石鍋堂

营业中

休息中

今日約了朋友去旺角食飯，到達的時候已經見有人排隊等入座用餐。剛好上一輪的人結帳，不用等太久就能入座。餐廳主打石鍋餐，於是我們就分別叫了一個黑松露香菇湯的安格斯牛肉石燒手打烏冬和一個燒牛仔骨牛舌石鍋飯，再加上一個炸芝士年糕小食。首先上的是烏冬，一上來的時候湯還是滾燙，中間可以見到一堆黑松露。把黑松露同湯攪拌後，入口後整個菌香味都佈滿口腔，而且湯本身都帶牛肉的鮮甜味，非常美味。而烏冬的麵質不會太軟身，我個人就十分喜歡。接住上的係炸芝士年糕，年糕炸到外脆內軟，內有芝心，但並不感到油膩。再來的是石鍋飯，鍋飯𥚃面有牛仔骨同牛舌，其中我個人覺得牛仔骨做得幾出色，主要原因是牛仔骨很軟，又有牛味。我很怕有些牛仔骨要咀嚼太耐，但這個牛仔骨就沒有這個問題。整體而言，我個人覺得很好。一來今天天氣寒冷，石鍋餐食到最後都依然能保持食物的熱度。二來價錢親民又不會太貴。三來最後還有一個甜品送。

好耐冇食石鍋堂了，今晚再和朋友來食門口還是要排隊先能入座，都開了一段時間了，還能保持人氣，應有佢嘅過人之處😋今次再食，覺得味道比之前更好，有進步，怪不得還有人追捧。桂圓紅棗茶，蜂蜜柚子蜜都好飲，不會太淡，濃點會更好朋友本身想點的燒牛仔骨牛舌石鍋飯已沽清，就點了帶廣十勝豚肉石鍋飯。賣相都好吸引。我就點了厚切豚肉石燒手打烏冬，湯底係魚介豚骨濃湯。上枱的時候，湯還在熱石鍋裏沸騰，熱辣辣，小心燙口呀。豚肉真係好厚切，軟嫩帶甘香，入口即溶，烏冬煙韌，吸收了濃湯的精華，真係好正。還送兩粒紅豆麻糬作為甜品添

同朋友係旺角食lunch,見到呢間就二話不說入左去～叫左佢地既鮮活蜆石燒手打烏冬同安格斯牛肉石燒手打烏冬,兩個都好正,蜆全部都大大隻,啖啖肉,牛肉質地唔鞋有牛味,烏冬幾有咬口,值得一試！小食好推介個芝士年糕,熱辣辣处脆內軟。

12/3/2021 晚市堂食1. 安格斯牛肉石鍋手打烏冬-黑蒜豚骨湯2. 燒鰻魚石鍋手打烏冬-黑松露香菇湯3.餃子不推薦，但值得支持-精簡食評：兩款烏冬湯底味道偏淡，手打烏冬麵質偏軟1.豚骨湯太多油，牛肉普通2.聞落有黑松露香味，但食落完全無味，但勝在鰻魚份量足夠。3.似章魚小丸子嘅餃子，微熱。值得欣賞嘅地方：店員態度友善，落單後會問清楚邊位食邊款，方便送餐。石鍋溫度足夠，冬天用餐可能會更合適，用膳後店員都會主動詢問是否需要甜品。

真係好耐冇出街食飯了。。。今日出左旺角行街，肚餓就求其入左間石鍋舖頭，入去發現原來都幾多人食喎。而家雖然個位置都算偏僻，但食完出去發現好多人排隊，先知原來揀咗間好食嘅店舖。叫左一個鰻魚石頭鍋烏冬，同埋牛舌牛仔骨石頭鍋飯，我覺得兩個都好好食。介紹吓鰻魚石頭鍋度先，佢條鰻魚咩係一整條嘅，佢嘅汁都好好味，而且魚質地都唔錯，唔會太冧，又冇魚腥味。至於另外牛舌牛仔骨石頭鍋飯，我一開始都冇諗過佢係有咁多餸俾我食，尤其是而家又咁貴，有時呢就雖然薄薄地，但都好有好感，以牛仔骨就好冧，一啲都唔硬，比大家睇吓幅圖就知。加埋燒汁都正而家既然有得食飯堂食，大家就好好咁樣爭取出街食飯嘅機會，而且依間餐廳嘅消毒程序都做得足，又有消毒搓手液提供，幾好

