班蘭葉印尼餐廳

营业中

休息中

糖街內有不少"姐姐"聚集, 每次周末經過只會想用最快速度"逃離現場"! 那兒可以說句真是水洩不通, 滿街都是人....但平日人流不會太多, 絶對值得走進去"搵食"。 要不是附近返工的同事推介, 也不懂找到這間很正宗的印尼小店。店不算大,  門口放着大量印尼小吃炸物等, 初時還以為只是間外賣店。但原來內有幾張枱, 不只是"同鄉"會幫襯, 還有不少是附近的上班一族, 熟客也不少的。很少吃印尼菜 (除了印尼蝦片), 所以都是點了些推介餐廳食物。這個印尼四大天王最適合心多多人士, 一款有齊多種菜式。 塔型的白飯賣相特別, 同時也有綠色的斑蘭葉飯選擇, 與四款餸菜配吃剛好。 去骨的班蘭雞與海南雞味道相似, 加添了斑蘭葉和上湯及香料等一起將雞浸送,  肉質十分嫩滑, 亦不會太肥。我自己較喜愛 巴東牛肉, 牛肉不但炆得很淋, 一咬即開, 汁醬惹味中帶少少辣, 很好送飯。另外兩款餸是辣蕃茄沙甸魚, 酸酸甜甜的, 而沙甸魚吸收了茄醬精華, 一點也不覺魚腥; 加多加多沙律加上不少花生麻醬, 很開胃呢~牛仔骨花膠湯粉皮是我令我最surprise 的, 完全沒有想過是這麽"中式的"。先說燒牛仔骨, 火喉十足,

今日收工後再同女朋友黎呢間食印尼野，一到已經幾多人食緊晚飯。我地叫左一個燒牛丸、十五夜飯卷、芝士炸雞撈面、椰汁沙冰、箭葉果混桔蜜。燒牛丸：好味，3串有12粒，不是普通買到的牛丸，牛味重，口感特別。十五夜飯卷：一種以蕉葉捲起米蒸熟的飯團，口感偏軟糯，湯汁極富椰香，濃淡適度，加上大量不同的配料芝士炸雞撈面：芝士和撈面份量都多，炸雞剛剛好，不會太油或太乾，３樣的味道好夾椰汁沙冰：好好飲，下次一定要再飲箭葉果混桔蜜：味道好清新，蜜糖味濃又唔會太甜，不喜冷飲既朋友可以選擇飲呢個香港食印尼野比較貴，而且很多味道都不夠正宗，呢間餐廳價錢相宜，味道也夠正宗，強烈推薦！

今日朋友帶我黎銅鑼灣呢間印尼餐廳食野，真係令我大飽口褔。平、靚、正﹗簡簡單單3個字，就直接咁形左呢間飯其實如果唔係朋友我帶黎，我真係唔知道呢間餐廳。因為餐廳門口細，平時成日經過都只係以為餐廳係外賣店，原來佢有堂食嫁，真係唔黎都唔知🤭印尼大天王 見到餐牌寫必食推介，梗係叫黎試下先。巴東牛肉、斑蘭雞、雜菜、沙丁魚，雖然餸菜份量唔算好多，但勝在款式多，款款都有。巴東牛肉煮得好腍，斑蘭雞好滑﹐味道好啲似沙薑雞，雜菜比我想像中好食👍🏻沙丁魚都唔錯，辣辣地幾味，好惹味炒雜菜 好好食，我地2個人最快食晒呢碟菜😂沙喇串燒虎蝦-肉質厚身，口感彈牙牛肉-肉味濃而嫩滑羊肉-羊肉嘅羶味很香，口感較韌、有𡁻頭雞肉-同香料味好夾，好食巴東牛肉花膠湯粉皮巴東牛肉味道比較濃，所以一定要送飯，而款係配花膠湯粉皮😍花膠湯其實唔只女仔鐘意，其實我都好鐘意飲🥰花膠好大塊，而且湯好creamy，好正😋芒果沙冰芒果沙冰好靚好大杯，好飲，CP值高班蘭箭葉果蜜睇見朋友杯熱飲賣相都唔錯，而且聞落幾香。朋友話好好飲，甜甜地，而且仲有少少香茅味添

