班蘭葉印尼餐廳

营业中

休息中

平時經過呢度，見到門面都只會以為佢係賣小食，所以冇細心研究。直接近排見到報到介紹呢間餐廳，才知道原來係可以坐低慢慢食，所以鍾意食東南亞食物嘅我就決定黎幫襯下。見到報導係介紹佢嘅花膠粉皮，因為聞所未聞，所以一定要試下， 我點左原條魚花膠湯粉皮，花膠湯味道濃郁，有幾片花膠，真材實料，炸魚非常大條，雖然係炸魚，但魚肉juicy，$78來講非常抵食。另外叫咗個炸虎蝦飯， 賣相五顏六色充滿印尼感，虎蝦香脆，配以不同炸物及雜菜，一個飯可以到不同類型嘅印尼食物，正。仲叫左個雜菜豆腐黃豆餅小食，因為無哂黃豆餅，所以換左炸矮瓜比我地。佢仲有鹹魚，炸豆腐，臭豆。呢度嘅炸物真係好好食。餐飲選擇左牛油果沙冰同鮮奶薑蜜，牛油果沙冰超級大杯，牛油果味濃郁，好滑口。鮮奶暖粒粒，冬天飲岩哂。

我對印尼菜印象就是香蕉葉、薑黃飯、蝦餅跟香料、還有我的最愛千層糕🍰不誇張我嚐遍多種口感跟濃淡的千層糕，這家是我吃過最好吃的糕🥢非常軟密，班蘭味道很足！有沒有人像我一樣，吃腸粉總喜歡攤開變粉皮，再裏裏外外沾滿甜醬花生醬才滿足🥢 我對粉皮有莫名的熱愛♥️湯頭不口渴，沒有味精的人工味道，還有兩片大花膠，不誇張把整碗都喝光了😋班蘭雞的雞胸也很嫩滑，平常ANTI雞皮的本人（挑食嗎？😂）這次也被吸引了！雞/羊/牛/白鱔各一串📯白鱔真的很入味很好吃，跟日式串燒汁很不一樣的滋味😋

男朋友話最近發現左間好好食的印尼餐廳...我一聽到已經"打咩"佢....我都唔食得辣的...食咩印尼餐廳wor...佢話印尼菜唔一定係辣架嘛!可以係甜架!然後佢就帶左我試班蘭葉啦~入到去我第一眼望到的是花膠雞湯!!!!What?!!花膠?雞湯?印尼野?!!!老闆娘見到我嚇親的樣, 佢忍唔住黎解釋下~原來印尼人係炸花膠再沾醬, 佢覺得好"嘥野"所以就轉做花膠雞湯粉皮~花膠雞湯真係好呀媽煲湯的味道, 裡面仲有塊花膠可以食下!粉皮亦都好滑!!最正係牛仔骨!!!唔知佢係用咩醬男朋友話最近發現左間好好食的印尼餐廳...我一聽到已經"打咩"佢....我都唔食得辣的...食咩印尼餐廳wor...佢話印尼菜唔一定係辣架嘛!可以係甜架!然後佢就帶左我試班蘭葉啦~入到去我第一眼望到的是花膠雞湯!!!!What?!!花膠?雞湯?印尼野?!!!老闆娘見到我嚇親的樣, 佢忍唔住黎解釋下~原來印尼人係炸花膠再沾醬, 佢覺得好"嘥野"所以就轉做花膠雞湯粉皮~花膠雞湯真係好呀媽煲湯的味道, 裡面仲有塊花膠可以食下!粉皮亦都好滑!!最正係牛仔骨!!!唔知佢係用咩醬醃, 燒完好香!!個醬甜地地~同牛仔骨超級夾!!男朋友

