琥酌 (已搬遷) 新店位置

其實之前已經食過吉列牛 但係同媽媽行行下街正當講緊晚餐食咩之際 原來發現媽咪未試過 所以就帶佢黎試下啦〰️安格斯吉列牛〰️$368外層係炸到金黃色 而入面係生既安格斯牛肉啦 出面係金黃色 入面係鮮紅色 好大對比呀牛肉雖然都厚 不過唔可以煎得太耐 如果唔係d牛肉會太韌 而且我鐘意食五成熟既牛肉 所以每邊我都係煎左15秒 之後就點我最鐘意既岩鹽醬 係煎既時候已經聞到香味 所以忍唔住好快就食晒啦 安斯斯既肉質好嫩口 而且又juicy 鐘意食牛既媽媽食都唔停口 〰️七味魚翅〰️$48呢個感覺似係雞泡魚乾既餸油小食 一路食一路傾下計咁〰️海鹽燒海老〰️$88鹽燒海蝦仲要有支竹簽拮住 蝦殻燒到脆卜卜 用口咬開 完全唔駛用手搣殻〰️日式舞茸野菌炒雜菜〰️$78呢個炒雜菜好惹味 〰️蘋果乳酸梳打〰️$28淺紫紅色呢杯就係啦 開頭我仲以為黃色個杯先係 食左d咁肥美既牛肉再飲呢d乳酸飲品可以冇咁膩〰️蜜桃乳酸梳打〰️$28

餐廳位置都算方便 尖沙咀a出口一出去 就到啦～好耐無食過日式料理就試下啦首先叫左一個日式舞茸野菌炒雜菜一上菜已經聞到香味入面有菇有菜 仲有木魚片 可以一齊夾晒落口 然後叫左一啲串燒海鹽燒海老串好正 估唔到份量都幾多每一隻蝦都幾大隻燒完既咸香味 好快就清晒～另外仲有月見燒雞肉棒咬落口仲有一粒粒既口感好似雞軟骨既感覺 加埋佢個醬料值得一試！重點緊係鰻魚三品茶漬飯佢有4樣配料比你加入去同朋友一齊食 鰻魚好香又多鰻魚汁而且好大份！ 之後仲可以加埋茶就變左茶漬飯 兩種食飯 好有新鮮感最後仲有兩杯乳酸梳打蜜桃同蘋果味

友人從海外回港度晚歲，帶左佢去食日本菜，唔係魚生飯或磯燒，今晚食吉列牛和鰻魚飯。日式居酒屋環境格局，唔會太逼。每位前菜($10)係沙律，都幾豐富，仲有海蜇。月見燒雞肉棒($55)爐端燒1客2串，免治雞肉帶軟骨，口感爽脆，加醬油蛋黃食，味道更濃厚。頂級安格斯牛吉列(推廣$368)每邊燒10秒便可，外層酥脆，肉香嫩滑，很滿足。灼的調味盛有日本鹽燒汁、玫瑰岩鹽、黄芥末，可以交替試多幾個口味，最愛玫瑰岩鹽。季節野菜盛合有南瓜、粟米芯、車厘茄、青豆，放在燒過肉的熱盤上，令蔬菜都帶肉香。清酒煮蜆($88)蜆肉份量很多的，加了海帶，味道清甜。鰻魚三品茶漬飯($168)用木盤成組上，很精緻，附上漬物、葱花、芥辣、飯素，可以加茶食。鰻魚很香，肉很嫩，魚味濃郁唔會腥，醬汁剛剛好，不會蓋過魚的味道，白米飯粒粒飽滿，有嚼勁。加茶變湯飯都好味，茶味清香。

今日係尖咀行街買野，係海防道附近搵野食。呢棟大厦好多餐度，見至呢間元祖吉列牛好似好正咁，就揀呢間食lunch喇。有lunch set 揀喎！環境都唔錯。揀左元祖吉列牛定食🐂包前菜沙律🥗又幾好果，落左海哲落去，食落惹味又爽口，好清爽。仲有個湯，仲濃好香既菇味湯。唔錯！食之前職員同我地講解一下，吉列牛大約每邊放係鐵板燒大概10-15秒就得。又好好玩咁！我鐘意無咁生，等啲牛無咁韌。吉列牛真係幾好味，做到外皮咁脆身又唔會厚粉。而食落裡面既牛肉就好嫩，好重牛味！仲有三隻醬可沾。我就最鐘意佢個燒汁加啲鹽，令到牛肉既鮮味更能調出。另外叫左:明太子舞茸什錦炒飯定食呢個定食仲有温泉日本玉子，半熟蛋好滑溜，一啖啜落肚，蛋黃即刻流出，好滋味！炒飯都唔錯，炒到都幾乾自，加埋啲明太子，食落好有口感，炒到好香。定食仲配埋餐飲。都食到好飽！

