班蘭葉印尼餐廳

营业中

休息中

碰巧男朋友放假，一於去試下好耐無食的印尼菜！一坐低，老闆就行過嚟同我哋介紹餐廳招牌菜同必食推介🤤好親切嘅服務，佢仲介紹咗secret menu嘅鴨肉串燒！我哋仲有order四大天王配黃薑飯同炸魚配花膠湯底粉皮。鴨肉串燒燒得好香，微微蜜糖味，配上獨有沙嗲花生醬，好味！因為太晏去關係，粉皮已賣晒，轉左金邊粉，花膠湯底帶有香濃雞味，炸魚炸得剛剛好，皮脆肉嫰。反而四大天王黃薑飯就相對普通，黃薑飯唔熱，而且黃薑味淡，所配嘅加多加多沙律只有青瓜絲同芽菜，如果可以有埋蛋同薯仔口感會更佳，沙甸魚似罐頭製品，整體而言，普普通通。但勝在服務好，其他食物都相對出色，下次會再嚟過！

平時都冇乜食印尼餐廳，係朋友極力推薦話呢間幾好食，所以一於過黎食下。睇MENU見大部分都有圖睇，起碼容易知道D餸菜大約係點，都幾方便今次就叫左 燒雞班蘭尖塔飯($98)、巴東牛肉花膠湯粉皮($68)、虎蝦沙嗲(三串)($88)、咖啡沙冰($48)、牛油果沙冰($48) 牛油果沙冰：我都算係牛油果愛好者，難得見到呢D特別嘅飲品居然出現，咁就必定要叫黎飲下啦飲落去牛油果味幾香濃，真係飲落去都幾足料下，唔會溝晒水好稀咁，而且沙冰D冰都幾綿，飲落又唔會多碎冰卡住左咁，超正咖啡沙冰：朋友中意飲咖啡，佢都話呢杯咖啡味唔錯，不過奶味稍微多左DD。另外杯飲品仲有條威化脆條食下，幾好燒雞班蘭尖塔飯：平時食得最多當然係白飯，其次就黃油飯，今次就食綠色嘅班蘭飯。呢個班蘭飯味道好香，唔駛配醬汁或者燒雞，淨係食個班蘭飯都已經好好食燒雞佢用上印尼風味D醬料醃表面再燒香，食落肉質嫩滑唔鞋口，再點埋佢上菜個秘製醬汁黎食，更加帶出到當中嗰隻風味巴東牛肉花膠湯粉皮：其實我都唔知花膠關唔關印尼菜事，不過本身都幾中意花膠湯，再加上職員話呢個推介，所以叫黎試下食之前先飲一啖，已經覺得非常之出色，真係好有驚喜佢個花膠湯底係超級鮮

工人姐姐生日，一於由佢帶路去食印尼菜，小編都一次食燒半雞飯好惹味燒雞，燒雞皮薄餡靚，半雞表皮燒得香脆金黃，雞肉燒完都尚算嫩滑，印尼口味醬汁偏辣印尼四大天王有魚有雞有牛有菜，咩都齊最適合諗唔到食咩嘅人食，又咩都想食🤤雞肉滑溜帶有酒香，沙甸魚偏辣咸，牛肉有醬汁醃製較香口，菜都新鮮應該係炒過柚子雞雞翼燒過配柚子醬，味道清新，雞肉多汁飲品超多料，賣相出眾，款款新鮮水果打成，味道香濃，推薦👍🏻👍🏻

美味特色印尼小店每次經過糖街班蘭葉印尼美食餐廳也十分多人排隊，今天竟然見到有位，當然不會錯過機會入內幫襯。虎蝦花膠湯粉皮，花膠大大塊，湯底味濃滋潤，虎蝦有三隻之多， 與伴碟的秋葵，同樣炸得鬆化美味。印尼十五夜飯團，名字趣怪，原來是雞肉舆牛腩加雜菜，放在飯糰上再淋上沙嗲汁，很有印尼家鄉風味。原本想 order 羊肉沙爹串燒，但店主推介剛剛 新推出的鴨肉串燒，當然不會錯過試試。店主果然沒有介紹錯，鴨肉串燒還未放在枱上已傳來有陣陣香味。 這串燒是鴨肉連皮的，鴨皮燒得香脆，但鴨肉卻很嫩滑，沙爹醬味道調教得很出色，也令整道菜 生色不少，值得一讚。飲品方面，印尼咖啡涼粉冰，咖啡味適中，涼粉也有很多，但略嫌切得有點細碎。芒果沙冰，用新鮮芒果打製而成的，芒果味重而沙冰質感很滑， 品質絕對可以媲美坊間的甜品店舖。整頓豐富的晚餐才是$302，實在十分抵吃，值得推介。

