琥酌 (已搬遷) 新店位置

男友在星期六要加班，要差不多下午茶時段才能出來。為免讓自己餓著，就一個人去吃午餐吧？對自己好點，吃和牛好了 一出電梯就看到地上打的燈~餐廳的環境比較有復古的味道，枱椅和招牌牌匾都是用木做的~酒櫃那邊有好多種類的酒呢～ 真的一出電梯就看到了餐廳的全貌午市套餐有八款，我這牛魔王和看到第一項就已經點菜了。這裏著名的吉烈牛在主餐牌上，夜晚兩人來吃應該不錯呢留點好東西遲點和他來吃。上菜前先上了三款醬汁，分別為芝麻燒肉汁，芥末和柚子醋。忘了拍照，但就像上圖內的醬汁一樣。另外也提供鐵板讓食客自己燒的。琥酌和牛盛合內有A5和牛及頂級安格斯牛，還有野菜車厘茄，白玉菇和露荀。赤味噌湯的顏色深啡，味道相當香濃，內裡有菇粒提升了鮮味店員建議拌勻醬油溫泉蛋點烤肉吃，不過個人喜好拌入白飯中吃，能完整吃到蛋的味道，也是日本典型的食法呢肉各有5片，這色澤紅潤，較少脂肪的是頂級安格斯牛。而這粉紅色為主，滿佈雪花的就是A5和牛。脂肪紋理分佈平均，甚為美觀，未燒都知道會好好吃餐廳提供的鐵板下有火燒著，要怎樣燒就隨意啦~不過肉熟得頗快的，為了要最juicy的狀態，燒到每邊都剛剛熟就最好！A5和牛最重要是雪花。燒熟後脂肪部份處

尖沙咀食肆林立，種類繁多，要食特色野好容易，見到呢間餐廳既名都幾特別，主打係牛，岩晒我啦，最鍾情食牛，就上去食下咩環境先，餐廳地方很好，好舒適，亦好有特色，叫左個主打招牌菜，牛吉列御膳，賣相已相當吸引，食落非常有口感，師傅好有功夫，將一件原條既安格斯牛原條用醃上炸槳，炸至外表剛熟同脆，才切件上枱，到食既時候，店員話每邊煎10秒就可以食得，但我比較喜歡食5成熟既，所以煎左5秒，已經好好食，夠晒外脆，內鬆軟，口感非常非常之一流，不肥不膩，值得推介喜愛牛之人士。

經過尖沙咀突然很想吃日本菜，於是就試下呢間餐廳吧！確實無介紹錯，真心好正！餐廳俾我嘅感覺不像日本餐廳，反而有點像中式店，中國風味很重，像古代客棧情懷。座位非常寬闊，而且旁邊有很多日本酒，感覺好舒適。每枱都有一個燒肉爐及調味，睇到都興奮，因為可以自助燒，感覺都好神奇！點了份吉列牛御膳，話晒都招牌菜一定要試下嘅。一份套餐有齊吉列牛、溫泉蛋、飯、麵豉湯、沙律薯蓉、菇。真係有齊晒小食、前菜、主食，好豐富喔！店員服務仲好好，會親自教授點樣燒。每邊大約燒10秒，這樣牛肉口感會好豐富又唔會太老。而牛肉確實很嫩，加上皮是脆脆地，所以又脆又淋，很神奇。溫泉蛋除了用來斟肉之外，當然是用來拌飯啦！呢個飯真係好正呀，又有蛋香，又可以有吉列牛嘅肉拌。

