盤子工房 (建生商場) (已搬遷) 新店位置

雖然地點有點隔涉不過鐘意🌭嘅朋友一定要試我個人特別推介墨西哥莎莎醬熱狗可另配薯仔/粟米片/凱撒沙律其實個醬裡面有🥑🍅🧅我覺得好新鮮😉好有夏日清新感覺酸酸甜甜的味道 會讓人愈會愈開胃啊而個麵包都好軟熟呀👍🏻行過路過唔好錯過啦😆而另一款芝士鹹牛肉蛋熱狗都唔錯不過就無腸仔嘅鹹牛肉同滑蛋好夾值得一試喔除左熱狗外仲有all day breakfast, 意粉環境：內裡裝修很別緻 有乾花假草做裝飾檯的數目不多 服務：ok

行完屯門之後，今晚我男朋友留意左呢間係建生嘅小店好耐，係屯門坐左15分鐘輕鐵就到建生站，好快就係商場外圍搵到呢間小店。侍應好好咁安排俾我地對玻璃坐，睇到晒d風景，感覺好舒服。我哋睇左餐牌見佢都有好多選擇，最後我哋揀左巴馬臣芝士凱薩沙律加雞扒同軟殼蟹咸蛋黃意粉，另外加左2隻曳姐雞翼同一份自家制手指指吉豬同一個凍檸茶同一個凍是日特飲，就係凍柚子。兩個主菜好快上枱，沙律勁大碟，沙律醬就另上俾我哋自己落，菜好新鮮，雞扒煎完好脆好香口。個意粉係出奇地好食，唔會成口咸蛋但有淡淡嘅咸蛋味，個蟹都好入味好好食。兩份小食都好出色，雞翼大大隻又炸得好脆口，個吉豬都好大份，脆卜卜，食落好新鮮。飲品都好大杯，唔會太甜，望住個街景同等位嘅食客都好有feel。埋單唔駛250，好抵食！

叫咗個煙肉奄列早餐，炒蛋入邊嘅煙肉乾到每一下吞落喉嚨都痛，塊煙肉唔使講成條乾柴食唔到任何油香，薯餅超薄勁乾，咁大個女未食過咁小薯仔嘅薯餅，啡菇係咁意煎下都唔夠熱，塊多士直頭乾到似餅乾，令我要寫呢次食評嘅重點黎啦⋯⋯成盤野都係魚腥味，應該係個鑊之前煎過魚，洗唔乾淨或者冇洗過自問要求唔係高，平時都成日食麥當勞、民華、普通茶記唔會有投訴，成舊水一個早餐唔應該比呢啲嘢食客，成個早餐嘅原材料質素都好差，再加埋成盤魚腥味，就算唔使錢請我都唔會再食，應該係話俾錢我都唔食

今日嚟到一間位於屯門文青味極濃嘅Cafe仔，一齊嚟試試佢！香辣沙嗲牛肉忌廉意粉($60)依排沙嗲牛麵嘅熱潮開始減退，但係一見到餐牌有沙嗲牛嘅選擇，都係吸引到鍾意食沙嗲牛嘅我，所以就叫嚟試試佢🤤估唔到沙嗲牛都可以做到咁文青😍。一上菜就已經俾佢嗰樣吸引，味道聞落都唔錯。佢嘅味道又唔完全係真係平時茶嘅食落嘅沙嗲牛味道，我覺得佢嘅味道係偏甜同偏辣嘅。咁又唔係去到三哥小辣嘅辣到嘅，大概十小辣咁啦。另外一樣我覺得好好嘅嘢就係佢嘅洋蔥煮得好淋好入味😍😍😍平時我唔鍾意食洋蔥嘅，但依個洋蔥佢煮得好淋，索哂啲沙嗲牛忌廉汁，真係幾正。👍🏻嗰環境都幾適合打卡唔錯，同埋侍應服務態度都好好。大家快啲嚟試下🥰🥰