近幾個月一放工都冇咩走圍去食飯,暫時疫情漸好,放工就落左去銅鑼灣.由於本身個人平時不會主動食印尼菜的,但經過糖街時有一間燈光通明,又標榜著有花膠湯底的食品, 便膽粗粗入去食了.拎起餐牌,就掀去有花膠湯底的那頁面,有一個名堂叫原條魚花膠湯粉皮,是燒魚來的,第一次食呢款燒魚,惹味可口,此外,湯粉皮不太厚仲好滑,湯底清得來是有花膠香味,有點喜出望外,我真的有飲佢淡湯的.其實鋪頭名都是斑蘭葉的英文,主打都是要食下出名既斑蘭飯啦,我就點了燒雞塔尖斑蘭飯,好有氣勢,我都是第一次食綠色的飯HAHA. 不過想講真的好好食,雞是帶點甜甜的味,但放心是外皮上有,但味道很好,很夾個飯,再加碟炒通菜,呢段時期又是當做,是最岩食的,YUMMY此外我最最開心是食倒牛串燒,原先是選食羊,但冇貨,就咁比我食到好好味既牛串,記得要熱食,真的肉嫩又有牛味,值的encore.最後跟埋個蝶豆花特飲同班蘭箭葉果蜜,很滿足又有驚喜的一晚.

平時經過糖街已經見到呢間小店好多人食，今日早收工就嚟食下啦😁.原來老闆娘係印尼人，所以d野食好正宗😋 晤知食乜可以叫老闆介紹下，我哋就嗌左個四大天王🥳 有沙甸魚、巴東牛肉、辣雜菜同雞！雜菜辣辣地，非常開胃呀！巴東牛肉夠腍又重牛味🤩🤩.牛仔骨配花膠雞湯粉皮🐥🐥湯頭好足料，雞味濃郁！原來配粉皮係幾夾架，食落仲口感煙韌好特別！花膠都幾厚，呢個價錢食到花膠仲要有冇味精雞湯飲好抵🥰🥰.小食叫左雞肉串燒🥂 雞肉香口又嫩滑，沙爹汁又重花生味，仲有少少酸酸地，食落特別若味🐥🐥.珍多冰🍹椰奶濃濃加上超多jelly!! 又晤會太甜🤩好抵飲😚.牛油果沙冰🥑🥑 上面加左朱古力醬，溝一溝會中和番個甜，打得好滑！好解暑😚.買左件班蘭蛋糕同椰仔千層糕拎走，蛋糕好鬆軟！回彈力十足，重帶椰香味添🥳$15一件真係超值🤪🤪#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

食過位於銅鑼灣糖街嘅班蘭葉印尼美食，先知印尼菜係甘好味。班蘭葉除咗傳統嘅印尼菜式外，還主打花膠湯，係唔辣嘅菜式，有小朋友都岩食。我女超中意個花膠湯，喝得一滴不漏。 今次叫咗燒魚配花膠湯粉皮，燒魚燒得香脆，裡面嫩滑。叫咗份牛肉串燒, 燒得好香又juicy。四大天王飯即係有齊印尼四款菜式，例如巴東牛肉，班蘭雞，沙甸魚同埋花生醬豆角。配班蘭飯，味道更香，超美味😍。燒雞椰漿飯都好好食，飯粒充滿椰汁香，燒雞皮脆內嫩香噴噴❤️牛油果沙冰是我最愛的飲品，真材實料，飲得出超多牛油果打成，而且好滑，冇飲到任何冰粒。

今日去左一間由香港男友同印籍女友開既印尼餐廳，呢度主打地道印尼菜。呢間餐廳細細，好有印尼風味，木色枱櫈牆身，牆身有啲印尼傳統公仔，牆身又貼左好多佢地餐廳既印尼美食，見到都肚餓。望望餐牌，價錢十分經濟，又多花款，好多都好想試。我地最終叫左雞+花膠湯粉皮，芽菜，四大天王斑蘭飯，加兩杯野飲。雞+花膠湯粉皮要推介，雞非常滑，而花膠湯好正，湯濃，粉皮又滑，要試要試。四大天王斑蘭飯，飯入有4款餸，兩款係菜，兩款係肉，配上斑蘭香既香，忍唔住一啖接一啖。飲品就叫左柑桔青瓜冰，入面有大量清甜青瓜絲，加埋柑桔，簡直透心涼。朋友咖啡沙冰，咖啡味香濃。呢間真係CP值超高。

