玄鮨 (已結業)

開心死我呀～我朋友仔帶我去食米芝連既午餐一出lift~ 裝修唔係超豪華但夠簡約整齊好舒服有普通卡位同埋吧枱位如果人多仲可以book房食午餐餐牌～佢會擺定熱茶同埋一條熱毛巾俾你抹手茶係焙茶嚟㗎當你叫完嘢食之後佢就會比個頭盤你食住先之後就會比一個燉蛋同埋比麵史湯你茶碗蒸係跟餐一定有嫁好滑同埋入面有好多材料～另外麵史湯都好正～ 入邊有好多紫菜～味道剛剛好唔太咸同濃主菜黎la~係三色丼有吞拿魚魚蓉海膽同埋三文魚子啲吞拿魚魚蓉超甘香海膽好新鮮另外lee 個係刺身丼有好多唔同嘅魚例如鯖魚鯛魚吞拿魚海膽三文魚子牡丹蝦帶子另外個三色丼係仲有跟一個烏冬可以揀凍或者熱食完服務員會問下你要唔要咖啡同雪糕我揀咗芝麻雪糕食芝麻雪糕好滑係超級之好食

元宵佳節前夕，老公話同我去食我鐘意的廚師發辦，實情係老公試過廚師發辦之後欲罷不能，今晚老公就帶我去一間連續多年獲得米芝蓮推介的玄鮨品嚐。玄鮨位於銅鑼灣開平道1號Cubus，在利園商場附近，一出電梯就感覺到這裏的高雅氣派，店內有一張壽司吧檯約有十餘個座位，另外還有多張餐桌，有些還有屏風分隔，更具私穩。坐下不久店員便送上熱毛巾及熱茶，在用餐途中也不時添加，服務實在太貼心。餐牌有三款選擇，分別是「夢」、「楓」、「紫」三款，三款的分別是在於多少道菜式。而話明是廚師發辦，當然食材就是由師傅為我們今日挑選最優質、最時令的食材。我們今日選了「紫」，貪其款款菜式都有一些。前菜(3種盛) – 菜籽花、雞泡魚皮、汁煮東風螺由左至右，分別為菜籽花、雞泡魚皮、汁煮東風螺。菜籽花軟滑，用上微酸的汁烹調，好清新。雞泡魚皮晶瑩通透，富有大量的骨膠原，入口清爽脆口，配上帶微酸的蘿蔔蓉，好清新好開胃。汁煮東風螺炆得好入味，好軟腍，帶點爽，美味。前菜 - 海蜤頭師傅在預備刺身前，更預備了海蜤頭給我們品嚐。海蜇頭是水母的觸鬚部分，晶瑩通透，口感鬆脆有韌性，配上日式薑蔥豉油，味蕾敏感度得到提昇。刺身(6種盛) – 螺肉、拖羅

情人節要比貴一倍食同樣的食物，我同老公多數會選擇早一日慶祝，情人節前夕老公帶我去呢一間日本餐廳食飯，食之前佢已經讚口不絕話質素好好，上到去見到原來連續幾年都拎到米之蓮，我相信一定唔會令我失望我地叫左2個Omakase ，頭盤有日本魚皮同豬頸肉仲有蝦，好精緻的賣相。之後再來一碗好特別的鰻魚苗，細細條好滑身，好似食緊蒟蒻粉一樣，好得意，配埋獨有醬汁一齊食，個汁酸酸地特別開胃之後嚟到重點：刺身拼盤，入面有拖羅，油甘，沙甸魚，赤貝，剝皮魚，全部好新鮮，好鮮甜仲好肥美，仲要全部都係厚切好有口感，好滿足中間會再來一個小食，就係呢個安康魚肝，賣相已經好吸引食落口感好滑好香又係我最鍾意嘅時間，就是有6件壽司，包括有燒拖羅，金木勺，池魚，響攞，蝦，海膽，全部都好新鮮一啖一口，人手做壽司唔知係咪特別口味呢，真係好精彩。食完壽司都有啲口乾，來一碗蜆肉湯啱啱好，啲顯蜆非常大隻，好鮮甜好多肉甜品見到個賣相已經好吸引，有日本士多啤梨，左邊呢個好似啫喱嘅甜品入邊仲有金箔，又高貴又好味，呢餐預祝情人節真係好滿足，多謝老公。

