牛大人台灣火鍋吃到飽 (加拿芬廣場)

营业中

休息中

考完試，心情勁輕鬆！決定擦餐飽奬勵自己。我地四點九到，可能仲早，未算好爆。一坐低我地就掃QR code 落單叫野食。食肉控嘅我叫左幾款牛肉，有安格斯牛小排、澳洲M5牛肩卷、美國PRIME 極級肩里飢、一口牛肉同手切新鮮牛肉，全部都新鮮好食！特別係澳洲M5牛肩卷同美國PRIME肩里飢，肉質鮮嫩，CP值好高！另外推薦鴨血同滷大腸，洗得好乾淨！食落有口感！同學話考完試要飲酒😅，叫左whiskey冬瓜茶，幾新穎特別，甜甜地容易入口，飲完成杯感覺有D high high地。😌甜品揀左最愛既仙草凍，食完飽到行吾郁。好彩早食！

牛大人打邊爐放題性價比真係超高！環境，服務，衛生程度亦都好好～今日同朋友嚟食澳洲極上和牛吃到飽（$ 298 /位）呢個價錢已經係晚市最貴嘅放題套餐😆真係抵到爛！入面包括超靚嘅澳洲和牛，台灣直送火鍋配料等。 整體評分：8/10環境：7/10人均消費：$101-200地址：牛大人台灣火鍋吃到飽 (加拿芬廣場) (尖沙咀)尖沙咀加拿分道20號加拿芬廣場2樓湯底全部九款湯底選擇任揀套餐價錢包括單拼鍋（鴛鴦鍋+55），我哋嗌左個牛大人秘方麻辣鍋同台灣鳯梨雞鍋🤤正牛大人秘方麻辣鍋：香辣惹味，打邊爐一流🤩配肉好正台灣鳯梨雞鍋：清甜可口，而且有成半隻雞係入面😍好足料，好適合煮菜評分：7/10肉類：澳洲和牛M5牛肩卷：嚟到牛大人點可以唔嗌和牛食🤤仲要係M5級和牛！屬牛大人最高級別肉類😍😍😍正到暈評分：8/10安格斯一口牛肉粒及安格斯牛小排：呢2個相對牛味更濃，肉質緊實，都唔錯評分：6.9/10丸類及其他：真味牛肉漿：食落好似牛丸，幾濃牛味澎湖花枝漿：爽口Q彈又扎實拔絲芝心包：好襯麻辣湯底，芝士甚至有拉絲效果和牛牛丸：彈牙得來又多汁南瓜件：煮到淋曬身之後勁入味秘製鴨血：厚身嫩滑，台式火鍋必吃海蝦：好新鮮！

等咗咁耐終於訂到枱喇 😍 今日同朋友仔嚟食牛大人火鍋，準時到達尖沙咀分店，非常好侍應安排我地坐窗邊嘅位置，坐又舒服啲私隱度又高啲。👍🏻餐廳環境乾淨企理相當衛生，難得訂到枱當然要食最貴果個套餐啦 😝 點咗紅燒牛骨及藥膳牛蒡兩款湯底。手機落單餐牌選擇非常多，單單係牛肉就已經有七款，而且重有豚片、腩片、羊片、醉雞、花膠等等，另外仲有多款小食提供，例如豬血糕、滷水牛筋、滷水牛肚、滷水大腸及數款特色餃子等等。係等緊食物嗰陣就出去睇吓自助區有咩嘢食，自助吧啲嘢食超豐富，數過都大概有50種以上 😋 隔離醬料區仲有烏冬、麵同白飯提供，另外轉過彎就係飲品區，以自助火鍋嚟講可以話係款式較多嘅餐廳，而且某啲飲品仲可以透過手機落單啱晒我呢啲懶人。😝紅燒牛骨湯底自己同朋友都超鍾意 😍 配上灼一灼就食得嘅澳洲和牛，好味程度爆曬燈 🤤 另一邊嘅藥膳牛蒡湯底雖然冇咁惹味不過同樣出色，湯底用咗杞子、馬蹄、芫荽等等味道相當清甜。自助區嘅食物又大件又新鮮。