原來銅鑼灣呢邊有間印尼菜！走果時門口勁多人排隊，疫情下都有要排隊，相信都有一定實力啦！店內位置不多，好彩老闆幫忙安排到位置。老闆都好有心機，見佢會逐枱向第一次嚟嘅客人介紹餐牌，也只有小店才有這種心機吧！🌙牛油果沙冰 $48牛油果嘅味道比想像中淡，但反而少咗做油膩感，而且賣相好靚！啱晒打卡！📷🌙印尼即磨咖啡 $28朋友點嘅，話甜甜哋幾好味！🌙印尼四大天王飯 $78 (轉班蘭飯+$15) 超抵食！一個飯入面可以食試晒4款菜！雞肉好嫩，而且黃色令到成個飯都好sharp，番茄同魚嘅配搭都好襯，但相對班蘭飯如果再重啲會好啲🌙炸雞黃薑飯 $88 (轉黃薑飯+$15) 朋友叫嘅，佢最鍾意個黃薑飯，薑味夠唔會太油膩，另外餐廳有提供手套食炸雞，所以唔使擔心食得好論盡🌙虎蝦沙嗲串燒 $88食得虎蝦係好新鮮嘅～🌙馬拉盞炒秋葵 $68超大碟好抵食！秋葵唔會炒得過咗龍，又唔會好重調味料味，係健康之選呀！我哋2個女仔叫到成枱都係！估唔到碟飯咁大咁抵食，好彩已經叫咗少飯！下次要再返嚟試下其他嘢食！

銅鑼灣搵食有間餐廳叫班蘭葉印尼美食咁我地今次食左印尼四天王飯包括雞肉,辣沙甸魚,巴東牛肉試曬四種特色味道味道好豐富，食到當中既風味雞肉好嫩,啖啖肉,由淡味既食起,咁就最好馬拉盞炒通菜都係呢度既招牌炒得脆綠微微帶辣~仲有呢度既串燒係好出名,即點即燒~微微帶焦香,未食已經聞到香氣~肉質厚身不乾柴,肉汁豐富,配埋特製辣汁,更加滋味印尼特色炒飯用上多款唔同既香料切碎炒成,食入口慢慢散發各種食材香味既味道~我都係第一次食咁多重味道既炒飯~食落又好特別,慢慢食清曬~相當好食另外配上2串雞肉,烤得比牛肉更加出色,雞肉更鮮嫩滑有肉汁,非常回味特飲有香茅可樂,蝶豆花特飲香茅配可樂,係幾特別既飲法,更清爽！總評呢度既菜式多樣化,選擇豐富,難怪係咁既時勢,仍然要排隊等位入座~係的確有其吸引之處

係銅鑼灣行完街無咩地方去，行下行下見到個店面都幾平民既印尼菜就諗住試下出面好多小食同班蘭蛋糕可以買返屋企添班蘭葉係印尼好常用既香料，呢間餐廳更係想呈現返印尼既傳統味道餐廳內部都好簡約舒適，唔講真係以為去左印尼同朋友首先叫左印尼小食拼盤$88入面有炸豆腐、炸黃豆餅、炸雞、炸山葵同燒雞翼，中間既係酸辣醬炸豆腐既口感好正，而且入面仲有汁；炸雞既雞肉好嫩；雞翼亦都燒得有外皮脆脆地，好有口感；最特別既係炸黃豆餅，d黃豆有d似納豆/麥皮既感覺，不過有d乾身，但呢款傳統印尼小食真係值得一試。牛肉沙嗲（3串）$56牛肉串有微微既燒焦，牛肉有少少牛筋同脂肪，口感未去到最好，但係牛肉依然好重，沙嗲味同牛肉味都好夾呢度會配上呢種辣椒醬，有辣椒、青檸、洋蔥等等，因為我唔係太食得辣，少少已經對我黎講好刺激黃薑原條炸魚$88呢度食魚真係好抵食，原條上、但係價錢真係唔貴，炸魚外皮好脆，肉依然好鮮甜，食落好新鮮微微既黃薑味做點綴，加埋鋪少少香汁係皮面上，整體真係唔錯炸魚配上左兩款辣椒醬，但朋友講隔離呢個醬仲辣，所以我真係無試過印尼四大天王$78難得食印尼菜，梗係想一次過食哂四大天王入面有巴東牛肉、班蘭雞、辣蕃茄沙甸魚