香港 呢個國際大都會， 其實都有好多唔同國籍嘅人士喺香港工作， 佢哋聚集 嘅地方就會有佢哋家鄉嘅食物。 講緊嘅係銅鑼灣糖街， 每到星期六日公眾假期， 印尼姐姐都好鍾意喺附近 與佢哋嘅同鄉係果到休息聚會。 唔知係有蛋先定係有雞先， 喺嗰度附近都有好多印尼餐廳， 究竟係有姐姐先定餐廳先都無從考究， 不過我淨係知道嗰日入咗間好好食嘅印尼餐廳， 食完真係要返尋味。 餐廳叫班蘭葉印尼餐廳， 地方唔算好大， 而門口放住 不同嘅印尼小食，價錢相宜， 由黃豆炸餅到班蘭蛋糕再到印尼雞肶飯都有， 順帶一提，食件黃豆餅仲抵過去隔嚟篤串魚蛋。原條炸魚雜錦飯 送上黎時一睇就知勁足料，份量勁澎湃。  原條炸魚係原條黑鰂魚炸成， 魚皮外脆而魚肉內嫩， 配搭嘅醬汁係由印尼石磨，將蕃茄蝦膏同埋辣椒磨製而成，香辣惹味。  另外配有幾件印尼特色雜錦 ，  有炸黃豆餅、豆腐及茄子 ，  最特別的是一種叫臭豆的植物 ， 其實一點都不臭 ， 他的味道就像炆冬菇 味。  另外還有一些新鮮的配菜，例如秋葵、芽菜、青瓜與及蕃茄等等 。 不得不提的是配搭的飯可以轉成班蘭飯或是黃薑飯， 班蘭飯大有淡淡 班蘭椰漿味， 不會過

朋友好鍾意食異國菜，會捐窿捐罅搵好野食，今日佢就帶我嚟到班蘭葉。本身我係好鍾意班蘭葉陣味，即刻就俾佢個名吸引左去試😋斑蘭箭葉果蜜同斑蘭沙冰👍🏻班蘭箭葉果蜜我地要左熱飲，熱飲煮出更重班蘭味，果蜜唔會太甜班蘭沙冰沙冰偏甜一點但係飲得出好重班蘭味，好impressive，出面比較少見呢種飲品石栗馬拉盞炒通菜👍🏻鑊氣之選，而且菜嘅份量真係好多印尼四大天王飯😆黃色係雞，另外有沙甸魚同牛肉，同埋有沙律由於我哋太愛班蘭味，我哋連個飯都轉左，好特別有啲似芒果糯米飯，但又係咸既，好值得一試😋😋😋雖然唔知道呢個名點嚟，但每一樣係好地道口味，同老闆傾計知道原來佢老婆係印尼華僑，煮嘅菜都會就返本地人口味，原來印尼人真係食得好辣印尼小食拼盤👍🏻小食拼盤有豆腐，雞翼，秋葵，豆餅，同雞肉😋比較驚喜嘅係豆腐同豆餅，豆餅係香港真係比較少見，咬落去軟琳琳有啲似豆腐但又重豆味。炸秋葵都脆卜卜好好食，入邊都洗得好乾淨斑蘭糯米糕同斑蘭千層糕千層糕一定唔會令人失望，但斑斕糯米糕係一定要試，佢咬落去係似芒果糯米飯但係係斑蘭version，愛班蘭者一定要嚟呢間餐廳！總括來講，呢度性價比真係好高，因為佢啲嘢食係銅鑼灣算比較平宜又好高質

好耐都無見友人了，今日收左工約咪友人去銅鑼灣見面，比我發現左呢間餐廳，店面唔算好大，但係食物質素一啲都唔差，非常有特色同好味。首先我地叫左個燒牛仔骨花膠湯粉皮，花膠勁大一片，食落好有口感，而且湯底濃厚，非常好味，友人勁鐘意呢個湯。跟住叫左個燒雞班蘭尖塔飯，個飯係綠色既好香既椰子香味，入面佩咪個醬汁，辣辣地撈埋個飯食一流。之後叫多個小食，烤柚子雞翼，味道都唔錯，一古好香既柚子味帶動成個口腔，啲口水都出曬黎。再試咪個串燒，我同友人都勁鐘意個白鱔，大大條非常有口感，已經去咪骨，可以好安心食。重有羊肉同蝦，都好好味，表面有一層燒汁，甜甜地非常野味。最後叫左兩杯沙冰，一杯係牛油果沙冰，感覺好豐厚，飲落去有漸漸既牛油果香味湧曬出黎。友人就選左杯班蘭沙冰，非常正宗。係細過時食到既綠色班蘭糖味。甜甜地都好好飲。

