琥酌 (已搬遷) 新店位置

吉列豬吉列魚柳平時喺茶記食得多，今次食高檔次嘅牛列牛！呢間吉列牛專門店有幾款唔同嘅牛揀，A5和牛同和牛都有，我就揀咗價錢比較相宜嘅安格斯牛試下啦！一個吉列牛餐係包咗好多野，首先講下啲醬料，淨係點牛嘅醬料都有燒汁，和風芥末同柚子醋，另外仲有岩鹽，山葵同柚子胡椒，一款牛，多種口味，唔怕食一隻味食得太多會悶。至於前菜有淹咗嘅菇，椰菜絲沙律，龍蝦薯仔沙律，我自己幾鍾意龍蝦薯仔沙律，食到淡淡嘅龍蝦味，薯仔沙律夠幼滑，唔錯！溫泉蛋，侍應介紹時話可以點牛同撈飯，又多一種食法！主菜吉列牛，表面炸得好香脆，裡面就係生嘅，要將舊牛放喺個爐度燒10-20秒，第一下試咗原味咩醬都唔點，已經好好味，一咬落外面好脆，舊肉就好淋，好juicy！好有牛味！當然各人有各人口味，點唔同醬有唔同味，都好食，我就鍾意點啲鹽帶出啲肉味！我仲叫咗杯靚靚嘅藍蝶花雪梨特飲，唔太甜幾清新！

主打牛吉列嘅一間餐廳，以自助燒嘅形式，一人一爐，嘅有Gimmick，又有靚牛食。除咗食靚牛之外，仲有唔少伴碟配料。麵豉湯，龍蝦薯仔沙律，紫菜半生熟蛋等，每款配料都好獨特。將燒熟鐵咗嘅牛浸入蛋黃蛋白中，加啲紫菜一啖食落去，冷熱交融。食物雖然量少，但每款都唔少心機準備。從牛吉列、小食配料、調味料上食得出，重質唔重量。調味料有柚味醋、芥末、岩鹽等，芥末同岩鹽加上牛特別match，兩款口味容易刺激到味蕾，啖啖都好有新鮮感。日本米煮成嘅飯零舍好味，粒粒米分明，飽滿，軟滑，入口煙韌，帶有甜香。食物方面款式雖然少，但都值得一試。環境方面都唔錯，4人以上有梳化位，坐得舒服。而侍應態度方面可以殷勤一啲，食客就會食得開心啲。

自從喺日本食過吉列牛之後 找一直對果種味道念念不忘， 可惜係香港試過一兩間吉列牛店 都未食得返嗰種水準。 今日抱住期待嘅心態去試琥珀牛， 點知真係冇令人失望。我哋叫咗個a5和牛套餐 店員為我哋攞呢一個烤爐， 同日本嗰個係一樣樣㗎，唔同嘅就係兩個人要一share 個套餐嚟到之後發現原來唔係吉列牛，而係一片片嘅牛肉。 左手邊較淺色嘅 係a5和牛， 而右手邊深色啲嘅就係安格斯牛肉。 兩款牛嘅脂肪分佈 都非常平均 ，令我忍唔住想即刻燒熟佢嚟食。套餐嘅內容都幾豐富 ，除咗有牛之外 ，仲有一隻生雞蛋同埋麵豉湯。 生雞蛋係畀我哋撈飯 或者點牛肉食。個人覺得呢度既麵豉湯都幾好飲，唔會太鹹 又有鰹魚味。將牛肉放上呢個鐵板度燒， 之後就食得㗎喇~ 相熟程度由自己去決定 ,個人就鍾意比較生嘅, 食落會比較嫩滑 。a5和牛 肉質較為嫩滑, 而安格斯牛肉質比較有牛味，兩款都各有特色。燒完牛肉後有3款醬汁可以點。整體嚟講 ，呢間餐廳嘅吉烈牛水準非常唔錯，拍得住喺日本食嘅感覺。

