玄鮨 (已結業)

媽說最近同事帶佢食左間唔錯的餐廳，話出左雙糧帶我試下。所有lunch set包括前菜、面豉湯和甜品。二人分別點左特上丼及刺身定食。我的特上丼非常吸晴，有海膽、三文魚籽、拖羅、牡丹蝦，池魚等新鮮食材，特別要提的是海膽非常鮮甜濃郁，入口即溶，口中鮮味久久不散。拖羅油嫩鮮美，值回票價！刺身定食擺盤很美，有中拖羅、赤身、甜蝦等！飯煮得粒粒分明，彈牙軟糯，不錯！甜品是芋頭奶凍，芋香清新，奶凍滑溜，不負米芝蓮之名。

閨蜜近日被搬屋之事困擾感到很煩惱，我地都鍾情食日本菜就約佢黎連續幾年米芝蓮推介既玄鮨食餐好等佢吐吐苦水舒緩下情緒。我地預約左午餐黎食，黎到侍應熱情招待，午餐都有10款選擇，最吸引我地既當然係刺身定食同特上丼。2個定食既前菜都相同係魷魚加左點蔥，魷魚爽脆帶點甜味加埋蔥既嫩脆同香氣，為今餐帶來美好既開始。閨蜜既刺身定食包括煮物，係煮牛舌已經煮到十分軟嫩又入味，底下既蘿蔔都好正又甜又嫩。我既特上丼定食有燉蛋，好滑溜又多料。閨蜜既刺身定食擺盤精緻有心思，每款刺身都新鮮，閨蜜食得好滿足。我既特上丼起碼有11款，有海膽，Toro, 三文魚籽，金目鯛，深海池魚，鰤魚，牡丹蝦，赤貝，螺，令我最驚喜既係海膽勁鮮美又濃甜入口即化，一點腥味都無，暫時係我食過最好味既海膽。Toro好肥美，螺爽脆彈牙兼鮮甜。而底下既飯亦軟硬適中有飯香。餐後甜品係南瓜慕絲雞糕，質地輕盈唔會過甜為這餐帶來完美句號。而閨蜜食完今餐加上吐完苦水心情好番好多。餐廳環境幽雅恬靜，餐具亦精緻。侍應對各款魚生刺身都熟悉可以回答我地既問題。雖然價錢比較高尚，但間唔中慰勞下自己都係值得的。

午餐時間和同事出去食sushi！餐廳位於開平道1號Cubus 7樓，是連續好幾年獲得米之蓮推介的餐廳，看來水準應該都唔會太差。我地分別叫左一個Sashimi Set Lunch 同 Deluxe Chirashi Set。點完餐後店員立刻遞上熱毛巾，熱茶和小食，服務細心。我的Sashimi Set Lunch前菜是煮物（南瓜），南瓜香甜美味，口感柔軟帶點黏性。餐廳用上味增來煮香甜的南瓜，更突顯出日本的風味。Sashimi Set買相緊致，猶如藝術品一樣。裏面的赤身包括有有赤身、金目鯛、吞拿魚腩、魷魚、帶子、等等，每件都鮮味十足，無論從味覺上還是視角上都能體會到師傅的用心。吞拿魚腩：吞拿魚的脂肪比較少，色澤紅彤！除了感激十分新鮮更能刺激食欲。吞拿魚腩的質感較腍，但魚味濃郁。拖羅肥美，油分充足！可見到佈滿油脂的花紋，魚肉入口即溶，油香亦隨即在口腔中化開。同事的Deluxe Chirashi Set也是非常不錯的，只是前菜（燉蛋）材料已經十分豐富。蒸蛋内含冬菇、 蜆肉、 魚片、 白果 、百合和 雞肉。故蒸蛋不但嫩滑，更是鮮味無比。而海鮮飯的配料更是名貴且豐富，材料包括：牡丹蝦、吞拿魚腩、油甘

