盤子工房 (建生商場) (已搬遷) 新店位置

盤子工房啲食物真係幾有質素，仲有好多選擇，無論係熱狗、小食、意粉定係飲品都好多選擇，所以成日都有唔少人排隊~~亦都係建生邨裏面少有嘅Cafe，所以真係好多人支持！佢嘅熱狗係真係幾好味，熱辣辣食，又有芝士，同幾多餡料，真係好正！同埋佢啲意粉都正㗎，之前食過沙嗲牛肉意粉，真係有驚喜，估唔到咁正，仲好味過平時茶記啲沙嗲牛肉麵，而且啲意粉份量都夠，所以都幾抵食嘅。佢啲小食就冇咩點食過，但睇落都OK。嗌啲飲品就正正常常啦，朱古力唔會話特別有驚喜，但整體而言都算一間好食嘅Cafe，可以定時去幫襯！