琥酌 (已結業)

今日口淡淡突然好想食啲熱氣野！所以朋友就話不如食吉列牛 因爲有好幾家一路都想試左好耐！跟住我地搵左幾間 見到太子呢間琥酌好評都多 咁就決定試呢間喇 ～我地叫左最熱門嘅安格斯盛合：上等安格斯牛肉表面包住簿簿一層麵包糠，外皮炸至金黃香脆，牛肉仍然保持鮮嫩濕潤。牛肉脂肪比例均勻，食落入口鬆化，完全做香而不膩。在侍應細心講解下，燒25-30秒左右乃是他們推薦的最佳口感。而跟配上三款不同的汁醬，是鹽燒汁，岩鹽，芥末醬，各款汁醬都能將牛肉的味道昇華到不同的層次，令人驚喜萬分。切角魚生飯：大量魚刺身粒 三文魚，吞拿魚，劍魚腩，甜蝦等，鮮甜味美，材料眾多，加上醋飯 味道酸酸，令人越食越開胃。明太子手羽燒：在雞翼中釀入滿滿的明太子，咬著嫩滑多汁的雞肉，還有滿口的明太子在口中啵啵作響，陣陣香辣香味不斷在口腔爆發，是道令人不能錯過的小食。

呢排出去食飯真係唔知食咩好有啲好早就收有d餐廳亦都食過，我自己就住喺東區嗰邊所以出街食飯多數都係銅鑼灣灣仔呢兩地方，不過今日行街我就出咗旺角，你都旺角究竟食咩好呢我就驚朋友介紹去咗太子，餐廳名叫做琥酌嘅餐廳，餐廳係日本餐為住，但係呢間餐廳最特別最好食嘅就係佢嘅吉列牛，點樣犀利法事不宜遲等我介紹一下我今日食嘅菜式安格斯盛合，呢間餐廳其實仲有日本空運嘅飛彈牛食，但個人就比較鍾意有咬所以叫咗安格斯，店員會為你準備一個熱嘅鐵板，牛扒本身已經炸至兩三成熟，跟住你自己可以控制牛扒嘅熟度，煎牛扒呢一方面當然係我幫我女朋友啦，牛扒外脆內軟最重要係我做到有五成熟嘅效果，女朋友食過都話舔舔脷角切魚生飯，有不同嘅魚生組成嘅飯，魚生大大粒大大篇，成個口都充滿魚油嘅香味，魚生飯粒粒分明係酸酸地非常之好食明太子雞翼，雞翼外皮非常之香脆，裏面鋪滿着滿嘅明太子，非常之多juice

每個星期總係有一兩日想食下日本野去唔到都想食下當去左！呢日黎到太子琥酌，見佢個吉烈牛好似唔錯就想試下！店員安排左我地坐吧枱，好好feel! 好似去左日本咁我地叫左吉烈牛，炸蠔同埋牛肉飯我地呢個吉烈牛係安格斯盛合！牛肉好有牛味，店員先上左個鑄鐵鍋，牛肉黎到輕輕燒10秒內就再翻面燒，不過時間由你控制啦，太耐會un,我就中意嫩d~~~牛肉食落好有牛味，又夠嫩滑～一個都唔係好夠喉！吉烈蠔：雖然蠔拎左去炸，但係粒蠔唔會話係好唔新鮮同霉,相反，粒蠔就好有好味，又唔會好腥！正！琥酌丼：其實就係牛肉飯切哂粒既牛肉撈飯食非常之夾，啖啖肉！牛味一定冇上面個吉烈牛咁重，但咁食都非常之享受！！！！ 下次黎要再試下其他野先得！