《琥酌》 #食在尖沙咀📍尖沙咀海防道38-40號中達大廈11樓-係好幾個月前都有食過呢間嘅吉列牛 最近又想食就約埋朋友一齊再去☺️不過今次試埋其他燒物🔹前菜 $10沙律幾新鮮 配芝麻醬 仲有d海哲 無咁單調🔹安格斯牛吉列 $368單係吉列牛都有好多款唔同配搭唔同價錢 店員推薦呢款所以就試下啦吉列牛每邊煎10-12秒，有三款醬汁包括鹽燒汁、岩鹽、黃芥末，我個人就比較鐘意黃芥末 煎就煎8秒左右就可以。肉味好濃 肉質仲係好嫩 真係食幾多次都唔厭仲有d配菜 當中南瓜最好味 燒完淋淋地好正🔹原條粟一燒 $48有牛油香 燒得剛好 唔會好乾 而且都大條 都唔錯🔹博多明太子玉子燒 $48玉子夠厚 軟淋淋幾好味 明太子又無平時食嘅咁咸喎 呢個配搭係perfect🔹日式骨付腸 $38見呢個好似幾得意咁 條腸入面有舊骨 味道都係普通燒腸 但外型就加左分🔹海鹽燒海老串 $88燒物又點小得燒海鮮 今次就揀左蝦 有6隻 燒完都仲幾鮮 d殼都好易拆 加d檸檬汁更好味🔹藍蝶花雪梨特飲$28最近都幾鐘意飲蝶豆花嘅飲品 都愈黎愈多餐廳有 多數都係配梳打 呢到就加左雪梨 都ok喎 甜甜地

放工行完海港城，同朋友去食呢間名字特別（叫琥酌）的日式餐廳，之前見到有吉列牛就拍板去食～😋一開始上左兩客沙律，好特別！有海蜇，酸甜既醬汁好開胃～博多明太子玉子燒$48好抵食，有五大件，釀左好多明太子，仲有木魚絲配，食到停唔到之製，好彩上左另一味菜～清酒煮蜆$88係料理長推薦板度見到，更何況係冬天去食日料我都要點既菜式！重頭戲安格斯牛吉列$188有三款醬汁：日本鹽燒汁、玫瑰岩鹽、黃芥末Staff好細心咁提醒我地燒10-12秒就食得，燒完無論點邊隻醬都好好食，我個人最愛點黃芥末，香脆既吉列皮同香滑既醬，必有一番風味！一品琥酌炒飯$148又要贊佢地細心，見兩個人，有事先將大飽魚一開二，炒飯材料好豐富，仲有帶子、黑蟹籽、鰻魚，炸蒜等等差d唔記得講飲品，因為第二日都要返工，我地叫左蘋果同水蜜桃乳酸梳打$28，開胃又降火（配吉列牛岩曬）～

想試吉列牛肉定食好耐，今次終於同朋友去食。3點幾去到，原來仲有lunch set!😌環境優美😌分別叫左個元祖牛吉列set同燒物盛餐，包飲品、前菜、餐湯同甜品。😋等左幾分鐘，侍應先上前菜、飲品同燒爐。前菜醬汁好好味，酸酸地香香地好開胃，啲蔬菜都好新鮮。主角終於出場，見到紋理好靚ge 元祖牛，唔知元祖牛即係咩牛每面喺爐上煎10秒，味道非常好，肉味好濃郁好香，又唔鞋口！非常欣賞e個吉列牛，外層有小小吉列口感，又唔覺食咗會好熱氣！如果有多一份都食得落！Set餐包埋舞茸湯，湯底濃濃柴魚味，同舞茸都好夾。👍🏻另外，燒物盛有唔同嘅肉類，雞翼、豚肉廣島蠔、冬菇味道正常，而最好都係牛類。🤣食物味道好好，下次可能會試試晚餐，不過一定係牛類！😋😋