位於尖沙咀加拿分道20號加拿芬廣場自牛大人台灣火鍋 (Master Beef)，主打台式任點任食火鍋。餐廳相當旺場，最好一星期前到牛大人官方網站預先訂座啊。筆者和友人晚上七時多到達，晚市任點任食兩小時。今次選了最高等級的澳洲極上和牛吃到飽 ，肉類的選擇最多最齊全，每位$308。。入座時，店員會詢問湯底的款式，今次則選了牛夫人秘方麻辣鍋 ，辣度則選了小辣。在等候湯底來到時，可以先拿桌面上的黑色碗子，拿取一些火鍋配料。也可以掃描QR Code，點少許肉類。可以隨時拿取的配料有各樣蔬菜，還有一些較為特別的配料，例如海帶結、黑木耳等。還有各式各樣的丸類，如拔絲芝心丸、鱈魚丸、牛丸等。飲品也是自由拿取的，而筆者今次獲安排坐在飲品櫃旁，拿取飲品十分方便。除了有較為大路的選擇如可口可樂、芬達汽水；還會有一些較為特別的台式飲品，如盒裝麥仔茶、罐裝番石榴汁等。吃一口熱騰騰的牛肉，再喝一口冰凍的檸檬茶，簡直一樂也。而筆者最喜愛的就是白桃烏龍了，打開樽蓋，便會聞到淡淡的白桃香氣，茶味濃厚而回甘，相當解膩。。約十分鐘後，湯底和肉類配料都來到了，可以正式開動。點了極上和牛吃到飽套餐的客人會包括澳洲和牛牛丸兩粒，

之前嚟牛大人都係食晚市，放假嚟食飯，原來午市嘅90分鐘午餐吃到飽-極上和牛只係$198咋！好抵食！！種類方面已經好夠我食今次食台灣濃香番茄湯湯底好濃番茄味，酸酸地好香～好清新。我仲另外去任食嘅雪櫃拎d粟米同番茄加落去～蔬菜味更加甜澎湖花枝漿好彈牙～啖啖台灣嘅澎湖花枝夜市小香腸出面買一包唔平，呢度都有得食！牛肚、豬大腸、蛋餃我嘅最愛，蛋餃好少見私房鴨血唔洗講，必食，辣辣地好味之後就到我瘋狂食澳洲和牛M5牛肩卷啦！一口一片，入口即融，食多幾碟好快回本飲品當然要飲台灣燒仙草、蘋果西打、熱飲嘅紅棗桂圓茶

試過牛大人好多次，今次寫返食評先(⁎⁍̴̛ᴗ⁍̴̛⁎)叫咗個鴛鴦鍋底，牛大人麻辣鍋同埋台式鳳梨雞喎，麻辣鍋好香辣，鳳梨雞鍋好有特色✨✨都好好味！(*¯︶¯*)成為牛大人嘅會員，可以有免費有一個鴛鴦鍋底🤩🤩👍🏻👍🏻今次我哋試咗澳洲M5和牛放題，肉質非常嫩滑，好有牛味！✨✨會送4粒和牛牛丸，非常之彈牙！😃😃其他食物款式都係好高質🤤🤤✨✨出面仲有其他配料選擇，自己出去夾，有好多種類，蔬菜、丸類、麵條應有盡有！不得不題有牛大人嘅冷茶，同埋有多款飲品選擇呢！唔怪得開店以來，一直都大排長龍✨✨👍🏻👍🏻