在鮨店吃東西，也不一定只有師傅發辦吧，今天就讓我在這間銅鑼灣的鮨店，午膳時段吃到了一個普通丼店吃不到的丼物了。連加一$460的三色丼套餐，好貴嗎？他們的用料絕對配得上這價錢。前菜是蒽跟漬魷魚，魷魚入口帶些微煙韌，不會太多筋，大概兩口的份量，恰到好處。然後神速地就上了茶碗蒸，蟹柳，蝦仁，日本莞茜都不太搶，輕輕的海鮮味襯托蛋內雞湯的香，果然是鮨店出品呢！三色丼的配置非常正宗，海膽，拖羅魚蓉，三文魚籽各佔一席，飯量較少，所以每口飯配的刺身都非常多，不俗海膽非常鮮甜，入口有豐富的鮮海膽香，絲毫腥澀都不帶，帶一點咬口。北海道入口的海膽，也有分級別吧？這種絕對是在大部分入口海膽以上的水準。拖羅魚蓉不帶任何筋，入口即溶，還帶一些的魚香，這是平日外間只靠醬油提味的拖羅魚蓉所不能比擬的美味三文魚籽是漬物，恰到好處的咸鮮，在口中爆開的鮮味，不錯。有提供小量薑片解膩，值得一讚。冷蕎麥口感煙韌，師傅手藝實在不錯，如果醬油加上鵪𪂹蛋作調味，會更上一層樓。最終的甜品是柚子雪芭，不會雪至堅硬及死甜，柚子味很出，帶點碎柚子肉，配上雪米餅的口感，也是值得吃。師傅發辦的貼心服務，即便坐下枱，吃午餐也有，加分。

今曰到訪的鮨店-玄鮨，是座落於旺中帶靜的銅鑼灣開平道的Cubus 7樓。上次到訪是他們位於中環的原址，感覺良好。其實他們已經連續多年位居米芝蓮推介之位。銅鑼灣的新址裝修更為寬闊雅緻。一邊設有壽司吧座，另一邊設有枱座及private room. 色調以黑色主調，配以通透玻璃和雲石牆身及桌面，富現代感而格調高雅。Lunch set有十款選擇，主要是壽司和丼飯，價錢由$300-$520。特上刺身setDeluxe chirashi$360這丼飯賣相真美！飯面上舖滿了各式各樣的材料，當中還有我最愛的海膽和toro! 海膽味道鮮美，帶有陣陣甜味，但唔係最甜的那一種；再拌以脹卜卜的三文魚籽，真是鮮上加鮮！帶子大大粒，厚度十足，同樣鮮甜；拖羅真是頂呱呱！入口完全無筋，油花充足，脂香豐沃，有一點buttery 的感覺。還有爽口的白身魚和肥美的甜蝦，在那微酸的壽司飯襯托下，刺身的鮮味更為立體。三色丼$420Sea urchin, salmon roe and minced prime tuna on vinegar rice/ steamed egg custard / cold soba這個三色丼真是

過完農曆新年話咁快就開工啦，同同事一齊去左呢間米芝蓮餐廳食我們的開年飯!一出大廈電梯已是餐廳，很有高級的感覺，除了有bar枱位置，還有兩間包房。餐廳燈光柔和，俾人有一種舒適的感覺。跟同事看過餐牌後點了一個sushi lunch set同一個三色丼的lunch set!兩個set都有前菜，今天的前菜是魷魚，應該是用味噌醃製過的，有少少咸味!茶碗蒸，這裡的茶碗蒸很滑，味道剛剛好，唔會太咸或者太淡，蒸蛋入面還有白果、冬菇、雞肉、蜆肉及芫茜!Sushi lunch set($320)，共有10款不同的壽司，包括吞拿魚蓉卷物、海鰻、三文魚子軍艦、海膽軍艦、玉子、赤貝、赤蝦、吞拿魚及拖羅。所有刺身都好新鮮，赤貝及赤蝦都很爽口，海鰻雖然入面有少少細骨，但都可以吞埋，醬汁很惹味。三文魚子粒粒都脹卜卜，海膽很鮮甜，唔會係平時香港食到果D海膽霉淋淋。而且每舊壽司飯都係細過刺身，入面已有wasabi，唔會搶左主角既風頭。Sushi lunch set還有麵豉湯，味道剛剛好，唔會太淡!內裡有豆腐及海帶!三色丼lunch set($420)，呢個lunch set都非常豐富，三色丼有三文魚子、海膽及吞拿魚蓉，海