上回講到元朗、荃灣都有得食石爐鐵板燒吉列牛今次找到高汁新目標了就在遠在天邊近在眼前的太子頂級安格斯牛吉列御膳🥩用上美國安格斯肩胛肉 的確比較上盛牛肉脂肪比例油花分佈非常均勻每啖都純綿綿 又滑又嫩吉列脆漿做得夠薄身自行控制生熟度 唔使點醬汁已經好夠味當然點埋醬汁 更加想追食啦明太子手羽燒🍗外表平平無奇燒雞翼 脹卜卜的裏頭 去左骨 仲釀左好多明太子惹味十足和牛涮涮鍋🍲蔬菜豆腐金菇 都不給牛肉吸引同樣用上鮮嫩肩胛肉 比吉列做法更更更嫩滑比起坊間普遍採用的肥牛好食多了 ———————————————————————#太子 #princeedwardhk #mongkokfood #旺角東 #旺角美食 #steak #angussteak #cutlet #beef #板燒吉列牛 #吉列牛 #明太子雞翼 #japanesefood #hkfoodie #foodiehk #香港好去處 #食左先講 #相機食先 #食好西 #拍拖好去處 #presslogicholiday#hkfoodieblogger

好鍾意食呢道既吉列牛~~每次食完都再想ENCORE忍唔住今日又黎喇, 嘻嘻6點到, 有D早, 餐廳未有太多人呢...可以享受靜靜地咁食飯傾下計數量限定~~~想食要早D叫喔我既最愛黎喇!!!頂級美國安格斯吉列牛有3款調味料~~覺得簡簡單單點少少鹽就能帶出牛既鮮味大大份好吸睛既頂級美國安格斯吉列牛每塊既厚薄剛剛好....將吉列牛放上鐵板道燒~生熟度自己控制~~牛排軟腍又JUICY!!外脆內軟超好味丫琥酌丼 (和牛及安格斯牛肉粒配上自家制醬汁)好多好多牛肉粒!!!!! 整碗滿滿的牛味超濃郁, 口感非常豐富大大碗, 2個人SHARE食岩岩好~~~琥酌吉列盛合(吉列廣島蠔, 吉列大蝦, 吉列和牛薯餅)上枱熱辣辣....薄薄的炸粉非常鬆脆~吉列大蝦爽口彈牙!!吉列廣島蠔一D腥味都冇和牛薯餅, 外脆內軟, 薯蓉軟綿

琥酌呢一間餐廳裝修風格非常特別，牆身亦塗上日本字句，而且聽人講呢間餐廳出名食吉列牛，而我正正係吉列牛超級粉絲，於是決定去試吓！所以我哋一入到去就叫左一個中價位嘅頂級安格斯牛吉列御膳$368呢度嘅吉列牛係採用美國安格斯肩胛肉，所以肉質特別肥美，而且吉列牛的一大特色就是有一層超薄的脆漿黏附在吉列牛四周，只要將吉列牛放上石鍋每邊燒20秒左右，就可以食到最完美嘅吉列牛，然後點上燒肉汁和岩鹽，更加美味！吉列大蝦（三隻）脆漿好薄，蝦肉十分彈牙，新鮮，配上沙律醬和酸甜醬，好惹味！炙燒慢煮和牛丼（大）$128和牛丼上鋪滿整個飯，更有䓤花和醬油淋好左，和牛半生熟，肉質特別鬆軟，食落好重牛味，和牛十分厚切，十個正！

