牡蠣不如帰

营业中

休息中

牡蠣不如帰 之前食過金色不如帰覺得都唔錯, 有日去埋銅鑼灣試佢間姊妹店牡蠣不如歸, 係香港第一間用牡蠣做湯頭拉麵店.牡蠣鹽味拉麵 $118據說用左幾十斤蠔烹製湯零味精, 飲左啖覺得無金色不如帰用貝熬湯咁鮮味. 反而咸味較出, 有點魚介湯感覺.配料亦較fusion 有火箭菜、蕃茜、紫洋蔥、京葱、自家製蠔醬. 兩片低溫慢煮叉燒頗薄. 拉麵幼身較易腍🍜豚骨拉麵 $115呢個湯相對濃味一點, 豬骨湯底. 麵質都係幼而腍身d, 唔會好大碗.醬漬牡蠣一口飯 $68精緻嘅小食~ 醬漬蠔🦪幾出蠔味, 同事覺得有點腥我覺得還好. 紫菜香脆濃味, 有點搶味. 牡蠣野菜天婦羅 $88炸得香脆唔會好油膩, 牡蠣大隻肥美. 一邊係番薯、青椒仔同粟米. 有幾少見🌽天婦羅🍑梳打汽水/白桃焙茶前者係日本製嘅白桃汽水, 有氣又唔會太甜, 後者茶味較濃, 兩杯都唔錯除左麵配搭較fusion, 店裝潢亦走較新潮有點cafe 粉紅色底. 不過個人都係較喜歡傳統d 嘅金色不如帰

🦪呢間牡蠣不如歸想去食好耐，因為之前食過尖沙咀嘅金色不如歸之後覺得幾好味，所以好想過嚟呢邊試吓啲蠔嘅食物😝🦪叫左兩個牡蠣鹽味拉麵🍜 就咁飲頭啖的話好清甜，試完個湯之後撈暈蠔醬一齊食個拉麵，就更加鮮味😋蠣泡茶漬飯🍚🫖 入面有一隻蠔，再倒入牡蠣黃金湯一齊食，一碗飯嘅份量唔係好多，所以連埋啲湯一齊食嘅話好快就食晒😂醬漬牡蠣一口飯🦪 有佢哋自家製蠔湯煮成蠔飯，再加埋醬油漬廣島蠔一齊食，成件事都好濃味，咬落去啖啖都係蠔味😋➡️ @konjikihototogisuhk ⬅️

呢間源自金色不如帰餐廳係嚟自米芝蓮一星嘅🍜拉麵店作為東京殿堂級拉麵店仲要連續3年都獲獎🏅架依加係銅鑼灣分店開咗啦🥳係全港首間「牡蠣黃金湯」湯頭拉麵店🔸牡蠣鹽味拉麵 $118🔸煙燻黑椒豚骨拉麵 $115🔸醬漬牡蠣一口飯 $68🔸牡蠣野菜天婦羅 $88🔸完熟白桃梳打汽水 $32🔸白桃焙茶 $35今次各叫咗一款拉麵同一款小食，佢嘅牡蠣果然名不虛傳，非常鮮嫩，不愧係出自米芝蓮星級大師之手👏🏻牡蠣鹽味拉麵非常獨特，我係第一次食呢種湯底。個湯底吸收哂牡蠣嘅鮮味，所以非常鮮甜，再用鹽味作為襯托，令個湯底咸鮮味好香濃，十分出色🤤煙燻黑椒豚骨拉麵就好濃黑椒味，湯底咸度適中，豚肉叉燒炆得好嫩滑，非常好味🤩餐廳嘅小食亦毫不遜色，製作比普通拉麵店精緻。醬漬牡蠣一口飯鋪上大大隻牡蠣喺面，非常吸睛，連埋紫菜同飯一齊食勁夾勁好味🤤天婦羅炸得好香脆，完全唔似係出自一間拉麵店之手，整體質素好高👍