一直都好想試牛大人，但每次都俾條隊嚇親，有時仲好早就派晒籌🤷🏼‍♀️而家開多咗幾間，終於有機會食到，好開心呀😍😍😍咁難得先食到，梗係要叫最貴嘅餐啦，而且最貴都係298，就可以食到靚牛，抵呀😍😍麻辣鍋每次食台式火鍋，我都必點麻辣鍋，佢好在有得揀辣度，我哋好保守咁揀咗少辣，對於香港人嚟講應該啱啱好👍🏻又香又濃嘅湯底，正呀。澳洲和牛m5牛肩卷一分錢一分貨，最貴嘅肉果然都係最好味😋脂肪比例好好，分布平均，唔會過肥，有牛味之餘又易入口，大大塊擺入口，好過癮。另外仲食咗安格斯牛小排、牛板腱、封門柳，全部都好唔錯，當中封門柳最重牛味，牛小排口感都好好，估唔到放題可以食到咁嘅質素，仲要唔貴😍特別推介佢送嘅和牛丸，平時食放題唔會叫，因為覺得會好飽，但係呢個堅好味，彈牙又多汁，可惜一人得兩粒🥺如果叫麻辣湯底，記得一定要點牛媽祕製滷水，擺入去煮到冧，煮到入晒味就最正。仲有好多小食都好好味呀，一路食一路㩒手機落單，好唔得閒🤣台式香腸、鹽酥雞、鴨血、梅粉蕃薯。。。太多款式，全部都值得試。仲有嘢飲未介紹呀，個雪櫃大到影相都影唔晒，有幾款手泡茶，冇落糖㗎，飲多啲都唔怕。我哋另外叫咗有酒精嘅 18+冬瓜茶，呢個正呀，加

老公提議去牛大人打邊爐，我地一早訂定位，去到4:30左右，已經見到長長人龍排緊隊，好彩我地一早訂左位，唔駛等好耐就可以入座啦。套餐有3款選擇，我地選擇了澳洲極上和牛，7:30前離座只係$268加一，$300蚊都唔駛就可以食到極上和牛，我覺得好抵食餐廳有自助吧和QR 落單，自助吧有醬料區、飲品區、火鍋配料區，火鍋配料區多達六十款可以選擇，花多眼亂，款款都好想食，另外QR落單主要係點牛肉、海鮮、餃類、小食等等。湯底我地簡了阿嬤養生濃湯鍋湯底個湯又幾好飲，味道好濃郁贈送每位澳洲M9和牛牛丸2粒M9和牛牛丸，和牛味濃郁，而且超爆多汁，2粒真係唔夠喉。牛肉有7款，我地點了澳洲和牛M5牛肩卷、安格斯牛小排、安格斯特選牛板腱、美國PRIME極級肩里肌，以4款我個人都好鍾意，而且好高質，，其中澳洲和牛M5牛肩卷不會多筋，脂肪平均又有肉汁，牛味濃郁，另外3款肉質都好軟腍，以4款牛肉encore 左幾次。海鮮沙白處理得很好，沒有沙，肉質鮮甜，而蝦爽口彈牙。另外點了小食，魚皮和老油條，魚皮依脆香脆，而老油條送到黎都仲係熱，好脆好好食。飲品除了汽水和冷泡茶，另外仲有冬瓜茶、酸梅汁、烏梅汁、金桔椰果可以點。最後

依間台式火鍋餐廳啱啱開嘅時候真係hit到爆，多人食到炒哂飛🥵不過依加開多幾間分店之後容易啲食到啦🥳小編上年就試過午餐去食最平嘅嗰個set，覺得冇乜特別😟但今次倒返轉試晚市最貴嘅$298/位 #澳洲極上和牛套餐 ，先明點解咁多人鍾意食😂$298呢個set係可以食晒全部供應嘅牛肉，鍾意食牛嘅朋友值得upgrade呢一個set，多幾十蚊，但呢個級別嘅牛係真係靚好多，而且仲有季節性供應嘅牛胸爽，食到夠喉為止😆坦白講，今次叫嘅 #台灣鳳梨雞鍋 同上次叫嘅 #紅燒牛骨湯 ，兩個湯底都有啲遜色，小編覺得個湯底覺得無食材嘅鮮味🥲但勝在佢啲配料有驚艷到小編之處，同埋種類多到小編都試唔得晒😇—《 #牛肉 》⭐⭐⭐⭐牛肉作為依個餐嘅重中之重，小編當然有試哂咁多款😛整體黎講牛肉嘅質素頗高，唔會好似出面食任食嘅牛肉咁放到有血水🤓不過都要預咗機切嘅牛肉係好薄🤨而眾多碟牛肉入面，小編最滿意嘅兩碟都係依個級別先供應嘅 #澳洲和牛M5牛肩卷 同 #安格斯牛小排，肉味係最濃郁，其次 #美國prime極級肩里肌 同 #安格斯特選牛板腱 都相當唔錯😎最高級別嘅套餐會每位送兩粒 #澳洲M9和牛牛丸，咬落確實有和牛嘅油香，亦十分

