百樂潮州酒樓

营业中

休息中

百樂集團的酒家一向受小編喜愛。是日走訪旺角，最後也選擇到新世紀廣場的百樂潮州酒樓享用午膳。 鮮露筍蝦餃皇是水準不俗的蒸點。蝦餃賣相晶瑩剔透，蝦肉爽彈味鮮。與蝦相伴的是數條翠綠鮮露筍，白裡一點綠，添色添味效果理想。XO 醬蒸鳳爪選材肥美厚肉，口感軟腍，加上蒸煮得入味，評分同樣令人滿意。香煎蘿蔔糕以粗條蘿蔔條製作，本應令人期待，只可惜最終出品比預期鬆散，味道亦只屬中規中矩。 潮式糯米卷是冬日之選，暖胃香口，淺嚐滋味。 椒鹽白飯魚製作略為厚粉，食感難免帶實。潮式糖醋麵底面煎煮火喉勻稱，外脆內軟，加糖添醋簡而美！ 最後以忌廉香芒卷作甜蜜終結，飽肚滿足離開。

今日慶祝朋友生日，朋友揀咗伯樂潮州食晚餐，book咗枱，所以唔需要等位～ 我地點左六個菜，分別係芋茸酥帶子，香麻海蜇，滷水鵝片，香煎蠔仔烙，咸菜胡椒豬肚湯，炸鹽水豆腐～ 芋茸酥帶子外層香脆，芋頭夠香，裏面有一粒帶子，夠鮮味，整體唔會太油，好味～香麻海蜇充滿麻油香味，海蜇爽口彈牙，有口感～ 滷水鵝片份量足，鵝片好入味，肉質林身，滷水味正～ 香煎蠔仔烙幾香口，好多蠔仔，味道唔錯～ 咸菜胡椒豬肚湯夠香，唔會太咸，胡椒味十足～ 炸鹽水豆腐好香口，都係唔會太咸～ 整體來講，食物質素唔錯，不過價錢唔算平，但幾個朋友share都ok～

這餐親戚生日，當然要食餐好，這餐多人食，所以菜色眾多可以食到好多款菜都好豐富先來個飯前菜，粟米魚肚羹味道不過不失，中上級數沙薑雞(半隻)肉質嫩滑，調味出色美味三拼盤(滷水鴨片﹑香麻海蜇﹑淑鹽九肚魚)三款都好色，難分高下，個人最愛就淑鹽九肚魚明爐鮮鳥魚肉質軟滑，有魚香味，不錯沙爹牛肉炒芥蘭牛肉夠諗，芥蘭都入味竹笙鮮菰豆腐煲水準而上，豆腐炆得好高質潮洲蠔仔粥蠔仔肉可口，粥配合得亦很香干貝蛋白炒飯不錯，炒得好香，飯質可口反沙芋條不錯，好有芋香味鴛鴦水晶飽兩款都不錯，難定高下不過再食又覺得黑色那款味道夠有層次食完，雖然不平但是值得，都很開心

今天家人特意選了這家酒家吃潮州酒家，本是潮州人的我，來來去去吃那幾家潮州菜也吃膩了，但家人聽說這家不錯，當然來嘗嘗。潮州菜也離不開滷水鵝片，比起打冷的，這個鵝片沒有太多脂肪，且入味又不算太咸，是不錯。杏汁肺湯-喝了感到清潤，我就很愛杏汁味，所以也很推介。蠔餅-確實有很多蠔仔在內，不過可能容易出水，要靠漿粉抓著，所以沒有感到脆口，比起以前年少吃過的小販檔及打冷差一點。反沙芋-熱騰騰的端上來真的可口，相信這味難煮的餸確實只可在外求吃了！其他如糖醋麵、雜菜粉絲煲、椒鹽九肚魚、川椒雞、沙爹牛肉炒芥蘭則不過不失吧！雖然味道上都算中上，但價錢方面每味菜都要過百元以上，確實不算大眾化，可能真的過時過節，才會想來吃吧！

個個星期都飲茶，想要新鮮感就要諗諗先得，個個飲茶都會叫一D經常食既點心，但就算叫同樣既野，但間間都有D唔同，今次去旺角飲茶試下叫同樣既野，碟炒腸粉有大大片叉燒，好特別。幾好食喎！