前幾天特意帶媽媽來吃這裏的吉列牛扒，因為他嘗試很久了。首先他送來前菜給我們，是沙律。味道酸甜。這是燒七味魚翅，味道偏辣，而且魚翅干燒得很香，配上沙律醬，味道酸甜.這是炒雜菜，炒得十分爽口，而且味道帶點甜味。這是燒大蝦，總共有六隻。而且每隻也挺大隻的。燒得很香口，味道鮮甜爽口，而且還有蝦膏可以吃呢！終於到了吉列牛扒了，已經預先提我們炸過，所以我們只需要輕輕燒一燒，就可以了。牛扒肉質滑，而且很容易咬開。

突然好想食吉列牛，上網搵到呢間好似唔錯，地點又就腳，就係九龍公園隔離，於是收工就去左啦。環境都唔錯，無論人多定人少既檯都有。周圍都用了日本酒樽裝飾，很有日本居酒屋感覺沙律前菜很新鮮，上面還有海蜇，豐富了口感主角安格斯吉列牛一睇就知好好食！我食吉列牛比較喜歡燒熟點，這間吉列牛的肉就算燒到幾乎熟都不會硬，仍然很多肉汁醬汁有三款，分別是日本鹽燒汁、岩鹽同黃芥末。我喜歡三款一齊點隨餐附送野菜合骨付腸食落感覺像台灣腸，外皮很脆，內裏很juicy鹽燒海蝦好新鮮，好食牛油燒玉米🌽牛油味好重，同燒過的玉米好夾飲品方面叫了蝶豆花梨蘇打，很清新，如果唔飲酒的話推介這款！係facebook打卡有movenpick雪糕送，好開心

< 吉列牛 >琥酌有兩間，出名是吉列牛，今天我來到尖沙咀這間，卻不是吃牛。<前菜>先來前菜，是生菜青瓜粟米沙律加芝麻醬，還有海蜇，更加爽口。<鰻魚三品茶漬飯$168>分量好多，飯粒分明，配上四小碟可自行調配的料理加在茶漬飯裏，另有一番風味。<日式無茸野菌炒雜菜$78><是日精選 - 炸白飯魚乾$48>很多時吃白飯魚都是用來炒蛋或蒸，很少吃到炸的白飯魚，原來是那麼香脆好吃的。<是日精選 - 清酒煮蝦$98>蝦很大隻，配上微微的清酒味， 很好吃。<蜜桃和蘋果乳酪特飲$28>

今日帶屋企人食風靡香港的吉列牛！餐廳位置就在海防道（九龍公園旁邊）都很易找到！餐廳的裝潢參照日式居酒屋設計！但我和家庭點好菜後，店員便立刻為我們送上前菜沙律（每人$10) 和熱茶。前菜沙律：雖然前菜沙律要每人$10蚊！但係沙律面鋪滿海蜇，唔似其他餐廳咁淨係得菜。沙律蔬菜新鮮，醬汁開胃。黑豚肉海鮮牛吉列御膳：御膳材料豐富，包括:海鮮（帶子及蝦），牛吉牛，鮑魚及黑豚肉。上菜時店員會清晰介紹食材及食用方法，十分貼心。 黑豚肉汁豐富，沾上醬汁後更是惹味。燒好的帶子依然很厚身，入口鮮甜。吉列牛：吃過海鮮和黑豚肉後我們就開始燒期待已久的吉列牛！吉列牛的生熟程度可以自己控制，我自己就比較喜歡5成熟，家人就一定要燒至全熟。燒至5成熟比較鬆軟！肉汁也比全熟的更爲豐富，另外餐廳提供了三款調味料包括柚子檸醋，燒汁及和沙律醬提味。但令人驚喜的是即使是燒至全熟的吉列牛外層都依然很鬆脆清酒煮蝦：清酒煮蜆聼得多，清酒煮蝦還是第一次聼！很有新意的一道菜。 大蝦爽口彈牙，加上餐廳煮蝦的時候加入了昆布調味！令到蝦的鮮味更出，吃完後也可能當湯飲！很鮮甜。七味魚翅：其實是燒魚乾，味道都幾鲜美而且也不腥，部分更是燒到脆脆的，很