屯門話大唔大，話細唔細，不過如果唔係住屯門既話，都好少會去到咁入。今日入屯門建生搵朋友，佢帶左我黎呢間「by the tray」，估唔到又真係高質、抵食！「盤子工房」係cafe餐廳，野食選擇唔算多，有all day breakfast、意粉、熱狗。朋友叫左個明太子意粉，望落好靚，而且係估唔到咁高質！首先份量唔少，眼見都好大盤，而且落得好足料，唔會淨係見到意粉，其他乜都無。意粉調味得岩岩好，掛湯能力亦一流，食意粉最怕無味，醬汁同意粉個味分離真係食得好辛苦，呢到完全無咁既問題，意粉同明太子融為一體，超夾！可以媲美啲高級西餐廳我就叫左芝士咸牛肉熱狗，入面仲夾左炒蛋。咸牛肉味道好夠濃，如果大家有食過咸牛肉奄列應該唔陌生，不過呢個係熱狗版本，有另一番風味！最後我試埋個特飲，今日係蜜桃茶，好清新，唔錯！

話說我有一個朋友仔一路都係屯門度住開，一直都推介我去呢間餐廳，但因為太遠嘅關係都冇去試，今日咁啱去開搵佢，所以就去咗呢間餐廳。一去到呢間餐廳門口就俾佢優雅嘅裝修震懾左，環境開陽，配合埋園林嘅背景，好適合渡過一個懶洋洋嘅週末。當然一個靚嘅裝修係唔夠嘅，都要配返個質素十分之高嘅食物，先至可以渡過一個完美嘅週末。首先，餐廳嘅食物種類好多，有：潛艇、意粉、漢堡包……絕對有一款係可以適合你。今次去到呢間餐廳，就試咗最穩陣嘅意粉，同埋潛艇。首先講吓佢嘅意粉，叫咗佢嘅蟹肉明太子炒意粉，本身會以為明太子嘅味道會蓋掛住蟹肉嘅鮮味，但係佢煮出嚟反而可以平衡到蟹肉嘅鮮味，同埋明太子之間嘅惹味。而且，意粉亦都唔會太鹹，味道啱啱好。之後佢嘅四重芝士潛艇，係充滿着邪惡嘅味道，濃濃嘅芝士香味充斥着成個口，蓋過住每一個味蕾感受區，令人食指大動。絕對值得一讚嘅係佢，有出邊好少見嘅鮮橙咖啡，估唔到橙同咖啡嘅味道可以咁夾，橙令到咖啡嘅香味更加突出，絕對適合文青打卡飲用。再配合埋一個咁舒適嘅裝修，唔經唔覺就坐咗半日，而且環境開陽，亦都唔會太嘈。相信下次如果想放鬆嘅時候一定會再嚟呢間餐廳。

今日返工忙到晏晝，好想食餐好既滿足返空虛既肚仔🤣於是約朋友去盤子試試～我地勁白痴😂有Google map都搵錯，其實間餐廳勁近建生輕鐵站～間餐廳既外觀睇落都比人有休閒嘅感覺😆餐廳入面則放滿乾花，燈光柔和，好適合影相👍🏻另外值得一提既係店員既服務態度都好好👍🏻我叫左杯竹炭咖啡，其實我第一次試竹炭咖啡，個味道都幾特別，有啲似啤酒味🤣但又唔會太苦太甜，值得trytry~朋友就叫左杯dirty ☕️我地叫左碟蟹籽蟹肉明太子意粉、黑松露配大啡菇雜菌忌廉燴飯、水牛城雞翼🥴個意粉真係好好食，真係有蟹肉係入面，唔係以蟹柳扮蟹肉啲朋友🤣同埋份量都多～水牛城雞翼比較辣同少少酸，正餐加$20就有🤣正呀，不過建議最尾先食，因為雞翼比較濃味啲～最愛黑松露🥴🥴依碟真係無得輸，口感較軟身，亦好creamy，另外我朋友本身都唔食有黑松露既食物😆但佢依家一試就愛上，仲有我地竟然食晒，因為份量都好多🤣 總結黎講下次再食既機會係100%🤤價錢我覺得合理，重點係近車站，環境唔錯又坐得舒服，店員服務又好😆重重點係食物質素高！

