班蘭葉印尼餐廳

营业中

休息中

朋友第一次食印尼野，見呢間好多好評，就黎試下。呢度食物款式都幾多，我地叫左：燒雞花膠雞湯粉皮（$88）花膠雞湯好濃，😋，有2-3舊花膠，粉皮幾滑。燒雞係半隻燒春雞，都幾大隻，無切開🙈食嘅時候有啲麻煩。調味唔錯，但雞肉有少少嚡，但可接受。再黎食會再叫雞湯粉皮！啦斯啦媽班蘭飯（$88）主要想食班蘭飯，呢個幾多配料，就㨂左... 有炸黃豆餅，炸豆腐，炸雞，花生魚仔，炸蛋同臭豆？ 個黃豆餅同豆都唔太啱我地口味😅。班蘭飯幾好味嘅。羊肉沙嗲3串（$58）燒得幾好，無羶味，好食，沙嗲醬都👍🏼。牛油果沙冰（$48）大大杯，淡淡牛油果味。👌🏼仲要左綠白糕（$7）同班蘭蛋糕（$14）綠白糕係一半糯米飯同班蘭糕，唔甜，黏韌有口感。蛋糕就同食原味蛋糕差唔多，無咩班蘭味...幾鬆幾軟。食物幾好，職員都好好人👍🏼

今日去完sogo濕平突然想食魚, 上網搵吓最近既舖頭應係呢間印尼小食, 舖頭雖小但五內俱全而且入座亦無須等候太耐, 門口擺放好多地道小食, 第一次食最安全既方法梗係提個老闆問吓有咩推介啦...印尼小食拼盤 - 極之地道風味, 有炸雞、炸秋葵、雞翼、豆腐、黃豆餅(天貝), 黃豆餅既口感好好印尼炒貴勺 - 老闆落單時特別講明比較辣, 到上菜時見到辣椒專登放埋一邊, 怕太辣我地食唔到認真細心, 辣辣地好惹味香辣汁煮黑鯽魚 - 主菜上場, 都係多得老闆介紹, 話係新菜式賣咗兩日, 酸酸辣辣好開胃, 魚皮燒到卜卜脆, 真係冇介紹錯班蘭蛋糕 - 軟綿綿唔太甜, 堅正!!

呢間小店好有印尼特色，食物果然都好正宗印尼口味😋.瑪瑯大粒包細粒牛丸湯 $78見到佢門口個短片推介就想試下🤣好大粒丸入面包住幾粒小丸，好得意🤪朋友好鍾意個湯，話好暖胃🤣.羊肉沙爹串燒 $58羊肉好香又嫩！油脂夠，沙爹醬調得好好，剛剛燒起熱辣辣不得了.三重芝士炸碎雞撈麵 $78炸雞外脆內嫩，新鮮即炸熱辣辣，嫩滑多汁！勁大量芝士撈麵有拉絲👍🏻.牛油果沙冰 $48最愛牛油果沙冰再淋上朱古力醬，真係好夾！.鴛鴦芒果汁 $28採用印尼芒果，啖啖果肉，好甜❤️

今次已經係我第三次幫襯pandan leaf😻👏👏👏 真係好推薦大家嚟試下牛油果沙冰 🥑鐘意牛油果一定要嚟試💚佢係我全間鋪頭最推薦嘅食物牛油果味好濃郁 口感夠smooth 整體味道清新🌾雖然有少少朱古力 但係味道唔突出 唔會過甜 雖然50幾蚊一杯 不過好大杯 兩個人share都得🥤另外叫左杯🥭芒果沙冰 一樣咁清涼消暑 味道天然唔人工串燒贏在沙爹醬叫左一碟菇菇串燒🍄沙爹醬裡面有啲花生粒🥜 味道偏甜 唔辣完全唔係港式沙爹醬 超級好味 點完菇 直接送飯食 😎😋另外叫左黃薑炸魚同燒雞飯🐔🐟嗰碟辣醬好辣 好彩有沙冰解辣🌶個魚好鮮甜 又大條 問左員工係鯽魚 雞肉唔會太老 煮得岩岩好 上面有啲好似肉鬆嘅野食唔出係咩 但係配埋啲魚肉或者雞肉 更添風味  同埋佢啲配料好得意 有秋葵 豆腐 炸黃豆餅 可以一次過嘗試好多小食✌🏻另外依度嘅班蘭糕都好正 我幾年前就好鐘意食啦夠軟糯 而且唔會太甜 價錢又平 行過買嚟做零食唔錯💕