十分忙碌的一天，趁著中午午飯時間的空檔，想吃頓好的，但又不想吃得太貴。無意中上網看見這間店子的石鍋烏冬似乎不錯，適值這天翻起了季候風，街上有點涼意，便決定來試試它。雖然這裡的午餐也有烏冬和其他菜式，而且價錢也頗為廉宜，不過一心來試石鍋烏冬的我，還是試了這裡多款石鍋烏冬中的「上級肩胛牛肉石鍋烏冬」（$70），配以這裡四款湯底中的「黑蒜油豚骨湯」。另外，還加了三元點了少甜的「青蘋果綠茶」做餐飲。等了十分鐘左右，一鍋熱氣騰騰，冒著縷縷白煙的「黑蒜油豚骨湯上級肩胛牛肉石鍋烏冬」便由侍應送上。看著它，嗅著豚骨湯的香氣，真的感到十分療癒。富有肉味，切得十分大件，雖然只得五片，其實可分成十片的牛肩胛肉、超濃郁的黑蒜油豚骨湯、索滿湯汁，滑溜又有點兒煙韌的烏冬，三者匯聚成美味的來源，如果牛肉可以嫩滑些，那便真的無懈可擊了。「青蘋果綠茶」味道也不錯，少甜的綠茶，適中的甜味，比正常的還要好喝。這裡的石鍋烏冬確是好吃，我，會再來的。

旺角通菜街真係美食街，去左咁多次都未食哂每間餐廳🤣 今次去左石鍋堂 @ishinabecafe ，主打日式石鍋手打烏冬🍲 點都要叫碗烏冬來食，見到有5款湯底，分別係黑松露香菇湯、魚介豚骨濃湯、和風咖哩濃湯、山地獄辛辣湯同黑蒜油豚骨湯! 好特別好想試哂佢！今次點左:..🥩安格斯牛肉石燒手打烏冬配黑松露香菇湯石鍋一來到，睇住D煙同湯滾到be le ba la，好治癒! 湯碗上已經見到一大pat黑松露！先飲啖湯~ 好濃既黑松露味啊!!! 好香!! 再食啖手打烏冬，不得了，好入味，好好味啊!! 再食塊熱辣辣既安格斯牛肉，好正!!!..🍗唐楊炸雞炸雞皮薄肉嫩，好juicy，好香，幾好食..🧀吉列芝士豬扒大大塊吉列豬扒，裡面夾心係溶左既芝士，好邪惡!! 炸得好香脆，加左芝士真係口感一流!..🐟岩鹽燒鯖魚賣相幾靚，成條魚楠上，煎得香脆，魚肉鮮而嫩！..🍹凍桂圓紅棗茶比想像中大杯，有驚喜! 紅棗味好濃，加埋桂圓，好好飲! 而且又養生又健康..雖然係小店，空間不大，位置不多，但呢度真係好旺場呀!! 當晚去食都好多客，證明食物堅得!! 而且價錢唔貴，性價比高啊!! 下次試埋其他湯先

天氣凍除了可以吃中式的煲仔飯， 還可以吃韓式的石鍋飯， 原來而家更加有石鍋手打烏冬。 今次來到 於旺角的石鍋堂， 他可以同時滿足想吃石鍋飯和試石鍋手打烏冬的願望。想捉緊冬天的尾巴而且今日剛好天氣稍凉， 正好試試這裏， 今次點了 燒牛仔骨牛舌石鍋飯 和 燒鰻魚石燒手打烏冬。燒牛仔骨牛舌石鍋飯用料和份量都十足。 牛仔骨炆得非常軟淋， 選取了半肥瘦的牛仔骨， 甘香非常， 配上少少黑胡椒調味 令牛味更加突出。 牛舌切得非常薄身， 爽口而且不會黐牙， 個人覺得比出色的牛仔骨更加出色。 飯面看來有心思的加了一點飯素， 增加滋味。石鍋保熱度十足， 吃到後段依然冒煙。 喜歡吃飯焦的朋友， 可以加點醬油在石鍋與飯之間的位置， 很容易做出好吃的飯焦。 燒鰻魚石燒手打烏冬震憾的出場畫面。 石鍋內的湯依然非常沸騰， 未吃已經暖入心， 而且魚介香味非常濃郁。 烏冬完全吃得出是手打， 非常彈牙， 而且保留了只有鮮製才有的一種鮮嫩度和粉香。 價錢雖然不算貴， 但提供的鰻魚卻比預期更加出色， 不但完全沒有腥味， 甚至吃到坊間已經少有的魚香味， 非常不錯。隨餐亦附送煙韌的晶瑩豆沙餅， 不太甜幾好。以為只有下年冬天才再回