同閨蜜撐枱腳，閨蜜想儲Asia miles，又試食過呢間，所以一齊黎試下。8點半入座，唔駛等，即有檯。我地兩個坐四人檯，個擺位好鬆動，我地反而要坐埋啲傾下計。侍應姐姐好快手，坐低即上潮州茶，又問開咩茶。睇睇餐牌，我地叫左 檸檬燉鴨湯、滷水雙併 （鵝片併墨魚，芋茸帶子酥，糖醋麵檸檬燉鴨湯 ：好好味，清燉鴨湯帶微微嘅檸檬味滷水雙併：墨魚明顯係巨型墨魚，好厚實。鵝片一般，無特別芋茸帶子酥：好有去飲嘅感覺，糖醋麵： 一般，再薄身啲會脆啲好食啲整體，價錢係貴，但樣樣都有水準，都值嘅。應該下次叫多啲人一齊食可以試多啲，人均消費又可以平啲。

酒楼的地点很方便，菜式不錯，选择也多，也是正宗的潮州酒楼。那个冻鱼味道和口感都是上品，餐前来一杯香浓的功夫茶，传统潮州餐饮的习惯，令人很快进入吃潮州菜的状态。大堂的服务员招呼反应很快，进食时服务员的态度都很好。招呼也到位虽然要提点添茶，但整体态度和服务水平都很好！可是埋單时的体验就相反了，负责收钱的职员非常没有礼貌，态度之差令我以后都不会再光顾这家酒楼。我從來没有遇到这样向我发脾气的酒楼职员。我绝对不会向任何人推荐这家酒楼的。

如果要說在香港喜歡吃的潮州菜，百樂仍然是我心中的No.1。最近忙到快瘋掉，幾乎所有飯局都被我推掉，但聰到這次要去百樂的時候，結果還是不爭氣地說要去，至於工作的事情嘛……那就吃完再算好了~先來一隻凍花蟹，好像每次來到一定要用凍花蟹來作前菜，我知道是有點貴，可是這樣子每人吃一件，攤分後也是還好啦，畢竟凍花蟹不是每個地方都做得好吃。 彈牙鮮甜的蟹肉非常讚，大塊的肉自然是大滿足，但蟹膏也是非常滋味，一口結實的肉配一口濃郁的蟹膏，GOOD~再來是朋友超愛的浄滷水鵝片，肉質細緻不油膩，每一片切得薄薄的，入口一咬就開，重點是滷得入味又不會過鹹，下面還有豆腐片喔~豪華大拼盤，最適合就是我這款每樣都想吃的人，包含剛才吃過的滷水鵝片、炸蝦棗、炸蟹棗、海蜇，我最愛的當然是炸蟹棗，炸得外脆內軟又不油膩，而且口感彈牙、味道鮮甜，炸功相當不錯。我期待很久的杏汁白肺湯，每次都要喝上一碗才心滿意足。未喝時就聞到淡淡的杏香，更不用說入口後杏香就更濃郁了，奶白色的湯頭滋潤到不得了。其實這道真的是手工菜，處理過程非常繁複，能在大餐廳做到這種質素非常厲害。香煎蠔仔烙，這個不是用炸的方式處理，而是慢慢煎成，入口沒有很重的油膩感

又一個朋友的聚會，另一個星期六晚上。同樣的朋友圈，不同的話題及不同的餐廳。我們今晚選了潮州酒家，由打電話預約開始，員工很有禮貌，感覺不錯。我們一入座，周圍客人不太多，6:30pm 時間尙早吧。點了鵝片，鵝肝，炒鴿崧，芋蓉帶子卷，兩面黃，水瓜烙，綠豆白果爽及馬蹄爽。鵝肝十分正，甘香可口。帶子卷外層十分鬆脆，水瓜烙尤其出色....未吃過這麼好吃的水瓜烙。兩面黃比較油膩，但是配上糖醋味道比較平衡。鵝片比較硬，炒鴿崧未見出色，可能不是我杯茶吧。單尾甜品，白果爽能夠突出白果的味道。只是可惜吃不到反沙芋，侍應姐姐貼心地提醒，下次可以早叫後上。這小小的遺憾反成為下次重臨的契機。時間過得很快，客満時亦不見混亂。侍應們工作有條不紊，可以感受到管理的能力及員工的努力。相對於收費相若宜品質參差的食肆，相信食客們都有一雙雪亮的眼睛。😋