老友生日同她試下印尼菜，點知一試難忘的，在銅鑼灣呢個價錢算抵食😋😋😋牛仔骨好好味又夠野味+花膠粉皮粉好大碗夠我倆二人吃，湯香濃又夠滋潤，通菜好大碟吃不了，串燒三拼我最喜歡燒蟮😋😋😋班蘭蛋糕好香又鬆軟，糕點好味呀！下次會再來午餐試下其他野食先😋

見到呢間野評價唔錯 今日第一次過嚟食 相當之有驚喜 一打開Menu 價錢方面其實唔算好平 人均消費應該飯類大約都要70-80 左右 如果你想帶串燒又或者其他小食就要再貴啲第一樣要講嘅係 花膠湯底粉皮大約68-78 蚊 我揀咗雞做餸就貴啲78蚊 但係啲雞真係幾滑 又唔會油膩 上邊仲有杞子 感覺好似好養生 另外湯底非常足料好飲 有大大嚿花膠喺度 絕對唔係淨係有個味 粉皮係類似腸粉形狀 會散開做一大塊 好滑身湯底除咗有濃郁嘅花膠味之外仲有杞子 女士們一定要試呢一個湯底啊 真係覺得滋陰養顏CP值極高！！！ 記住飲晒啲湯啊第二樣介紹嘅就係 四大天王飯 78蚊由於第一次嚟食又想試多啲嘢 就叫左呢個睇落好似多啲餸 見到網上邊好多人都係食綠色嘅班蘭飯 原本都想轉但係要加$15 貧苦嘅我就諗住下次先加啦 四大天王有四種餸 有雞 有辣既沙甸魚 有沙嗲醬嘅雜菜 同埋牛肉 有啲失望嘅係雞好少 同埋沙甸魚真係幾辣 唔食得辣嘅就唔好叫啦 我諗我下次都係會再嚟叫淨係有雞嘅斑蘭飯之後我哋加咗個班蘭蛋糕 15蚊其實門口出邊有好多小食個樣都非常之吸引而且價錢好平 我哋叫左個班蘭蛋糕試吓 質感其實就好似雪芳蛋糕 非常之鬆

上月經過銅鑼灣糖街，見到班蘭葉印尼美食座無虛席，星期五晚趁經開銅鑼灣，便跟老公試試這正宗印尼菜。要知這間是否正宗印尼食店，看看來幫襯的食客就知道。依所見，坐下的大部份都是印尼食客，可見其正宗程度。食店屬小店，位置不多，所以當晚8點才到，希望有位。店員話我們算好彩，因這裡長期客似雲來，經常要排隊，話口未完，有10人進來，又滿坐了！這裡提供小食、串燒、飯、花膠湯粉皮等，任君選擇。我們就選了一個小食、兩個飯及兩杯飲品。印尼小食拼盤 (HKD88)泰國小食拼盤食得多，第一次食印尼版本，原來都幾豐富，煎炸物包括：秋葵、黃豆餅、雞、雞翼及豆腐，隨拼盤的惹味辣醬醒神刺激，沾上後可為食物提升味道！當中的黃豆餅看來清淡，但原來很有口感，沾醬後更美味。雜菜燒魚飯 (HKD88)除白飯，另可改椰漿飯或斑蘭飯，今次老公選了清香椰漿飯。盛器上有一整條炸魚，賣相十分吸引。魚皮炸得脆卜卜，但魚肉仍可保持嫩滑。嗜辣的可沾點辣汁，魚的鮮味即可走上更高的層次。高良薑炸雞荷葉飯 (HKD108)這個飯材料豐富，除有大大隻炸雞，更有山丘形狀的飯、炸魚、炸豆、炸黃豆餅、炸豆腐及新鮮蔬菜。食雞前可問有禮的店員取膠手套，邊撕雞肉邊