終於可以夜間出動喇💃🏻！闊別多時禁晚市堂食，今晚重新開放立即約死黨，今晚我們選了旺角 「石鍋堂」食石鍋手打烏冬。未入座前先掃一掃來個安心出行，安心入座。🥰店員非常親切的帶我們在二人位坐下，這店子不算大但感覺舒服。餐牌上有各式各樣石鍋配搭，我就是喜歡手打烏冬。😂🥢胡麻冷菠菜 $32先來一客前菜是我喜愛的菠菜，菠菜配胡麻醬開胃好味纖維又高，非常健康可口。🥢鮮活蜆手打烏冬配黑松露香菇湯 $84先呷一口湯底熱辣辣黑松露香氣隨煙升起陣陣撲鼻，蜆肉新鮮肉甜軟嫩，烏冬吸收了大量黑松露蜆湯汁超好食。😋😋🥢海鮮魚介豚骨濃湯 $86魚介豚我呷一口味道比黑松露香菇湯更濃郁，啖啖香甜吸引，海鮮有彈牙大蝦、鮮甜蜆肉、帶子同蟹柳非常豐富。🥤蜂蜜柚子蜜 $15🧁紅豆蓉和果子食飽飽仲有甜品，係免費的真窩心。😍二個同行吹完水食到飽飽，每位 $120 🤣🤣

已經bookmark左呢間餐廳好耐 但成日都好多人排隊 今次around 13:30去淨係需要等5分鐘 所以就入左去食! 的確唔錯👍🏼我嗌左上級肩胛牛肉石鍋烏冬配豚骨湯底 而朋友就嗌左鮮活蜆石鍋石鍋烏冬配黑蒜油豚骨湯底講下湯底先~ 飲左一啖朋友嘅黑蒜油豚骨湯底 非常濃味啱晒重口味嘅人🤣 但係我就略嫌過於油膩 我嘅豚骨湯對我黎講就啱啱好 至於牛肉方面 份量好多!! 應該大約有五六大塊牛肉 但我自己就覺得有啲韌 有少少難咬 雖然無試到朋友嘅蜆 不過睇落好大隻! 朋友都話好新鮮~烏冬就不過不失 可能會有啲癡底 所以要攪下~ 烏冬索晒湯汁真係好正個人認為係值得再去食 雖然唔係特別平 但係味道真係唔錯 食完好有滿足感🥰

好耐冇食過石鍋烏冬，呢間餐廳午市係冇石鍋烏冬供應嘅，所以今晚專登過嚟食。等位等咗大概15分鐘左右度，就可以入座。餐廳雖然唔大，但係裝修都有日本嘅風格，掛咗好多日式嘅燈籠，感覺好似置身日本。除咗石鍋烏冬之外，佢仲有飯嘅定食，冷烏冬，同其他小食等等。有不同嘅湯底可以選擇，我選擇咗黑松露香菇湯，配安格斯牛肉手打烏冬。朋友就選擇左魚介豚骨湯鮮活蜆手打烏冬。未食之前已經聞到一陣濃濃嘅香味，上面仲有好多黑松露醬。成個石鍋好滾，睇住啲牛肉由生變熟，感覺好治愈。黑松露加上香菇湯，真係絕配！湯底好濃郁，而且牛肉嘅份量好多，牛肉味重，真係食到停唔到口。我哋點左兩款小食都好出色，分別係燒牛舌同埋燒雞翼，牛舌好厚身，入面仲係粉紅色㗎，完全唔乾，好Juicy。雞翼燒得啱啱好，個皮好脆，好有日本嘅風味。食完成餐飯感覺好滿足，埋單都唔使$300，性價比好高！