牡蠣🦪不如歸銅鑼灣店係🇯🇵東京殿堂級米芝蓮⭐️一星拉麵🍜店金色不如帰嘅👯‍♀️姐妹店，主打全港首創「牡蠣黃金湯」湯頭拉麵🍜同埋各款牡蠣🦪小食🤤，係牡蠣🦪控必到嘅潮聖地😍！入面裝修🖼風格都幾有🏯日式 pop art super flat 風格🤩。另外佢哋亦有唔少🥰梳化位，比起其他拉麵🍜店坐得特別舒服😌！木村🇯🇵梳打汽水（完熟🍑白桃）冰凍透心涼，🍑白桃焙茶🍵香甜茶味又濃，兩杯都唔錯🤤。呢度有幾款主打嘅牡蠣🦪小食供應，我哋今次揀咗🍄菇燒🔥牡蠣串同埋牡蠣🦪野菜🥬天婦羅🤤。🍄菇燒🔥牡蠣串一上枱陣陣嘅牡蠣🦪味甘香撲鼻，而且擺盤都幾靚😍。用🍄菇片包住牡蠣🦪來燒🔥能夠好好保持到牡蠣🦪鮮甜嘅肉汁，入口味道濃郁😋！牡蠣🦪野菜🥬天婦羅🔥炸得好香脆🤤，牡蠣🦪大大隻十分之肥美😋，另外仲有香甜嘅番薯🍠、充滿異國風情嘅西班牙🇪🇸青椒仔同埋鬆脆可口嘅粟米🌽。呢個係佢哋嘅招牌🦪牡蠣🧂鹽味拉麵🍜，湯頭係全港首創「牡蠣🦪黃金湯」，係用咗🦪蠔湯，🐖豬骨清湯同埋🐟魚清湯混合而成，入口感受到佢嘅三重鮮味🤤真係不得了！另外配菜方面佢哋用咗🇮🇹意大利蕃茜、🚀火箭菜同埋紫洋蔥🧅，幾有 fusion 風味😋。慢煮叉燒🐖好嫩滑，肉味香濃，另外

「金色不如帰」，於2019至2021年獲得東京米芝蓮一星，貝汁拉麵火紅，呢一間姊妹店「牡蠣不如帰」以牡蠣拉麵做賣點，仲有以蠔為主題所做的小食牡蠣鹽味拉麵顯用上數十斤鮮蠔以慢煮方法製作「牡蠣黃金湯」湯底，混合魚湯、豬骨清湯成為三重湯底，再加入自家鮮製的日本牡蠣醬、每日煉製的鮮蠔油、花蟹油、蒜蓉牛油、火箭菜等。蠔味鮮明，味道緩慢地濃罩口腔，層次感豐富。蠣泡茶漬飯，用鮮蠔熬製的蠔湯再煮成蠔飯，配以飯上的日本廣島蠔及加入特製的牡蠣黃金湯，味道清新，同拉麵一樣清麗淡雅。醬漬牡蠣一口飯，以鮮製蠔湯煮成的蠔飯，伴醬油漬廣島蠔及青瓜，蠔上面再加蠔醬，對比之前的食物澎湃好多。店舖還有豚骨拉麵可以選擇，但食蠔的一定揀這個。

🦪🍙醬漬牡蠣一口飯(兩件) $68精致，味道有層次感，醬油漬嘅紫菜同牡蠣帶甜，用了蠔湯煮過的日本米黏口帶蠔香，配上青脆青瓜，似但比平時食到嘅壽司有層次，算是驚喜之作。🦪🍜牡蠣鹽味拉麵 $118材料有🌿Parsley，🪴火箭菜，🧅紫洋蔥，🌱京蔥粒，🦪鮮蠔油，🐷兩片慢煮叉燒，，🍜整碗拉麵嘅精粹喺pat🫙🟢青青地嘅蠔醬，無左啲醬蠔味坦白講唔算好出。湯底係蠔湯，豬骨湯和魚湯混合而成，不甜，偏鹹，食完要飲返兩杯水。最差係拉麵無得選硬度，麵幼身，太淋。餐廳標榜無MSG，海鮮有日本ACM認證，誠意十足，但味道中規中矩。

一間風格獨特嘅拉麵店✨牡蠣不如㷌✨🦪 全港第一間主打「牡蠣黃金湯」湯頭拉麵响銅鑼灣新開咗分店呀從店舖出面望入去帶點神秘感裝修新穎 環境舒適店內一幅色彩繽紛嘅大壁畫好吸睛呀🎏牡蠣鹽味拉麵 （$118）嚟到呢度必定要試吓呢個招牌拉麵以蠔、魚、豬骨熬製湯底再混合自家蠔醬湯麪上面鋪上了火箭菜、紫洋蔥、京蔥、低溫叉燒湯底真係好香蠔味又夠鮮味薄切义燒又軟又滑很喜歡呢種幼身拉麵爽口幼滑 食得出無落味精㗎👍🎏醬漬牡蠣一口飯 （$68）賣相幾似壽司但啲飯好有蠔嘅鮮味飯上面嘅係醬油漬廣島蠔🦪食落蠔身好有咸鮮味配以清爽嘅青瓜和紫菜入口感受到不同層次風味🎏牡蠣野菜天婦羅 （$88）日本嘅天婦羅蝦食得多整少有的配搭生蠔一口咬啖 天婦羅脆漿做得又薄又脆夾著生蠔又鮮又脆又滑溜😋 真係無得頂另外三款天婦羅野菜好有特色明太子釀尖椒 有心思又好味炸蕃薯又香脆又夠甜仲有好少食到嘅炸粟米 超級香甜🎏白豚骨拉麵 （$115）豬骨湯底同樣好味濃郁又幼又爽又滑嘅拉麵每一啖都沾有豬骨味十分滿足🎏凍白桃焙茶 （$35）好正好清甜嘅白桃茶🎏木村梳打汽水 完熟白桃 （$32）平時飲呢隻汽水會覺得甜咗啲呢度會加冰用杯上令到甜度剛剛好