今日早收工 同友人嚟咗好近太子港鐵站嘅吉列牛專門店🙊 雖然舖頭唔算大 但都有兩張卡位 又有bar枱😬 店內較暗 但幾有情調 我地總共嗌咗三樣野食明太子手羽燒 雞翼外面炸得好香脆 炸粉唔會太厚 咬落去有好多明太子釀咗喺雞翼入面 有好輕微嘅辣味 又有肉汁 係一碟幾好食嘅小食🐥和牛涮涮鍋 牛肉上碟嗰陣仲係半生熟嘅 又有好多蔬菜係底 有金菇 娃娃菜 冬菇 豆腐 蛋 仲有大蔥 和牛食落口肉質鮮嫩 牛味好重😻😻湯底係傳統日式湯底 但係唔會係好甜嗰隻 味道啱啱好安格斯盛合 嚟到呢間吉列牛專門店 冇理由唔食返呢度嘅招牌菜嘅☺️ 店員一開始俾咗個鐵板同調味料我地 跟住吉列牛上檯 牛肉脂肪比例好均勻 出面有一層薄薄嘅吉列炸粉 然後放上熱辣辣嘅鐵板上面 聽到煎肉嘅嗞嗞聲 真係聽到都流口水🤤 煎好咗嘅吉列牛唔算係入口即溶 但係油香好重 全個口腔都有嗰陣牛油香味 最後食埋配菜 翠玉瓜同南瓜煎完之後都好香牛油味呀🎃呢間餐廳牛肉嘅質素好高 無論係炸嘅吉列牛定係淥熟嘅牛肉涮涮鍋都食得出牛肉嘅嫩滑 如果你係牛魔王 就一定要嚟試吓啦😛

呢排香港人星期六日都好忙 所以決定今日星期一去食好啲 慰勞下自己 一直都好想試下石燒吉列牛 就去左太子琥酌 餐廳店面裝修非常有日本風味 而一推開門已經聞到好濃郁的牛味 同埋在石板上燒牛肉的滋滋聲 令人食指大動見到餐廳主打日本和牛 仲有介紹日本唔同地區出產的牛肉 見到個鹿兒島和牛套餐好吸引 不過我地驚食唔哂 所以決定散叫首先當然係必食既吉列牛！我地揀左頂級安格斯牛御膳 附送野菜見到牛扒外面炸至金黃色 但裡面的肉卻係生的 可以見到均勻的脂肪分佈 Waiter建議我地將牛扒每邊燒20-30秒後就可食用而佢有三款醬汁包括日本芥末 粉紅岩鹽 同燒肉醬我個人認為加岩鹽最好味 香口之餘不會蓋過牛肉本來的肉味而薄薄一層的吉列皮炸得岩岩好 令牛扒外脆內軟 口感一流之後我地仲叫左一個吉列盛合 入面有吉列蠔 吉列蝦 及和牛薯餅要特別講一講個吉列蠔 處理得好好 唔會炸到入而乾哂 咬落去軟身 多汁 鮮味十足配上沙律醬 味道一流最後我地叫左餐廳招牌琥酌丼 係用左和牛碎配上黑松露，香菇同椰菜等等造成拌飯一黎到已經聞到黑松露的香味 加上和牛的油脂香 食落啖啖肉 我本人強列推薦雖然餐廳價錢唔算平 但食物質素同環境都值回

琥酌 - 吉列牛體驗門面典型日式餐廳的建築設計，木色的柱形外牆，門頂有酒紅色底金色書法字的招牌，內裡貫徹木元素，採用木桌子和梳化墊的木椅子，外牆掛著日系風格的圖畫和書法突字。鹽燒牛舌丼海量多的牛舌片，厚度剛剛好，肉質彈牙，鹽燒配白飯一流，當中加入椰菜絲、冬菇片、炒洋蔥增加口感和味道。吉列安格斯盛合石板燒吉列牛，肉類採用安格斯牛，牛味濃烈，肉質腍身，油脂分佈靚，油份入口後流出，外皮沾上吉列炸粉，帶點脆脆的口感，可以配上黃芥辣醬、岩鹽、鹽燒汁。名古屋雞翼深啡色表面灑上芝麻的雞翼，外皮香煎過變得脆身，內裡雞肉嫩滑，雞皮吸滿甜甜的醬汁。