好幾次喺銅鑼灣行完街等小巴嘅時候朋友都對我碎碎唸呢間印尼餐廳唔錯，基於對印尼菜印象麻麻一直拒絕佢，今晚半推半就俾佢成功拉咗我入去。餐廳地方唔大，大概有十台左右，六點幾已經差唔多坐爆，當中除咗有印尼人，亦有唔少香港人捧場，睇一睇menu上嘅相片同旁邊食客食緊嘅菜式，似乎唔錯，我都放心返啲。朋友叫咗珍多冰，椰汁味幾香濃，大大杯，真材實料。好奇之下我揀咗牛油果沙冰，雖然價錢唔平，但當我望住侍應拎住兩隻牛油果入廚房之後，我就覺得性價比都唔低🥰入口感覺非常順滑，牛油果味道濃郁，加上朱古力醬簡直係畫龍點睛，估唔到咁襯！除咗係飲品，我覺得更加似係一道甜品❤️菜式改名簡單粗暴直接，炸虎蝦飯份量相當大，有三隻大虎蝦、伴碟番茄同青瓜片、秋葵、炸茄子同底部有嘅類似炸豆腐嘅嘢，侍應介紹白飯可以轉黃姜飯或者椰汁飯，我第一次食唔敢越級挑戰，所以揀咗白飯。虎蝦又大隻又新鮮，外皮炸得非常酥脆，肉質彈牙，有驚喜！朋友好推薦呢度嘅炸魚，我非常卻步，因為成日行過印尼鋪總係有一堆炸魚放喺門口，感覺極唔新鮮。試完之後終於明白點解印尼人咁鍾意食炸魚，佢哋嘅魚並唔係只炸表面，而係屬於deep fry，食落係十級香脆，而且一啲都唔乾，

今日放半天假，約左好姊妹去銅鑼灣行街睇戲，朋友話想去食印尼野，佢話這間班蘭葉印尼餐廳啲嘢幾好食，她每次同男朋友到銅鑼灣，係一定會食既餐廳呢度門口細細，門口好多印尼小食，裏面座位唔多，目測大概可容納20-30人，幾多印尼食客，應該幾有印尼地道口味朋友話呢度串燒好好食，所以我地二人，叫左個串燒+ 班蘭雞尖塔飯6串白鱔串燒，燒烤過的白鱔好香，入口肉質肥美彈牙班蘭雞尖塔飯，個飯綠色，尖塔做形，幾得意，入口有淡淡班蘭味同椰香味，跟兩個汁（豉油+蒜蓉），有啲似海南雞飯，雖然有雞胸部位，但煮得都幾滑朋友話係呢花膠湯粉皮，好有骨膠原，同好好食，叫我下次嚟，一定要試，仲有最抵係，呢度唔收加一

平時我好偏好喜歡東南亞菜式， 但是真的比較少吃印尼菜 。印象中，我只是喺馬來西亞，試過印尼菜。 印像中沒有很特別的感覺。今次朋友介紹一間佢覺得好好味嘅印尼菜。半信半疑之下， 一於跟佢去試試。😊😊今次嚟班蘭葉印尼菜，改變左 我對印尼菜嘅印象😋😋😋我哋嗌咗：羊肉串燒6串羊肉串燒份量頗多， 炭燒香烤 非常惹味， 仍然保持烤肉嫩滑多汁。烤雞配班蘭葉飯班蘭葉塔尖飯， 飯質煙煙靭靭， 充滿班蘭葉嘅香味。 烤雞非常入味， 配搭 特式醬料 更加倍美味。虎蝦配花膠粉皮呢個好特別喎， 粉皮類似泰國捲心粉， 配上大大塊花膠， 同埋花膠湯， 好滋補嘅感覺。 虎蝦大大隻 又多肉， 炸完之後都係保持到肉汁唔會好乾。牛油果沙冰極力推薦一定要嗌牛油果沙冰， 沙冰入面真係好多牛油果果肉。 我自己非常鍾意。椰汁沙冰朋友嗌咗椰汁沙冰， 味道非常香濃， 而且 用椰漿而唔係用椰粉打成， 所以沙冰又滑而且冇粉粒。整體嚟講真係幾好食， 臨走 仲買咗兩件印尼糕點 ， 煙煙靭靭充滿椰汁味超好食。