今次係第2次黎銅鑼灣既班蘭葉印尼美食eat dinner，因為今次想試埋上次未食過既野食。 😍因為疫情關係，枱與枱之間都有野擋住，食客們之間都會保持一定距離，所以大家可以安心甘食野。 😀呢度裝修真係比人感覺好舒服。 😀menu係甘 😀士多啤梨沙冰我個哥叫左呢個，佢話唔會好甜，大家可以放心叫。 咖啡沙冰賣相真係好靚，而且有d 涼粉係度 😍配埋沙冰係呢d 熱天氣一齊食真係好透心涼 而且呢個沙冰一樣唔會好甜。 😍 烤柚子雞翼上次我好想叫呢個，但食完串燒之後真係好飽，唯有忍痛到今次先叫。 😍我鐘意呢個食落好fresh, 同埋調味得岩岩好唔會咸。 ☺我啊哥叫左三重芝士炸碎雞撈麵餐廳個邊好貼心可以簡唔辣。 😍芝士量真的好多。 我見到都好想下次叫呢個試試。 我叫左雜菜燒乳鴿上次又係糾結叫燒雞定燒乳鴿，選擇困難既我成日去同一餐廳叫唔同既野食，哈哈。 呢個乳鴿燒得岩岩好，味道又唔會咸，所以配埋個醬送飯真係一流。 乳鴿已經剪開左一半，所以可以好方便食。 😍

今日喺銅鑼灣吃咗一餐印尼海鮮餐，好特别呢。通常喺香港去印尼餐廳都會吃吓巴東牛肉，加多加多，沙嗲豬，雞，牛，但今日我同朋友就吃咗魚，蝦同埋魷魚。首先係『印尼秘製汁燒魷魚』，唔係太大隻魷魚燒得來又keep到juice都幾難得，仲配埋個好味醬汁，幾咁好。而今日唔要串燒豬，雞，牛，而試吓『串燒虎蝦沙嗲』，好大隻，彈牙，微焦表皮，正吖，而呢度仲有串燒牛丸，豆卜，蘑菇，下次先來試。主菜係『黄薑炸原條魚雜錦飯』，够晒大堆頭，好長，好大一條炸魚，絕對係印尼特色，而雜錦就有黄豆餅，炸豆腐，茄瓜，青瓜，蕃茄和由蕃茄及多種香料組成嘅特製醬汁，佢係呢個飯嘅靈魂，好好食吖。珍多冰亦好飲

去唔到旅行就成日想食啲唔同國家嘅菜式，今日去到銅鑼灣shopping之後，同男朋友搵食，我哋好鍾意試唔同國家嘅菜。尤其是印尼，印度菜，見到呢間斑蘭葉印尼餐廳，就一於試一試啦！入座之後，印尼員工超級親切好人，同我哋講解有啲咩好食。我哋叫咗三樣嘢，叫咗一個印尼四大天王飯，馬拉盞炒通菜同埋沙嗲串燒。上咗飲品之後，第一個嚟嘅就係印尼四大天王飯。因為我哋好想一次過可以試晒四個味道，就叫咗呢一款飯。佢四個天王包括：蔬菜，沙甸魚，巴東牛肉，海南雞。每樣都各有特色。而我最鍾意就係巴東牛肉，佢嘅辣味好夠好香，而且牛肉又夠林。海南雞亦都好滑好嫩，賣相亦好好。炒通菜亦都好夠味，好熱辣辣。份量亦都好多啊。呢一間嘅串燒比平時嘅有啲唔同，佢嘅串燒表面都塗咗滿滿嘅醬汁。甜甜地好好食。外皮都好夠香脆！沙嗲醬亦都好濃郁。印尼舖頭仲喺門口放咗好多唔同嘅小食！我哋仲買咗少少返屋企試吓添！下次一定會再嚟試，試吓其他唔同嘅款式😋

銅鑼灣糖街很多東南亞小店這間食肆本身門面也賣一些印尼小食及香料店內亦不少外傭等在港外地人光顧相信料理有一定的當地水準印尼四大天王 - $78+$15轉班蘭飯有巴東牛肉、雞全翼、沙甸魚和雜菜四種不同的煮法，各配上不同的印尼醬汁可以一次過品嚐所有香料及著名的當地菜式很喜歡印尼香料獨特的醬料與調味，味道芬芳濃郁燒雞花膠湯粉皮 - $88湯底味道香濃鮮滑，粉皮很會吸收精華花膠很爽口滑身，加上配料味道更豐富配很大隻的燒雞腿雞皮搽上厚厚的蜜糖，炸得很爽脆肉質嫩滑又多肉汁店內還有手套供應，非常方便牛肉沙嗲(三串) - $58牛肉插得滿滿的味道還很濃郁、鮮嫩多汁、不油膩配沙嗲醬，非常惹味椰子沙冰 - $38淡淡椰香，解暑一流鴛鴦芒果汁 - $28芒果味酸酸甜甜，顏色好美麗