約咗朋友去銅鑼灣食Lunch~話想食呢間玄鮨好耐～所以今次就陪佢去食喇～一開頭以為係一間好普通嘅日本餐廳～但Lift門一開原全唔係我想像咁～裝修感覺幾靚幾高級喎～Lunch time都幾多人bar枱已經坐滿人店員只好安排我哋坐普通2人枱～但都幾大幾好坐嘅～Lunch Set價錢最平係300最貴係520～對我嚟講Lunch食到3百幾蚊算貴啊～不過通常咁貴都有一定嘅水準嘅～每個set都會有前菜，燉蛋，同麵豉湯我揀咗1.Sushi Lunch寿司ランチ新鮮嘅魚生係一咬就咬得開，而唔係拉拉扯扯先咬得開嘅～對於一啲唔可以一啖就食晒一舊壽司嘅人嚟講，壽司上嘅魚生好難咬開，就會好尷尬喇～而呢一盤壽司set，係全部都好易咬開嘅～絕對新鮮好味～朋友就揀咗3.Deluxe Chirashi特上ちらし魚生份量算多，每款有起碼有2塊以上魚生一樣新鮮～而飯裏頭亦有一點紫菜點綴，唔會太dry，值得一讚啊～最後仲有杯咖啡飲～都幾好飲～今次試咗最平嘅非常滿意～下次再嚟會試吓佢個師父發辦同A4和牛

話晒一月生日我大晒，我同男朋友講話我想食日本野，佢二口不說就帶我去食好野 o(≧v≦)o睇戲之前要先醫肚，位於銅鑼灣開平道有好多頂級食府，其中一間名 玄鮨。午餐多達10款選擇，而我就點左Sashimi Lunch,係我認為豐富又抵食之選！最重要係賣相超靚啊( ´ ▽ ` )ﾉSashimi Lunch上枱時我哇左一聲，賣相超靚呀！配合各種刺身既擺放，未食已經覺得好味！超肥美Tuna入口即溶，真係Oishi~仲有肥肥赤蝦；經調味過既八瓜魚，仲有各款魚刺身，樣樣都係勁好味，無得彈！除左刺身之外，仲有牛舌煮物！熱騰騰加上炆得夠林，無牙都食到，哈～玄鮨環境舒服，可以選擇坐Bar枱，望住師父手起刀落既情況；而且店員充足又helpful,絕對唔會怠慢客人。識貨之人都聽過十四代，而呢度就有好幾支十四代，名貴優雅氣質不凡。

上星期約了一位朋友見面，由於真的好久不見了，大家心裡面都有很多話想說，想找一間幽靜又環境好的日式餐廳吃個午飯銅鑼灣很多日本料理都試過了，聽說玄鮨是米芝蓮推薦的，當日便去一試，誰知一試後至今仍然有點回味無窮一開始先來了兩小碟蘿蔔絲漬物，蘿蔔絲當中混有了幼細既橙皮，除了醋的酸甜，還吃到一陣陣的橙香異常清爽，平常不太喜歡漬物的我居然意外的喜歡魚湯湯料只有芽菜，卻不是一般的味增湯，喝下去帶有濃濃的魚鮮味前菜　茶碗蒸當中有魚糕，蜆肉，菇，等等的材料，雖然沒有太大驚喜，但味道香濃可以看到蛋的表面非常漂亮煮物　牛舌牛舌配以白蘿蔔，再灑上菊花花瓣點綴，由於本人是不吃牛的，根據朋友口中所述，這牛舌煮得非常入味，醬油帶有一點點甜味刺身刺身一吃便知新鮮，最驚豔的是那墨魚刺身，中間夾著秋葵，這口感真的配合得太好了壽司筋子與海膽一點腥味也沒有，只有滿滿的海水味，鰻魚肉質鬆軟，蝦也十分清甜，而且壽司握得非常好，玉子燒咬下去是札實的，可見做得不錯另外，壽司盛上來時，店員也有禮貌提醒軍艦要盡快吃掉，以免導致紫菜變軟影響口感我真是太愛這裡的壽司，現今再看照片，還是一邊寫食評一邊流口水．．沙律蔬菜新鮮，沒有草腥味，特別的