今日同T小姐一齊放假，一早出去搵好野食之前都睇中呢間日式吉烈牛，襯午餐時間去食下先，餐廳門面充滿日式感覺時間尚早，仲未有咁多客，裝潢就好有日式感覺呢個係收銀前既雨傘架好正，可以上鎖，日本就經常有，香港都係第一次見雖然$108 2個mini丼好低，但係一場黎食，梗係食牛啦，我地叫左一份豪華和牛便當盛合同埋吉烈牛安格斯御膳，再加2杯蜜桃乳酸梳打飲品到先，酸酸甜甜好開胃，大熱天時飲呢d好爽豪華和牛便當盛合黎先，牛肉油花分佈得靚，一睇就知係和牛黎一分午餐咩都有，刺身係北寄貝，甜蝦，三文魚，全部都新鮮炸物係薯仔牛肉可樂餅，中間既蘿蔔漬都好好味好開胃我果份吉烈牛，d油花都好靚，菜又新鮮，跟餐個湯都唔hea，好多海苔和牛盛合d牛真係靚，烤一陣就食得，又淋牛味又足夠，吉烈牛又係烤一栲就食，外脆內軟三隻汁有燒烤汁，岩鹽，芥末汁，三個都好味，個人最鐘意岩鹽食飽埋單走人，食材新鮮，性價比高，絕對會再次光臨

一向都中意食日本菜，尤其係吉列牛🐮🐮知道琥酌主打吉列牛，即刻引到我地呢隻牛魔王去朝下聖🤤🤤🤤 同埋間鋪唔難搵🙈太子站a出口行幾步就到☺️除左叫佢主打嘅吉列牛，我地仲叫左個琥酌吉列盛合，入面有兩隻吉列廣島蠔、兩隻吉列蝦同一件吉列和牛薯餅，中意食炸物嘅人一定要try try!會有驚喜🤤佢啲炸粉唔會太多炸到啱啱好又夠香又夠脆，我地就最欣賞個吉到蠔，啖啖鮮味係個皮入面滲出黎，食完仲有少少餘香🤤重點就係主打嘅吉列牛，果然冇令我地失望☺️一咬落去個種牛嘅香味就飄晒出黎，真係講起都留口水🤤牛質嫩滑加埋個吉列外層完全係外脆內軟😋佢有3隻調味你點：岩鹽、芥末同埋燒汁，3隻調味各有風味，個人喜好點岩鹽👍另外我地仲叫左個琥酌丼，估唔到佢除左吉列牛做得好，丼飯亦相當出色！和牛及安格斯牛肉粒非常澎湃，加上自家製醬汁撈埋落飯，好夠味，食到一粒米都唔想剩🤤🤤🤤🤤琥酌食物質素高，環境都坐得幾舒服，有機會一定會再黎食

上次同另一半講起太子有間人氣專食吉列牛嘅居酒屋，一直都好想搵機會試下！ 今次咁啱就去到旺角買嘢～～ 晚餐就一於行過少少⋯⋯嚟到哩間位於太子嘅日式居酒屋 － 琥酌， 一嘗吉列牛！！！【期待】餐廳門面充滿和式味道。入到去，整體裝潢貫徹其日系風。店內亦設有小bar檯，放滿各類型清酒，好有居酒屋Feel！牆上掛著和風畫布及貼滿粗豪日文毛筆字，配以微黃昏暗燈光，別有一番風格！食品種類都幾多，有主食、刺身、燒物、炸物、鍋物....... 當然唔少得主打嘅「吉列牛」！⭐琥酌吉列盛合 ($108)當中包括 吉列廣島蠔、吉列大蝦及吉列和牛薯餅即叫即炸～ 熱辣辣！炸粉厚度啱啱好，薄薄一層咁包住食材，非常鬆脆！ 廣島蠔好肥美，食落一啲唔腥！大蝦好新鮮～爽口彈牙！和牛薯餅外脆內軟，口感綿密，味道濃郁好惹味～⭐角切魚生飯 （大盛 - $118)賣相好吸引！非常足料～ 啲魚生密鋪哂成個表面～ 而且魚生種類都幾多～ 有三文魚、三文魚籽、帶子、油甘魚、吞拿魚等。款款都好新鮮又肥美食落好鮮甜。 價錢都好實惠～整個大滿足呀！⭐安格斯牛吉列盛合 (＄368)最期待嘅主角－ 吉列牛終於出場啦！配有3種調味料分別係芥末醬、岩鹽

