玄鮨 (已結業)

今日男朋友帶咗我到銅鑼灣呢間日本餐廳， 一上到去已經覺得間餐廳好高級， 我哋想傾下偈所以冇揀喺師傅前面坐。坐低之後店員會遞上熱毛巾畀客人消毒雙手 ，同埋會幫客人鋪上餐巾，非常貼心以下係午餐餐牌， 嚟之前做過功課知道呢間餐廳出名食魚生飯， 於是我就叫咗個3號除咗有開胃前菜醃三文魚， 仲有一碗麵豉湯同埋茶碗蒸 醃三文魚唔會太濃味，三文魚好香， 鹹味酸味同甜味都調教的剛好！麵豉湯(漏影了) 有海苔同豆腐， 但湯的味道比較淡茶碗蒸比較有驚喜， 蒸蛋超級滑！連蛋入面都是沒有氣泡滑捋捋的！加上一些香菜一起吃增強口感和味道七彩繽紛的魚生丼一上檯真的哇了出來！ 實在太美麗了！ 但看刺身已經有超過十款！讓我嘗試簡單列一列出來吧有： 海膽、三文魚籽、大虎蝦、特厚帆立貝、象拔蚌 、油甘魚 、吞拿魚 、魚豆腐、冬菇、 仲有兩三款不知道是什麼魚類…全部都非常新鮮肥美！ 本身以為份量不多，但是吃了一半已經開始飽， 順帶一提 魚生飯的飯底師傅混合了一些東西(忘了是菜還是梅類還是菌類……)，令飯的味道不太單一，不用加壽司豉油也有味道！最後還有甜品，是桃花型的雪糕夾餅雖然以午餐來說算是昂貴的一餐， 但把氣氛、服務和食物

銅鑼灣食店林立，但論最有名的高檔日本餐廳，「玄鮨」一定榜上有名。這間隱世 Omakase 已連續4年（2014-2017年）入選為「 米芝蓮 指南香港澳門」推介壽司店。今次點了兩個lunch set。三色丼有三文魚子，以及吞拿魚蓉。從色澤上看，海膽十分新鮮，入口鮮甜又毫無腥味。晶瑩通透的三文魚子，咬開後咸香汁液溢出。吞拿魚蓉用來下飯也是一流。珍珠米飯都拌有飯素，配上酸姜片，令人越吃越開胃。三色丼還配有熱湯烏冬。刺身定食有著各式不同的魚肉剌身，色彩豐富，賣相美麗。魚生非常新鮮，拖羅肉尤其肥美，入口即融。其他剌身例如甜蝦、魷魚、油甘魚等都十分鮮甜。茶碗蒸的雞蛋非常滑溜，裡面有冬菇、蜆肉，更有不常見的白果，配搭特別，口感具層次。煮物腐皮魚肉卷味道清淡，魚肉卷口感像魚蛋，十分爽口。最後當然少不了甜品！杏仁奶凍杏仁味香濃，口感細滑。

最近少咗出銅鑼灣食嘢，今日放假就出銅鑼灣食個lunch，今次就帶媽媽試下玄鮨Staff會好細心幫你拉凳然後舖餐巾，咁好嘅服務已經加分餐廳都有一啲比較寧靜而有私隱度既座位, 好適合公司或朋友聚餐雖然今日係星期6, 餐廳都依然有SET LUNCH供應我同媽咪一人叫左個SET, 2個SET都包括左前菜, 茶碗蒸同麵豉湯前菜係醬煮東風螺, 甜甜地幾好味, 茶碗蒸既蛋都好滑跟住就到主角出場, 首先黎到既係三色丼, 有海膽, 三文魚籽, 拖羅蓉份量十足呀, 而且好新鮮, 海膽唔會苦, 拖羅蓉入口即溶, 真係諗返起都流哂口水跟住另一個就係特式刺身丼, 店員介紹裡面起碼有10款唔同既刺身組成多到有D我都唔知道係咩魚啦, 但魚刺身非常鮮甜, 成個飯好鮮味十足, 好多款唔同既鮮味, 推介!唔記得左邊一款丼有埋烏冬或者蕎麥面可以配埋, 我地揀左熱烏冬，個熱湯都好好味SET LUNCH會包括左飲品或甜品二選一, 甜品係雲尼拿雪糕夾餅, 配埋杯咖啡就岩岩好

