石鍋堂

营业中

休息中

石頭飯就食得多，但我竟然係第一次食石鍋烏冬，冇諗過原來300度的石燒手打烏冬又幾好食！呢度的石鍋烏冬可以有5款湯底可以揀，鍾意食辣嘅我揀咗辣嘅山地獄辛辣湯。原本想嗌豚肉，但見到竟然有醬油豬手，好似幾特別，當然要試下！等咗大概十分鐘，職員拎咗個不斷滾緊的石鍋嚟，好耐無食過咁滾辣辣的菜式，烏冬夠滑，配埋小小辛辣有點韓式味道的辛辣湯底，真係食唔停。醬油豬手超讚，好大隻，啖啖肉，又淋又入味，筋膜位勁好食，值得一試！朋友就嗌咗照燒雞扒配黑松露香菇湯。奶白色的松露味湯底都幾濃香，配湯烏冬又幾特別，唔怪得話D湯底要淆十小時。雞扒煎得好靚仔，醬油味剛好。我哋加咗一個吉列芝士豬扒，呢個真係要推介。因為係新鮮炸，切開後中間芝士流心咁上碟，都只係$25，絕對係誠意之作！埋單每人一百鬆，性價比高，下次再嚟試下它蛋包飯。