻沙律汁後味道更有層次，好滋味。芝麻雞翼炸得卜卜脆，香口又唔油膩，仲有埋雞翼尖部位。汁燒牛仔骨啲燒汁配合牛仔骨的味道，燒得好香口但唔靭，呢個連我唔鍾意牛肉既朋友都推介。本格醬油豬手 $98醬油豬手好軟腍入味多汁，好驚喜，份量好多，2至3人食都可以。蜜蜜芥末籽牛 $45串燒因為即叫即燒，所以會等耐一點。特調醬汁加上燒牛粒，每一粒都燒得外皮香口，內裡仲鮮嫩汁多。等下次天氣無咁熱，再試主打石鍋烏冬系列。

第二次黎食第一次食魚介湯 味道濃郁 所以食第二次這次叫黑蒜油豬骨湯烏冬 味道淡到一個點 不值得一試 我相信公仔麵個湯底仲濃D朋友叫的是牛仔骨飯 不過不失另外要講的是女店員態度好惡劣 趕客咁款知道小店多人等但不用食完個一刻就過黎收碗碟連打開個銀包巢錢既時間都無 直接話俾錢去前台！叫我地出到去先巢錢！趕客到連一分鐘時間都唔比你！這種服務態度！不！會！有！第！三！次！無服務可言 加一都唔想比！平時睇評論多 今次嬲到忍唔住比負評

旺角美食多的是,而且也是有特色的,這次就試這間日式餐廳,日本烏冬。餐廳算不上大間,但座位舒服,配上柔和燈光,環境不錯。咖哩鳥冬鳥冬非常滑口, 吃得出日本稻庭鳥冬。咖哩湯非常香濃,配上新鮮牛肉,湯味更是濃郁。牛肉非常香滑,濃娑的牛肉香,充斥整個口腔,而且牛肉大大片的,非常有口感。滑蛋吉烈豬排飯豬排大大塊的,非常厚肉,而且炸得一點也不乾身,他的肉質很鮮嫩, 外脆內香, 配上滑蛋,真,配搭一流。芝士年糕芝士年糕比想像中大隻,外香內柔,加上芝士味非常濃郁,非常好味。

尋日去左食，等左幾個字，好快有位。 入到去，好迫，四人檯中間間塊板，二人坐一邊，感覺其實好迫，好唔舒服。 期待食物，點知都係失望，牛肉烏冬，黑松露喺面係香嘅，但烏冬好粗，好似面粉咁，烏冬完全冇吸收湯嘅味道。 豚肉烏冬，普通。 煮蜆，一般貨色。嗌左個岩鹽牛舌，好似咬緊橡膠咁，冇岩鹽味，冇牛肉味，真心不推介。 順帶一提，叫我地二人換位，俾左張卡位三人入座，換位已經煩，侍應又不停問我地，呢樣來左未嗰樣到左未，唔該内部keep好d單。 試一次，不會有下次。

昨日與靜靜一起去食石鍋堂· 石鍋飯，後來她改變主意，食手打烏冬～不過無論石鍋飯 / 手打烏冬都熱辣辣，出晒煙，「炸·炸」聲！！！人均消費$98 （ total $192 - 有加1服務費）安格斯牛肉-黑蒜油豚骨湯手打烏冬$80-安格斯牛肉送到枱面前仍然生，全靠石鍋熱力整熟-石鍋超級熱，熱到出晒煙，真是手指放入去都整得熟-黑蒜油豚骨湯味道濃郁，偏鹹，重味-手打烏冬有彈性，有咬口，加上湯底味濃，手打烏冬吸收了湯底，每條都有豚湯味蒲燒鰻魚雞扒石鍋飯$82-石鍋堂食飯當然叫石鍋，蒲燒鰻魚雞扒石鍋飯，「炸，炸」聲，一聽聲，就知好熱-蒲燒鰻魚多汁厚肉，蒲燒鰻魚配雞扒味道又夾-雞扒不老不硬不乾，加上有醬汁配合，幾好味-旁邊有醬汁自己添加到飯中，加了，的確增添味道赤板魚蛋$8-另加小食赤板魚蛋粟米粒$8-一樣，都是另加小食

雖然夏天🏖🏖，但都好想食d好滾♨️♨️嘅野，所以就入左石鍋堂食晏🤭🤭。首先講下環境🏞🏞同服務🤵‍♀️🤵先。環境方面：環境比較暗🌃🌃同狹窄，真係一步一驚心😰😰。如果鐘意叫好多野食嘅朋友👫👫，就真係好唔方便。皆因佢地嘅枱好細，1／3已經放左佢嘅餐具籃🍴🍴，醬汁🧂🧂，消毒gel同牙簽筒。剩餘嘅就緊緊放到個主餐🍱🍱。所以舒適度就應該無架啦！如果為左醫下肚，咁都ok。絕對唔係傾計🗣🗣聚會嘅好地方。服務方面：Waitress🤵‍♀️🤵‍♀️都好有禮貌嘅，不過講到食物供應嗰方面，大家可以注意下。睇完餐牌，打算叫嘅時候，服務員就叫咩ban🚫🚫咩，原來有好多食物午市都唔提供。所以建議大家入去前問清楚有無你想食嘅野先好入去，如果唔係就會預到呢個勁ban情況😑😑。好在食物方面可以補償番環境服務嘅情況。d食物都唔錯，可以睇下以下嘅個人分享。小食：吉烈芝士豬扒🐷🐷：size好似平時食南瓜餅咁，細細塊唔係一大片嘅。通常呢個都係主食先見到，好少放小食區。都幾好食。就算我等到最尾先食都好脆同暖。唔錯吉烈蠔：炸得金黃夠脆胡麻冷菠菜🥬🥬：胡麻醬略多左，但夠凍石燒流煎餃子🥟🥟：同一般餃子味道差不多，但佢就細得來係脹點，唔同一般日式餃

見食評寫味道不錯，於是來試。我哋一行四人，不用等馬上有坐位，阿姐強調要齊人先準入，我話齊人，佢都唔信，都要睇清楚先俾入，okay ,坐位緊張，我明白的。 一坐低已經即刻睇餐牌, 我哋第一次嚟，其實真係有d心大心細，好多都想試。我哋用咗6分鐘tick 紙仔，每人各點了一個烏冬和一杯飲品。阿姐極不禮貌地講，「你哋未落單，得60分鐘咋，由坐低開始計，要快d……」我哋打咗個突。吓!!入嚟時，阿姐你無同我哋講過60分鐘限時喎……就算限時都可以禮貌d講吖，我哋無在門口tick 紙仔，入嚟先tick ，點樣快d呀？食物:豬手好味、入口即溶又大份，一個人食唔哂。但烏冬太淋了。食物好食又大份，服務態度極度、極度、極度、差差差。見 隔離枱個女仔 未食完，淨係放低咗對筷子飲緊嘢，阿姐想收咗佢個碗…… 其實要唔要咁趕呢？？我哋由入門口到埋單只用咗50分鐘。最後，應該幾重味精，已經飲咗杯凍飲，番到屋企飲咗好多杯水。呢間嘢不會再幫襯，因為成肚氣，食物再好食都無用，留不住客人。永遠blacklist 。