玄鮨 (已結業)

今日相約朋友於銅鑼灣聚舊，想找個安靜的日式餐廳同朋友傾下計和Lunch，於是在開平道的Cubus選了這間"玄鮨"。來到餐廳，佔地大樓都不小，裝潢簡約高雅，坐得十分舒適。店員殷勤有禮，為我們介紹Lunch Set。前菜每位都有牛蒡漬物。Sashimi Lunch $330章紅魚煮蘿蔔魚煮得好腍，連魚骨都感覺溶化了，章紅魚和蘿蔔都十分入味，魚肉嫩滑，蘿蔔更是吸汁。刺身包括有章紅魚、深海池魚、拖羅、赤身、帶子、甜蝦、魷魚和象拔蚌，整體新鮮，刺身質素甚高。拖羅油膩豐富入入口即化余韻悠長；深海池魚鮮嫩魚味濃；象拔蚌口感爽脆。米飯、麵豉湯最後還付上米飯和麵豉湯，份量一人前已經十分足夠，吃完刺身來一碗暖暖香濃的麵豉湯正合我意。三色丼 $420朋友選了三色丼，賣相一流，讓人垂涎。三色包括了拖羅蓉、三文魚籽和海膽，份量也是十分足夠，刺身底下買舖了一層漬物，配著一起食用令口感味道更出。三文魚籽粒粒鮮味，每啖都能爆出鮮味；海膽鮮甜Creamy；配埋拖羅蓉真係冇得挑剔。還配上一小碗熱烏冬，可暖暖胃，配搭不錯。

呢排工作非常忙碌，到週末一定要食好啲去化壓力為食量。唔想食咁肥，而又食得好，都係選擇日本野。銅鑼灣呢棟大廈係有好幾間高級日本野，我就揀左呢間係7樓既玄鮨。午市餐牌一目了然，我就揀左三色丼。跟餐有前菜、茶碗蒸，仲有烏冬或蕎麥麵，最後仲有開心果雪糕。首先前菜就係呢個酸酸甜甜既海帶仲有海蜇，好開胃。跟住就有茶碗蒸。入面有雞、蘑菇、冬菇、百合、非常豐富。主菜三色丼超足料，有三文魚魚籽、蔥吞拿魚魚腩、海膽。顏色色彩繽紛，味道都非常豐富！海膽一啲都唔腥，味道好鮮。另外三文魚魚籽一咬就爆汁，好滿足。吞拿魚夠曬味，配飯一流。之後我揀左要熱蕎麥麵，湯入面有爽口既紫菜，加少少七味粉，正。最後可以揀咖啡或者甜品，我要左甜品，係開心果雪糕蛋糕，入面有原黎開心果啊，係呢餐完美既終結。

第一次試有師傅發板嘅日本菜 全程感覺都好神秘 但呢個完全唔受餐牌框架限制嘅食法就可以完全發揮師傅嘅空間先來前菜炸明太子 熱辣辣 再有香菇冷麵同檸檬伴魚 有檸檬所以魚一啲都唔腥 呢個前菜好開胃好特別刺身方便面種類亦都有好多 有大拖羅 油脂分布均勻 另外有幾款魚亦都好新鮮有帶子 再嚟一個甘燒麟魚 我未試過魚連魚麟食原來係咁好食 魚麟趣卜卜我未試過有咁好食效果 跟住有一個蟹膏豆腐 濃濃嘅蟹膏配清淡嘅豆腐完全食得出蟹膏嘅滋味呢個配搭真係10分好壽司方便有拖羅壽司 沙甸魚 蝦 海膽 款式唔算特別但平穩而且份量亦都十足蜆肉湯 呢個湯完全帶得出蜆肉嘅鮮味最後就係甜品 甜品以米餅夾住雪糕再配新鮮嘅芒果 一餐好既嘅日本菜 加上一個咁唔同嘅甜品作為一個完結呢個係米芝蓮餐廳絕對冇令我失望而且餐廳裝修都好好 亦都有包廂保持客人嘅私隱度 10分闊落有好多卡位 晚餐時間唔算太多人 但係食嘅時候都十分之舒暢