今日又約咗一大班朋友食飯，首選當然是中菜，坐得舒服之餘食物選擇有多。 朋友之中有人是潮州人，提議不如去吃潮州菜，地點最好在旺角，最後就選擇了這間百樂潮州，地點亦方便住新界的朋友。 酒樓式的裝修，金碧輝煌，另外某些枱有屏風隔着，令客人更有私隱。 來吃潮州菜第一件事當然是飲功夫茶。 凍花蟹好大隻的花蟹，已經被預先拆開，蟹肉豐富，不用沾上任何醬汁，直接吃已經吃到蟹肉的鮮甜味。 豪華大拼盤拼盤內有炸蝦棗、炸蟹棗、滷水鵝片、及海蜇。我較喜歡的是蟹棗，入面釀有馬蹄，口感十足。鵝片充滿滷水味，而且啖啖肉，而海蜇亦好爽口，這個拼盤滿足了大家不同需要。 胡椒咸菜豬肚湯豬肚湯胡椒味香濃，豬肚沒有腥味，入口亦好爽口，湯底鹹香十足。 沙爹牛肉炒芥蘭採用沙茶醬，味道濃郁，令整碟菜十分惹味，牛肉腍身而且芥蘭入口爽甜。 糖醋麵糖醋麵一向最考功夫，平常吃到的都很油，但這裏做得乾身而且很脆，入口不會好油膩，邊吃邊聞到麵底的香味。 水晶包水晶包有奶黃與紅豆兩款味道，製作得晶瑩剔透，記得趁熱吃才好吃，我較喜歡的是奶黃味，甜而不膩，配上薄薄的水晶皮，令人好滿足。

頭盤凍蟹賣相吸引,食落鮮甜新鮮,之後滷水鵝片,一貫潮洲菜之選,豪華大拼盤 ,蝦丸蟹丸好正,質素高足料杏汁白肺湯,呢個最正,料多又香碧綠川椒雞球,賣相吸引,食落香口好味,d 雞又嫩口金華四寶菜,比想像中更好,賣相吸引,而且因四寶所以種類夠多不會太dry,瓜同蘿白都岩晒炎炎夏日香煎蠔仔烙,聞到香噴噴,而且蠔仔又夠多,不會像街外般太多炸粉,而且用韭菜比用蔥正！沙爹炒牛河,味濃牛肉夠鬆軟份量又夠甜品鴛鴦水晶包皮薄涵正我奶黃同豆沙都好味而反沙芋就最正,熱辣辣又鬆化,我本身唔食芋頭既都照食

今天約了同事食飯，不想經常在葵涌附近吃，所以特地約了在旺角吃頓潮州菜，我們就選了這間百樂潮州酒樓。這兒也頗新，裝修很華麗奪目，是傳統的中國酒家風格。在叫了菜等吃的時候，會有功夫茶招呼我們，很特別的服務呀！這還是我頭一次到酒樓吃飯會有功夫茶喝！功夫茶的味道比一般的茶特別，頗不錯的體驗！等了一會，先來了兩客小食，分別是生醃螄蚶及涼拌魚皮，一開始水準已極高了！說實話，我從來也未吃過螄蚶的，因為家人一直說生螄蚶不太容易清潔，所以我也從來沒有吃過。今天一試，實在是著了魔，味道可說是鮮甜得很呢！而且用鉗開螄蚶的殼也很有趣，而我吃完回家也沒有肚子痛哦！而魚皮簡直是我的最愛！本來吃蒸魚的話，魚皮是我最討厭的，那種質感實在是令人顫抖呀！然而這裏的魚皮是令人停不了口的！它的調味已經非常恰當，另外入口爽口彈牙，我吃了好幾片呢！然後就是重點啦！1隻24両的凍花蟹，真的很巨型哦！我吃了蟹腳，味道非常鮮甜，而且肉也很多，令人吃得非常滿足呢！我相信吃蟹鉗的同事一定感到非常滋味！滷水鵝片的表現亦非常不錯，鵝片不會太厚，薄薄的一片，吃下去不會太韌。而且鵝不會有太多皮下脂肪，令人吃得很安心，因為不會肥嘛，哈哈！我