依間位於銅鑼灣Cubus 7樓既Omakase環境寧靜優雅， 氣氛非常適合同三五知己黎摸著酒杯底暢所欲為，享受美食，舒適地過著一個美好的晚上！唔講咁多，睇下今晚廚師發辦食咩先～前菜 （三款）：腐皮魚肉卷 - 意外地有冬菇粒包埋係入面令到成個口感軟身同唔油膩東風螺- 然螺身比較細隻但係第一啖非常鮮甜而且肉厚兼彈牙魚肉包青椒- 青椒味濃同辣，有味蕾刺激感而且黎開胃係唔錯既選擇刺身 （6款）：鰹魚 - 一個出色既鮮味配搭就係配埋碎葱蒜豉油，帶出左鮮甜既魚味而且魚質有咬口，非常好味～剝皮魚 - 裏面包住魚既肝春無想像中咁腥，夾起剛好再配埋少少蔥係上面，唔會蓋過d魚味反而仲齒頰留香！帶子 - 稍微烤過既帶子食法更帶出鮮甜味中拖羅 - 係入口即溶既感覺～～ 拖羅帶少少筋同埋油分非常高，食完會口感細膩，絕對值得一試既sashimi！章紅魚 - 清淡肉厚既口感深海池魚- 配上酸汁品嘗係清、甜、爽既感覺，突顯出深海池魚既鮮味牛油炒鮑魚 - 鮑魚燒過後非常鮮甜爽口，加上濃香既牛油味導致成個菜式有味 道既層次。食完會有wow factor！！箸休 （天婦羅）：炸蝦角，炸蘆筍，炸墨魚明太子 - 配醬有海

lunch set menu有非常之多選擇, 今日兩個人揀左3同4號餐食滿滿既新鮮海膽, 吞拿魚蓉,三文魚子, 我每次食三文魚子都覺得佢好腥,苦, 但呢個竟然唔會, 細細粒,唔腥唔苦仲有少少鮮甜, 靚同唔靚既三文魚子都幾大分別! 呢個set仲有個熱烏冬, 超飽呀呢個刺身既種類超多,岩哂我呢D咩都想食少少既人, 最最最好味真係拖羅, 入口即融, 仲有好濃既吞拿魚香, 基本上同日本新鮮市場食到既無咩分別, very good~ 其餘既刺身都好好食, 賣相都好靚前菜有個牛蒡絲, 加左芝麻幾好味, 蒸蛋夠哂滑, 麵豉湯加左兩隻蜆提升鮮味最後食埋個雪糕, 好食!

呢個午餐真係極回味呀❤️🙈就算平日午市都好爆 sᴜɢɢᴇsᴛ要ʙᴏᴏᴋ位呀。.午市套餐係包左前菜 茶蒸碗 湯物 甜品/飲品茶蒸碗好足料 有元貝 鮮蝦🦐.我既三色丼係海膽 三文魚籽同吞拿魚蓉海膽用上北海道海膽 非常鮮甜 一啲腥味都無吞拿魚蓉係入口即溶 好香 三款配料ᴍɪx埋同飯一齊食絕配👍🏻呢個餐仲包一碗蕎麥麵/烏冬 食完真係好飽好滿足😋.男朋友就食特上ちらし 係有好多種不同既刺身ᴄᴏᴠᴇʀ 曬啲飯‼️有三文魚籽 油甘魚 深海池魚 牡丹蝦 吞拿魚腩 海膽等等好豐富😍全部都好新鮮.食完之後仲可以揀要甜品/咖啡☕️甜品係花形既脆皮包住雪糕都好好食 好回味呀💜