偶爾食lunch都想食得好啲好啲就難不免要豪氣啲Book左1點，可惜朋友仔遲到，唯有自己先上去坐住先啦一坐底就會遞上水同毛巾，侍應都好有效率同好細心茶碗蒸自己好鐘意食日式既蛋料理依個茶碗蒸好滑溜，但可惜配料一般，蛋香未算好出整體都算屬於中上三色丼 ($420)主角到鋪得滿滿既材料，啲料仲多過飯最吸引既當然係海膽一嚟當然要試一啖又真係幾鮮甜高級既日本餐廳選用既材料果然有所保證吞拿魚蓉亦都相當新鮮三文魚子質素就中規中矩啦仲有一個熱烏冬/蕎麥麵，但兩樣既質素只係普普通通個餐仲包一個甜品或者咖啡，今日係紅豆雪糕唔食紅豆雪糕，唔飲咖啡，所以無要到食材新鮮，坐得舒服，服務都好好只係價錢偏貴，覺得依個三色丼加埋一頂盡只值$350左右，依家就要成$462如果價錢合理返少少就真係一流啦📍超主觀+有偏見評分 (5為最多)📝📃hunger(食物🤤/🤮): 🤤🤤🤤🤤📃anger(感覺🥰/🤨): 🥰🥰🥰🥰📋hangry(整體🤬/😟/😛/🥳/😍): 不錯喲🥳

這餐是我第一次去到Cubus 這幢大廈"搵食",原來這幢大廈都有不少日本餐廳，而我這次就是要去7樓的「玄鮨」。一出電梯就看見四塊寫著「米芝蓮指南推介餐廳」的木牌，連續四年都獲得推介，相信味道一定有水準！ 我們選擇了午市時間來，因為比起晚市，午市套餐相對便宜很多！ 最終叫了一個二號，一個三號餐。前菜有香蔥拌魷魚，刺身飯會跟茶碗蒸，而刺身定食會有一份牛舌煮蘿蔔。所有前菜都很不錯，魷魚煙韌帶有鮮味；茶碗蒸的蛋味濃郁，配料也不少；牛舌蘿蔔亦入味。極上刺身飯刺身種類很多，用上貴價的食材如海膽，魚子，金目鯛和大吞拿魚腩等等。除了一些較常見的種類如帆立貝，牡丹蝦，它還包括一些平時比較少食的魚類，有些什至是我從未吃過的。幸好，每款刺身都很新鮮，大吞拿魚腩十分肥美。即使我平日不會食我秋刀魚也沒有腥味，不錯不錯。刺身定食刺身款式比極上刺身飯少，主要有吞拿魚，貝類，魷魚，和蝦，但每款都很鮮甜，攞碟亦很精美。最後還有濃郁紅豆味的雪糕作結，很愉快的一餐。

Cubus 高級食肆集中地，位於7樓的玄鮨是午餐飯堂之一，是日跟好友又再重臨，來個超幸福午餐。😍💕😍💕💕環境裝修簡潔高檔，每個細節都顧及到，秉承日本一絲不苟的精神。點了Deluxe Chirashi $360，高級雜錦魚生飯，靚仔到一個點……😍😍😍，令人食慾大增……💕💕驟眼看似肥豬肉，其實它是肥美拖羅，好味到呢……😍😍😍😍Sushi Lunch Set $320，有十款不同的味道的壽司，五彩繽紛，賣相精美。日本菜永遠都是這麼討人喜愛的 😍😍拖羅壽司、海蝦壽司、三文魚蓉壽司鰻魚壽司、海膽壽司，三文魚子壽司帶子壽司、鯛魚壽司跟餐的茶碗蒸，蒸蛋嫩滑細緻；漬物味道都很好！還有甜品附送，今天是芝士小蛋糕。午市餐牌內，相信每個餐都甚具水準，因有吃過的都沒有令人失望，全部水準都超出預期🖒💯