自從食過廚師發辦後就成日想搵機會再食，對佢的掛念係源於唔知道會有咩食，對於每一道菜都會有期待，今晚由識食朋友引領下去左呢間日本餐廳升降機門打開就已經係餐廳，門口掛上米芝蓮認證"光環"，令我對呢餐更充滿期待!!被安排入座後，侍應送上熱茶及濕毛巾，杯茶夠熱及幾香茶味，好飲!打開餐品牌，有數款價錢的廚師發辦，我地就由入門級試下先 - "紫" ($1380/位)先由前菜開始，一碟上放上3款精緻前菜 : 安康魚/水雲/小女子安康魚再配以木魚片一啖放入口，口感清脆，又帶少少咸香味，幾唔錯而水雲配以醋酸味，幾令人開胃; 小女子實情係醃製魚乾，甜甜地幾惹味侍應會先問有無咩係唔食? 了解客人喜好後，廚師就可專心設計餐單跟住到刺身6款出場，擺盤非常有心思，吸睛度相當高!  刺身種類包括白蝦/大拖羅/帶子/剝皮魚/鰈魚及油甘魚白蝦碎上，混入明太子，味道幾鮮甜大拖羅入口軟棉棉，又唔會太油膩，唯食到尾有少少筋剝皮魚內夾住魚肝，入口魚肉有少少嚼口，內裏的魚肝就香滑，兩種口感仲有鰈魚內藏海贍，鮮中加鮮食完一味就上另一味，呢客係廚師料理 ; 牛油炒鮑魚切成片狀方便客人進食，入口先食到牛油香味，鮑魚口感超彈牙，讚!飲啖

男友帶本小姐出省試結婚戒子再帶本小姐到銅鑼灣食好西兩個咀叼之人對食一直帶有執著寧願捱餓都一定要尋得美食來到呢間有米芝連獎既玄鮨午餐選擇都算多以銅鑼灣日本料理價格都算中等2號餐有一碗麵豉湯 牛脷 同主菜牛脷入味夠冧前菜酸酸甜甜開胃刺身新鮮觀感佳己經足加分令食慾都頓時大增🎉赤身鮮味冇筋可見師傅刀工都頗有技術火灸帆立貝用上少許鹽 加檸檬汁 加分可見師傅細心度極高😻刺身蝦底部墊上一塊薄薄青檸好讓蝦身貼上檸味每個細節都見得到廚師既心機💕男友就點左呢個3號餐睇落兩個餐差不多但佢有蒸蛋而呢個餐有海膽同魚子加上飯底有飯素配料來到最驚喜甜點🍮芝麻雪糕香濃芝麻味不太甜極之岩我多謝🙏未來老公精心揀選午餐🥣

玄鮨係米芝蓮推介嘅餐廳，環境高尚優雅吃高檔的日本菜。估唔到午市都咁多人！連餐具亦優雅高貴。前菜小女子又香又濃又鮮味，正好喚醒我們的味蕾！特上Lunch Set $360有極上豪華嘅刺身蓋飯、茶碗蒸同埋麵豉湯。茶碗蒸用料上乘，滑嫩鮮味！刺身蓋飯有海膽、三文魚籽、帆立貝、牡丹蝦、吞拿魚腩、油甘魚等上乘材料，上面再灑上乾海膽絲，極上名貴，而且款款都咁新鮮好味，當中帆立貝的鮮甜、海膽的濃郁美味和吞拿魚腩的入口即化，味道會一直停留在口腔內久久不散，令人一試難忘！刺身Lunch Set $330有刺身拼盤、汁煮竹筍、麵豉湯、白飯和少量漬物。汁煮竹筍爽嫩味美，清爽好吃又夠健康！刺身拼盤有魷魚、甜蝦、帶子、赤身、金目鯛、吞拿魚腩等。款款都係咁精美同新鮮！咖啡跟餐的咖啡同樣出色，香濃美味。紅豆雪糕不想要咖啡的話，也可以選擇紅豆雪糕，又甜又滑！

過年最多好消息， 朋友升職加薪所以帶我食好嘢知我鍾意食日本嘢所以特登帶我去呢間米芝蓮推薦嘅 玄鮨佢話之前喺中環已經食開， 但係搬咗嚟銅鑼灣就未嚟過， 今次就專登帶埋我一齊去食一入到去已經覺得環境好好有種好高級嘅感覺 職員亦非常之nice 我叫咗Deluxe Chirashi, 而朋友就叫咗 Sashimi Lunch., 職員會問我地有冇啲乜嘢係唔食或者會敏感 我覺得呢點好細心， 我諗佢嘅套餐都冇話set死食咩， 應該係由師傅揀最當造最新鮮嘅食材餐前小食有魚仔 同埋超滑嘅蒸蛋， 好味到我有啲想encore..我嘅飯到啦用料非常之多， 而且所有食物都非常之新鮮值得一提係個馬糞， 極度鮮甜 拖羅入口即溶成嘴都魚油香， 牡丹蝦彈牙鮮味， 帶子肉厚味甜朋友嘅sushi set都非常正 佢嘅小食有個冬筍煮海帶， 鮮甜入味， 我偷食咗唔少最後可以揀咖啡或者雪糕雖然差唔多四百幾蚊一個lunch set係有啲貴不過我就食得好開心， 亦都食得好滿足 多謝朋友呢個非常好嘅介紹 下次我想坐bar 檯試試omakase添呀

