琥酌 (已搬遷) 新店位置

餐廳位置都算方便 尖沙咀a出口一出去 就到啦～好耐無食過日式料理就試下啦首先叫左一個日式舞茸野菌炒雜菜一上菜已經聞到香味入面有菇有菜 仲有木魚片 可以一齊夾晒落口 然後叫左一啲串燒海鹽燒海老串好正 估唔到份量都幾多每一隻蝦都幾大隻燒完既咸香味 好快就清晒～另外仲有月見燒雞肉棒咬落口仲有一粒粒既口感好似雞軟骨既感覺 加埋佢個醬料值得一試！重點緊係鰻魚三品茶漬飯佢有4樣配料比你加入去同朋友一齊食 鰻魚好香又多鰻魚汁而且好大份！ 之後仲可以加埋茶就變左茶漬飯 兩種食飯 好有新鮮感最後仲有兩杯乳酸梳打蜜桃同蘋果味