每次經過銅鑼灣都會到糖街1-5號銅鑼灣商業大廈地下B2舖的班蘭葉印尼美食買班蘭蛋糕回家吃， 其實這裏的印尼菜都很好味， 今次與朋友一起到這裏吃晚飯， 點的菜式有印尼四大天王飯$78， 轉黃薑飯$15， 燒雞花膠湯銀針粉$88， 蒜蓉炒菜心$68， 羊肉沙爹串燒$58， 班蘭箭葉果蜜$28， 雜錦冰$38。印尼四大天王黃薑飯～ 這一款適合三心兩意的我， 餐牌上菜式太多， 四大天王有鮮嫩的雞、 軟腍的巴東牛肉 、 惹味的沙甸魚和健康爽口的雜菜。 黃薑飯的薑味很重， 入口 味道就轉返淡。蒜蓉炒菜心～ 蒜蓉炒菜心味道清甜， 啱曬港人口味。燒雞花膠湯銀針粉～ 本身想試粉皮可惜賣曬，所以轉銀針粉 ，湯底濃郁， 花膠厚厚的，燒雞外皮香脆， 肉質嫩口。羊肉沙爹串燒～ 羊肉串稍為燒得有點乾身， 但點上自製的醬汁， 惹味指數爆燈。雜錦冰～ 色彩繽紛， 味道甜美， 入面還有牛油果粒， 好啱我口味。班蘭箭葉果蜜～ 熱飲都有好多選擇， 這杯微甜帶清香，味道特別。非常正宗的印尼餐廳， 平時經過都會到小店門口買一些蛋糕和印尼小食， 菜式也做得很好， 支持小店。

今次要推介係一間位於糖街既隱蔽印尼好食小店，當日係星期五晚飯，所以等咗陣先入得。總結係幾意外呢間咁好食，唔怪得要等陣先入到🙈會係我翻食list!🔻炸碎雞飯味道：8.5/10價錢：$68炸雞香脆juicy，炸粉亦夠薄😍份量算多有5-6舊炸雞。另外佢仲有生菜同蕃茄俾你做配菜，感覺冇咁熱氣仲幾開胃，好好食！🔻雜菜燒半雞飯味道：8/10價錢：$88燒雞皮燒得好香，即使肉質唔算好嫰滑不過好有雞味，仲要大大隻啖啖肉正呀！另外佢仲有個醬汁，食落去甜甜地，又估唔到幾match喎😋🔻白鱔串燒（3條）味道：8.5/10價錢：$98第一次食白鱔串燒🙈肉質嫩滑同鮮甜！而且食落唔洗沾醬料都已經好入味！不過大家食個時要小心白鱔有少量嘅骨另外我地仲叫左兩杯沙冰，一杯椰汁沙冰，另一杯芒果沙冰。兩杯都好飲，唔會太甜同有消暑解渴作用

之前上網有看過食評家對這間餐廳有讚冇彈，上星期剛好在銅鑼灣路經這間餐廳看到不用排隊，剛好晚飯時間的我便和朋友進去一試看到網上網友留言對於這一家餐廳自製的花膠粉皮有讚冇彈，於是點了一個原條魚花膠湯粉皮，非常驚喜！燒魚非常大條，而且味道一流，燒得外脆內嫩，魚肉非常嫩滑，並且充滿魚油香，另外花膠湯底十分足料，味道濃厚，有老火湯的味道，配上滑溜的粉皮有意想不到的化學作用飲品點了椰汁冰，椰子味道濃郁，而且夾雜了碎碎的椰子肉，每一口都充滿口感再來點了三串燒白鱔，同樣完美冇得彈，白鱔肉厚身，燒烤方式製作不會乾身，油脂香味十足，非常回味

Small Indonesian Shop but lots of Yummy Choices..平時出街食飯🍽，多數都係選擇：中`西`意`日`法`韓`美...呢類比較大路既菜式。呢日去開銅鑼灣 就想試試一些比較少食開既國家菜，你又會諗起咩呢❓哈哈哈。-無錯‼️銅鑼灣貴為印尼姐姐👱🏻‍♀️👩🏼‍🦰既地盤，今次就想試試印尼菜🇲🇨🍴，正宗地道風味既印尼菜，估唔到又好味`又有驚喜`又足料`又充滿人情味。一次唔錯既體驗呢。-ll $78Nasi Indonesia Super StarIndonesian Super Assorted Rice一個飯類🍚，已經有齊4種餸：雞🐥牛🐮魚🐟菜🥬，好豐富呢。雞好滑、牛味濃、魚入味、菜好清甜，樣樣都可以試到，一個唔錯既組合。-ll $48Sayap Ayam Jeruk BaliChicken in Grapefruit Wings一款小食🍗，雞翼烤至嫩滑入味，配上清新柚子醬香甜💛，小食都地道不錯。而且份量還不少，$48就有半打雞翼，很抵吃。-ll $981/2 Lusin Sate Belut Putih (3pcs)Half A Dozen Eel S