放假要獎勵自己食好一點，來到這間連續五年獲得米芝蓮推介的玄鮨食個午餐。裝修典雅，環境寧靜，招呼週到。星期日都有十款的午餐供應，有壽司、三色丼飯、吞拿魚刺身，和牛，豪華刺身飯等套餐，價位高，由三百多到五百多。每個套餐都已經包了前菜，麵豉湯，咖啡或甜品。前菜有用麻油撈過的金平牛蒡跟紅蘿蔔絲。主菜我點了三色丼飯，珍珠米配上海膽，吞拿魚蓉及三文魚子，份量十足，新鮮的海膽沒有腥味，只有甜味，晶瑩通透的三文魚子，入口爆開，咸香而有鮮味，吞拿魚腩蓉幼細香滑，軟綿綿的口感加上油脂香，送飯一流。套餐會跟上一個細烏冬/蕎麥麵及茶碗蒸，手打的烏冬口感彈牙，茶碗蒸蛋味濃餡料豐富。另一個主菜點了Deluxe Chirashi，Chirashi 魚生飯是江戶前散壽司的縮寫。這個魚生飯十分豐富，一碗已包含十多款新鮮肥美的刺身，包括大吞拿魚、深海池魚、剝皮魚、鰈魚、鰹魚、赤鯥、鯖魚、小肌、帆立貝、赤貝、象拔、牡丹虾、三文魚籽以及海膽，好適合有選擇困難症的朋友。麵豉湯則咸了一點。最後還有咖啡或甜品可選，十分完滿。

同朋友係銅鑼灣約左食lunch, 我朋友好中意食日本野，就特登黎呢間日本料理店食個lunch傾下計。估唔到呢間餐廳既刺身係咁高質！不過價錢上就偏高檔d, 最平既lunch set大約300多港幣，但份量同賣相都好值呢個價我地一人叫一個lunch set（2&4，餐牌在後面）三色丼飯非常出色，有新鮮海膽，吞拿魚蓉同三文魚籽係飯上面，刺身全部都食落非常好，新鮮同無腥味海膽真係好好食另外呢個set仲會有前菜，日式燉蛋同烏冬，都一樣令人滿意而另一個set係各款刺身加前菜白飯，刺身食落都係好新鮮朋友都覺得幾滿意，話下次要帶其他人黎食同埋呢盤刺身賣相好藝術，擺盤好有心思

這裡魚生飯的鮮味真是不是其他地方可以比得上。最後連我不食生野的朋友，都吃得津津有味，真是十分難得。 之前有朋友曾經推介這樣的魚生飯，今日一試，食材的用料真是好高質。海鮮的鮮味，海鮮的甜味，其實不用調味都可以反映，只有上佳的食材先可以帶來這樣的體驗。  在主菜之前，先有一個前菜。每份再配有一個日式蒸蛋。今日叫了2客，一份是三色丼配喬麥麵三色丼有魚子、海膽及三文魚蓉。一上菜，見到食材的顏色，就知道十分新鮮。魚子在口中一觸即破，十分鮮味。平日最喜歡的海膽，份量一點都不少，入口即溶。 麵可以選喬麥麵或者烏冬，再揀冷熱。凍喬麥麵十分彈牙。Deluxe Chirashi特上魚生飯，有10款不同新鮮刺身組成，包括拖羅、魷魚、池魚、油甘魚，蝦、海膽、帶子等等。光是看份量，就知道絕不簡單。魚生飯到處都有，但新鮮到這個層次卻不常有。價錢可能比一些店高，但真是值得，因為有時，即使貴，也吃不到這種質素。 看每片刺身的紋理及色澤，就知道食材有幾好。 每個set都有甜品，是雪糕夾餅。 再提一提餐廳的環境，其實坐得好舒服，又乾淨。有BAR枱可以坐。師傳好認真預備食材，可以清楚望到他們處理食物的認真。