大部份的印尼食物都是熱氣煎炸的食物，踏入轉季時分，喉嚨常常感到乾涸，比較想吃濕潤的食物。餐牌選擇多，剛好見到餐牌有些較清淡的，而且有特色的湯粉，所以點了碗粉麵吃。原條魚花膠湯粉皮：滋補又濃郁的花膠雞湯底，一大片花膠，加些杞子。粉皮有如腸粉般，寬闊大片，雪白滑溜，不過份量不多，很快吃完了。反而原條魚是戲肉。整條魚值回票價，大大條魚，外皮炸得酥脆，內裡魚肉不會很乾，而且少骨。飲品還是點些潤喉的熱飲。點了杯熱的薑汁蜂蜜牛奶：老薑越老越辣，飲到底看到一片片薑，佔了三分一杯的份量，怪不得薑味那麼濃。牛奶拌上蜂蜜，味道甜甜的，易入口。飲完整個人暖暖的，喉嚨滋潤。臨走前在門口位置見到有類似新加坡機場那個最有名的班蘭蛋糕，那就買了一塊班蘭蛋糕外賣作第二天的早餐吃。雖然隔了一晚才吃，但口感仍然鬆軟，天然鮮綠色，比想像中少甜健康，蛋糕淡淡的蛋香，雖然不算最濃郁，但仍嚐得出獨特幽香的班蘭葉味，沒想到的驚喜，下次經過再買來吃！

近幾個月都留港消費，想搵啲特別啲嘅菜式！朋友介紹銅鑼灣呢間印尼餐廳聽講午市經常爆棚，今日嚟到晚市都唔例外！餐廳門外仲有埋甜品、小食、外賣飯盒賣...擺晒喺度比客人隨便揀！有我最愛嘅紫薯千層糕！即刻買咗件嚟食！唔會好甜好香椰汁味！ 正喺門口排左15分鐘到就有位！餐廳唔算好大所以嚟之前真係要卜位！我叫咗原條魚花膠粉皮呢條魚就犀利啦！係用黑鰂魚油炸方式去主城嘅餘生炸到好乾脆，唔會油粒粒！食落口好香口而且本身鯽魚唔算好多骨！啖啖魚肉唔識食魚嘅我 成條食哂冇問題！重點係條魚一啲都唔腥！好鬼正！花膠粉皮湯底比較傑身，飲落口好香濃，飲得出落足料！仲有一大片花膠添飲完個粒皮膚靚靚！認真落足心機再叫咗個石磨馬拉盞炒通菜，比起平時食泰菜嘅馬拉盞通菜冇咁鹹，但係依然惹味！再叫咗燒白鱔串燒呢個真係冇得彈燒完雨嘅肉質依然係彈牙爽口！我鍾意佢個醬汁，甜甜辣辣嘅！但係唔食得辣嘅人就唔好沾咁多啊！因為都算幾辣😂其實唔止呢個醬汁都已經好夠味朋友飲個椰汁冰，我就飲番個椰青，清清下個味蕾！最後食埋個班蘭戚風蛋糕同綠茶戚風蛋糕點綴一下今晚呢餐豐富嘅印尼菜！個人比較鍾意食斑斕味戚風蛋糕，總係覺得斑斕嗰種香味係無法抵擋😂

有幾個朋友食過呢間後都表示唔錯，呢日去到發現係細細地既舖頭，閒日六點已經滿座，當中有唔少外籍人士，而印尼店員們全部都係好友善，絕對係滿滿人情味既小店😍▪️ 白鱔沙嗲串燒（8/10）💲98/3串呢個白鱔串燒係坊間比較少有，亦幾有質素👍🏻層皮燒到帶脆，入口有好香口既炭燒味，肉質肥美無骨，個沙嗲汁貌似係花生醬嗰種，食落會比較酸，另一個汁會係有少少辣，不過其實唔蘸都已經夠味🤭▪️ 牛肉沙嗲串燒（7/10）💲56/3串牛肉都唔會話燒到過左火位變到好乾或帶韌，牛味十足，但相比起白鱔就好似無咁特別😛▪️ 羊肉沙嗲串燒（7/10）💲58/3串個羊都唔會太羶，不過質感有少少韌身▪️ 雞肉沙嗲串燒（7/10）💲48/3串肉質嫩滑有肉汁，但係雞味就唔算好濃▪️ 班蘭雞尖塔飯（7/10）💲68雞幾滑身帶點鹹味7.5/10，至於個尖塔飯有點兒似係糯米，煙韌當中比較硬身，味道似油飯，不過同時有陣陣班蘭同埋椰漿香，感覺更為清新7/10，配有一碗蘿蔔湯，不過有花膠湯之下呢個湯完全被比下去了🙈🤣▪️ 虎蝦花膠湯粉皮（7.5/10）💲98煎炸過既虎蝦呈金黃色，肉質普通7/10🍤熱辣辣既花膠湯幾有驚喜，首先入面真係有塊大花膠，湯底係好