餐廳提供3個set，今次食個普通嘅牛吉列御膳。基本上，3個set處理牛嘅方法一樣，只係肉質部位同級數影響餐嘅價格。平價set嘅牛不缺乏牛味，食到外邊吉列，內裡薄薄一片牛既口感很獨別。雖然話係平價set，但係以$188的價錢嚟睇，一啲都唔平價，食嘅係一份功夫。3個set嘅牛厚薄相同，配料都一樣。麵豉湯，龍蝦肉薯仔沙律。沙律雖然細細啖，龍蝦肉只有一細粒，但係都足以突顯鮮味。餐廳賣點食物精緻，所以樣樣配料都點到即止。燒肉嘅過程簡單，每邊肉燒8至10秒就食得，生熟度可以自己控制，鍾意食幾生幾熟都無問題。不過呢間分店2人要share一個爐用，太子嗰間就一人一爐。另外，仲會附上一隻半生熟蛋，一啖蛋一啖牛，可以清清口裡面嘅油膩感。而配料都幾多元化，包括柚味醋、岩鹽、芥末、燒汁等各有特式，款款都同牛味好夾，每塊肉點上唔同嘅調味，食落唔會覺得寡。

這間店舖不太大， 但坐得很舒服， 裝修也頗有日式風味。今天我點了兩個午餐定食: 鰻魚定食$88 & 燒和牛定食$118, 它的份量不大， 男仔應該食唔飽 ，但勝在有質素! 牛有牛味，juicy ! 又有得比你自己慢慢燒， 都幾好玩。鰻魚也夠厚身， 醬汁不會太鹹。

之前聽朋友講過尖沙咀有間吉列牛扒專門店，一路都覺得好新奇好想去試下，今日終於有時間啦去到海防道中達大廈11樓一出𨋢就係,非常方便地方唔算好大呀，只有十名張枱, 幸好算係好鬆動嘅。佈置似一般日式的居酒屋， 簡單在主牆身有幾幅掛畫每張枱都放咗幾個既細細爐， 用左煎牛扒用嘅最終決定order一個吉列安格斯牛扒定食。前菜有龍蝦薯仔沙律，白菇。龍蝦沙律好幼滑，白菇味道不濃但好爽口。侍應介紹溫泉蛋可以有2個食法，就是沾牛扒或撈飯。我最終決定撈飯，一來可以令飯滑d,二來唔想影響到牛扒既味道。麵豉湯用左赤麵豉，味道香濃，唔咸，值得一讚主角牛扒，睇落好靚，每邊煎十零秒已可食用，等待過程陣陣燒肉味撲鼻，食慾大增。吉列外皮做得好出色，唔會一夾就皮肉分離，牛扒油脂唔多，不過口感牛味都好夠，唔太需要沾附上既醬汁雖然不太需要點醬汁，但還是介紹一下醬汁吧！左1)燒汁，2)和風芥末，3)柚子檸醋大約＄200結帳可以吃到安格斯牛也不錯呢

吉列牛近排係香港咁hit 所以一定要會一會佢☝🏻本身諗住會好炸粉味同熱氣食完發覺真係諗多左🤤🤤佢會上左醬料同壚先跟住就會出個定食出黎！店員會介紹個食法！份量對女仔黎講應該岩岩好 但男仔應該差小小個味噌湯好出色 吾會好咸 飲哂成碗都得個龍蝦薯仔沙律細細個 但好出色同開胃！有個太陽蛋 可以整散再點牛食 或者混飯食！其實😂🤤我覺得蛋混飯我已經可以一餐加埋d牛真係不得了！D色我最鐘意袖子味同芥末粉！點去可以去哂d油膩感🤤🤤個牛香味更加突出啊！滋滋聲咁聽落都想食🤤🤤🤤其實正反煎5秒已經岩岩好！ 我吾鐘意食太熟既🤧🤧第一同最尾果塊會比較炸 其他都好正☝🏻☝🏻岩岩好一定要黎試下！ 情侶當係慶祝活動首選！靜靜地好舒服！

真係開心 記得之前係日本好想食吉列牛 因為行程關係 去吾到食 真係喊三聲 最慘係啲朋友食完番黎都話好正 對我呢個極度好牛既人黎講真係最大既折磨知道香港開左吉列牛之後 我第一時間就想卜位去食 勁期待 希望佢由日本過黎之後質素吾好降低 一上到去 其實已經聞到好香既牛味 同埋聽到好多好似鐵板燒咁既吱吱聲 今次呢就叫左個安格斯吉列牛 上菜既時候 有人會介紹有幾種既食法 因為佢有吾同既醬汁同埋調味粉 本人最中意既其實就係佢個柚子醬 同埋海鹽 不過一食第一舊 一定要食佢個原味每一塊都係大概煎十分到就ok舊牛肉質都幾鮮嫩 同埋好甜 配合埋個吉列既鬆脆 又真係幾過癮🙈🙈每個定食仲會有一碗味增湯 同埋飯 最正既係配埋一個溫泉蛋 撈飯食確係一流 老實講 一份真係吾夠食 食完之後好想叫多份黎食😂 另外值得一提既係佢有個龍蝦小沙律 真係好好食 其實通常都會以為啲配菜係又廢又hea 點知有喜出望外既感覺 有啲心思思想問佢可吾可以比多啲我😂😂