—Omakase Set Menu — Murasaki 紫 $1380/人包括前菜 刺身 壽司 小食 湯 甜品首先有個小小嘅頭盤開開胃 三款前菜都十分精緻左手邊嘅熟蝦弄成球型 裡頭還包著蛋黃醬 微微酸酸的中間嘅鰻魚骨乾很脆 食起上嚟鹹鹹香香 像佐酒小食般右手邊是螢光魷魚 底下嘅蔥段以深淺色相隔嘅方式舖好 連小小嘅細節也別出心裁接下來再多上一道開胃小食海鰻魚苗全身晶瑩透明 吃起來口感介乎啫喱同蒟蒻之間拌著醬油薑蓉蔥花同吃 更加滋味然後令人期待嘅刺身上場 一共有六款仲有新鮮磨嘅山葵 擺盤亦非常漂亮 配上一朵小菊 鍾意嘅可以將花瓣放到醬汁 增添香氣 亦有青芽苗菜和紅蓼 吃起來帶點酸酸刺激嘅感覺我哋都係較偏愛拌著清新嘅蘿蔔絲食店員提醒先食白肉嘅魚生片鰤魚甜味非常濃郁 入口柔軟白身魚不用蘸醫油 直接與烏魚子吃 清淡細嫩剝皮魚卷加上了魚肝和青蔥 令本來清淡嘅魚味道更加豐富和香濃鮑魚非常鮮甜彈牙 赤貝同樣爽口不膩最後吃嘅吞拿油脂分佈均勻 入口即溶 滿口油香食過刺身後 小食有牛舌炆蘿蔔 一試難忘牛舌相當軟綿 一咬即能拉開黏稠嘅醬汁拌有菊花花瓣 蘿蔔亦清甜入味第五道菜是鮟鱇魚肝 素有海底鵝肝之稱魚肝入

Lunch去搵嘢食，其實一直都好想試呢間日本菜，由於本人對日本菜嘅要求一向嚴格，感覺呢間日本餐廳應該唔會太差,其實都係撞彩，我點知佢啲刺身又確實係好好食，佢仲好新鮮添！我同我朋友分別叫咗兩個lunch set，我叫咗個刺身魚生飯，佢就叫咗個刺身定食，兩個set賣相都好一流，而且刺身仲好新鮮，除咗個主菜冇得頂之外，就連佢啲前菜，日本茶同埋燉蛋都係非常之有質素，喺呢個地段食到呢個質素嘅日本菜，夫復何求！真係要讚嘅係侍應嘅殷勤招待同埋餐廳嘅環境簡直就係一流！下次去的話可以試吓其他lunch set ！

Annual dinner 抽到現金獎，可以去豪食~~最鐘意食日本野，就選擇了銅鑼灣的玄鮨，第一次食咁貴既lunch~先來小食魷魚麵豉，魷魚彈牙，麵豉味道甜甜地不錯。我叫Sushi lunch 有蒸蛋，表面有柚子絲好醒神，而蒸蛋好幼滑，有冬菇片、雞肉、魚蛋、銀杏等，用料豐富。Sushi lunch $320卷蛋軟熟，蛋味香濃帶甜，好正海膽軍艦的海膽相當新鮮、鮮甜帶子、蝦壽司新鮮爽口吞拿魚蓉卷味道好香濃，當中有爽口的質感，因為加入蘿蔔絲。吞拿魚、吞拿魚腩壽司，好肥美，有魚油從口中散發出來。Sashimi lunch $330有刺身、牛舌蘿蔔煮物、漬物有好靚的花紋、彈牙的魷魚，鮮甜的蝦、赤貝，魚刺身都有3款，色澤鮮明的吞拿魚、肥美的吞拿魚腩。每款刺身至於有2件，份量好多，滿足。牛舌蘿蔔煮物，牛舌煮得好腍夠入味，蘿蔔都好味。最後還有甜品，紅豆雪糕，紅豆味好濃郁，雪糕質感幼滑，底下的餅都好脆。