「琥酌」有兩間，之前試過尖沙咀分店的食物，一試難忘，今日來到太子分店，再嘗《吉列牛》。餐廳的食物主打高質靚牛，另外還有鍋物、燒物、魚生、小食和清酒。《美國安格斯盛合》$368餐廳采用日本鹿兒島A5和牛肩胛肉，服務員先放上一個小爐，把鐵板燒熱，還有一份醬汁，包括岩鹽、鹽燒汁和黃芥末。吉列牛切成細細片，放在鐵板上燒 25至30秒，生熟程度隨個人喜好。吉列牛肉汁豐富，入口即溶，又淋又juicy，滿口的牛肉香，忍不食完一塊又一塊，就算不用點醬，原汁原味都很好吃。讚。《吉列盛合》$108 有蠔、蝦、和牛薯餅三款，吉列食物果然是餐廳的招牌菜，炸粉薄而鬆化，，香脆又不失棉滑的感覺，三款都各有特色，點埋沙律醬和甜酸醬更好味。《牛肉涮涮鍋》$108另一種食牛肉的方法，牛肉片的份量適中，軟腍有牛肉味， 浸在熱湯內一陣就變色了，還有菜和蛋，湯很清甜好飲。

年幾前同班朋友係尖沙咀分店食過佢既大堆頭會籍料理，當時覺得主打既吉列牛唔錯，有質素既餐廳當然要返兜😚呢次去左太子分店，鋪頭相對細小，見到無訂位嘅客人要掉頭走▪️ 頂級美國安格斯牛吉列（7.5/10）💲148人少少就咁叫咗個安格斯吉列牛，配椰菜沙律同漬物，跟三款醬汁分別係和風芥末、海鹽同埋燒汁😋最欣賞嘅係炸皮夠貼服，唔會夾上去散曬，店員話每邊燒十幾二十秒左右就食得，肉質方面個人覺得太子比尖沙咀既好，冇韌筋之餘仲要係軟腍，而且有肉汁同油脂香😍側邊嘅蔬菜都可以食埋既▪️ 琥酌吉列盛盒（7.5/10）💲108另外仲叫咗個吉列盛盒，上檯仲係熱辣辣，炸粉係薄薄既一層，咬落帶鬆脆😎兩件吉列廣島蠔夠肥美，兩件吉列大蝦亦爽口彈牙，一件吉列和牛薯餅粉粉地幾易入口🤗可以蘸上味道類似章魚燒嗰種略鹹既醬汁或者沙律醬，整體無咩油膩感▪️ 琥酌丼（7/10）💲118（大盛）食到有頗為香濃既黑松露味，仲有啲蘑菇粒，而重點係佢嘅和牛同埋安格斯牛肉粒配上自家製嘅醬汁，呢個啲牛嘅質感就無吉列牛咁嫩，不過都夠香口，份量亦都算多會飽肚🍚🔎 整體評分（7.5/10）

今日收工約咗老公食吉列牛。一早叫老公book定枱所以去到唔使排隊。夜晚7:00準時去到餐廳都已經座滿晒人。呢一間嘅吉列牛套餐比之前食嘅更加高級，老公真好帶我食好嘢仲叫咗一個特選A5黑毛和牛套餐俾我食。另外再叫咗一份吉列海鮮拼盤同埋和牛唰唰鍋。吉列牛非常好味，放喺石板上每邊燒1分鐘就食得.千祈唔好燒太耐如果唔係曬咗塊咁靚嘅牛肉。靚嘅牛肉果然係唔同啲入口即溶，吉列牛最好嘅地方就係外面炸得趣卜卜。吉列海鮮拼盤有吉列號吉列蝦同吉列薯餅，唔需要點樣調味加少少沙律醬就啱啱好啦和牛唰唰鍋都非常之唔錯，份量亦都唔少兩至三個人食啱晒。牛肉嘅質素亦都唔錯