米之蓮餐廳玄鮨(XUAN SUSHI), 食過返尋味, 大滿足呀!放完兩日假, 又到咗星期一,要食D好嘢嚟振奮吓心情低落嘅Blue Monday呀!朋友帶咗我嚟食米之蓮午餐 - 玄鮨(XUAN SUSHI), 位於銅鑼灣Cubus, 係一間高級嘅日本餐廳。一出lift見到餐廳環境寬敞寧靜, 裝修別緻, 有啲座位用日式趟門間開, 私密度非常高, 啱晒情侶或朋友聚會。講完環境要講下食物喇, 入座後店員隨即送上熱茶，我同朋友分別點咗三色丼和特上ちらし(Deluxe Chirashi), 店員落單後馬上送上前菜 牛蒡漬物,酸酸甜甜好開胃。套餐奉送茶碗蒸,蛋味濃郁, 鰹魚湯夾配料好清甜!三色丼有海膽、吞拿魚同三文魚籽, 淨係睇賣相已經流晒口水, 撈埋一齊食, 鮮味湧晒出來, 海膽味道鮮甜，完全無腥味, 重點係份量真係好多。套餐配蕎麥麵或烏冬, 我就揀咗蕎麥麵。麵質好爽好彈牙, 份量一樣好多。特上ちらし(Deluxe Chirashi), 基本上成碗飯都被刺身覆蓋住, 有海膽、拖羅、帆立貝、三文魚籽、油甘魚、牡丹蝦，每啖飯都有魚生! 拖羅更加係油香四溢, 入口即溶, 唔經唔覺食晒成碗飯, 好滿足

刺身絕對能夠反映餐廳既食材質素，而玄鮨既食材質素可以話係上乘，每件刺身都能保留到海鮮既鮮甜味。Sashimi set lunch非常不錯，刺身種類多，包括拖羅、明太子白蝦、兩款帶子、鱆紅魚、血引、鰹魚、北寄貝、甜蝦。粉紅色既拖羅係我既至愛，新鮮厚切，帶油光而不膩，入口即溶！另外值得一提係有血引，香港餐廳比較少有既食材，非常特別，肉色偏鮮紅色，魚味比較明顯但濃而不膩，油脂相同比拖羅少，味道甘甜。三色丼既食材好豐富，有幼細既香蔥吞拿魚腩蓉、爽口彈牙既三文魚籽同海膽，食材份量好多。海膽有成半板咁多，多到超載，極吸引，入口當然沒令我失望，夠滑溜又creamy，味道鮮甜完全唔腥，真係好正！

今日食左個優雅高質嘅日式午餐，真係令人回味無窮呀！套餐有前菜，牛蒡絲，配有少少蘿蔔絲，有麻油嘅香，微微嘅辣度，都幾清爽，為之後嘅三色丼開胃。三色丼真係好精緻，有海膽三文魚籽吞拿魚蓉(Sea urchin, salmon roe, minced prime tuna on vinegar rice)，每款嘅份量都好足，味道好新鮮，完全唔需要加醬油，就係要食佢原本嘅鮮味！海膽真係好鮮甜，入口順滑，完全溶喺口裡面，配埋醋飯真係無得輸。吞拿魚蓉綿密細滑，加少少蔥，新鮮又清香，又係相當出色。三文魚籽粒粒都好飽滿，入口有三文魚籽嘅咸香，一d都唔腥，加埋飯一齊食，味道恰到好處。成個丼都好出色，每樣都係唔同嘅味道同口感，真係好精彩，令人食完有幸福嘅感覺。茶碗蒸好滑，有蛋香，再加埋雞肉，香菇等等嘅配料，面頭仲有少少lime zest，口感同味道都好有層次。套餐仲包一個冷或熱嘅烏冬或者蕎麥麵，我就選擇左個凍蕎麥麵，蕎麥麵軟硬適中，入口係仲有咬口，配埋蔥同少少wasabi落冷麵醬油度，味道啱啱好。最後用一個開心果雪糕做結尾，真係滿足又開心。食物質素真係高，難怪連續五年入選為米芝蓮指南推介餐廳！