今晚黎到呢間店位於銅鑼灣最旺的圓形行人天橋下邊既印尼小店幫襯。🥢牛骨白鬚-用牛骨煲湯煮麵，內有用攪碎牛肉(牛肉膠)鑲在真牛骨上面，再加4粒牛丸。湯清味美，牛肉味濃，很正。👍🥢馬拉盞炒通菜-極之好味，份量又夠大碟🥢雜菜黃姜原條炸魚飯炸魚唔會太硬，裡面好滑，用黃姜同雜菜整成飯好五。🥢白鱔沙嗲串燒-香滑一流，夠新鮮又juicy . 🥢箭葉果 + 小柑桔 檸檬飲品味道特式,未飲過咁既特飲，都係職員推介，解喝一流。🥢印尼咖啡涼粉冰-咖啡夠香濃，唔會過甜，夾埋涼粉好夾味。有潛質小店，食品出色，並非以裝修吸引，招呼也好親切。可以常來😘😘😘

如果唔係同事介紹, 我諗我唔會留意到呢間餐廳, 第一次食印尼菜估唔到帶俾我非常大嘅驚喜😍黃薑原條炸魚外皮炸得非常之脆, 魚肉好嫩滑而且一啲都唔乾, 魚本身已經經過調味, 即使唔使點汁都已經好好味, 配上特色辣汁更加係錦上添花😋虎蝦花膠湯粉皮齋睇餐牌以為虎蝦係放湯嘅, 點知原來係以半煎炸形式烹調, 虎蝦非常新鮮, 肉質彈牙, 加上炸蒜更加惹味😍至於花膠湯底好濃郁, 質地濃稠, 粉皮好嫩滑, 加上大大嚿花膠, 真係好大方😍我哋另外叫咗三串牛肉串燒同三串白鱔串燒, 兩樣都非常惹味, 特別係白鱔, 肉質彈牙而且好juicy! 附帶嘅醬汁分別係沙嗲醬同特製辣汁, 但我覺得唔加都已經好好味😋飲品方面我哋揀咗椰汁冰同珍多冰, 兩樣都好足料! 最欣賞佢係少甜唔會甜到漏😊

小時候被印尼女傭照顧下成長，對印尼人及印尼菜式份外有親切感💕晚上在銅鑼灣有工作，便選擇工作地點附近的這間印尼餐廳吃晚飯。餐廳職員有帶印尼口音的人，感覺身處異國一樣。每位員工都很熱情好客😃樂意為客人推介餐牌上的菜式~✨串燒拼盤頭盤是令人垂涎欲滴的串燒🤤🤤每款都燒得很出色，嫩滑有油香之餘又不韌。除了基本的雞、牛、豬、羊串燒之外，我推薦大家一試白鱔串燒🙈魚皮脆而鱔肉鮮嫩~非常值得一試!!✨燒雞班蘭尖塔飯對香港人來說綠色的飯都很新奇。班蘭飯的綠來自班蘭葉，是一種熱帶植物，有一種獨特的天然香氣，吃下去味道香甜，真正有齊色香味😋燒雞表層甜甜的，點了辣醬更惹味~✨ 燒牛仔骨花膠湯粉皮取材印尼花膠，店舖稱湯底不落味稱，百份百真材實料😋果然湯底清甜美味，粉皮厚薄適中，仲有大大片花膠，好補呀🙈🙈牛仔骨甜甜的，特別喜歡配上秋葵作配菜，感覺特別又健康！✨牛油果奶昔牛油果味很濃厚，美味且充滿營養🥰必點！✨箭葉果混桔蜜(左) 箭葉果蛋糕(右)看見餐廳內大部分南亞食客都點了這個箭葉果的飲品，而在香港餐廳比較少見，果實看起來像青檸，但表面沒有那麼平滑🤔一試後發現箭葉果的香氣非常獨特😮😮加入蛋糕後濃郁芳香，未嚐過的不妨