之前係呢到食過lunch之後念念不忘，決定嚟食晚餐！環境舒適～今日係黎試吓佢嘅廚師發板🤩前菜：《炸海鰻魚骨》冇諗過連魚骨都可以變成一道菜，炸過嘅海鰻魚骨唔會太硬，有少少似蝦條，不失鮮味《豆腐素麵》本來以為豆腐整成嘅面會好淋好易爛，點知佢嘅質地同普通麵條係一樣，但就多左豆香《炸銀杏》質地有少少似紅棗，味道有少少似枝豆，幾特別刺身《鰹魚》配上蒜蓉豉油，好入味，質地較厚實爽口《帶子》外層微微烤過，造成乾身效果同內層口感形成對比，中間夾著檸檬更清新《拖羅》雖然唔係大拖羅，但冇筋入口即溶👍🏻《粒具》極爽口！個人最喜歡呢個《剝皮魚》剝皮魚本身冇咩味，但係中間包住肝臟，主要食到肝臟嘅味道，同時形成口感上嘅對比《血印》爽口質感，味道偏淡《高野豆腐》湯汁係用魚肉同蟹肉汁整成，非常鮮甜，令人欲罷不能，連啲湯都要飲晒！《蟹膏豆腐》呢個豆腐嘅質感同啱啱嗰個有少少唔同，呢個係滑身，相對豆味就冇咁重，因為咁樣蟹膏味好特出！鍾意食蟹膏嘅朋友一定好鍾意呢道菜壽司《燒拖羅》大拖羅燒完之後，魚油泊晒出黎，入口即溶，有幸福既感覺《深海池魚》質地比較厚實，因為係白身魚嘅關係，魚嘅味道唔會太濃《池魚》配上特製醬汁，味道比深海池

2019年10月12日 星期六終於等到週末唔使返工，一早訂左餐廳同女朋友食午餐，今次訂嘅餐廳係米芝蓮餐廳，之前從來未試過，今次真係要慢慢品嚐，睇吓有咩咁特別我哋大約12點去到，餐廳應該係啱啱開門，所以我哋係第一批客人，餐廳好有時尚感，見到有吧枱可以睇到廚師整嘢食餐牌方面有午市套餐可以揀，店員建議我哋揀刺身，所以我就揀咗4號餐，係三色丼等左一陣首先嚟嘅係前菜漬物，上面係一條條既洋蔥，酸酸地幾開胃。而下面竟然有舊三文魚，酸得黎好入味之後有茶碗蒸蛋，蛋好滑溜，裏面原來仲有好多配料，例如蜆、白果、冬菇等等，令到蒸蛋嘅口感更加豐富之後到主菜三色丼出場，三款海鮮分別係海膽、吞拿魚蓉、三文魚籽，無論係賣相同味道都好新鮮，特別係海膽，完全冇苦澀味，甚至腥味，食到嘅只有係淡淡嘅海水味道，仲要係勁多份量，食完感覺好滿足。至於吞拿魚蓉係入口即融，同樣滋味我呢個餐原來仲有蕎麥麵食，好彩份量唔太多，因為頭先嘅三色丼食完之後已經飽飽地。蕎麥麵好彈牙爽口，配埋豉油Wasabi一齊食仲更加好味最後仲有甜品，雲呢拿雪糕夾心餅，，夾心餅嘅外型好似一朵花咁，同雪糕出奇地配合，為呢一餐作一個完美嘅結束埋單雖然每人要四百幾蚊，

呢排心情好差，所以決定同朋仔食下飯放鬆下(〃∀〃)～ 朋友帶咗我去銅鑼灣食日本野，環境寧靜，感覺好高級呢(*´∀`)~♥當日星期日嚟，有lunch set揀，我哋揀咗刺身set同埋丼飯set～點完冇幾耐，就送上一個通粉小前菜～ 刺身set係朋友點既，超吸引呀ε٩(๑> ₃ <)۶з!!!!刺身一共有8款左右，有拖羅，鯛魚，油甘魚、蝦、帶子等等，每一款都大大片，拖羅軟嫩肥美，帶子彈牙，而且好新鮮肥美，當日配上松茸菇飯~套餐還包括了熱食嘅牛筋同麵豉湯，牛筋煮得好腍同好入味，膠質好重，可以補充下啲骨膠原｡:.ﾟヽ(*´∀`)ﾉﾟ.:｡ 而我就叫左三色丼飯，都好有驚喜㗎，三色分明，醋飯上有大量嘅香蔥吞拿魚茸、海膽同三文魚籽，鋪得滿滿，完全係配料多個飯，吞拿魚茸肥美軟綿，魚油好香，海膽入口即溶，creamy鮮甜，味道濃郁，而且份量好多, 三文魚子籽鹹鹹香香，每一首都充滿着鮮味(✪ω✪)  我呢個套餐還包了日式燉蛋，烏冬或蕎麥麵，燉蛋嫩滑，好香蛋味㗎，入面有雞肉、菇同白果，提升口感，蕎麥麵味道正常，麵條彈牙，軟硬適中(๑´ㅂ`๑) 最後仲有個開心果雪糕做甜品(灬ºωº灬) 