假日帶爸爸黎品嚐米芝蓮級日式料理👻餐廳裝修新淨...餐桌位置寬躺 ..一到步侍應就主動為我們安排坐位..雖是高級餐廳的設計，但又不會太嚴肅拘謹...很好呀！我們分別點了2個午餐...前菜先送上糖漬黑豆.好老實的說 賣相一般...但與其他千篇一律的前菜沙律相比...證明師傅的確有花心思去選取食材！小小甜味的黑豆...咬下去帶點粉感...仲令人一粒又接一粒甘吃下去...👏🏻很快就吃光了！胃口仲大開添！2.Sashimi Lunch $330Menu 並沒有詳細列明刺身的款式，所以等候的時候真係充滿期待呀！結果當然沒有令我失望了...分別有拖羅、鮑魚、赤貝裙邊、八爪魚、甜蝦、呑拿、鰤魚及金目鯛...賣相100分！完全感受到師傅的心思的堅持...絕對沒有是因為午餐就馬虎了事。各款的刺身色澤光鮮 ...肥美拖羅入口即溶..更加沒有粗跟去破壞口感..甜蝦的蝦肉清澈透亮..爽口香甜，鮮味十足！仲有我非常喜歡的赤貝... 同午市定食極之少見嘅金目鯛... 午市套餐除左大大碗飯同麵豉湯外，仲有附上一碗神秘的小藍碗🤔🤔 侍應上菜時千叮萬囑不要立刻打開...建議我地先吃完刺身先打開小藍碗🤷🏼‍♀為左可以品嚐

未試過米芝蓮推介的餐廳，朋友話帶我嚟呢間玄鮨體驗吓喎餐廳原來由2014年開始連續5年獲米芝蓮推介店內裝修優雅高尚，而且設有廂房，私隱度頗高餐牌午市套餐有成10款選擇，價錢由$300~$520再加一，豐儉由人特上魚生丼飯，套餐包括麵豉湯同茶碗蒸材料相當豐富，有冬菇，魚片，拖羅，中拖羅，深海池魚，魚，鯖魚，金目鯛，沙甸魚，赤目魚，帶子，像拔蚌，牡丹蝦，三文魚子，海膽等成15款食材舖滿飯面，一次過嚐到咁多款魚生非常滿足，而且刺身相當鮮甜彈牙茶碗蒸有蛋香兼嫩滑，而且餡料都絕不馬虎，有鮮百合，百果，菇類，蜆肉，魚片及雞肉等刺身午市套餐配煮物，白飯同麵豉湯刺身拼盤有中拖羅，吞拿魚，八爪魚，鯛魚，帶子，牡丹蝦，最特別是油甘魚上面鋪咗烏魚子提升鮮味，而沙甸魚就將佢剁碎加入蔥花，洋蔥碎做成他他，食落又幾清新煮物煮物喺牛筋，炆得又淋又入味，入口即化，而且大廚很細心，連盛載的碗也暖過先上枱，可以保持食物的溫度甜品紅豆雪糕，口感好像是食緊紅豆沙般超好味，紅豆味香但不過甜，有雪糕的滑但又有紅豆起沙的質感，值得一讚喺連碟都喺雪過才盛雪糕，超細心

