玄鮨 (已結業)

之前聽過玄鮨連續五年獲得米之連推薦已經想試最近經過銅鑼灣發現餐廳由中環搬左過黎餐廳裝潢時尚典雅而且環境寬敞明亮座位方面除左壽司吧台仲有包廂選擇Sashimi Set Lunch刺身午市套餐除左刺身拼盤仲有煮物同埋白飯Simmered Dish煮物係煮牛筋；牛根煮得軟腍入味，入口即溶好正刺身拼盤刺身總共八款包括中拖羅、吞拿魚、鯛魚、油甘魚、八爪魚、沙甸魚、帶子同牡丹蝦；其中油甘魚上面沾有烏魚子味道咸香唔需要蘸醬油都好鮮甜，而沙甸魚切碎後拌入香蔥整成他他層次豐富口感清新Deluxe Chirashi特上刺身雜錦丼套餐跟配茶碗蒸特上魚生飯刺身種類繁多總共十四款鋪滿丼飯表面，其中九款都係魚生包括冬菇魚片、拖羅、中拖羅、深海池魚、䲞魚、鯖魚、金目鯛、沙甸魚、赤目魚另外五款仲有帶子、象拔蚌、牡丹蝦、三文魚子同海膽；餐廳跟隨時令選取唔同各式魚生製作保證食材新鮮優質Steamed Egg Custard 茶碗蒸雞蛋嫩滑而且材料豐富包括雞肉、魚片、蜆肉、冬菇、百合、白果等Dessert 每款午市套餐均奉送前菜、味噌湯、咖啡或甜品；前菜係糖漬黑豆而甜品則係紅豆雪糕首尾相應好有心思

自從上次來過午餐之後，對於玄鮨念念不忘，今晚又訂了位，來吃廚師發辦。選了廚師發辦「葵」，每位$1380。包括前菜、刺身、廚師專長、壽司、湯和甜品。前菜黑豆、慈菇片、魚乾。黑豆以金箔鋪面，看來非常矜貴，吃入口軟腍又甜，非常好味。慈菇片炸得很香脆，比薯片厚身和更好吃。魚乾是細魚仔炸過和醃過，味道帶少許甜味，吃完還想吃。想不到簡簡單單的前菜，就已經這麼好，真的非常期待魚生來臨。魚生篇八爪魚🐙表面有些炭鹽，不用豉油已經很鮮味，肉質比魷魚硬身，不過又不會靱，爽口又彈牙。鰤魚是大的油甘魚，而味道比油甘魚更好味。金目鯛烏魚子，烏魚子的天然鹹香味，令金目鯛的魚味更加突出。赤貝：我不會點任何調味料，就吃到赤貝肉質爽脆清甜。大拖羅真的是肥美到一個點，好肥美的和牛一樣，入口就像溶化在口腔內，一個字「正」😋😋😋池魚以薑蔥蓉加檸檬汁伴勻，味道非常特別，這個吃法帶出了魚的鮮甜味。帶子味道鮮甜，肉質札實，吃落肯定是新鮮貨色，非一般急凍貨色可以相比。廚師專長：炒響螺片，通常這種貴價食材，都只會在中式食肆內先食到，想不到在日本的廚師發板內吃到，真的有點意外。響螺片經過快炒，醬汁帶起了響螺的鮮味，而肉質爽口彈牙，不會過韌

事關因為12月岩岩去完東京返黎，因為撞正豐洲定休日食唔到新鮮壽司，所以一早決定返到黎香港要食返，係眾多間餐廳之中，揀左搬左新店既玄鮨。當日我同男朋友book左7點，去到已經見到bar枱已經坐左2枱客，我地坐底無耐全張bar枱已經坐滿，一共4枱客。我地果日點左$1780 set前菜3點-中間粒栗子超甜，好似加左糖咁甜刺身6款-食過omakase既都知係由淡味食到濃味，當中每款刺身都好新鮮，但唯獨最後既拖羅好似未完全解凍好，食落去有啲冰冰既感覺，但係好甘香的，亦無咩根炸物-蝦餅加蟹腳，蟹腳配隔離既抹茶鹽黎食，有少少既抹茶味，但我都係鍾意點天婦羅汁多啲😝主食-A5和牛好甘香，有牛味，而因為我男朋友唔食牛，所以佢個主菜係燒鮑魚壽司7件-當中有時令既白蝦，亦有唔少得既海膽同火灸拖羅，拖羅被火灸過更添油香，更肥美🤤湯物-清魚湯，一解之前既油膩感甜品-士多啤梨，蜜柑，哈密瓜(超甜)，小妹覺得以水果為終結比雪糕或者其他甜點為好，因為比較清新👍🏻總括而言，整體感覺不錯，食材新鮮，唯獨有1，2款刺身解凍不足，食上黎有冰既感覺，有少少浪費左，但成餐都好滿足！

