琥酌 (已搬遷) 新店位置

放工後同男胖子食飯~樓下見到呢間幾吸引就試試。上到去似居酒屋，但侍應態度就有待改善。好多人食緊吉列牛，幾乎每枱都點，但我地見到個火鍋盛都正，就叫左火鍋。先有前菜，每位需10蚊。極黑豚肉安格斯牛肉火鍋盛 $468呢個係京都木魚清湯鍋，入面有蔬菜滾緊。黑豚肉同安格斯牛肉，每樣6片，份量咁少又咁貴應該好好食，但食落原來好普通。叫多個主食，明太子舞茸大江户炒飯$188飯身唔夠乾爽，似普通蛋炒飯咁，唔係特別好味，但勝在可飽肚。再叫個七味魚翅$48，偏乾硬。口渴叫左2杯凍檸茶 @$23，普通。埋單後發現火鍋盛個set比漏左鮑魚，海老同芝士竹輪，唔知餐廳係有心定無意~