#玄鮨 (銅鑼灣)銅鑼灣開平道1號Cubus 7樓-----日日辛苦工作 緊係要適當地慰勞下自己啦😝呢間被米芝蓮連續多年推介ge日本餐廳 B仔想試好耐 上網見到佢地有lunch set 價格由$300-$520不等 價錢屬中上 但未到極貴 就搵左個禮拜五lunch time黎試一試 地點旺中帶靜 坐落銅鑼灣利園附近ge開平道 整體裝修典雅別緻 融合摩登同日系風格 以黑白色為主調 行入去已經覺得有種High class嘅感覺 有私人房間同卡位 亦有壽司Bar可以望住師傅整壽司🍣-Deluxe chirashi（$360-包括 前菜 魚生飯 麵豉湯 甜品或飲品）丼飯望落色澤亮麗 擺得極之誘人 上面鋪左10種魚生 包括海膽 北寄貝 拖羅 油甘魚 池魚 魚子 八爪魚 帶子等等 仲有醬油漬物(冬菇)同日式魚蛋片 外型非常精緻 靚到淨係睇個樣都令人流曬口水 而且靚得黎味道亦非常出色 拖羅顏色粉嫩 雖不至於入口即溶 但能做到脂香滿滿 魚子脹卜卜 晶瑩剔透 微鹹中帶鮮甜 池魚厚度十足 入口柔嫩 八爪魚爽口脆身 無需任何調味 已足夠美味 而醬油漬物亦做得一絲不苟 甜醬油味非常香濃 配搭埋酸度調得恰到好處

下午時分去到銅鑼灣呢一間日本餐廳， 同朋友聚舊食lunch， 估唔到咁有驚喜。裝修簡潔舒適，餐廳環境優雅寧靜，係一個聊天談心嘅好地方。坐低之後，我同朋友分別叫咗魚生拼盤餐同 三色丼。魚生拼盤餐 嘅前菜係牛舌配白蘿蔔， 牛舌煲到好冧配埋煮到入曬味嘅白蘿蔔， 味道唔會太鹹，鮮甜多汁好好食。 配埋嘅味噌湯味道唔錯，唔算話有咩驚喜 ，勝在味道鹹淡適中， 不過不失。至於魚生方面，魚生超級新鮮，配埋壽司飯， 真係好出色。三色丼方面，分別有海膽，魚子，同拖羅魚蓉，拖羅好好食，配埋魚子海膽同下面嘅飯，三重奏配搭得好好， 基本上完全唔需要加豉油， 只係用魚仔嘅鹹味已經可以令到成碗飯味道剛剛好。三色丼嘅前菜係雜菌雞肉蒸蛋， 蒸蛋蒸得好滑，配埋新鮮香甜嘅雜菌同嫩滑嘅雞肉， 小小嘅蒸蛋， 師傅發揮到淋漓盡致，唯一美中不足係，感覺上呢個應該係前菜，但佢係喺我食到魚生飯一大半嘅時候先上， 次序有少少混亂。最後三色丼仲配埋一個蕎麥麵，不過呢個蕎麥麵就真係一般般， 蕎麥味好淡，配嘅蕎麥麵豉油，亦都淡而無味，不過有樣嘢值得讚嘅係呢個餐真係食得好飽， 好豐富。最後 ，每一個餐都會跟一個甜品或者咖啡，我同朋友決定要甜品，甜

玄鮨，一間高級日本料理。玄鮨，一間米芝蓮推薦餐廳。玄鮨，一間唯美主義傾向的宴會廳。內裡的佈設及鋪排，令人如置身於櫻花剛散落的富士山下，大和民族的精美氣氛盡收眼廉，好舒適很恬靜的浪漫唯美感，這兒絶對是人間避世樂土，一對戀人走過浪漫的櫻花樹下，翩翩起舞中！跟橋叔坐下，待應介紹今日的午餐，聽聞材料是天天不同，由chief cook 自由發辦，食客無限驚喜，要我們有驚喜的經驗！2號餐---刺身拼: 刺身擺設如一幅19世紀名畫家的作品，七彩繽紛的食材如鰹魚、針魚、章紅魚、帆立貝、北寄貝及魷魚等等……魚的鮮，鮮到不能再鮮，全沒腥味，夾上燒過皮的鰹魚，點上蒜豉油，僻走腥味，令鰹魚跳昇到另一層次，口感難以置信的好味！其他的魚油分脂也平均，散出來的魚油甚香，是高級的魚類才做得的！極具藝術感色彩的刺身拼不需十分鐘已被我倆吞噬了，您們的貢獻付出，我們的胃囊會為您們致敬的！4號餐---三色丼: 一個日式傳統美的大碗，有吞拿魚蓉、肥美海膽及蟹子纏綿地綑在一起，呼喚著橋叔要吃就要一口吃下他們三種食材，一入口，我見到橋叔雙眼發出光芒，在咀嚼時也散發出複雜的聲音及味道，我也忍不住，也用上木製湯匙鑽入當中，閃爍發光的他