連獲五年米芝蓮推介的玄鮨最近搬到Cubus，這週日決定一試比較親民的午市套餐電梯門一開侍應們熱情地跟我們打招呼及安排就座新店裝修予人時尚優雅的感覺，有兩個大吧枱、包廂及梳化卡座！還有陽台讓食客呼吸一下午市套餐有很多不同的選擇！男友要了特上魚生飯，先來一個蒸蛋這裡的魚生飯會根據時令取用各種最新鮮的魚生製作，這次有大拖羅、海膽、 三文魚籽、 深海池魚、鮑魚、牡丹蝦等！我就要了刺身定食，每天供應不同的前菜，今天是牛筋，煮得十分入味！刺身種類繁多！有鮑魚、中拖羅、赤身、油甘魚、帶子、八爪魚、甜蝦等！十分豐富！最後還有炭燒咖啡或柚子雪葩！雪葩用威化餅盛載，十分別緻三百多塊可以食到米芝蓮推介的日本餐，得到的是專業的禮待，食材亳不吝嗇，性價比真的超高！

原來玄鮨已經由中環搬到銅鑼灣Cubus 7樓，今日就獨自到上址吃個午餐。看到餐牌上有這個人氣No. 1的《三色丼 $420》於是就點了一客。三色代表北海渡海膽、北海渡三文魚籽和蔥拖羅魚蓉。蔥拖羅魚蓉口感綿綿有好鮮味；三文魚籽又沒有一般的腥咸，反而是味道極鮮，咸香清新又易入口；海膽完全不澀很有甜香，海膽味香濃又細滑。三色很出色之餘，下層的米飯亦不可忽略，飯用了新潟米醋調味，再灑上了紫藤和芝麻增加香口和口感，更加加分。跟餐有漬物和茶杯蒸，最後有冷麵。漬物拌飯都不錯，而茶杯蒸十分滑溜，更放有銀杏有甘香。冷麵附有鵪春蛋和冷麵豉油，將蛋漿和豉油拌混後冷麵口感更滑溜。最後有紅豆雪糕和餐茶，滿足。

話說家姐早前極力推介一間日本餐廳，她說雖然貴，但是好高質，一直想找機會去試試。臨近聖誕同朋友gathering想食番餐好，便想起姐提過的這間，一問之下價錢的確高，那就去食CP值較高的lunch啦。　餐廳裝修行優雅貴氣風，有格調。師傅面前的bar 檯已被訂滿了，就坐卡位，梳化其實都舒服。我們叫了Sushi Lunch同一個A4 Wagyu Beef Sukiyaki套餐附有前菜，是牛蒡漬物，很爽口而帶點甜味。壽司set 附茶碗蒸，蛋很滑且餡料多，有小帶子冬菇雞肉等。至於和牛壽喜燒則配和風沙律及刺身，蕃茄青瓜沙律菜伴麻醬，清爽開胃。刺身有魷魚甜蝦赤身各二，新鮮。但這幾款都是普通貨色，很難有驚喜，個人覺得想食刺身的人還是點刺身餐或魚生飯較好。聽姐說這餐廳像在築地食壽司omakase一樣，師傅會按你進食速度逐件握，再放在你面前的碟子。可惜的是我們沒坐到高椅，壽司變成一整碟上檯，整個感覺就沒那麼高級了，建議來吃的話還是預先訂吧檯吧。套餐共10款壽司，有活赤貝,醋鯖魚,牡丹蝦,池魚,拖羅,三文魚籽,星鰻,北海道海膽,玉子燒及拖羅蓉小卷。睇賣相睇顏色已經知好新鮮。因為share食,每人挑了自己最愛的