這晚在銅鑼灣sogo附近搵食，想起坐電車常常經過一個印尼姐姐聚集corner(後來才知道是糖街)，就過來看看有什麼好食，結果發現這印尼小店很不錯！燒雞班蘭尖塔飯班蘭尖塔飯賣相咁特別，怎可不試！綠飯有淡淡班蘭香料椰子味，風味十足！燒雞，即叫即燒，燒得非常靚，皮脆肉嫩，夠Juicy，隨碟附有青檸辣椒醬汁比你蘸，一路食又一路聞住班蘭香氣同燒雞的肉香，正到不得了！🤤燒鱔平時食東南亞串燒不外乎雞牛豬，今次店員介紹鱔！即叫即燒，耐心等待。鱔都燒得好靚，好肥美的樣子，皮少少脆，食落有甜甜地的油香，店員無介紹錯👍🏻香茅椰糖薑蜜哈，有成支香茅！用上椰糖，甜味突出，感覺好潤，甜蜜蜜好好飲。

說到印尼食物, 除左零食之外係香港都好少接觸得到而今次食既呢一間位於銅鑼灣旺區既餐廳就正正係主打呢方面既食物價錢唔貴但係又真係幾特別辣牛肉醬雞脾飯一睇MENU見到呢個已經好想叫黎食價錢唔算貴, 係銅鑼灣區晚市呢個價算係平tim等左大約10分鐘都冇就上到來了牛肉醬再加炸脾呢隻辣真係非常之咁辣, 但係食到停唔到口撈埋d飯一齊食既口感同辣度會係好一點牛肉醬都幾多肉同埋味道口感不錯炸脾超大隻, 外皮脆脆的, 而入面嫩但少少實, 所以比較有咬口外加一道炒通菜, 味道同港式的有分別餸飯食一流最後就是特式飲品, 我點的是珍多冰

唔知大家對印尼菜有咩感覺呢😆？除左Weekend見到印尼姐姐互相分享食物，我反而諗起以前住home stay既印尼host family，仲帶我去印尼餐廳食飯，確實有啲緬懷。朋友介紹呢間班蘭葉印尼美食，負責人服務態度超有禮☺️細細間舖頭坐滿食客，有印尼人，亦有唔少香港人。首先一讚餐廳menu非常細心，有齊食物圖片，中/英/印尼語，圖文並茂，點餐十分方便。燒雞班蘭尖塔飯 $98燒雞配上印尼烤醬，甜甜地好滋味，半隻燒雞睇落好似有啲細隻，但千祈唔好比佢個Size呃到😆戴上餐廳提供的膠手套 (非常細心💕)，慢慢撕開你會發現份量出奇地多！肉質多汁嫩滑，連雞胸部位都燒得岩岩好，唔會又乾又鞋口，配搭秘制辣味醬汁，帶點刺激感。班蘭尖塔飯造型吸睛，有淡淡既班蘭香味，亦中和到醬汁的辛辣感。印尼花膠湯班蘭雞粉皮 $78有啲意想不到印尼都會有花膠湯😯而且做得相當不錯👍🏻先飲一啖湯底，花膠味濃而稠密(超級有驚喜🤩)，味道天然無乜味精，用上真材實料，杞子、蟲草花等。班蘭雞咁岩食到雞脾部位，雞皮黃而薄身，肉質鮮嫩；粉皮偏闊身，皮薄嫩滑，同花膠湯好夾，好味到清晒成碗，一滴不留。鴨胸串燒 (3串) $58店員熱情推介鴨胸