從未食過吉列牛既我今日滿懷期待既心去一試吉列牛七點鐘就到左未算好多人，店舖裝潢同擺設都好整齊舒適。我今次揀左安格斯牛的御膳定食，喺餐牌見到呢個定食份量好多，一份定食一定夠飽。另外仲有其他定食，亦有唔同等級嘅牛肉，例如和牛。一份御膳食有一大份吉列牛，一份漬物，一隻溫泉蛋，一碗赤味增湯，一份沙律同埋一大碗白飯。根據店員嘅指示，每塊牛每一邊笑大約20秒係最好食嘅，放咗牛肉上鐵板後燒到吱吱聲，20秒好快就過，燒完嘅吉列牛外脆內軟！揸過嘅吉列外層依然好鬆脆，但一啲都唔油膩，牛肉經過燒烤後，唔會成塊變熟，中間呈現着粉紅色，口感好豐富，真係第一次食嘅大驚喜個人好鍾意配小小岩鹽食，令牛味更出色，另外果三款醬汁每一款我都好鍾意，所以交替住咁試，好好食！漬物同沙律都同樣出色，全部都清晒。白飯雖然係配角，但加埋溫泉蛋後就變成一個好出色嘅拌飯，我個人嘅喜好係加埋醬油撈飯食，推薦大家都可以試吓

仲記得之前喺太子食過要自己燒嘅吉列牛後好似都冇喺相似嘅食店再見過 最近有點返尋味情緒😏搵下地址啦⋯⋯嘩尖沙嘴都有分店!!正！當然都係去食同一個套餐啦👍🏻伴碟嘅龍蝦薯泥波波好好味😋另外鍾意重口味嘅朋友除調味醬之餘可以試埋的骰柚子醬、海鹽、芥末一齊食 加強味覺。☝🏽本人都幾鍾意創作 將野菜放入生蛋 將煎好嘅牛沾蛋漿 一級棒！今次牛肉厚度剛好 冇上次咁厚咁難熟 煎到赤口配飯好和味食到途中火會減弱熄滅 可以提示侍應加新嘅🙋🏼唔洗擔心

今日同友人相約下班後Happy Friday食好野。經商議後決定向交通方面又多選擇的尖沙咀埋手。友人一直都想食吉列牛，見琥酌在尖沙咀開分店就決定去試。重點係可以喺openrice online訂位，唔洗驚冇位之餘又唔洗等，簡直prefect 。七點到達已經有位唔洗等，坐低睇睇個餐牌，不足既地方係主食選擇比較少，只有三款吉列牛，另外有十款小食左右可供選擇。可能新開業既關係，店舖算係幾乾淨企理。三款吉列牛兩款係貴價牛，今次與友人小試牛刀就叫左最基本既吉列牛set以及三款小食share 食。分別係飛魚子玉子燒，牛他他，同芝士釀雞翼。另外仲叫左杯蘋果梳打。店員知道我地share 食就即刻幫我地備碟，服務算係唔錯。野食唔洗好耐就到，不過當然係要自己煮。一份吉列牛連石爐上，店員幫忙點火後就可以根據自己既喜好燙熟兩邊。個人認為每邊十秒左右就ok。塊牛個吉列邊keep到脆加分，雖然係普通牛，但肉質都唔錯唔會韌。吉列牛配有三款調味料，分別係岩鹽，芥末，同柚子芥末，各有特色可以帶出牛味。玉子燒中間釀有飛魚子，口感軟熟，味道亦都非常之夾。芝士釀雞翼香口味濃，唯一可惜既就係比較細隻，一啖就冇左。至於牛他他，牛

之前見到太子個間成日排隊，望過入去餐廳內堂比較細，放得少枱。尖沙咀新開分店，多左桌椅，依舊枱與枱之間有充足空間，岩哂傾計我同朋友叫左$188既牛吉列御膳，已經有前菜，溫泉蛋，麵豉湯同飯主角安格斯牛肉每片大約半厘米，吉列外皮，肉就岩岩五成熟每一枱都有個細爐，店員會係上菜後放蠟燭點著，我地可以放上煎盤度每邊烘一陣，生熟程度視乎個人喜好，我就中意烘三四秒，岩岩變色個陣皮脆肉嫩。另外我中意將溫泉蛋打勻，將煎好既牛肉撈落蛋汁。蛋汁包住香脆滑嫩既牛肉係最好味既食法😍😍😍不過其實佢都有幾款調味料濕既有燒汁，和風芥末 同 柚子檸醋乾既比較特別，出面食唔到既有岩鹽，山葵同柚子胡椒我比較喜歡柚子胡椒，酸酸地配牛肉，又有椒鹽既顆粒感，幾開胃一個女仔都可以食哂整個餐！