玄鮨喺銅鑼灣 開平道cubus， 離地鐵站大概有十分鐘的距離， 雖然是遠離購物景點一帶， 但是行遠一點環境舒適宜人一點能吃到好食物絕對是行兩步都值得。餐廳裝修典雅，樓底高坐得舒服， 有吧檯亦都有其他餐枱卡座。 這次我和朋友被安排到坐吧檯可以一邊吃一邊看師傅切刺身呢。照燒a4和牛刺身套餐 和 特上什錦刺身飯 Delux Chirashi這裏所有的午市套餐 都包括了味噌湯前菜， 味噌湯不會過鹹, 蔥切得幼細, 豆腐非常鮮嫩, 在冬天時 喝點熱湯 暖暖胃， 喚醒胃部 ，準備接下來的美食作個好開始呢。雖然不是吃廚師發板，但是能坐在吧檯前面看師傅切刺身，也 讓眼睛能吃到食物。 刺身拼盤包括油甘魚，赤貝，甜蝦，魷魚，八爪魚， 全部非常新鮮， 山葵吃得出是新鮮的，不會過辣，不會過於哄鼻， 而且整體擺盤也像一道藝術品呢。主角要上來了。照燒a4和牛， 日本和牛非常有牛油香， 一吃落口滑嫩得不得了， 肉質細緻 入口即溶的口感，讓人無法抗拒。 另外不得不提的是配的日本米飯， 米香之餘又帶點煙un， 配合那帶點牛油香的燒汁，非常好下飯。 另外即使配菜的沙律菜也是非常新鮮。特上什錦刺身飯特上什錦刺身飯的刺身非常

妹妹生日繼續食系列今次同妹妹嚟到銅鑼灣呢間好高級嘅日本料理餐廳，妹妹選食晏晝，可以吃lunch set.成間餐廳嘅感覺好高級，我哋坐到魚生枱旁邊，可以睇住師傅係我地面前切魚生。我最鍾意食吞拿魚，當然叫左一個吞拿魚丼（520），妹妹就要左一個wateishoku和風餐（330）。有我最鍾意嘅吞拿魚魚生，再配上麵鼓湯，魚生厚身夠大塊，啖啖肉，真係好鍾意，佢嘅壽司飯係室溫。妹妹唔太鍾意食魚生，所以帶咗天婦羅，佢個餐有好多嘢食，除咗有天婦羅之外，仲有唔同嘅醬料配料，同埋有魚，妹妹都食得好滿足。最後，可以選擇飲品或者甜品，我就要左杯咖啡，即磨咖啡好香龍值得一人，妹妹就要左奶當甜品，都好好味。餐廳環境真係好高級，最適合同朋友過嚟一齊影下想傾吓計，試吓高質日本料理。

今日去左銅鑼灣買Christmas Gift，聖誕節又係一個開心節日，可以同一大班朋友開Christmas Party，交換禮物食聖誕大餐！今日中午買禮物之前要去享受一個高質素午餐，「玄鮨」一間好精緻的日式餐廳，假日黎到都有lunch set供應，價錢由$320-520不等，款款都好吸引呀！我叫左一個deluxe sashimi set，配上日式蒸蛋。前菜的鰻魚青瓜漬物，鰻魚極是驚喜，魚肉爽彈有咬口，魚肉香甜香嫩，魚味濃郁！青瓜酸甜非常開胃。麵豉湯加入鮮魚熬製，非一般普通既麵豉湯，的確有心思！Deluxe Sashimi上枱啦！賣相非常吸引，用料非常高級豐富，有海膽、大拖羅、甜蝦、帶子，以及各款不同的白身魚，非常新鮮鮮甜！刺身水準高，當中以海膽最岩我口味，入口鮮甜無比！最後有strawberry pudding，好滿足呀！