今日介紹呢一間嘅餐廳係米芝蓮一星嘅拉麵店，而且係連續三年獲得嘅餐廳，為東京殿堂級的拉麵名店，獲獎無數。🌟牡蠣鹽味拉麵呢個拉麵係銅鑼灣店主打嘅全新「牡蠣黃金湯」湯頭，由米芝蓮星級廚師山本敦之(Atsushi Yamamoto） 親身研製，以數十斤鮮蠔及秘製配料經低溫慢煮提取蠔的甘甜與旨味，配上悉心選配的時蔬配料及每日煉製的鮮蟹蠔油，激發牡蠣鮮味。不過大家要留意一點，拉麵入面並無牡蠣嘅，有兩塊豚肉。🌟白豚骨拉麵白豚骨拉麵嘅賣相比起牡蠣鹽味拉麵更佳，上面亦都有紫菜。兩款拉麵其實味道差不多，最主要唔同嘅位置都係佢哋嘅湯底。🌟醬漬牡蠣一口飯餐廳除咗拉麵之外仲有推出4款少見牡蠣料理，而我哋今次只係試咗一款😂 醬漬牡蠣一口飯係自家蠔湯煮成蠔飯加上醬汁醃製的，脆脆嘅紫菜加埋混合左醬汁嘅飯加牡蠣，味道非常之濃郁。🌟唐揚博多華味鳥呢一款小食係炸雞件，分量都有六件左右，價錢中規中矩。🌟木村梳打氣水（白桃）🌟白桃焙茶今次叫咗兩款嘢飲，梳打汽水係普通嘅支裝到出嚟冇乜特別，白桃焙茶最有驚喜，味道非常之濃郁，比起焙茶更加似乳酪嘅味道。📌 牡蠣不如帰 (銅鑼灣)銅鑼灣百德新街57號Fashion Walk地下A號舖🚇

7月2號8號波落波之後，當然唔會浪費寶貴假期出泥食下野🙈因為打風關係，出嚟之前梗係打電話問下餐廳有無開同具體位置啦，聽電話個位職員回答得非常晦氣並且非常不耐煩，係收線前一句bye bye都無就直接cut線🧐 我當佢因為我哋未泥幫襯，所以嫌煩先用啲咁嘅態度🤣 點知泥到 態度照舊🌚先講下我地食左啲咩先我地大家都叫左佢地主打個隻鹽味蠔拉麵泥到睇餐牌先知原來係無蠔嘅，只有蠔醬🤣🤣 anyway味道還可以但蠔味不夠濃郁想講塊叉燒鞋到不得了，勁難食，又薄個天婦羅粟米幾好食😋

可能真係抱左好大期望我都有做下功課，唔係一味睇米之蓮姊妹就盲衝，但見好多4星級評家點讚同話有驚喜話哂生蠔fans, 一於試一試會一會頭盤： 黑松露沙律， 正常無特別叫左個牡蠣鹽味拉麵食評： 咸得滯， 蠔味嗎？ 食完係有少少回到出黎，但隨後被佢既咸味帶過左，拉麵唔係我愛食的，唔係彈口個種，似幼面份量少但我一個套餐食唔哂正常人如男士係唔夠既我最後好唔尊重咁要求左辣粉去令我食完個面比起面，我會鐘意飲個湯底（係相比較之下）牡蠣餃子，味道唔錯，不過口感一般， 比較林，無咬口， 個皮都一般， 食左兩隻已好盡中肯講句，一試無妨但正如店名： 不回歸

🇭🇰牡蠣不如帰·我哋嗰日本身諗住做完運動去食台風R既 但係原來佢下奏有間場 所以最後就嚟咗呢間食啦🤣🤣·牡蠣鹽味拉麵$118 l 牡蠣野菜天婦羅$88佢呢度個拉麵既蠔味真係幾濃 尤其係佢上面個蠔醬食落好鮮🦪不過佢就同金色不如帰一樣 真係比較細碗 同埋我原本以為佢個拉麵入面會有蠔 原來無既😂😂之後佢麵質同叉燒就正正常常常啦反而佢個天婦羅好有驚喜我哋都係見到隔籬枱嗌 好似好吸引咁 所以跟風嗌既😈😈佢三隻蠔都真係好大隻 好新鮮 而且啱啱炸起 熱辣辣 個炸皮又唔會好厚 好好味🦪之後佢個粟米都幾甜嘅 個青椒釀明太子都唔錯 唯獨是佢個菇我自己覺得一般般🤣🤣·#rbyeat#rby日本菜 #rby拉麵#rby銅鑼灣·📍銅鑼灣百德新街57號Fashion Walk地下A號舖