假日午飯時間人流唔多， 餐廳位置相當便利，就在清真寺與新港中心的直路中間。環境唔錯，雖然位置唔算多，但闊落唔逼狹，以木枱木櫈為主，裝潢富日式居酒屋味 ，有點像置身日本之中。而且有VIP房和八人雅座，飽覽九龍公園景色，倍感清雅! 呢間元祖牛吉列專門店以高質和牛沾上面包糠，以高溫油炸至金黃鎖住肉汁，令外皮金黃而中乜嫩紅，中心仍能保持八成度，賣相特別和吸引，所以黎到一定要試「元祖牛吉列定食」。先上湯品--燒舞茸湯，原來舞茸屬於多孔菌目、多孔菌科，是一種高蛋白、低脂肪、多營養的珍貴菇類。比起味噌湯，更清甜和養顏！主角來了！ 自己可以親手煮的吉牛，生熟度可以自己決定。外層脆卜卜，內裡牛肉半生熟帶點鮮紅色，肉質好淋口感非常好，亦好重牛肉味，加埋3款特製調味料，各有特式，個人最鍾意鹽燒汁，夠濃味甜甜地好開胃，非常好味！食的時候再逐片放上鐵板上略為煎熟，肉質依然保存嫩滑！。 溫泉玉子可以先攪拌，留待沾上燒好嘅和牛食，更加滋味。明太子舞茸什錦炒飯超誇張的多明太子，非常香的什錦炒飯，加上舞茸的味融入炒飯中，回味無窮！

今日同男友去尖沙咀，揀左呢間一直想試既餐廳，一直都只是聽人講幾好食，但自己一直未食過，窩心既男友原來已經幫我揀左呢間吉列牛😊入到去好有居酒屋感覺，播住以前聽開既日本流行歌，好像去左日本咁先上前菜同飲品。沙律🥗小清新既味道，個汁份量都岩岩好，上面仲有些海蜇，好爽口我就當然點元祖吉列牛定食先上個爐吉列牛到了個舞茸湯好好飲，好舒服😌牛既色水望落都好令店員說每邊煎10至12秒就食得。真係岩岩好，食落個牛味仲好濃郁，側面既吉列微微脆，好好食差不多入口即溶佢有三款汁可以點，分別有鹽燒汁，海鹽同芥末醬，可以突岀個牛味。我幾中意個鹽燒汁，同d牛好夾男友就點左酌之燒物盛🍢見有個爐，佢都唔汁輸放d串燒焯焯佢😂當中我覺得佢所有牛都好岀色，牛柳粒同牛舌都好好食，再放落個爐加熱後仲好食左，有牛油既香，個牛味更加濃郁

前幾日先係日本返嚟，但又好快掛住日本嘅嘢食。所以琴日去咗食吉列牛扒，就喺尖沙咀海防道嗰度所以地方都好方便。我哋兩個叫左啲小食，叫咗個主菜同埋吉列牛。首先佢送咗個前菜俾我哋食，係沙律嚟嘅。中間仲有啲海蜇，沙律好新鮮配埋啲沙律醬，味道酸酸甜甜。跟住終於嚟咗個吉列牛扒啦，佢預先已經幫你炸好左，所以每邊燒15至20秒就得，牛肉整得好鬆化，仲好軟熟添。我哋叫咗個海鮮烏冬，海鮮包括有青口、帶子，蜆同蝦，首先淥熟左啲海鮮先，味道好鮮味。跟住就淥熟啲烏冬，烏冬好彈牙同爽口。

放工後同男胖子食飯~樓下見到呢間幾吸引就試試。上到去似居酒屋，但侍應態度就有待改善。好多人食緊吉列牛，幾乎每枱都點，但我地見到個火鍋盛都正，就叫左火鍋。先有前菜，每位需10蚊。極黑豚肉安格斯牛肉火鍋盛 $468呢個係京都木魚清湯鍋，入面有蔬菜滾緊。黑豚肉同安格斯牛肉，每樣6片，份量咁少又咁貴應該好好食，但食落原來好普通。叫多個主食，明太子舞茸大江户炒飯$188飯身唔夠乾爽，似普通蛋炒飯咁，唔係特別好味，但勝在可飽肚。再叫個七味魚翅$48，偏乾硬。口渴叫左2杯凍檸茶 @$23，普通。埋單後發現火鍋盛個set比漏左鮑魚，海老同芝士竹輪，唔知餐廳係有心定無意~