今曰到訪的鮨店-玄鮨，是座落於旺中帶靜的銅鑼灣開平道的Cubus 7樓。上次到訪是他們位於中環的原址，感覺良好。其實他們已經連續多年位居米芝蓮推介之位。銅鑼灣的新址裝修更為寬闊雅緻。一邊設有壽司吧座，另一邊設有枱座及private room. 色調以黑色主調，配以通透玻璃和雲石牆身及桌面，富現代感而格調高雅。Lunch set有十款選擇，主要是壽司和丼飯，價錢由$300-$520。部分定食還有前菜、蒸旦或沙律特上刺身setDeluxe chirashi$360這丼飯賣相真美！飯面上舖滿了各式各樣的材料，當中還有我最愛的海膽和toro! 海膽味道鮮美，帶有陣陣甜味，但唔係最甜的那一種；再拌以脹卜卜的三文魚籽，真是鮮上加鮮！帶子大大粒，厚度十足，同樣鮮甜；拖羅真是頂呱呱！入口完全無筋，油花充足，脂香豐沃，有一點buttery 的感覺。還有爽口的白身魚和肥美的甜蝦，在那微酸的壽司飯襯托下，刺身的鮮味更為立體。三色丼$420Sea urchin, salmon roe and minced prime tuna on vinegar rice/ steamed egg custard / co

玄鮨。一間銅鑼灣的高質素日式餐廳。環境夠大空間感極高，而且座位和裝修都簡約，另有間格開多人座位，私隱度高。星期六放假，一個人去到銅鑼灣行街，午餐選擇玄鮨。lunch menu選擇唔算好多，但是款款都非常吸引！我叫左刺身定食套餐。先來麵豉湯，湯汁濃郁唔會太重口味，煮物是汁煮希靈魚，魚肉煮得入味濃香，魚肉煮得鬆化。刺身拼盤極是豐富，有鰹魚配醋汁、青瓜魷魚、油甘魚、帶子、金目鯛、甘蝦、象拔蚌和大拖羅等等，款款刺身都非常新鮮鮮甜，魚類散發出濃濃魚香，大拖羅入口即溶魚油極重，帶子配上檸檬片，入口鮮嫩爽口！餐廳用上日本米，米粒口感豐富，煙韌米香濃郁。甜品是檸檬慕絲蛋糕，香滑慕絲配上清香檸檬味，餅底香口，甜度不高。餐廳不斷加上熱焙茶，非常貼心。

這間原本位於雲咸街的米芝蓮食肆，搬到去銅鑼灣已經三個月，今天專程抽空中午去吃它的午餐。這裏的裝修有壽司枱和雅座，感覺很舒服。而電梯旁邊掛著它連續五屆，被選為米芝蓮餐廳的榮譽。三色丼$420，另包前菜、蒸蛋、蕎麥麵或烏冬、咖啡或甜品。鐡火丼$520，另包前菜、蒸蛋、麵豉湯，咖啡或甜品。前菜是牛蒡漬物，未吃完前菜，已經差不多上齊了蒸蛋、丼飯。蒸蛋雖然是一道簡單的菜，不過廚師做得非常有心思，所以除了蛋的濃郁味之餘，亦有很多不同的層次。三色丼內有三文魚子、吞拿魚蓉和海膽。三文魚子的鹹香，吞拿魚蓉的鮮味，海膽的鮮甜味道，可以單一款進食，亦可以將兩款混在一起吃，而最好味就是三種一齊放在口中，那種感覺是筆墨難以形容的。鐡火丼中有四片大拖羅、四片中拖羅。大拖羅的脂肪非常肥美，吃入口中，脂肪溶化在口中。中拖羅的肉質比較爽口，吃完這兩款，大拖羅和中拖羅，感覺非常幸福。蕎麥麵是凍的，吃落爽口彈牙，非常美味。麵豉湯和傳統做法不同，它很多材料配合在一起，兩個字＂好味＂最後來一杯滴溜咖啡☕️，就更加錦上添花了。這裏無論服務，食物質素和環境都無懈可擊，我決定1月再來，I will be back💯💕💝😉