有朋友介紹，話呢間吉列牛好好食，就星期六約朋友去試試！首先喺 OPENRICE 睇到相已經好吸引，紅通通的牛肉，再放上爉燭的鐵板上燒熱一點點。好食在於除左味道，仲有自己手動興一興熱去的意境，是很有趣的晚餐體驗！單單賣相已經可以post相呃like啦！自己放上爉燭的鐵板上，每面各燒10秒，不過我覺得燒得太熟。當鐵板燒到熱了，每面各5秒都夠！餐點配有吞拿魚沙律同菇，清清的味道減少牛肉帶來肥膩感。特有三種調味配牛，我最鍾意柚子的那個柑香味，好好食。湯品。另外叫了玉子燒，是很多女士喜愛的菜，不同之處在於中間卷起了明太子，味道多了層次。你喜歡玉子燒嗎？唔少得啤一啤酒，少少香甜，但又帶有麥味，真係不得了。我最怕黑啤那種苦苦的味道。這個十分不錯！

店鋪裝修簡約，枱數量唔多，空間感好大完全無壓迫感，悠靜地同朋友享用晚餐。店鋪職員服務良好，用心講解食法。店鋪只做牛吉列御膳，分三款定食，極上A5和牛吉列，霜降和牛吉列，安格斯牛吉列。吉列牛口感幾特別，吉列好薄完全無搶左牛既味道。吉列牛預先炸好，但中央保持生嫩既牛肉，食客可隨個人喜好，於預設既迷你燭台爐即煎即食，自由控制生熟程度。我最欣賞係有六款調味，柚子醋，山葵，和風芥末，芝麻燒汁，岩鹽，柚子胡椒，配合不同既客人需要。我自己最鍾意岩鹽。。。可以品嚐牛既原味。定食配有三款蔬菜，龍蝦薯仔沙律，日本香菇，椰菜絲配柚子醋係絕配，但椰菜絲份量較少。個人喜愛明太子玉子燒。。。推介 ! 店舖除左清酒，仲有幾款手工啤，今次支持下本地品牌 ~ 獅子山下既"一代宗師"，複雜層次中注入熱情果、桃、燈籠果、柑橘水果、黑醋栗和松樹香味，口感濃而不烈 !  溫泉蛋拌飯。。。正 !                                                       

今日同朋友去tst行街,經過見到吉列牛專門店,感覺好吸引~一於入去試下!裝潢整潔,燈光柔和,唔錯唔錯!我同朋友都order左牛吉列御膳!牛吉列御膳好豐富,有湯,有前菜,有溫泉蛋同主角吉列牛!麵豉湯濃味夠咸,前菜龍蝦薯仔沙律味道好特別,幾好味!自家製漬物係菇黎,食落好開胃!溫泉蛋用黎沾吉列牛食或攪勻撈飯食!吉列牛裏面色澤紅潤,外邊包住脆口麵包糠,賣相吸引!每邊大約煎10秒,肉啱啱好熟,肉慢慢變成啡色!吉列牛食落口感好腍,一d都唔韌而且充滿牛肉鮮味!肉汁亦夠多,唔會乾,好味!沾吉列牛既醬汁有6款,我就最like岩鹽+燒汁啦!尼兩款最襯托出吉列牛嘅肉味,係最夾既!整體黎講質素相當唔錯!享用既牛肉很高質!滿足的一晚!

如果大家有留意開 都知道豬小姐並非食肉怪獸但「琥酌」吉列牛尼個gimmick的確少有咁挑起我嘅「肉」望？！今晚拉埋豬先生同我尼到尖沙咀分店肉肉一番！地點係尖沙咀A出口轉入海港城嘅海防道 到達中達大廈之後直上11/F全層就到「琥酌」啦裝潢主要以深啡木色為主 擺設同掛畫都有著和式感覺 牆身櫃擺放住不同日本酒 作為小點綴基本上晚市只有吉列牛套餐選擇 有分3個級數3個價錢分別係美國安格斯牛$188 和牛肩胛肉眼$398以及日本A5黑毛和牛肩胛芯$498淺嚐嘅我地揀左美國安格斯牛肉先上一個橘子黑色小炭爐 用作燒熱牛肉店員好細心咁講解套餐須知 有重點又唔長氣 例如係麵豉湯要趁熱飲漬物同沙律可以先食牛肉每邊燒10秒 但可因應自己食牛嘅生熟程度再決定燒嘅時間點牛嘅醬料介紹等等溫泉蛋可拌勻點牛肉/直接撈飯短短一分鐘時間已清楚講解哂 雖然係小細節 但卻令人感到貼心麵豉湯味道夠濃 唔會淡而無味 加入小配料增強口感波波形狀嘅龍蝦薯仔沙律薯味突出 口感帶泥狀 味道唔錯 豬小姐幾喜歡尼款的骰前菜自家製漬物係雪白菇 涼拌帶微酸甜 菇味清淡口感爽脆 又幾開胃喎到主角吉列牛啦將粉嫩血紅色嘅吉列牛放上熱爐即發出誘人嘅「吱