係Omakase大受歡迎之前已經聽過玄鮨大名，一直想試但礙於工作旺季未能抽空，等到今日終於收到令我緊張已久的好消息，鬆一口氣之餘決心要食餐好慶祝一下！前菜：魚乾仔 – 呢款魚乾仔又名叫小女子，細細條鹹鹹甜甜日本黑豆 – 黑豆味道甘甜醋蜜 – 酸酸甜的，蠻開胃刺身：拖羅(圖中上) – 入口即溶，油香滿溢帶子(圖右上) – 口感彈牙，傍邊的檸檬片令鮮味更升一層鰤魚(圖左上) – 入口滑溜柔軟，油潤得來很有嚼頭池魚卷(圖左下) – 內有池魚片配上切絲蘿蔔和香蔥，入口爽脆冷冰清金目鯛(圖中下) – 刺身面放上烏魚子，肉質細膩不用點鼓油入口赤貝(圖右下) – 呈橙紅色，光澤亮麗，肉質爽脆廚師特選：時令食材鮟鱇魚肝🥰魚肝漸漸在口內融化，膏腴肥厚，質感化綿壽司六款：海膽(圖後) – 味道甘甜，質感細膩，幾乎入口即溶，吃一口，便明白為何這麼受歡迎鱲魚(圖中) – 上面放了梅醬，不用點鼓油入口，食落煙韌有咬口，散發著淡淡甘甜剝皮魚(圖前) – 肉質爽彈帶點韌性，味道清甜。但其實剝皮魚魚肝才是真正亮點，與魚肝一起夾著來吃，令原本膏腴得來較為膩口的魚肝與清爽的刺身正好配成一對，讓整道菜變得更加完滿係小妹全晚

之前同客人嚟過呢度食午餐，個客食完拍手叫絕，我都覺得真係好正，所以至今仍然念念不忘。 呢個客今次又到訪香港，指明要去呢間餐廳度再食過，仲誠意邀請我一齊嚟食，既然佢出公數，咁我就唔客氣啦~原來夜晚有omakase食，有三個餐，我地就揀左「紫」餐，未食先期待！！【前菜三盛】小丸子 – 即係魚乾仔，細細條，有咬口。黑豆 – 有金箔裝飾，即刻高檔晒。 栗子 – 好粉好甜，可惜得一粒，可以多啲嗎?【刺身六盛】拖羅、響螺、金目鯛、鰤魚、赤貝、紫菜沙甸魚卷，排到咁靚，仿如藝術品咁。最靚就梗拖羅，顏色pink pink，油脂超豐富，一入口啲魚油係咇出嚟，正呀！響螺好爽脆，爽到一咬落去就聽到聲。用左超過十種材料做裝飾，用心可見一斑。【廚師特選】係鮟鱇魚肝，冬天係當造期，濃郁香滑，進補佳品。 面頭加左辣椒蘿蔔蓉，味道層次更加豐富。【壽司六款】海膽、牡丹蝦、深海池魚、拖羅、帶子、鯛魚。海膽好鮮甜，叠到高一高。 要快食，確保紫菜夠脆。拖羅經過火炙，魚味更出更香口。【湯品】沙蜆麵豉湯，呢個就普通左啲，有四隻蜆，麵豉味道蓋過晒蜆嘅鮮甜味。【甜品】水果嚟，係日本士多啤梨同蜜柑，日本水果當然正，無需多講。全個餐精緻得

家姐請食生日飯，帶我品嚐夢寐以求的omakase。𨋢口掛著米芝蓮的獎牌，令我更期待！點了兩份omakase，每一樣食物上菜前都令人期待。1. 前菜分別有昆布希靈魚、金箔黑豆及燒栗子。希靈魚一點都不腥，昆布經過腌製不會淡而無味，兩種味道好夾。黑豆食落甜甜的，而燒栗子入口鬆化，甜中帶少少焦味很吸引。2. 刺身每一款刺身都很肥美，最愛拖羅，魚肉入口即溶，口腔內有陣陣的油香且不覺油膩。油甘魚及金槍魚魚肉油脂均勻，肉質甜美有彈性。赤貝口感較脆，入口鮮味十足。最特別的非紫菜包池魚莫屬，口感豐富。紫菜脆口同彈牙，跟池魚好夾。帶子肉色有光澤，鮮甜彈牙。3. 炒鮑魚鮑魚火喉剛好，肉質鮮嫩彈牙。4. 壽司每一款都很高質，最愛海膽和池魚。牡丹蝦和赤貝都很鮮甜，而日本鰻魚油脂均勻。海膽鮮甜燒拖羅經烤制後香氣四溢，油脂均勻。深海池魚肉質爽口彈牙，口感嫩甜。5. 沙蜆麵鼓湯湯味不過不失，就是一般麵豉湯，不過略嫌沙蜆有沙粒。6. 甜品以蜜瓜及蜜柑作結，兩樣都很香甜。完美的一餐