盤子工房 (建生商場) (已搬遷) 新店位置

平時去開唔同區，都會試吓佢哋嘅美食，今次有我最鍾意嘅coffee shop，因為可以慢慢品嚐佢哋嘅嘢食，另外最重要嘅就係個環境好舒服，入到去令到人哋有一種好放鬆嘅感覺， coffee shop嘢食都係其次，最重要嘅就係呢一種感覺。無論外面定入面，俾人都感覺好似去咗外國嘅感覺。一間coffee shop，佢哋買嘅食物嘅種類都算係幾多。先叫咗個蟹子蟹肉明太子忌廉意粉，佢哋嘅蟹子蟹肉嘅份量真係多到不敢想像，明太子同忌廉嘅味道都好重，感覺呢間餐廳一啲都唔吝嗇，呢個份量同味道絕對對得起呢一個價錢。炸魚薯條嘅份量，又係多到嚇死人，薯條就唔太大特別，不過佢哋嘅炸魚都幾出色，粉漿好薄，新鮮炸起熱辣辣，魚肉好滑。最後仲叫咗個all day breakfast，總共有九種材料，食埋呢個真係好飽，蛋好滑身，配埋個多士食一流，另外菜類都好新鮮。

今日入開嚟屯門探朋友，時間尚早，所以喺建生邨附近一間咖啡店食下午茶。冇諗過係屋村入邊都有間咁有文青氣息嘅coffee shop。佢哋嘅裝修好靚，感覺好舒服，就好似入咗去一間買藝術品嘅舖頭，俾人有一種好放鬆嘅感覺。佢哋出名食全日早餐同埋熱狗，不過我哋叫咗個意粉同埋一個all day breakfast。蟹子蟹肉明太子忌廉意粉，蟹子同蟹肉嘅份量好多，每一啖都有蟹子入口，另外明太子醬加忌廉，令到整個意粉好creamy。另外一個全日早餐，份量一樣唔少，滑蛋炒得好滑，配埋黑松露食，好香濃，另外有塊我最鍾意食嘅脆薯餅，加埋煙三文魚，好滿足。

剛開業的時候，人潮還沒有十分明顯。後來就漸漸變得多人光顧，那天筆者和朋友在烈日當空下，等了接近1小時才入座。等候期間閑着無聊，就隨意拍拍店舖裝飾。熱狗麵包幾大個，口感軟熟兼帶有牛油香味，不過個人口味就喜歡烘得再香脆一些。上面舖上了墨西哥莎莎醬，酸酸甜甜的味道令人吃得開胃，而中間就夾了一條惹味juicy的熱狗香腸。另外加錢多配了粟米片，非常墨西哥風情的一個熱狗餐。同樣非常大份的凱撒沙律，蔬菜新鮮。頗為欣賞店舖會把沙律醬分開盛載，食客按個人口味淋上又或蘸點。雞扒煎香後，入口肉嫩又多汁。最後再配上一杯冰涼的特飲作結。

還以為屯門沒甚麼好吃，竟然都被我找到環境舒服、早餐又好食的小店，地點更在輕鐵站對面，人生路不熟都好容易搵到，大大盤的素食全日早餐滿載驚喜。旅行其實是一種心態，對世界抱持好奇心，到處看看沒看過的風景。像我這種市區的朋友，來到大西北人生路不熟，搭輕鐵搵路當自己去小鎮旅行搭小火車，其實都幾寫意。這天搭西鐵去到兆康站，轉 505 號輕鐵坐3個站，在「建生」落車就找到這間都幾文青的小店。這家從早上八點開始營業，來享受悠閒早餐最適合不過。店名叫「盤子工房」因為所有餐點都用木盤送上，早餐類好多選擇，款款都勁豐富好大盤。店內大概有廿個座位，平日上午來不算太擠擁，但都坐滿人架。裝修佈置都幾有心思，屬於年青人會喜歡的環境。窗邊有三個座位，都幾適合影打卡相架。早餐選擇有好多，最上面三款是西式全日早餐，早餐有各種豬骨湯粉麵，下面再有港式茶餐廳配搭早餐，全部都好豐富，飲品要另外加錢配。除了檸水檸茶，這裡也有咖啡供應，還有些特色茶飲。Green Breakfast 素素食早餐 HK$98 (鍋邊素/方便素/蛋奶素)蒜蓉多士、薯餅、炒蛋、牛油果、粟米脆脆、大啡菇、香煎蕃茄、沙律這個全日早餐比想像中更大份量，而且成盤