出左糧又就嚟新年，咁happy既happy Friday當然要食個就豪氣既lunch揀左嚟銅鑼灣食日本嘢簡單得嚟又整齊Lunch set有成10款揀有好幾款都好吸引最終同朋友都揀左4)三色丼 $420會有個茶碗蒸係我既最愛係滑溜溜的蛋唷調味啱啱好，又有蛋香三色丼 ($420)坦白講，$420真係唔平，但絕對係值回票價個海膽真係真係好新鮮好甜食左啖真係可以令人忘卻個價錢 (一陣子都好吖~😂😂😂)吞拿魚蓉都好鮮甜成日都覺得係唔好食既先會整成蓉，所以好少覺得吞拿魚蓉好食但依個真係難得食到好食既吞拿魚蓉依個價錢真係唔係呃人用既料真係夠新鮮又好味啲料既份量仲多過飯另外仲有個烏冬或者蕎麥麵質素中規中矩啦，個三色丼實在太出色，依個就相對被比下去最後會有咖啡/紅豆雪糕，好可惜我同朋友兩樣都唔食，所以就無要到嚕偶爾lunch嚟豪氣一下，食啲好嘢抒一抒壓，真係令人身心舒暢搵個有錢既夜晚一定會再嚟食

前陣子，草根姐姐一直在網上留意名位大大在玄鮨的餐飲經歷，果真是米芝蓮餐廳🍴，大家一至讚賞! 就決定相約妹妹一起去試，由於午餐時段較實惠，所從草根選擇在星期天下午享受一餐豐剩的日式菜。姐姐擇左Sashimi Lunch Set，我就要左個Deluxe Chirashi Set。Deluxe Chirashi ($360)📌前菜: 白身魚南蠻漬📌小食：茶碗蒸，燉蛋十分嫰滑，又夠熱，好好吃😋。📌主食: 魚生種類繁多，有生帶子、蝦、海膽、三文魚籽、拖羅、白魚等等。魚生質素高🙌🏻，可以比得上於日本🇯🇵當地食的新鮮程度。特別喜歡三文魚籽的鹹香🤩，海膽鮮甜，而拖羅亦非常肥美😆！會醋飯的酸度剛好，令人十分開胃，飯量較刺身set多，未必個個女仔吃得完，整體來說，值得給這個魚生飯一個讚👍🏻📌甜品: 黑芝麻雪糕🍦香軟幼滑🙌🏻🤤為這餐劃上完美句號。姐姐話佢個刺身飯都好好食。有機會下次可以試下其他午餐set~

想試咗玄鮨嘅lunch set好耐，見openrice個個都讚。不過價錢唔係平，當然要搵番個籍口先可以去試一試一早book定位，去到服務員即時安排入座不慨係米芝蓮餐廳✨ 🍴，質素果然令人非常滿意🥰！無論係食物、員工、大廚定環境都可以話無可挑剔❤️！今次坐bar枱，可以見到大廚係我地面前大顯身手。點左一個Sashimi Lunch Set，另一個揀左食新鮮魚生飯。個Set包有漬物、前菜、刺身、白飯、味噌湯同甜品。Sashimi Lunch ($330)📌漬物: 白身魚南蠻漬，質感似魚乾，配上洋蔥等配料。📌前菜: 厚切牛舌，軟腍味香，好好食👅！📌主食: 刺身一共7款，每款2片。有帆立貝、拖羅、吞拿魚、赤貝、魷魚、白魚同甜蝦。刺身厚切🔪，全部都非常新鮮，肉質鮮甜👍🏻。尤其拖羅腩，入口軟滑又不會過肥，令人印象深刻🥰! 這裏明顯用上上乘食材，水準非常高!! 旁邊還配上一碗白飯及味噌湯，份量對一個女仔而言剛剛好。📌甜品: 黑芝麻雪糕，黑芝麻味突出，不錯吃 😋！另外嘅魚生飯魚生同刺身set有所不同，但2款都好好食，雖然今餐價錢較貴，但間中享受一下都不錯呢！