一班朋友仔圍埋一齊食飯最重要可以傾下計。我見其中一個係潮洲人，我就搵一間潮州酒家比他們品嘗。我見大部份評語好評居多。酒樓位於旺角新世紀廣場內，交通方便，下面又有個大shopping mall.秘制生醃螄蚶$98，原來螄蚶係潮洲菜有名氣，用個尖咀蚶就好易整到粒紛紅色肉，它是生的但真的好甜品，我之前去泰國見過但因衛生環境嘅關係，我真不恐進食，現在好有食禁果感覺，欲罷不能。另一小食魚涼伴魚皮（$98），非常爽口，再配合酸酸辣辣的汁真係一流呀！我不會食平時蒸魚魚皮，但涼伴口感真的有小小似豬皮，完全同魚質感無關。食潮州野點可以少得滷水鵝片（$188），個鵝片入味，不帶少許油花，滷水鵝大大片好有口感，個滷水汁帶小許香料有陳年滷水汁味道。到我最期待的主角出場凍花蟹（24両$1200）雖然現在不是食蟹時節但非常包滿。蟹肉一絲絲，凍食帶出蟹鮮味，記住要點他們提供的陳醋非常合襯。不過蟹肉有些貴，我只分到一嚿仔，真係小食多滋味,我們叫了支白酒開心分享分外開心🤗豪華大栟盤（$840）,分別有鵝片、海蜇、蝦棗（圓形），蟹棗（長形），我覺得蝦棗同蟹棗好出色，尤其蟹棗全粒都是蟹肉釀成，味道濃郁。有好多人怕蟹要拆肉不

今曰同屋企人慶生，同爸爸試潮州菜式。凍花蟹 - 簡直係今餐重點，個蟹蓋啲膏好鮮甜。未算爆肉，但內質並不鬆散，可見其新鮮程度。豪華大拼盤 -有海蜇、蝦棗、蟹棗和滷水鵝片特別出色的是那個蟹棗，蟹味好濃仲啖啖肉，岩曬我呢種吾願拆蟹的懶人。杏汁白肺湯 -老公指定要叫，落足料，係屋企飲要洗豬肺唔容易。香煎蠔仔烙 呢個蠔餅完全吾多油，但香脆。蠔多。沙爹炒牛河 夠大碟、惹味。以下兩款甜品媽媽欽點。反沙芋內脆外軟、熱辣辣。水晶包軟硬度適中、吾太甜。反沙芋 鴛鴦水晶包 整體食物味道和服務質素也不錯，下次再去。

潮洲菜，通常好多人會聯想起地舖既打冷檔，一班良朋知己，一打啤酒，不同既滷味。但今次我地一班人，就揀左位於商場專做潮洲菜既酒樓。坐低左侍應就會送上功夫茶。首先黎既係兩碟前菜-涼伴魚皮$98，秘制生醃獅蚶$98。魚皮好爽脆，係大熱天時，先食一個又爽又凍既前菜，真係令人胃口大開。獅蚶，係一味久違了既菜式，對上一次食，都應該係去泰國旅行時食了，同泰國菜相比，我比較鍾意潮洲既做法，佢地生醃用既醬料，帶出左獅蚶獨有既鮮甜，獅蚶比起其他既貝殻類，係較為鮮甜，呢個做法，尤其能夠突出獅蚶既優勢。再加上個專用開殻鉗，食果時就方便好多！必試食潮洲菜，梗係唔少得鹵水鵝片啦。除左面頭幾塊，連下面果D都係一塊塊既鵝片，每塊都皮連肉，無話下面就用碎肉過關，夠老實。食落口有香濃既鹵水味，唔咸。$188咸菜胡椒豬肚湯$128，如果自己屋企煲呢個湯，我覺得幾麻煩，淨係洗豬肚都要唔少時間。豪華大拼盤$840，有海蜇，鵝片，蝦棗，蟹棗。兩種炸物做得十分出色。啖啖蝦肉，啖啖蟹肉，炸完仲保留住蝦蟹既鮮甜味，下次來要再encore。凍蟹（$50/兩）而家去到街市，都已經唔容易買到咁大隻紅蟹，去到潮洲菜館，點可以錯過。肉質飽滿，鮮甜