影片
更多
2021-10-05
78 浏览
依間台式火鍋餐廳啱啱開嘅時候真係hit到爆，多人食到炒哂飛🥵不過依加開多幾間分店之後容易啲食到啦🥳小編上年就試過午餐去食最平嘅嗰個set，覺得冇乜特別😟但今次倒返轉試晚市最貴嘅$298/位 #澳洲極上和牛套餐 ，先明點解咁多人鍾意食😂$298呢個set係可以食晒全部供應嘅牛肉，鍾意食牛嘅朋友值得upgrade呢一個set，多幾十蚊，但呢個級別嘅牛係真係靚好多，而且仲有季節性供應嘅牛胸爽，食到夠喉為止😆坦白講，今次叫嘅 #台灣鳳梨雞鍋 同上次叫嘅 #紅燒牛骨湯 ，兩個湯底都有啲遜色，小編覺得個湯底覺得無食材嘅鮮味🥲但勝在佢啲配料有驚艷到小編之處，同埋種類多到小編都試唔得晒😇—《 #牛肉 》⭐⭐⭐⭐牛肉作為依個餐嘅重中之重，小編當然有試哂咁多款😛整體黎講牛肉嘅質素頗高，唔會好似出面食任食嘅牛肉咁放到有血水🤓不過都要預咗機切嘅牛肉係好薄🤨而眾多碟牛肉入面，小編最滿意嘅兩碟都係依個級別先供應嘅 #澳洲和牛M5牛肩卷 同 #安格斯牛小排，肉味係最濃郁，其次 #美國prime極級肩里肌 同 #安格斯特選牛板腱 都相當唔錯😎最高級別嘅套餐會每位送兩粒 #澳洲M9和牛牛丸，咬落確實有和牛嘅油香，亦十分
依間台式火鍋餐廳啱啱開嘅時候真係hit到爆，多人食到炒哂飛🥵不過依加開多幾間分店之後容易啲食到啦🥳小編上年就試過午餐去食最平嘅嗰個set，覺得冇乜特別😟但今次倒返轉試晚市最貴嘅$298/位 #澳洲極上和牛套餐 ，先明點解咁多人鍾意食😂
$298呢個set係可以食晒全部供應嘅牛肉，鍾意食牛嘅朋友值得upgrade呢一個set，多幾十蚊，但呢個級別嘅牛係真係靚好多，而且仲有季節性供應嘅牛胸爽，食到夠喉為止😆
坦白講，今次叫嘅 #台灣鳳梨雞鍋 同上次叫嘅 #紅燒牛骨湯 ，兩個湯底都有啲遜色，小編覺得個湯底覺得無食材嘅鮮味🥲但勝在佢啲配料有驚艷到小編之處，同埋種類多到小編都試唔得晒😇
—
《 #牛肉 》⭐⭐⭐⭐
牛肉作為依個餐嘅重中之重，小編當然有試哂咁多款😛整體黎講牛肉嘅質素頗高，唔會好似出面食任食嘅牛肉咁放到有血水🤓不過都要預咗機切嘅牛肉係好薄🤨
而眾多碟牛肉入面，小編最滿意嘅兩碟都係依個級別先供應嘅 #澳洲和牛M5牛肩卷 同 #安格斯牛小排，肉味係最濃郁，其次 #美國prime極級肩里肌 同 #安格斯特選牛板腱 都相當唔錯😎
最高級別嘅套餐會每位送兩粒 #澳洲M9和牛牛丸，咬落確實有和牛嘅油香，亦十分彈牙，同坊間好受歡迎嘅振興牛丸頗相似，相當不錯😆
另外要特別一讚 #牛胸爽，切得超級靚同均等，厚度適中，仲好食過出面單點火鍋嘅牛胸爽😍牛胸爽好濃郁嘅牛香，質感同個樣都一度令小編懷疑係咪食緊脂肪，但其實牛胸爽係牛嘅軟骨位，完全唔係脂肪黎㗎，仲特別爽口添🤣
—
《 #台式小食》⭐⭐⭐⭐
試匀哂佢五款供應嘅小食，除咗魚香皮蛋豆腐小編覺得味道一般之外，鹽酥雞、甜不辣、小香腸、脆薯都好有水準同充滿特色，餐廳亦會按人數比番份量，可以淺嚐每款小食又唔擔心會好快飽咗☺️而且全部小食上枱嘅時候都仲熱熱地，炸物又夠脆👍🏼
—
《 #手打漿》⭐⭐⭐⭐
手打漿有成七至八款，小編兩個人真係冇辦法試晒咁多款😂只好揀呢個套餐級別特別供應嘅嗰三款黎試😇 #蟹籽墨汁漿 真係必點嘅手打漿 ，墨魚肉打到起哂膠非常彈牙，而且有滿滿嘅墨魚味，重點係入面仲放咗墨魚粒，好有咬勁，口感好豐富😍
—
《 #甜品》⭐⭐⭐💥
臨夠鐘店員就會比甜品紙，可以揀 #台中仙草凍 或者mövenpick雪糕😛就咁聽緊係覺得mövenpick抵叫啲，但兩樣都叫咗嘅小編最後覺得仙草凍先更值得試😂仙草凍絕對唔係只有仙草咁簡單，仲加咗芋圓、珍珠、椰果、紅豆，好似一次過將台式飲料嘅配料食哂落口，超級豐富😆
张贴
