燈籠滷味 (登龍街) (已結業)

lunch 來到燈籠滷味一嘗台灣味，午餐由前菜到主食，飲品，小食，甜品都可以任搭，真係岩晒我呢啲咩都想食既為食鬼。因為大家而家都要番office，1點左右都有幾個人係店外，可能係等緊外賣或排隊，店內裝飾真係好有台灣味，一見到menu 有台灣腸即刻圈左，主食我同同事叫左一個A師大組合：甜不辣，高麗菜，豬肉片，雞脾菇，花枝丸，白蘿蔔，配冬粉，超級索味，有點梅粉既回甘。 另一個b，有唔同菜式同滷味，豬腱肉，豬耳仔，大腸，高麗菜，好入味而家大腸夠淋，呢個配烏冬，少少煙韌又掛味，好食。炸花枝丸就係正常炸丸咁，但台灣腸甜甜地又煎香左，每片都有蒜片，搭埋食意外有牛油香，下次要叫大份的! 麵既份量超大碗，男仔食都夠飽，女仔超飽! 我哋珍珠控一個叫左奶綠，一個奶茶，珍珠用黑糖煮，口感煙韌有咬口，食完麵咬咬下就飲晒，半糖甜度好岩我哋。

次次lunch time經過都見到好多人買外賣，尋日放工經過見到唔係好多人，即刻買外賣返屋企加餸。買咗盒滷味拼盤，有雞翼、雞頸、雞腎、豬耳同豬腱肉。個汁好夠味，啲滷味都好入味，送飯一流。雞腎同豬耳都好爽脆，唔會煮到淋哂。另外叫咗個滷水麵，揀咗王子麵，餸就有蘿蔔、甜不辣、百頁豆腐、大豆皮同鴨血。不過拎到返屋企個麵有啲漲，不過啲餸仍然出色。甜不辣好正，夠煙韌。鴨血都入味。唯一係蘿蔔太細舊，唔係好食到。香蒜腸好可口，同蒜片一齊食。芋圓加仙草夠哂解渴，地瓜圓同芋圓夠哂香，不過珍珠有啲不夠熟，硬咗啲。另外叫咗杯無糖茉香綠茶，啱哂夏天飲。

因為疫情關係已經好耐無出去食飯，今日難得出黎食下台灣野，緬懷一下去台灣既感覺。 我叫左黑糖珍珠奶綠 $24，朋友叫左黑糖珍珠奶茶 $24，可揀冰度同甜度，我通常都會叫少甜，個黑糖珍珠已經有甜味，奶綠既綠茶係我喜歡鮮綠茶個種味。我叫左冬粉配大腸 $20，另外仲叫左份綜合滷味拼盤 $48。碗粉好濃味，唔算太多湯，我叫症個拼盤，加加埋埋就好多餸！朋友叫左稻庭烏龍麵配大豆皮同鴨血 $33，個麵質唔錯，好煙韌，加辣仲惹味！滷汁水蓮菜 $30，好少食呢款菜，原來係好爽脆，除左水蓮菜，底下都舖左啲生菜，滷水汁就同其他滷味一樣味道。九份綜合芋圓加仙草 $34，甜度適中，仙草唔係太淋，有少少似龜苓膏質感，食食下見到有幾粒冰，夠凍所以更好。