銅鑼灣米芝蓮三星及日本🇯🇵料理店😳玄鮨！位於銅鑼灣內街一座全部都係食肆嘅大廈入邊在米芝蓮三星級嘅餐廳，佢哋嘅環境係幾光猛坐得幾舒服嘅而且店員不是都會嚟作介紹或者加水😉同朋友一人一個set lunch我食3號佢食4號一款係比較多元化啲嘅飯！貝殼類，三文魚籽，兩種蝦🦐！當然唔少得拖羅啦😍😍😍令一款相對就係爆多海膽、吞拿魚碎同埋爆水蟹籽！鮮甜海膽撈飯一流呀！飯有紫菜！口感層次非常豐富！喜歡食海膽嘅你又點可以錯過呢！4號餐，更加可以俾你選擇想要配熱烏冬定係冷烏冬！所以話一次過滿足晒你兩個願望！當然唔少得甜品啦！外面脆脆嘅花形餅入面開心果雪糕！回甘開心果好味道😋

和朋友決定獎勵一下自己 所以今天來到米芝蓮推介的日本餐廳 環境寧靜舒適 裝修簡潔優雅 很適合和朋友閒聊 享受一下店員親切有善 除了提供毛巾抹手外 還會為我們舖上餐巾 亦很細心 會定時加熱茶午市套餐均附有 前菜 味噌湯 甜品或飲品 朋友和我選了3號和4號 這兩個套餐還附有茶碗蒸前菜為漬茄子 上面灑有木魚絲 茄子經醃製後鹹度剛好 凍食的茄子 質感不會固於軟冧味噌湯頗足料 有小小的蜆茶碗蒸 蛋很嫩滑 料與平常吃到的不太一樣 除了菇和雞肉 還有百合和白果 挺特別 增添了口感Deluxe Chirashi超豐富 刺身多達十款 佈滿大碗 完全比飯還多 油甘魚 三文魚子 牡丹蝦 熟賴尿蝦 赤鯥 深海池魚等等 每一款都厚切鮮甜 還有漬冬菇 最喜歡的都是海膽 口感creamy 完全沒有腥味澀味刺身和珍珠米之間更有飯素及紫菜碎 拌著飯吃 口感和味道都更豐富充滿油脂三色丼海膽 三文魚子 吞拿魚蓉 份量毫不吝嗇 同樣蓋過了底下的飯 海膽入口即融 鮮甜不腥不澀 三文魚子濃濃鹹香 吞拿魚蓉軟綿 還附有細蔥套餐更附有烏冬或蕎麥面 我就選了冷的蕎麥面 軟硬適中很順口 天氣熱的時候吃就是清爽最後吃個甜品 脆脆的外皮 配

念念不忘的日本料理自從上次黎過玄鮨食個靚lunch之後，一直都好掛住佢嘅刺身丼，上次食左個吞拿魚蓉海膽魚子丼，今次就推介朋友試下，而我今次就叫個雜錦刺身丼！首先係前菜先，有通心粉沙律，唔會太heavy，份量啱啱好開胃。之前仲有個茶碗蒸同味噌湯，個茶碗蒸水準依然係好，又滑又有內涵。到雜錦刺身丼喇！真係好豐富，就咁望都有成七至八款刺身咁多！而且每款都大大片，又新鮮，我就最喜歡鯛魚，𩶘魚同帶子，完全唔需要醬汁，就係要食佢嘅鮮味，完全唔腥，仲有鮮甜嘅海膽，樣樣都好好食呀！最後飲埋杯香濃嘅咖啡，成個set就完滿喇，玄鮨真係無令人失望呀！