盤子工房啲食物真係幾有質素，仲有好多選擇，無論係熱狗、小食、意粉定係飲品都好多選擇，所以成日都有唔少人排隊~~亦都係建生邨裏面少有嘅Cafe，所以真係好多人支持！佢嘅熱狗係真係幾好味，熱辣辣食，又有芝士，同幾多餡料，真係好正！同埋佢啲意粉都正㗎，之前食過沙嗲牛肉意粉，真係有驚喜，估唔到咁正，仲好味過平時茶記啲沙嗲牛肉麵，而且啲意粉份量都夠，所以都幾抵食嘅。佢啲小食就冇咩點食過，但睇落都OK。嗌啲飲品就正正常常啦，朱古力唔會話特別有驚喜，但整體而言都算一間好食嘅Cafe，可以定時去幫襯！

是日黎左屯門建生邨探朋友，佢介紹我黎呢間餐廳食個all day breakfast, 話食物質素好有水準，所以帶我黎試。餐廳文青風裝修設計，感覺坐得舒服。我同朋友各自點左2個all day breakfast: 奄列早餐同盤子大早餐。有我最喜歡既大啡菇，而且奄列好大塊，唔會炒到太熟鞋口，有小小滑蛋感覺，入面係用煙肉而唔係火腿，正！朋友既黑松露炒蛋好香，而且唔姑寒比左好多黑松露落去。薯餅都煎得好好食，真係做到外脆內軟既口感！而多士又烘左底，有蒜味，真心好食。飲品方面都睇得又好食真心推介盤子工房！食到好飽既all day breakfast

💛 𝐁𝐲 𝐓𝐡𝐞 𝐓𝐫𝐚𝐲盤子工房•❶ 𝐀 𝐁𝐢𝐠 𝐁𝐫𝐞𝐚𝐤𝐟𝐚𝐬𝐭 盤子大早餐 $108 本身好怕食all day breakfast呢樣野因為成日覺得好似唔係好抵食同埋唔係每樣嘢都會好好食咁🥴但呢間嘅all day breakfast就唔知點解好想試下🤣🤣而且一睇個環境絕對知道係良心店💛一上到枱覺得個擺盤其實都幾有心機，仲要都幾大份🌟每一樣嘢食都中規中矩👍🏻唔會有一樣野覺得特別難食😼↬ 一上到黎就好香黑松露味😻個炒蛋幾嫩滑！仲有啲蛋汁🍳黑松露醬一啲都唔孤寒！每一啖蛋都會食到有黑松露味😚↬ 個蒜蓉多士甜甜地😻邊邊位仲要幾脆🤤一上枱就忍唔住一野食哂佢落肚🤣牛油蒜蓉係查滿咗成個表面，蒜蓉香都幾足🥳↬ 個薯餅幾香口🥔有薯仔味而且外脆內軟亦都幾大塊↬ 個大啡菇都好厚身！有菇味😋↬ 煙肉就有兩大塊，煎得好脆口🥓↬ 佢有好多沙律菜🥗配埋個汁酸酸地都幾開胃仲有幾粒車厘茄添🍅↬ 仲有2條切左半嘅司華力腸，佢地𠝹開咗佢之後就會容易食好多😼都煎得個外皮幾脆🤣↬ 個番茄大大個幾多汁🍅仲要煎得表面幾脆😆嗰啲蕃茄肉幾紮實🤣食到一半食返個大番茄就會覺得幾解膩同好refreshing✨↬ 煙三文魚就細細件咁就普