今天去旺角辦年貨，走到西洋菜街見到一間以日本石鍋為主題的餐廳，剛好今天天氣有點涼意，令我大感興趣，便和老公進店吃個午餐。坐下來後，老闆親自介紹套餐給我們。老公點了一個燒牛仔骨石鍋飯，我就點了一個燒鰻魚石鍋烏冬。燒牛仔骨石鍋飯，勁足料。牛仔骨鋪滿飯面，燒汁在熱石鍋上香噴噴，絆一口飯來吃，味道十分惹味，這間飯店用的珍珠米口感也非常好，圓潤有口感。燒鰻魚石鍋烏冬配地獄辛辣湯。真的很抵吃，鰻魚非常之大件，加上熱騰騰的辣熱湯，越吃越滋味，吃到最後一口湯還是熱的，特別是手打烏冬，在熱騰騰的熱湯內保持香滑的口感。其實看看了他們餐牌，晚餐更吸引，不過可惜現在的防疫措施所以沒有晚市。帶防疫措施過後，我一定會來試一下這裏的晚餐。

今日天氣又凍左，很想食番啲d熱辣辣嘅野食，網上見到旺角石鍋堂，好似唔錯，地點又就腳，一於去搵食先得。叫左佢嘅午市#石鍋系列，#燒鰻魚烏冬配和風咖哩湯上枱時個石鍋仲滾過不停，感覺很治癒。當然首要試左個湯先啦，有咖哩香但又不會過於濃杰，味道唔錯，而咖哩湯令烏冬很掛汁，烏冬很Q彈，鰻魚汁適中帶點甜，魚肉扎實有咬口，魚皮煙韌帶滑溜感😘。友人叫了#豚肉烏冬配和風咖哩湯試了一舊豚肉，質數很好👍厚度肥瘦適中，咬落有油香同爽口夾雜着，很唔錯啊😘。蘋果茶: 友人說茶香而內有果肉。食完就有精力去掃貨啦🥳。

和朋友逛街大家都肚餓，就立刻搵地方食嘢，找到了這間「石鍋堂」的位置都唔錯 ，地方好方便位置在旺角市中心的女人街👍🏻而日本食物大家都啱食👍🏻去到便試吓佢嘅招牌石頭鍋燒分別有烏冬以及飯類，於是試了上級肩胛牛肉烏冬和蒲燒鰻魚石頭鍋飯，這上級肩胛牛肉烏冬的牛肉好淋好有牛肉味 湯底又香濃令到不太入味的烏冬都能份外吸收到它的濃味😋至於個蒲燒鰻魚石頭鍋飯 ，鰻魚彈牙有口感 最鍾意石頭鍋飯的飯焦加埋燒汁好好味😋最後各自餐都會送一杯飲品我們揀咗香芋奶茶和水蜜桃綠茶成個餐加埋都好抵食！正！👍🏻👍🏻👍🏻

疫情下甚少出街食飯，今日陪妹妹去旺角買嘢，佢話請我食好味烏冬。位於通菜街既石鍋堂，細細間店面防疫措施都做得唔錯，每張枱都有酒精搓手液。👍雜錦海鮮烏冬$76石鍋烏冬，上枱時仲滾緊，海鮮份量都好多，新鮮大隻嘅蜆、蝦、蠔、元貝、蟹柳等。可以配搭唔同嘅湯底，揀咗黑蒜豚骨湯，味道香濃，烏冬滑溜彈牙，份量十足！👍😋蒲燒鰻魚飯$94原條鰻魚都夠大，石鍋上嘅原因切成幾件，賣相一般，但係肉質味道都唔錯！午市套餐送一杯凍熱飲品，凍檸檬茶、紅棗桂圓茶亦都有一定水準，下次會去食唔同嘅嘢食。