係屋村街市竟然有間文青cafe～～突然好羨慕大西北既朋友仔🥺假日三點幾都等佐廿分鐘度其實都幾方便 一落輕鐵就已經到.除佐以木系同乾花為主題 牆身仲有好多裝飾品 最吸引我都係QQ手繪公仔🥰 好有意思～～小店主打除佐普遍cafe會有既意粉飯all day同小食之外 仲有熱狗🌭️ 連早餐都有 岩晒附近既居民們🙆🏼‍♀️.有6款熱狗 其實全部都好吸引 例:蕃茄🍅血淋淋/多重浴芝士/早安晨之美etc▫️芝士鹹牛肉熱狗🌭️ $45😋👍🏻：👅👅👅👅.3/5分勁多餡!! 鹹牛肉同滑蛋55比例🤤熱狗軟軟地帶點外脆既口感 我幾鐘意😍鹹牛肉有落香葱炒過食落都好香 滑蛋整得好滑 咬咬下仲咬到芝士 好邪惡～～ 雖然無醬但都已經好滿足🥰.▫️薯條🍟 +$8😋👍🏻：👅👅👅👅/5分薯條係粗薯 嗌熱狗+$8就有得食😍 或者配粟米片同凱撒沙律都得估唔到會有咁多 仲要熱辣辣脆口果種～. ▫️香辣沙嗲牛肉忌廉意粉 $60😋👍🏻：👅👅👅.7/5分是日限定💛見到好新奇!!沙嗲牛竟然會配意粉😳 但又意想不到地夾～～ 食落個味好特別好開胃 不過都幾辣 (嚇親我😂) Ho juicy條條都卦汁🤤 而且個汁又唔會太鹹 調較得幾好 食到有d花生味🙈

book左7點同朋友食晚餐，好好彩可以坐窗口位，對住玻璃窗望到出面街～舖頭個感覺幾舒服，有個落地大玻璃，入到裡面啲位唔係太逼，坐得都算舒服。而且有少少壁畫，裝修係簡潔乾淨的我地叫左墨西哥莎莎莎莎醬熱狗 ($38) 配凱撒沙律 (+$9)，好快就上到菜～熱狗包外脆內軟，好食！原本諗住加個沙律用黎解下膩，點知個莎莎醬有驚喜，而且調味啱啱好，食落好清新，配埋脆皮熱狗腸都幾夾，食完即刻覺得開胃左😋另外一個主菜，係香煎厚切豬胺配蘋果蓉加薯條 ($148) 🐷我地食完熱狗冇耐，就黎左個豬胺，timing 啱啱好！個豬胺煎得幾靚，切落去幾軟身，熟得啱啱好。食落係多汁，完全唔乾身，而且外皮香脆同鹹香味啱啱好。薯條正常發揮，我地兩個人食，份量剛好❤️。而且伴碟既翠玉瓜幾有誠意，煎過但好多汁，亦有調味。唔會好似有啲餐廳咁，伴碟蔬菜一係好生，一係乾哂柴我地仲加左($5)配左是日特飲 熱柑桔水，唔會過甜，都係正常發揮🙊呢間餐廳上菜速度快，環境舒適，同埋價錢都唔算貴，CP值都幾高，有啲想下次再黎試All Day Breakfast 同咖啡！唔知水準係咪都一樣咁好呢~☺️

專登走入屯門試吓呢間黃店，14:30左右去到門口都已經有幾枱客等緊，大概等咗半個鐘有位。試咗沙嗲牛忌廉意粉👍🏻沙嗲牛關注組要關注吓，同咖哩吉列豬扒👍🏻👍🏻，豬扒勁大塊，炸粉薄得嚟又鬆脆，加$3x變餐，有沙律🥗+餐湯+蒜蓉包，餐湯唔係罐頭嘢，真材實料，蒜蓉包都好香，另外加錢叫咗杯Flat White☕️，咖啡有驚喜值得試試

星期日約左朋友係屯門食下午茶，見到一間別具特色既cafe 餐廳，裝修得特別靚，打卡好地方！入到去環境都闊落，店員服務態度好好，睇睇下餐牌，主要係西餐，同埋最特別既有全日供應既All Day Breakfast ，正啊。事不宜遲，肚仔餓，叫一叫野食先啦。我同朋友分別叫左兩set 餐。一份all day breakfast 同熱狗🌭️套餐。A Big Breakfast 好食指數：10/10就咁睇賣相就勁吸引，材料亦非常豐富啊！蒜蓉多士，黑松露炒蛋，薯餅，熱狗腸，香脆煙肉，大啡菇，香煎蕃茄，煙三文魚，同埋沙律！每樣都好好食，炒蛋炒到好滑，薯餅香脆可口，蕃茄真心香甜多汁，無草青味！另外蒜蓉多士，香脆香濃蒜香味，食落非常惹味！芝士咸牛肉熱狗配沙律好食指數：10/10你就咁睇到啲雞蛋同埋牛肉陷料滿滿！層層疊疊咁厚！大大啖食落去都擠晒陷料出黎，啲雞蛋好香好滑，非常之好食，咸牛肉亦都好香濃惹味，加上個包，非常之鬆軟，成個配搭得好perfect ！大家再飲翻杯熱檸茶熱檸水，心情特別舒暢！今日既下午時光，就係呢到度過左美好既一日啦。非常推薦大家去食！

