盤子工房 (建生商場) (已搬遷) 新店位置

今日想去行菠蘿山再去下白泥睇日落，需要一個豐富嘅午餐打底，揀咗呢間盤子工房貪佢夠就腳！餐廳生意好好，全店滿座，仲見到出邊有人排隊。餐廳環境舒服，雖然比較細，但都總算坐得舒服。我揀咗個奄列早餐，再加杯White Coffee，奄列早餐用料新鮮，份量好豐富，特別鍾意個炸薯餅，揸得好香脆，蘑菇奄列都唔錯，牛奶穀物就冇乜特別。咖啡很香，我都鍾意。朋友就揀咗芝士肉醬意粉，加個特飲，佢話感覺比較家庭式，都唔錯。