平日返工很累，難得今天放假，當然要好好慰勞自己，所以今日來到銅鑼灣Cubus的玄鮨食中午飯。懶洋洋的我下午2時才到，但原來這裡中午只營業到3時，所以我都好趕快下單。這家是日本菜的高級餐廳，走時尚風格，新淨且有格調，非常舒適。午市套餐的選擇不多，一共十款，價錢都中上。A4和牛照燒 (A4 Wagyu Beef Teriyaki or sukiyaki)我們選了這個A4和牛照燒，分別有兩種煮法，分別是照燒(Teriyaki)和 壽喜燒(sukiyaki)，我們當然揀前者，比較可以食到和牛的鮮味，又不會浪費了這麼高質的牛肉。這個餐會配有一碗味噌湯，不太咸，也不賴。而這個套餐也會包含一客刺身，有吞拿魚、甜蝦、墨魚等，非常豐富，片片通透潤澤，入口魚脂香濃、甘香肥美，魚肉柔嫩，由其是墨魚刺身，沒有想像中的香口膠口感，值得一讚。主角出場，A4和牛照燒，以沙律菜伴碟，並配以珍珠米飯。沙律菜新鮮爽脆，配上沙律醬拌著吃很不錯！特別爽甜。而A4和牛肉質嫰紅，香氣撲鼻，口感軟熟且軟腍嫩滑。肥而不膩，鮮嫩多汁，放入口中便立即溶化了，讓人齒頰生香，回味無窮。而照燒和牛配上白飯簡直是天作地合的一對。三色丼而另一個主

最近留意到銅鑼灣呢間新開嘅日本菜餐廳：玄鮨，就帶左媽媽黎試試啦！餐廳環境感覺好高尚典雅，店員人數都好陣容鼎盛，一入餐廳就受到笑容滿面嘅侍應同經理熱情款待星期日都設有午市套餐，價錢由三百多至五百多不等，除左刺身壽司定食，仲有熱食前菜呢個牛蒡紅蘿蔔絲前菜調味好足，牛蒡絲好爽脆餐前沙律雜錦沙律菜都好新鮮碧綠，又夠爽脆！加埋和風沙律醬味道好又健康啊刺身小拼盤跟餐嘅刺身小拼盤絕不馬虎，用料上乘！輕燒鰹魚好有魚鮮味，刺身蝦夠鮮甜綿滑，八爪魚大大粒，爽口彈牙，全部刺身都好新鮮A4和牛壽喜燒媽媽喜愛熱食，所以點左呢個壽喜燒鍋。半生熟的A4和牛片份量都幾多，和牛肉片偏瘦，僅有少量肥肉，但食落好香軟，牛肉味好濃郁，好高質素，好味道！底下仲有好多洋蔥片、雜菇、蔬菜墊底，吸收晒壽喜燒醬汁嘅精華，送白飯食一流啊和風定食呢個餐包左天婦羅同燒鮫魚，雜錦天婦羅炸得金黃香脆唔油膩，炸粉皮唔厚，非常出色！廚師將鮫魚塗上麵豉醬汁後拎去燒，表面甜甜的，魚肉好結實，正！珍珠米煙韌有嚼口，好有米香！熱咖啡估唔到呢度嘅熱咖啡都幾好質素，咖啡味好濃厚醇香大滿足的午餐

老公在銅鑼灣返工，早幾日突然話帶我食好野，叫我星期六等佢收工，然後過去，所以我都好期待！去到呢座大廈，好高級食肆，上到去餐廳，環境好又華麗。每枱都有兩個侍應，我地係第一對客人，餐廳提供2人枱比我地，感覺就有點迫，如果未滿都安排4人枱，就會鬆動Ｄ。我地叫了兩款　lunch set, 前菜牛蒡好新鮮，輕微酸酸地，好醒胃。老公揀左　toro set，有跟一個蒸蛋，入面既白果好新鮮，蛋亦好滑。麵豉湯有點過咸。主菜到，toro　超新鮮，從來無食過甘完美既　toro, 仲有8片，好肥美！我叫左Ａ5和牛　set, 有刺身跟，侍應有講解下每款刺身既名同點邊款醬。和牛都很好味，只係略肥。最後甜品只能二選一，咖啡或布甸，我地兩樣都有揀，個布甸就普通，有點似日本進口，不是鮮製，　咖啡雖然不是炭燒，咖啡味亦不算濃，但香滑易入口。多謝哂老公既　surprise!