天氣開始轉涼，又係時候打吓邊爐，而經常大排長龍嘅牛大人係火鍋放題界嘅高質代表，多款食材及湯底令人食過返尋味，緊係要再encore啦！呢間尖沙咀分店地方夠大，設有好多卡座，坐位之間有足夠距離唔會好逼。自助食品區則提供不少醬料可以自己混醬，另外丸類及蔬菜分類放係盒中，夠哂衛生。湯底揀咗期間限定嘅藥膳牛蒡鍋，食落有淡淡藥材香，加咗杞子更可明目👍🏻另揀選咗「澳洲極上和牛套餐」，除咗會每人送澳洲M9和牛牛丸兩粒及食到所有高質牛肉外，仲可食盡其他套餐嘅牛肉及食材，包括安格斯特選牛板腱、安格斯牛小排、手切封門柳、安格斯一口牛肉粒、澳洲和牛M5 牛肩卷、美國Prime極級肩里肌、其他肉類及海鮮等；除左肉類外，仲有其他配料，如多款高質手打漿類（即類似蝦滑或墨魚滑）、餃頪、炸物、小食、台灣直送食材及特飲等。所有食材均以QR Code自行落單或加單，非常方便。所有食材無論係肉類或其他配料都好高質，有別於某啲放題嘅食物質素與頭輪有參差，係牛大人真係可以放心不停加單，特別推介安格斯特選牛板腱、澳洲和牛M5牛肩卷及美國Prime極級肩里肌，食落牛味濃又唔韌，而手切封門柳更多咗一份嚼勁，沙白又新鮮無沙，真係好食到要

牛大人台灣火鍋吃到飽 (加拿芬廣場) (尖沙咀)今次終於與家人食到120分鐘吃到飽火鍋放題😋美國🇺🇸特級安格斯套餐 $258/位 （5pm 入座）套餐內容非常豐富，可以任點安格斯特選牛板腱、美國PRIME極級肩里肌、西班牙豬梅肉片等等😆😆 除了肉片，台灣直送的干貝鮮魚漿、蟹籽墨汁漿及牛媽秘製滷牛肚都是任食🤤飲品、蔬菜🥬、丸類以自助形式領取，飲品幾健康，有洛神花神、白桃烏龍等低糖茶類選擇🥰🥰 亦可以加錢揀特飲例如酸梅汁～今次揀了新出的藥膳牛蒡湯底😋，湯底加了杞子、大量芫茜😍 芫茜控必食☺️ 湯底完全不油膩和口渴，不用擔心重口味以熱氣🥰結算時店員會給一張甜品換取劵，可以每人揀一款雪糕/台式甜品。*需加一服務費地址：尖沙咀加拿分道20號加拿芬廣場2樓

#meloin @masterbeef.hk長期人氣火鍋牛大人，今次終於可以同屋企人一齊食啦😍😍120分鐘美國特級安格斯 $218/位價錢非常之合理，環境舒適，設有多個卡座，食得安心又舒適。兩小時任食，基本上時間超充足，手機落單上菜速度快😍😍👍🏼👍🏼10款湯底任君選擇，推薦藥膳牛蒡鍋😙由芫荽、蘿蔔、牛蒡等材料熬製而成，味道清新令各種材料都能保留獨自鮮味💕肉類🐮🐷🐔🐑推薦👍🏼👍🏼肥瘦均勻，牛味濃郁美國PRIME極級肩里肌安格斯特選牛板腱小食🐂推薦👍🏼牛媽秘製滷水其他醬料、蔬菜、飲品任君自取飲品有牛大人自製系列，各式各樣都十分出色甜品🍮movenpick 朱古力味和士多啤梨味haagen dazs椰子菠蘿🍍📍 牛大人台灣火鍋吃到飽 (加拿芬廣場) (尖沙咀)尖沙咀加拿分道20號加拿芬廣場2樓5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