有朋友之前都有試過呢間餐廳，都覺得幾好味，所以趁得閒就一於去試吓去嘅時候係比較早嘅晚餐時間，唔係好多人，唔使點等位就可以入去，同行有兩位朋友，我哋叫咗三款意粉，加配左餐湯配蒜蓉包同沙律馬鈴薯餐湯真係要特別highlight，囗感綿滑，配埋蒜蓉包真係好夾溫泉蛋卡邦尼煙肉意粉好creamy，煙肉同蘑菇嘅份量都好多，溫泉蛋熟嘅程度啱啱好，有一片片嘅cheese鋪喺面蟹子蟹肉明太子忌廉意粉鍾意食明太子嘅一定要嗌！因為每一啖都可以食到明太子，蟹肉方面亦都好有誠意，好足料自家製青醬煙三文魚意粉三個意粉嘅口味入邊，呢個相對口味清淡啲，但一樣好出色，賣相同味道一樣都係冇得輸，鍾意食三文魚嘅朋友一定唔可以錯過飲品方面，朋友嗌左杯薰衣草香檳提子梳打呢杯飲品真係打卡一流，成個感覺好清新，聞到淡淡嘅薰衣草香味，不過飲嘅時候會唔小心飲到啲薰衣草，提子嘅味道一啲都唔人工，亦都唔會過甜至於我叫咗杯玫瑰伯爵茶，飲頭幾啖嘅時候覺得茶味比較淡，再攪勻啲之後，玫瑰嘅味就會慢慢開始出嚟餐廳嘅文青風格真係好適合鍾意打卡嘅朋友，感覺好chill，加上係黃店，推薦大家一定要過嚟試一試！

🍝黑松露配大啡菇忌廉配飯/意粉又係黑松露啦😝忌廉再食埋大啡菇真係好飽揀左意粉 見隔離枱risotto勁多不過都係中意意粉意粉口感偏硬左少少 可以軟多少少就好黑松露味幾香 忌廉亦唔會太浠或太多👍🏻🍝蟹子蟹肉明太子意粉朋友叫呢個都讚👍🏻滿滿的蟹子明太子 意粉份量多足曬料-💭少少唔就腳 因為周圍無咩行 算係屋苑地方所以bookmark左好耐都未去食一直見好多推介 今日終於幾唔順路都去左開心既係真係值得去😋

今日想去行菠蘿山再去下白泥睇日落，需要一個豐富嘅午餐打底，揀咗呢間盤子工房貪佢夠就腳！餐廳生意好好，全店滿座，仲見到出邊有人排隊。餐廳環境舒服，雖然比較細，但都總算坐得舒服。我揀咗個奄列早餐，再加杯White Coffee，奄列早餐用料新鮮，份量好豐富，特別鍾意個炸薯餅，揸得好香脆，蘑菇奄列都唔錯，牛奶穀物就冇乜特別。咖啡很香，我都鍾意。朋友就揀咗芝士肉醬意粉，加個特飲，佢話感覺比較家庭式，都唔錯。

呢間小店設計簡單得黎帶園林既感覺。地方唔大，但唔會太有壓迫感，都坐得幾舒服。日式咖哩魚柳飯咖哩汁比較濃稠，係日式咖哩個種唔辣既味道，但略嫌唔夠香。魚柳反而有驚喜，唔係平時係連鎖店會食到個種好軟無口感既魚肉，而係肉質有咬口，比較紮實既魚肉。自家制青醬煙三文魚意粉我個人十分喜歡青醬呢個醬汁，所以一睇menu就比佢吸引左。呢款都有驚喜，煙三文魚新鮮，幾香。面頭仲有少許芝士片，增添香味。青醬味道突出，但係又唔會過份濃同搶味，個人覺得調味做得幾好。意粉質地偏硬少少，剛好適合我既喜好，彈牙有咬口。Latte去coffee shop我通常第一次都會先試latte，睇下咖啡底香唔香，奶打得夠唔夠滑再決定有無會唔俄再去。而呢到既latte又做得比我想像中好，畢竟佢地唔係主打咖啡，但呢杯latte既咖啡香味突出又濃郁，奶夠滑，味道亦好香。絕對可以再過黎飲啡！檸檬薑茶香味清新得黎帶少少薑既辣味，飲落去幾舒服。

有一排冇去by the tray,知佢地陸續出咗新食物，重點咖啡都多咗選擇，所以去試試。見到個餐牌介紹香辣沙嗲忌廉牛肉意粉非常吸引，怕辣嘅我都想試試，另加錢叫咗杯凍long block,先講咖啡，比我想像中掂，原因之前係到飲過真係一般，所以今次係比以前好，日後係呢區多個飲啡地方。意粉微辣，我唔食得辣嘅都可以，都食到沙嗲味，但我自己就覺咸咗少少，隔離枱位先生就一路食一路話好味，咁即係想表達番咸係我個人問題，喜歡重口味嘅應該鍾意。