上個星期啱啱喺日本旅行返嚟，返工第一餐飯靚仔同事叫我食日本野，我當堂O晒嘴，但係佢話有間高級日本野質素更勝六本木d 餐廳，咁我就信下佢意啦！哦，原來係開平道，cubus果楝大廈，全部都係高級野！我叫咗個魚生飯，有齊我最鍾意食嗰三款魚生，包括三文魚子海膽同埋沖吞拿魚，呢個飯好味就係預咗㗎啦，點知比我預期更加新鮮👍🏻同事就叫咗一個set有刺身，仲有沙錐魚飯，個天婦羅招積啦，係用花竹蝦同鮊魚整架♥️雖然價錢絕對唔可以叫做平，但係以咁嘅質素，我覺得一個禮拜食一次都唔過份啦!

適逢有位極喜歡日本菜的朋友生日，於是今日就約左佢來這間有米芝蓮推介的餐廳來慶祝。我地叫左刺身飯、刺身lunch set share食。先講個前菜，有一份蒸蛋同牛脷。蒸蛋入面有蜆肉，而且好滑。牛脷則明顯燜左好耐，非常淋。主菜方面，個刺身拼盤的刺身種類非常多，除左常見的吞拿魚拖羅、蝦、北寄貝外，我個人覺得比較突出的有章紅魚、沙甸魚同蒜蓉豉油鰹魚。每款刺身都好新鮮，肥美之餘，魚味好重。而魚生飯落左三文魚子、海膽、吞拿魚蓉，基本上每粒飯都俾俾海膽同吞拿魚蓉包圍，既有飯軟綿綿的口感，亦有海膽的鮮甜、吞拿魚蓉的脂香。魚生飯仲包左一碗烏冬，湯底清清地，我係當湯飲哂佢，烏冬亦有嚼勁。而刺身配的係一碗白飯同麵豉湯。最後個lunch set仲包甜品，我同朋友都叫左雪糕三文治，以作完美午餐的結束。PS：餐廳的定位應該係日本傳統料理mix現代高級餐廳，因為罷位係有現代的梳化，食的係日本傳統的料理。

慶祝放暑假，黎食間靚嘢，午飯食再抵啲先上前菜，應該係魚黎，惹味又夠開胃！剌身餐先跟茶碗蒸，日式餐廳佢唔送都想叫嘅嘢食呢碗都算數一數二了，超滑嘅蛋，勁足料嘅茶碗蒸剌身主菜上場，賣相一流，當中唔少正剌身！好多都係肥美新鮮得黎又好味！好多時大家都會追求啲剌身好新鮮，但我覺得有時齋新鮮係唔夠，識料理先最重要！呢間明顯做到，當中以中間下面果舊最食得出，真係好好味呀剌身餐配埋飯，漬物，煮物同味噌湯，煮物有菇同蓮藕等等，其實都好唔錯，但係都係俾剌身主菜搶哂鏡三色丼餐，三色有吞拿魚蓉加魚子加海膽，賣相唔錯，但氣味更吸引！一上真係有陣剌身味，令人食指大動我係先落日式醬油係啲海鮮上面，等啲醬油經過啲海鮮再流落飯度，令啲飯都有埋陣海鮮味先食先係吞拿魚蓉，超級夾食食下唔捨得吞真係好雖然我自己麻麻地魚子，但因為佢真係料理得好，所以我都食哂，堅好味！最後係海膽，無臭味之餘（香港真係好易食到臭海膽，始終唔夠新鮮），食落有種甜味，係靚海膽加靚料理功夫先做到雖然上面嘅海鮮先係主菜，但啲飯都整得好好，令全碗飯咁好食食完碗飯侍應即收我個碗，再九秒九上烏冬我都唔記得咗，佩服侍應嘅專業服務烏冬超掛汁，撈埋佢嘅薑同葱真係好正食到