台灣鳳梨雞鍋先飲一碗，清甜湯底，鍋內有主角香甜鳳梨肉，嫩雞髀、鮮嫩雞肉、苦瓜、紹菜、薑片等食材，清甜順喉。極上和牛吃到飽午市食90分鐘，晚市食120分鐘，今次嘅和牛油花分布比例完美，油花夠平均，肉味滑，鮮嫩幼滑，一齊食左二十幾碟台灣熟食都必點，今次糖醋甜不辣有驚喜，外面少少脆，惹味有咬口。魚香皮蛋豆腐凍豆腐非常嫩滑，皮蛋爽口牛媽秘制滷水筋筋本身已熟，再煮10分鐘，爽口有彈性，膠質豐富。玄米茶雪糕 甜中帶茶香，茶味苦而回甘每次都一定大排長龍，今次選擇午市，已經有半場顧客，完場已見門外人龍，店舖環境寬敞，性價比高

朋友上次見我食得咁開心.今次又要我去陪佢食🤣但我地今次就再食高一級.：澳洲極上和牛吃到飽！好熱氣既我地揀咗健康既蕃茄湯. 個蕃茄味比我想像中濃好多😳.叫呢個餐其中一個重點係佢既和牛牛丸🤤真係好好食呀牛味超級濃. 一咬落去啲肉汁漏哂出嚟如果可以任食就好啦🥺安格斯牛小排同澳洲和牛M 5牛肩卷都好正🤤肉味濃郁食落油脂味香烏梅汁同台灣飲既一模一樣. 打邊爐嘅時候飲真係好解膩除咗烏梅汁我仲好愛桂花烏龍. 淡淡的桂花香同甘香嘅茶味令人回味無窮另外我仲好鍾意食佢哋啲寬粉. 特別今次浸落蕃茄湯到超級入味🍅食落酸酸甜甜最後用仙草凍嚟做結尾真係好滿足🤤可惜嘅係鴨血好快就售罄.呢度啲鴨血我好鍾意食㗎😭

一開始已經等咗半個鐘先有湯底 食90 分鐘 等半個鍾先有湯底依件事已經好唔合理 唔洗食都滾晒 咁反映完佢都補返15 分鐘俾我 都算啦 之後我哋叫咗極上嗰個餐 叫咗3次牛幾碟咁叫都冇嚟 最後半個鐘先嚟 嚟得3 碟 咁我叫咁貴嘅餐嚟做咩 漏單請況極嚴重 仲要係淨返半個鐘嗰時一次過上哂啲嘢 邊食得哂呀大佬 到最後埋單 仲有半個鐘先食完就叫人埋單 兩個人變三個人單 單又錯 我咪叫佢改囉 改完我話用手機俾 staff話要出去先俾到 我同個staff講 好我走個時俾 佢冇同我講返任何嘢 之後我男朋友聽到佢同另一個staff 講 「個兩條友叫咗3 次都唔埋單」我男朋友同我講返 我都仲話 都唔係講我哋 點知佢又過嚟叫我埋單 話要我自己出去埋 我第一次見餐廳會叫個客食緊飯要出去門口埋咗張單先 我個時先知個staff 偷偷哋講嘅客係我 真係嬲到震 依家驚死我唔俾錢咩 我咪同你講我走會埋單 你嗰時又唔同我講清楚？ 台灣過江龍仲要排咁耐隊本身都好期待 我完全冇諗過會有啲咁嘅服務態度 極度失望 以後唔會再去 嘢食我都唔想再多評論啦