最近响 FB 睇到呢間食店响尖沙咀開分店，又可以唔慕名去食呢？一上到去，果然同太子店的感覺好大分別，呢度感覺很光猛寬落，所以揾個位坐低都很舒服。既然是慕名而來，所以看了下餐牌，都係決定點了極具人氣的吉列牛定食。牛吉列御膳呢個定食一上枱已經好吸引視覺，除咗有一列排開的吉列牛之外，旁邊仲有兩款可以即食的漬物。另外，仲配有一碗味噌湯、一碗白飯和一碗温泉蛋。夾起一塊吉列牛，外邊是金黃吉列脆皮，裡面仍是色澤紅潤的。放在熱熨的小鐵板上，聽到吱吱的聲音，加上不時會有油花彈出來。兩邊煎香了之後，吉列脆皮更添香脆，而且內裡的牛扒肉味十分濃郁，還有淡淡的油脂香，超滑超 JUICY。除了燒完直接食，還可以點旁邊一列的燒肉汁、柚子檸醋 或者 芥末汁。如果唔點汁，仲有 粗粒Wasabi、柚子胡椒蓉和 辣椒岩鹽，為吉列牛帶出不同風味，味道同樣豐富。整體來講，以一百多元可以食到這個級數的吉列牛，味道好而且份量亦唔係少，我覺得都算幾抵食。

在尖沙咀區與舊同事聚舊，想試特色菜。舊同事帶領我來到這間吉列牛專門店。午飯時段供應午餐，想豪一點可以試一試吉列和牛系列。牛吉列御膳採用美國安格斯牛，外層包圍著麵包粉，再經切割及烹炸，據稱能鎖住肉汁，能確保牛肉的品質。把一片片牛肉放在鐵板烤熟，熟成程度可自行調節。燒好後，先嘗第一口牛，外層香脆，牛肉味突出，肉質鬆化一點也不韌。這個御膳除了牛肉，還有漬物，龍蝦薯仔沙律，溫泉玉子，日本珍珠米及赤味噌湯。足夠一人份量，我和舊同事都很得很滿足。

吉列豬扒成日食，但吉列牛呢聽就聽得多，食就真係未食過，咁見電視有介紹就去左琥酌到試下吉列牛，係海防道好近地鐵站，是上樓的，咁上到去好寬敞坐得幾舒服，開頭重。咁就叫左個set，咁個set就有啲前菜，好似菇，miso，清清地好開胃，令到你更加期待之後既吉列牛，而吉列牛側邊重放住一個蟹子薯蓉，超級正呢個，估唔到蟹子同薯蓉係咁夾，而家唔會好大，唔會食，完就食唔到其他野，跟住餐入面重有隻溫泉蛋，其實我不嬲都唔係話好鍾意食溫泉蛋，但職員介紹話可以撈落個飯度食，真係好食好多最後岀場就係吉列牛，佢會比你自己燒，每邊大概廿秒，咁就為之最好，唔會太熟又唔會大生，外脆內軟，咁佢重有好種醬汁比你點，我自己就比較喜歡柚子汁夠特別，或者係唔點，原汁原味，總括黎講一定要反啅呢間琥酌吉列牛