有朋友介紹我黎依間食，我又睇左下openrice ge menu，睇落幾吸引，就終於去試左我一去到就覺得個環境俾想像中令，同有空間感，仲要幾令，好有feel，所以都打左一下卡😂😂。咁食物方面，一定要提一提嘅就系佢地主打嘅牛吉列御膳，仲要係晚市都有set依方面黎講真係好抵，我最後就簡左美國安格斯牛肉，最平嘅試下。咁一個set入面就有以上嘅野啦，有一個日式味增湯，味道吾咸吾淡，但我更喜歡飲佢地免費提供嘅茶，有一個溫泉蛋，可以用黎掂牛肉食，同埋撈飯食，有多個選擇嘅食法，有牛肉方面，我都覺得系一個幾特別嘅做法，就系提供牛吉列嘅牛肉俾我地，但系可以自己去燒，就系用以下依個燒啦。想燒幾熟都系自己決定，仲可以享受一下燒野嘅樂趣Tim，真系一個幾得意嘅idea。仲有佢地有三個吾同嘅汗提供，中間間個個食落似沙律醬，但其實系芥茉醬汁黎，而影到反光個個系燒汁，食落甜甜地，而全黑個日系柚子檸醋，食落酸酸地，將嗰個椰菜絲沙律點黎食，咁就夠味啦，可以做開貴前菜Tim。最重要就系，依間服務態度真系好到不得了，系我食過咁多間野入面見過嘅態度最好，有禮貌吾再講，仲要介紹哂d醬汁，每一個食物嘅配料，都一一解釋，又主動加茶

日本料理永遠都係香港人嘅最愛，吉列牛扒熱潮由東京開始，逐步漫延到關西一帶。餐廳位置其實一點也不難找，不過很容易會走漏了眼，錯過了入口。店內裝飾很有日本色彩，有點像置身日本之中。一直都好期待要品嚐這一餐，餐牌嘅選擇唔多，但係我嘅目標清晰，就係要一試吉列牛。餐牌上的套餐有三個價錢，由$188起。外層的吉列皮超乎想像的薄，包裹着粉紅色嘅生牛肉，不得不讚廚師嘅巧手，看似很生的牛肉但一點血水也沒有，吃入口中也沒有血腥味，若是油炸過久，便會讓裡頭的牛肉太老又不好吃。金黃色外層炸得超鬆脆可口，相信沒有用萬年油來炸，食的時候再逐片放上鐵板上略為煎熟，肉質依然保存嫩滑！配菜方面，龍蝦沙律，味道不俗，但份量稍為細小。温泉蛋可伴飯，或伴吉列牛塊。醬汁一點也不馬虎，有岩鹽，wasabi, 柚子胡椒，燒汁，蜜糖芥末，同柚子汁。其實不配上任何醬汁，或輕沾上黑胡椒更能吃得出牛排本身的原味和鮮味。價錢稍為進取，但係可以一試，味道不錯

之前係第2間分店食過琥酌 覺得好好食 每樣配菜都好有心思 今次就帶朋友再黎食過！😍😍😍Menu選擇不算太多，小食大概有兩頁，御膳就係圖上所示，而我就揀左牛吉列御膳😋😋😋好快就上左菜了，好豐富！！中間有3款醬汁，分別係和風燒汁，和風芥末 似沙律醬甜甜地，同埋柚子檸醋 酸酸地 點沙律菜食一流😍圓形一粒既係 龍蝦薯仔沙律😋😋😋唔好睇佢外表唔吸引 龍蝦味勁出 配上沙律醬 出奇既夾味 好似食緊薯容蝦肉😍溫泉蛋，可選擇點肉或撈飯食