《食左當去左系列》繼續沒有旅行既日子，最大娛樂就係不斷搵各國既風味菜，今次選擇人流好多既班蘭印尼餐廳，最近仲有抗疫menu, 好味又抵食!menu有好多選擇，心大心細，淨係飯已經有4款（班蘭飯/黃薑飯/椰香飯/白飯），配菜由牛肉、雞、蝦、炸魚等既配搭，於是做唔到決定既2個人就叫左咩都有d既飯印尼四大天王 （$78+$15轉左班蘭飯），首先班蘭飯味好出，面頭再鋪上炸蒜，配菜係有咖喱雞，沙甸魚，沙嗲雜菜，巴東牛肉，每一款都好岩送飯，每一款都好入味!薑黃雜錦尖搭飯（$68） ~呢碟飯一樣都有4款配菜，有款類似辣豆腐干，花生魚干仔，炸雞，巴東牛肉，每款都好惹味，巴東牛肉夠淋身，炸雞亦好juicy，份量好多好滿足碎壓黃豆餅（$38）~ 一共有4件，黃豆餅係印尼既一款傳統小食，好重黃豆味而有豐富蛋白質，呢度係以炸既形式，每一啖都有實實在在豆味，亦都好飽肚~雪芳班蘭蛋糕 （$15）~蛋糕鬆軟潤滑，有陣陣蛋香，每件都幾大，2個人share都可以，味道同質素可能勝過Singapore 機場既專門店!飲品選擇左珍多冰（$28）+ 凍印尼即磨咖啡（$28）~珍多冰椰奶香，夠足料，每啖都啜到綠色條條~而即磨咖

最近銅鑼灣特別多優惠，逛完街血拼完走過來糖街吃印尼菜，沒想起星期五人流超多，等了半個小時，建議要訂位呢！燒雞班蘭尖塔飯（$98）有半隻雞，雞肉滑嫩，雞皮帶點香脆油香，醬汁惹味，一旁的醬料很夠辣，非常好吃呢！原條魚花膠湯粉皮（$78）份量驚人，魚燒得金黃，肉質入味。花膠有一大塊再加數塊小的，份量也足的！花膠湯濃郁充滿膠質，粉皮多而滑溜溜的，好吃！石栗馬拉盞炒通菜（$72）相對地不算辣，如果可以再惹味點會更好呢！珍多冰（$28）及青檸梳打（$28），兩者都價錢合理又夠解渴，不錯！性價比高的一頓飯，尤其那燒雞，難怪人流不斷！

碰巧男朋友放假，一於去試下好耐無食的印尼菜！一坐低，老闆就行過嚟同我哋介紹餐廳招牌菜同必食推介🤤好親切嘅服務，佢仲介紹咗secret menu嘅鴨肉串燒！我哋仲有order四大天王配黃薑飯同炸魚配花膠湯底粉皮。鴨肉串燒燒得好香，微微蜜糖味，配上獨有沙嗲花生醬，好味！因為太晏去關係，粉皮已賣晒，轉左金邊粉，花膠湯底帶有香濃雞味，炸魚炸得剛剛好，皮脆肉嫰。反而四大天王黃薑飯就相對普通，黃薑飯唔熱，而且黃薑味淡，所配嘅加多加多沙律只有青瓜絲同芽菜，如果可以有埋蛋同薯仔口感會更佳，沙甸魚似罐頭製品，整體而言，普普通通。但勝在服務好，其他食物都相對出色，下次會再嚟過！

平時都冇乜食印尼餐廳，係朋友極力推薦話呢間幾好食，所以一於過黎食下。睇MENU見大部分都有圖睇，起碼容易知道D餸菜大約係點，都幾方便今次就叫左 燒雞班蘭尖塔飯($98)、巴東牛肉花膠湯粉皮($68)、虎蝦沙嗲(三串)($88)、咖啡沙冰($48)、牛油果沙冰($48) 牛油果沙冰：我都算係牛油果愛好者，難得見到呢D特別嘅飲品居然出現，咁就必定要叫黎飲下啦飲落去牛油果味幾香濃，真係飲落去都幾足料下，唔會溝晒水好稀咁，而且沙冰D冰都幾綿，飲落又唔會多碎冰卡住左咁，超正咖啡沙冰：朋友中意飲咖啡，佢都話呢杯咖啡味唔錯，不過奶味稍微多左DD。另外杯飲品仲有條威化脆條食下，幾好燒雞班蘭尖塔飯：平時食得最多當然係白飯，其次就黃油飯，今次就食綠色嘅班蘭飯。呢個班蘭飯味道好香，唔駛配醬汁或者燒雞，淨係食個班蘭飯都已經好好食燒雞佢用上印尼風味D醬料醃表面再燒香，食落肉質嫩滑唔鞋口，再點埋佢上菜個秘製醬汁黎食，更加帶出到當中嗰隻風味巴東牛肉花膠湯粉皮：其實我都唔知花膠關唔關印尼菜事，不過本身都幾中意花膠湯，再加上職員話呢個推介，所以叫黎試下食之前先飲一啖，已經覺得非常之出色，真係好有驚喜佢個花膠湯底係超級鮮