今日嚟到尖沙咀右下找美食嘅地點， 呢度 新開咗間 特色琥酌吉列牛。何謂琥酌吉列牛， 就係一件牛扒用吉烈炸屬外表但內裏仍然是生的。 我們用苦卓好似鐵板燒的方法慢慢把生的吉列牛 煎熟。生熟的程度遊顧客控制人均選擇。全套給力牛被制在於醬料有好多種醬料任君選擇。 全套 吉列 牛的精髓， 在於他的 全套 醬料。我最喜歡就係是他的他他醬， 他他醬配上七成剛剛卓熟的吉烈牛非常惹味。乾麵豉湯完全冇味精用嚟食肥你的級別有最啱解渴個餐牌精心設計好特別 米用上日本珍珠米粒粒大眼嫩口日本溫泉蛋蛋黃味龍澳新鮮， 吉烈牛煎上少少蛋黃醬卓在鐵板上非常惹味又香口。環境舒適座位夠闊落啱曬放工輕輕鬆鬆去食一餐

星期五收工梗係去食好嘢啦 喺日本已經想食吉列牛架啦😭不過冇時間食唔到好彩係香港見到琥酌就即刻book位去食！自己燒 個牛好好味又好玩 蟹膏鮑魚都超推介 蟹膏味超濃郁 正！鮑魚係凍食 不過醃得好入味

舊年太子店開張試過之後，一路都覺得好慶幸有人將牛吉列呢樣嘢食帶嚟香港。最近尖沙咀開咗新店，都係忍唔住要捧吓場我哋揀咗上次食過嘅［牛吉列御膳，$188］定食入面除咗有主角牛吉列，仲有白飯、麵豉湯、溫泉蛋、菜絲沙律、本菇、龍蝦薯仔沙律波，同埋各款調味汁料，相當豐富包住麵包糠嘅原條牛柳炸輕輕炸過後，外皮金黃鬆脆、內裡則係九成生，紅卜卜比起上次喺太子食嘅牛吉列，今次嘅切得比較薄身，燒起上嚟更快，每面只需要燒十幾秒就可以食得比起啲醬汁，我更加鐘意點溫泉蛋，因為一嚟成個口感更滑，二嚟味道更香濃牛味唔算特別濃，但肉質軟腍，算幾唔錯

牛吉列御膳 $188Angus Beef Katsu Gyu Set無牛肉味, 唔知係咪煮法關係. 前排任食邊爐叫碟牛肉都比佢濃味. 當唯一既餸偏淡, 飯質素就好重要.記得之前去過牛角食燒肉lunch set, 肉得個幾片, 自然秒清. 比起燒肉, 其實主要係食佢既飯🍚🍚🍚牛角既飯用左日本珍珠米, 煮得香而軟熟, 加點飯素同甜醬油已經好食. 雖然肉份量唔多夠喉, 但因為個飯, even食肉獸既我對牛角印象都不太差.言歸正傳, 呢度除左牛肉麻麻, 飯也不是我杯茶. 飯唔香, Texture 煮得有點偏濕黏. 一邊既菇椰菜亦係好清新地無調味. 更杯具係無飯素, 久違地食左味道如此清淡既一餐. 之前見到新開張有免加一, 不過原來呢個優惠已經完左. 價錢以味道來講偏aggressive😂 Menu 選擇唔多, 牛御膳只有3個set $188 $398 & $498. 今次味道不盡如人意, 可能因為試既係最平set? 不過性價比唔高, 試一次夠哂至於服務方面, 唔會refill 茶係其一. 一開始其實會有簡單介紹唔同醬汁, 做法其實幾貼心. 不過可能staff 每日都要講, 講太多次開始唔太耐煩

!琥'!I guess The colour of amber Which is precious Yellow Light and golden is the characteristics seeing Lai Lok Yee dining as a Ma family guest on Tvb's And knowing that the dining room is on 11th fl The view should be more clear and open never had Angus cutlet before I have a 188$Angus beef katsu Guy settheir set is fully of sauces I love the spring egg best Amber yellow I can lightly fry the prepared cutlet beef pieces on the flat pansince the meat is Angus Only a few minutes to my surprise Th