家庭式經營既印尼餐廳👨‍🍳老闆係香港人對客人好細心一入就會同你簡單講解Menu介紹D特式野食👍店舖雖然較細坐得較迫人流好高keep住坐爆場咁❗️-👑印尼四大天王 $78 ⚠️轉班蘭飯/黃薑飯加$15四大天王有巴東牛肉/沙甸魚/班蘭雞/雜菜🍱班蘭飯個陣班蘭味好香食個時陣味會慢慢散出黎😍第一次食推介❗️巴東牛炆到好林好味個班蘭雞一D都唔鞋好嫩👍-原條魚花膠湯粉皮 $78本人好鐘意食花膠同飲湯又點可以錯過呢款呢❗️湯底清甜冇味精成碗清哂😋條魚半煎炸咁成條整到好脆魚肉就keep住好嫩滑👍粉皮好特別係好似腸粉咁一卷卷好食😋-串燒雞$48🐣牛$56🐮串燒惹味Juicy 牛唔會太老🤣最正係2款醬汁一個沙嗲一個甜辣醬油👍-班蘭沙冰 $42呢間好多野都用班蘭整咁特別當然要試個沙冰👍成杯綠色野雖然貌相一般但味道非常討好😋😋值得一試❗️

家姐話睇到雜誌介紹呢間餐廳，想黎試試.. 我地黎到當然去試試印度特色啦⋯⋯ 唔好睇餐廳細細，入黎食2個鐘，d人龍無短過... 加上餐廳既選擇真係幾多，而侍應們服務周到，十分有heart 原條魚花膠湯粉皮。$78魚🎣真係大過我塊臉，超足料，煮得確實唔錯，做到真真正正既外脆內嫩，唔會煮過熟變得老身，配埋醬汁，酸酸甜甜，更開胃。花膠湯粉皮估唔到甘「甲」，有少少膠膠地「將」住個咀，食完成個人滋潤曬～印尼炒米粉。$68唔好以為平平無奇，炒得辣辣地又野味，愈食愈上癮。跟平時食開既米粉不同之處係，米粉比較痴身，唔係一條條，又幾過癮...

平時好少去印度餐廳食飯，一來唔想同d 「姐姐」迫，二來又怕唔岩胃口。而呢間印尼餐廳🍴見門口排曬長龍又有報紙📰雜誌報導，今晚一於去試試先😋😋班蘭雞尖塔飯呢款菜式係餐廳推介，的確好味道，雞夠嫩夠滑，食完一點「渣」都無，而個尖塔造型都幾吸晴，打卡一流... 飯軟硬度適中，容易入口咸魚炒怡保芽菜芽菜比較粗身而且短短細細，食落更加有口感，甜甜地，感覺清新。半打雞沙爹沙爹可能係「印度菜」其中一款名菜；味道香口野味，唔會過濃郁遮蓋左雞味道... 今次食完，對印度菜真係有好大既改觀，加分加分加分...不得不說老闆真係好好，好有禮貌又好招呼。真真正正以禮待人，將心比心，食得更自在開心...

都有唔少機會吃印尼菜嘅，因為有朋友，學生家人係印尼華僑之故。而周不時亦會四周搵食，搵到就同朋友一齊分享。今日來到銅鑼灣糖街嘅班蘭葉印尼美食，前鋪就外買，後鋪就可以坐低堂食，地方唔算大，但逼逼哋都可以坐到20人，冇辦法啦，銅鑼灣喎，寸金尺土吖。美食有印尼沙律～加多加多，多种蔬菜的混合，混埋特製花生醬，仲有好大塊蝦片，又大碟又正宗，地道。而沙嗲牛牛味濃郁，燒到啱啱好，吃多幾串都唔厭。今次最想介紹嘅就係中印fusion菜～原條魚花膠湯粉皮，煎得甘香的魚一上枱就聞到香氣，刺激我味蕾，又大大條，而老闆話花膠係來自印尼，碗湯鮮甜好飲，feel到濃濃的骨膠原滋潤緊皮膚，而粉皮好大一片，少見，但都滑瀝瀝，成個餐好特别又勁有满足感。飲品選擇多，牛油果沙冰同箭葉果混吉蜜亦都係上上之選，一定會介紹朋友來吖。