呢一刻我仲坐係佢哋間舖裡面寫食品。叫咗兩個拉麵同一個don比小朋友。 好在有安心出行計時間 ，落單超過45分鐘嗰飯仲未到。催過一次 遭到店員黑面回應話中午單多要15-20分鐘。我話已經超過你講嘅時間好耐。 兩碗麵來到，店員好晦氣咁大力放碗係台上。 再好食都唔會回頭。一啲日本服務精神都冇 連上菜快呢點都冇。等咗50分鐘話唔要取消，呢個時候答話整緊🤔。 我都係堅持取消埋單走人。眼見舖內未滿台，叫拉麵係會快上啲。建議佢鋪頭一係加人手一係改menu將弁係menu中刪除。食到一肚氣。

連續四年獲得東京米芝蓮一星拉麵店「金色不如帰」相信大家都應該聽過，佢既姊妹店「牡蠣不如帰」亦都正式登陸銅鑼灣同樣由「金色不如帰」始創人兼米芝蓮星級大廚山本敦之 (Atsushi Yamamoto) 親自研製，繼屢獲殊榮「貝汁黃金湯」後，今次就以牡蠣作主材料，創造出另一款傑作湯底，亦係香港首間「牡蠣」湯底既拉麵店牡蠣鹽味拉麵湯底係用左蠔湯、豬骨清湯及魚清湯，蠔湯使用了大量蠔肉烹製而成，另外仲加了自家鮮製的日本牡蠣醬及秘製鮮蠔油，配以京蔥、紫洋蔥、火箭菜、意大利番茜，低溫煮成既叉燒先飲啖湯，湯頭蠔味香濃，成個口腔都會充斥着蠔既香味，但味道唔會好搶，層次豐富，拉麵粗幼同硬度適中，真係好好食醬漬牡蠣一口飯一客2件用紫菜包住上碟，使用自家製鮮蠔湯製成蠔飯，而醬油漬廣東蠔味道甜甜地咁，整個口都係滿滿蠔既鮮味整體味道真係好有驚喜，無諗過可以將蠔既味道發揮得咁淋漓盡致，鍾意蠔既朋友一定要黎試下

網上咁多正評，又米芝蓮咁樣，抱住好高期望去食。牡蠣鹽味拉麵既湯底係出色既，但麵質不似坊間有彈性嘅日本拉麵，似係有咬口啲嘅上海幼麵咁，個人唔太鐘意麵既質感，同埋叉燒好薄、肥瘦唔算均勻，有小小扣分。 麵份量唔多，要叫多一個小食先夠飽，所以就叫左個醬漬牡蠣一口飯。醃蠔有雪味，超扣分！！！個飯團調味可以，但塊紫菜有啲騎呢 😅 用既係泰國小老板紫菜。醃蠔、飯團同紫菜，三樣野加埋一齊就唔多夾，因為本身醬漬蠔有味，紫菜又好重味，兩個味都好搶，一口飯放晒落口唔知食緊咩咁。建議用番普通紫菜，同埋個蠔要再新鮮啲，咁就Perfect啦～ 總結，應該唔會再到同系列分店，所以幫佢改名做金色不回歸 🤭

相信每個香港人都有食拉麵鋪癮，久唔久就上網搵下啲日本過江龍拉麵店去食。今次決定去試吓主打特色蠔🦪湯嘅「牡蠣不如帰」。佢係金色不如帰喺銅鑼灣開嘅姐妹分店，主打食蠔料理。入到鋪頭，唔可以否認落咗心機。環境非常色彩鮮艷而且坐得舒服，適合鍾意打卡嘅大家。餐牌上有餐廳介紹及故事，食麵之餘更可以了解到餐廳嘅概念及主題。牡蠣鹽味拉麵蠔味濃稠，但湯飲落去唔膩，帶少少海水鮮味，而唔會有平時食蠔個陣腥味（呢個位要睇你好唔好）。我本人就好怕過鹹嘅拉麵，呢個我接受到。黃金牡蠣煎餃餃子餡入邊加入咗蠔肉，金黃色，皮薄香脆。啖啖咬落去都有蠔粒，微微散發鮮味。店舖仲有好多其他款式嘅小食選擇，實有一款啱晒你心水。不過，始終打住米芝連同過江龍嘅title ，價錢上一定係偏貴。個蠔癮出嚟，間唔中食下都可以嘅。