夏日炎炎 又係時候食啲凍野因為我朋友生日 所以就請佢食返啲好嘢喺網上search一search就揀咗呢一間~去到 侍應帶我地到卡位 非常之舒服個餐牌主要有熱食 同刺身壽司兩種諗左好耐之後就決定叫 3)特上 deluxe chirashi 同埋 4）三色丼 三色丼係會有烏冬或蕎麥面一齊 先上咗前菜 係炸白魚 香香甜甜幾好食 為呢一餐帶嚟食慾然後再上茶碗蒸 茶碗蒸入邊係有唔同嘅料 有白果豬肉 蜆肉等等 非常之滿足 特上 deluxe chirashi : 非常多嘅刺身鋪左係飯面 我最愛嘅海膽同三文魚子俾左非常多份量 然後再有啲海膽絲點綴 飯上邊仲有啲菇絲同蛋絲增添口感 刺身包羅萬有 最愛嘅係竟然有拖羅 非常之肥美同滿足 帶子亦都超級鮮甜 好正!另外個三色丼簡直係為我個海膽朋友而設 完全毫不吝嗇咁放左勁多海膽 新鮮鮮甜滿足 再加上三文魚子同吞拿魚茸 冇得頂！食完個飯再食個蕎麥面 清清地好涼爽最後可以揀要雪糕或者咖啡 我地揀咗個雪糕夾餅 非常之正~呢度價錢雖然唔可以講話平 但係完全值回票價！ 侍應細心有禮貌 食物質素極高 唔怪得每年都係米芝蓮推介餐廳

呢排社會氣氛比較差，趁假日去食好西平衡一下，今次就去到銅鑼灣利園附近新開的商場--Cubus，入邊都有好多高質素食肆，今次去左間拎過好多年米芝蓮既日本餐廳食個午餐餐廳裝修簡約，帶日本和室木質既概念，十分舒服而座位有for omakase既吧枱，都有包廂房，亦有卡位，一大班朋友聚餐或閨蜜會或拍拖都岩哂午餐都有成10款，有齊由刺身至熟食炸物燒物點完餐後就上左個前菜食落既有d似係豆腐但口感比較特別，一問侍應之下，原來係枝豆豆奶豆腐，怪不得會豆香味更濃，而且食落滑身且鬆化而麵豉湯好足料，有大蜆豆腐海帶，飲落好香味噌味但又唔會好咸茶碗蒸蒸得好滑身，而且入邊有蜆香菇香葉，食落好鮮香主角終於來了，同友人一人一個丼下：海膽吞拿魚腩蓉三文魚籽丼上：極上刺身丼呢個丼一上枱相當吸晴，有成半板海膽同好多三文魚籽同吞拿魚腩蓉海膽好新鮮，食落軟滑溶化，食落好鮮甜三文魚籽好大粒，晶瑩剔透，輕易戳破就流出卵汁，味道又鹹又甜，好有海水鮮味吞拿魚腩蓉食落幼細香滑，好香魚脂呢個丼仲包個烏冬/拉麵，有凍/熱可以選，我就叫左個熱烏冬，烏冬好彈牙，而鏗魚湯濃郁清香呢個極上刺身丼都好正，有好多款新鮮的刺身同海膽帆立貝, 牡丹蝦同象

過完四年既大學生涯畢業在即，呢晚屋企人就同左我去食個Omakase慶祝一下😍餐廳只係開放左一邊既吧檯，無開放到另一邊，比較早到既關係可以坐到吧檯，有得欣賞師傅切刺身時既刀工同埋握壽司既過程🔪坐低後無耐吧檯全滿，其他客人唯有坐包廂🙈店員服務好周到貼心，首先係了解有無咩唔食既，期間亦不斷添加同替換熱茶、碗碟、毛巾等等🤗▪️ 紫 Murasaki💲13801️⃣ 前菜（三種盛）Appetizer (3 kinds) （7.5/10）(左) 🌟炸明太子忌廉：外皮脆身，內裡既明太子蓉軟綿😛(中) 海藻冷麵：面頭有啲菇，底下既一撮冷麵頗有彈性(右) 🌟油浸沙甸魚：有洋蔥絲同埋檸檬夾住既關係，食落會微酸，辟走左沙甸魚既腥味😌2️⃣ 刺身（六種盛）Sashimi (6 kinds) （8/10）通常都係由淡至濃味咁樣食😇(左上) 北海道帶子：厚身帶子有微微燒過既痕跡，師傅話蘸上少少芥末即可🤔入口時外層有點兒乾，不過中間夾住左一片檸檬，可以帶返帶子個鮮甜出黎(右上) 金目鯛：紫蘇葉包住左蘸上左烏魚子既金目鯛，增添左層次感(左中) 🌟鳥貝、響螺：口感非常爽脆，見到師傅有落到檸檬汁，味道都幾鮮😗(右中) 鱆紅魚：帶點