今晚約咗阿妹去銅鑼灣行街，行到攰攰哋，就去糖街附近搵野食，經過這店，被門口的甜甜圈🍩吸引，原來這店是一間印尼餐廳店舖唔大，所以晚飯時間，都幾多人，當中都有印尼人，外國人幫襯店員全部係印尼人，態度非常有禮，老闆亦都非常親切，會親自去介紹哩度好食嘅嘢，同時也好細心地介紹必食之選，食物品種有好多選擇，有主食、飯類、串燒、小食、連花膠都有得食我地叫左必食推介的班蘭雞尖塔飯，半打串燒白鱔，印尼小食拼盤串燒白鱔，先聞到好香燒烤味，白鱔肥美，肉質彈口，唔使蘸汁，都非常美味，跟一個有少許辣的汁，蘸辣汁食，可減少食鱔的肥腻感班蘭雞尖塔飯，老闆話個飯可轉其他口味，如黃薑、椰汁、或白飯，（但如果本身個餐係白飯，要較換其他有味飯，就要加錢），但哩間鋪名叫班蘭葉，所以我地都係要班蘭口味，個飯似尖塔形，入口有微微班蘭同椰漿香味，雞已去骨，熟成度剛好，肉質嫩滑，跟兩個醬汁，一個醬油，一個係蒜蓉，蘸左更好味印尼小食拼盤，有秋葵、豆腐、雞翼、茄子、炸雞，全部即炸，香脆可口，尤其係炸雞，肉質都仲幾juicy老闆會好似朋友，會問我地啲嘢好唔好食，阿妹就讚佢哩度食物，同佢地唔同辣度的醬汁，食物蘸左辣味醬汁後，可刺激味蕾，豐富

行過無預入左嚟食，好多香港人食。應該ok既，我地就膽粗粗入左。入到嚟有印尼員工外，有位香港人？員工問我地係咪第一次嚟。我地答係，就簡單介紹一下有咩係比較特色。我見每一台佢都有咁做，有心服務！黃薑炸原條魚雜錦飯轉黃薑飯 $118 + $15黃薑飯尖塔飯，好有形態喔！實的的，飯量滿。飯質比較軟，聞同食落有一陣陣黃薑温和既味道，唔強烈既，易入口。炸魚一整條，炸脆係上，好香口。魚肉唔老，少少嫩位都係有既。係皮脆，肉鎖汁為主。加返d香料汁點下會更加好。炸茄子、炸豆腐中，炸茄子更加好食。因為佈滿炸脆同埋少少蒜蓉，有少少中式茶樓咁，無違和感。印尼四大天王轉斑蘭飯 $78 + $15Nasi indonesia super star Indonesian super assorted rice斑蘭飯量多，聞既味道好重，食落淡淡香味，加15蚊值得。巴東牛肉係唔辣但香料味道重，牛肉唔會煮得老。可能因為有香料多嘅關係，牛肉食落都鬆軟。斑蘭雞就黃油皮色澤非常美，雞皮油脂高肉好嫩，估唔到印尼整油雞都ok。有海南雞既影子喔！茄汁沙甸魚既蕃茄好紅好紅，酸甜度唔錯。比罐頭沙甸魚更加豐富。加多加多沙津既雜菜係熟嫁，有通

朋友好鍾意食印尼菜，佢話呢間之前食過幾好食。今次帶我去試下😋首先叫左一啲串燒食住先，有虎蝦，大啡菇，雞肉同餐牌寫住必點既白鱔。配兩種汁:沙嗲同辣椒豉油👇🏻👇🏻👇🏻白鱔冇骨👍🏻皮燒得幾脆，仲有微微炭香👍🏻肉質爽口。唔錯😋虎蝦可以連殼食，蝦既調味比較重一啲，甜dd🙂大啡菇本身都好多汁，可以咩汁都唔洗點🙂四大天王配黃薑飯，加左石磨辣椒🌶️辣得好過癮🤣🤣四大天王分別有，炒雜菜，巴東牛肉，雞同沙甸魚。每個都有獨立既醬汁調味👍🏻😋呢個飯整體唔錯，菜炒得爽甜，雞肉好香滑，黃薑飯有微微椰香👍🏻😋咖哩雞飯，咖哩唔會好辣，雞肉煮得好淋而且滑😋整體唔錯，串燒有微微炭香，燒得唔馬虎👍🏻主食各樣都有誠意。上菜速度快，店員仲好nice🙂