讀書嘅時候已經聽過呢間餐廳，不過以前太懶嫌遠所以一直未有機會朝聖👻 趁住放假咁啱嚟屯門搵friend玩，就順便搭輕鐵過嚟建生食個lunch😋 建生站一落車行1分鐘就到，雖然呢間黃色小店嘅位置有啲偏僻，但未到12點已經有少少人龍，太誇張！😆😆 店舖唔算好大，但小而齊全👍🏻 呢度嘅裝修好有特色，有少少工業感，周圍都貼咗啲文宣，坐得又舒服🥰 食物選擇合適，唔想太飽可以食個熱狗👻 每一個餐都超足料！份量亦好多！最重要係，味道都唔錯，價錢亦唔貴，係數一數二好食嘅黃店！！！極力推薦！！！💯《Main》蟹籽蟹肉明太子忌廉意粉🍝 ($89)呢款明太子意粉絕對唔會太咸，creamy得嚟亦唔會太膩。意粉上鋪著滿滿嘅蟹籽，粒粒大而分明，入面仲有唔少蟹肉、櫻花蝦同洋蔥粒！每一啖都食到蟹肉同蟹籽嘅鮮甜，超有滿足感！😋黑松露配大啡菇雜菌忌廉燴飯🍄 ($78)一上菜就有超濃烈嘅黑松露味😝 忌廉汁啱啱好，配埋少少芝士粉，每一啖都好入味。而大啡菇大大舊好juicy，完全唔會搶咗risotto嘅口感！😛《飲品》熱檸茶🍋（+ $5）是日特飲 - 蘋果特飲🍹（+ $8）整體而言，不論環境定係食物都無令我失望，高質素之餘色香味

屯門建生邨隱世文青咖啡小店我哋叫左是辣的肉醬熱狗(It’s a spicy hotdog) $38、A Big Breakfast ($108)（多士，薯餅，黑松露炒蛋，熱狗腸，香脆煙肉，大啡菇，香煎蕃茄，煙三文魚，沙律）、凍mocha同熱桂花蜜糖鮮奶咖啡☕️ （跟餐凍飲+$8、熱飲+$5）是辣的肉醬熱狗🌭️: 辣肉醬嘅辣係一食落第一啖食到有啲辣，加埋熱狗腸好野味，所以就算係唔太食得辣嘅朋友，都可以試一試多肉醬嘅包好足料，加埋個包一齊食，好滿足A Big Breakfast: 好足料黑松露炒蛋超級香，食完之後包你飽每一種食物都好好食！另外，凍mocha 好好味，好香！桂花蜜糖鮮奶咖啡拉花拉得好，唔太甜得嚟好香桂花味環境舒服、服務態度好！打卡一流！

呢間黃店位於建生商場，係建生輕鐡站位置會望到，平時經過呢間餐廳，都見到有人排隊。今日襯放假過嚟食tea，平日下畫5點，只有兩枱客，唔駛等位。餐廳係木系文青裝修，座位算是寛棠。叫左一份green breakfast素素地早餐，早晨有大啡菇、番茄、炒蛋、沙律菜、蒜蓉包、牛油果及Dorito, 都幾大份～另外叫左一杯Dirty：放左好耐先飲，變咗凍咖啡，好香豆味～估唔到呢個舊式公屋商場都有好質素cafe💛💛

今晚約了舊同學，在離她公司不遠的by the tray享用晚餐，見個面。餐廳的環境十分舒適，裝修新穎，是美美的打卡Cafe。店員有禮貌，為我們介紹餐牌和飲品。我們各點了一客意粉和一客飯。蟹子蟹肉明太子忌廉意粉忌廉意粉的份量超大，十分足料，蟹籽多得驚人，色澤鮮艷，打卡一流，口感豐富。另外每口都品嚐得到鮮甜的蟹肉和香濃的明太子，這個價錢絕對超值。黑松露配大啡菇忌廉燴飯燴飯上面擺放了一隻超大的啡茹，賣相滿分，味道鮮甜。意大利飯粒粒分明，半生熟的口感令人一試難忘，每口都是濃稠和creamy的芝味，朋友吃到讚口不絕。下次一定要再來！