對於屯門建生邨的 盤子工房 By the tray 期望越大失望越大。平日經過都會見到門口多人等位，網上更被稱為隱世，良心，文青，人氣小店等等。今晚慕名而來，一看店內裝潢，個人覺得過多擺設，有點雜亂感覺，唔咪太文青喎，睇返網上舊圖片應該換左裝修和枱櫈，但是有冇轉左手就唔清楚了。今餐點了Chef Recommended Today Special 嘅香煎厚切豬安鞍配蘋果蓉及薯條，還有A Big Breakfast，即係All Day囉。豬鞍上枱時都見到個擺盤，心想唔係咁hea呀，真係廚師推薦喎，配菜只有三片薄薄的翠肉瓜，仲要涼涼地的，而碟邊的蘋果蓉只食到濃濃肉桂味，沒有蘋果嘅甜，而主角豬鞍就令人十分失望，豬鞍其實好易處理，唔好講用慢煮法，就算簡單香煎都好好食，唔明點解可以煮到又乾又鞋又無味，睇片睇相都見到差成點，究竟係來貨問題，雪得太耐，還是廚師手藝差？而個Big Breakfast 都係水準一般，蒜蓉多士似隔夜麵包，完全無晒水份。而大啡菇就只是微微煎熱就算，什麼調味都無，平常食開都會有少少蒜蓉或者黑松露油調下味的。埋單前都有聽到店員跟廚師提到另一位客人對豬鞍有意見，之後我都有直接向店員

今天早了收工，跟女朋友相約在屯門附近閒逛，熟悉一下新居附近，順道找出些「專用飯堂」。逛著逛著到了建生一帶，發現比以前來時多了很多餐廳！我們放棄了大街，卻選擇了到舊街巿那邊，發現了一間很特別的西餐廳！在舊屋苑下，餐廳顯得像個世外桃源，令人不其然放鬆崩緊了一整天的精神。蟹籽蟹肉明太子忌廉意粉 - 甫一上枱，就為蟹籽蟹肉的份量吃驚，份量實在太多。蟹籽鮮甜，蟹肉滑嫰而不腥，意粉煙韌彈口有嚼頭，CP值十分高！巴馬臣芝士凱撒沙律配雞扒 - 對於芝士控，絕對不會放過每次吃芝士的機會！芝士粒香濃味美，異常開胃，雞扒煎得爽脆香口，配上沙律蔬菜十分解膩，加上麵包糠碎，十分別緻。平日間忙裏偷閒，到這間格調悠閒的餐輕鬆一下，也是一個放鬆自己的好方法。

🌕🌕🌕🌕🌑🍽燒豬鞍 配蘋果蓉、薯條 ($148) (唔記得全名🙈)🙁瘦肉位置會鞋口，煮嘅時間同火候要注意下😋豬鞍近骨嘅位置就幾滑，外層有薄薄一層脂肪🙁調味淨係食到Rosemary味，太過濃烈，掩蓋埋豬味‼️期望可以食到香草味，再有啲基本調味打底🙁對比翻嗰價錢，呢塊豬鞍似乎偏細🙁薯條唔係即炸，而炸嘅時候唔夠大火，逼唔走入面啲油🙂翠玉瓜燒到岩岩好，都係無落調味的😋另一重點蘋果蓉，好清新，似無添加嘅真正蘋果😋加埋連帶肥膏嘅豬鞍邊位，平衡晒油脂感，驚喜合拍🍽自家制青醬煙三文魚意粉 ($70)🙂意粉帶少少油，青醬望落都足料，好似好青醬下🙂可惜只係青醬嘅入門班，未試過青醬嘅朋友應該都會接受😐對於青醬愛好者，應該未必會令你滿足🙂煙三文魚就係面頭嗰兩朵花，正常🙂意粉份量算多，仲有少少洋蔥😋意粉面頭唔單止係芝士粉，磨出黎嘅細塊芝士片，夠誠意😋芝士嘅鹹味令意粉多左層次🍽White Coffee (半價加配 +$20)🙂同樣地係咖啡嘅入門班，唔會點飲到咖啡嘅苦味😐咖啡香味比較淡薄，牛奶又唔係濃郁嗰啲Meji牛奶🙂會形容為咖啡味嘅牛奶🍽是日特飲 - 凍蘋果特飲 (+$8)😐水溝濃縮蘋果汁，等於普通蘋果汁🙁以為特