係銅鑼灣附近shopping 完，男朋友話帶我去食新野😳😳印尼菜🇮🇩平時大家食東南亞餐廳，多數都係揀泰國菜，越南菜，或者新加坡菜等等⋯印尼菜就比較少人認識🤔🤔我都比較少食，有得食新野我梗係去馬啦🤪🤪老闆見我地係新手 ，好有耐性親切地介紹不同的菜式💕💕長進好多知識了！！📔本餐牌嘅款式多不勝數，早午晚三餐都做，有選擇困難症嘅人一定頭痕，唔知揀邊款先好😂😂💁🏻‍♀️印尼四大天王男朋友揀左食飯，話說呢度嘅米飯有三款咁多🤭🤭黃色：薑黃飯，綠色：斑蘭飯，白色：椰漿飯可以任意變換🤗🤗四大天王即係可以一次過試晒四個唔同嘅餸，岩晒心大心細嘅朋友🤩🤩第一次食斑蘭飯，味道都唔錯，少少甜甜地無草青味嘅😛😛💁🏻‍♀️原條魚花膠湯粉皮我就揀左食魚，一上枱俾條魚嚇親🤭🤭因為超大條🐟🐟🐟條魚十分高質，皮脆肉嫩，唔會過咸或無味，岩岩好，十分有驚喜👍🏼👍🏼之前食過泰國果啲魚，炸到過晒火，乾柴咁😑😑碗粉皮湯底精華十分濃郁，仲有大大塊花膠，岩晒需要補充骨膠原嘅朋友😍😍💁🏻‍♀️半打雞沙嗲好香碳燒味，就算唔蘸醬都好夠味😋😋💁🏻‍♀️椰汁冰🥥💁🏻‍♀️印尼咖啡涼粉冰兩杯都好濃味，份量十足‼️呢間印尼餐廳十分高質，價錢實惠，份量十足，非一般質

星期日嘅銅鑼灣糖街係印傭姐姐嘅聚腳地，所以嗰度都開咗印尼餐廳，聽講仲非常地道。今日就帶A姐去試下銅鑼灣班蘭葉印尼美食，食落同隔離枱傾計，原來佢哋係喺香港生活嘅印尼人，呢間餐廳有佢哋嘅家鄉味道。巴東牛肉黃薑飯餐廳嘅所有飯類原本配白飯，可以加錢轉椰漿飯、斑蘭飯或黃薑飯。我哋揀咗黃姜飯，覺得同巴東牛肉係最夾。黃薑飯堆成尖塔型，賣相非常吸引，鍾意佢薑味唔係特別龍，唔會搶咗主菜嘅味道。巴東牛肉味道香濃，醬汁濃郁，好香香料、蒜頭、薑蔥等味道，非常惹味，牛肉亦都煮得非常淋身，送飯一流。虎蝦花膠湯粉皮特別欣賞虎蝦同花膠湯粉皮分開上，唔會浸到淋曬。虎蝦煎到金黃色，肉質彈牙，蝦味濃郁。花膠湯熱辣辣，仲有好大塊花膠，湯底香濃，仲有少少黏口，非常足料，有豐富骨膠原，粉皮皮薄嫩滑，有啲似腸粉，同個花膠湯好夾，正！雞肉沙爹串雞肉外面燒到有少少焦，肉質嫩滑，肉汁豐富，配埋沙嗲醬，非常惹味。（記住Like同Share畀朋友）By A姐M佬 玩樂日記 www.aandmdiary.com