之前喺師大夜市，成日都幫襯呢一間燈籠滷味。應該都有大半年冇去過台灣好掛住台灣嘅牛肉麵、鴨血、鹽酥雞等等小食。幸好香港都有好多台灣嘅店舖，可以食到呢一啲野，不過當然一定食原店嘅口味最好。之前經過都好想試呢間燈籠滷味，但係見人多就放棄左。今晚咁啱去咗做facial，行過呢間舖頭就一於試吓外賣返屋企食。呢度嘅好處係唔係淨係食燈籠滷味，仲有好多唔同種類嘅台灣小食。我想很多人其實都已經試過食，所以都冇乜好講冬粉，素鵝同埋百葉豆腐基本上係必點。基本上嗰個質素同喺台灣食真係一樣，個種感興覺好滿足。叫了點小吃，滷肉飯完全係意想不到的驚喜，肥肉加上點醬油，飯粒粒好有口感，千萬不要以為得滷味好。個鹽酥雞都幾好，加了一點蘋果調味下，好fresh。我愛蕃薯，就一定會覺得呢個地瓜條好正，最正係屋企放咗30分鐘，沖完涼然後煲劇再吃都一樣咁好食。令我驚喜嘅因為可食到佢個滷味外，仲可以食到好多質素高的小吃。就算不吃滷味，都無問題，因為重點係要找台灣的味道。

專食滷味既專門店 大腸冇滷水味 仲差過街邊d車仔麵 個碗係幾大既 不過份量超少 啲餸得兩三舊 叫左加底麵都得兩啖...大約十蚊一個餸/麵 價錢同出面果d舖頭差唔多 但咁既味道同份量 個人覺得唔係好值

經開銅鑼灣想起呢間滷味車仔麵，見排隊等既人龍唔算好長，即刻買個外賣回家品嘗。返回家時在路上已經覺得好香好香，雖然個湯有點溢出，個麵即時變左撈味，但我們覺得很滋味。夠香夠咸也帶點甜，配料都很入味。我點左好多配料，印象中好既有以下幾款。黑糖珍珠奶茶$24 走糖甜度剛好，有茶香，珍珠也很彈。苿香奶綠 走糖 $20綠茶味溫香，淡淡的苿香味配上麵食一絕香蒜腸$26份量不多，火速清光，因為脆皮的很正花枝丸很實心，冇麥豬油，啖啖墨魚肉車仔麵：王子麵台式公仔麵，彈牙，建議一試。蘿白細細粒，有好多粒，很入味豬耳$12又係細細粒，件數很多。比起香港既，食落更滋味甜不辣軟軟的，黏黏的，十分推薦金針茹呢個很大束，如果分細d會更易食同入味。

外賣月@燈籠滷味 網址: https://s.openrice.com地址: 銅鑼灣登龍街39號地下電話: 258122232020年2月起，外賣次數是人生中最多，中午買回公司，晚上也做乖市民，小約朋友，一向唔煮飯架無飯家庭，繼續外賣又食台或老味，一個麵底搭多幾樣野食，就係簡單架晚飯啦，$10 麵底要米線個老水汁其實比較甜，如果香料味加强返仲好食 。餸就剔了$10 豬鍵肉$11豬肉片同$10雞翼第二碗就要烏冬啦，貢太白蘿蔔，肉片雞翼，豐富的材料。$28 魯肉飯係必食啦，白飯加上個半肥瘦肉粒魯肉汁，兩三口就食完啦！鹹酥雞夠入味，香口一粒粒，好掛念台灣，香港食到好幸運天口熱加份綜合芋圓（仙草、芋圓、黑珍珠、紅豆），搓得結實口應qq 唔會黏牙，紅豆珍珠豐富了口感，涼透心呢！

午間lunch外賣等咗四十分鐘。唔只我一個，所有客同時間嘅客都等咗至少三十分鐘。問咗點該咁耐，話因為之前落咗幾張大order。咁下次可唔可以客備錢個陣就告知你已經有大order，之後啲客就唔洗等超過半個鐘呢。 咁樣浪費大家時間，小小過分。

呢期討論度最高嘅台灣過江龍🐉 終於都食到啦٩(˃̶͈̀௰˂̶͈́)و熱度不減 係禮拜六6點幾去排左20分鐘左右☹️因為我冇食過台灣嗰間 所以就冇得比較啦( ˃᷄˶˶̫˶˂᷅ )雖然睇comment都係好壞參半 多數都係話太鹹或者份量少但我今次食又覺得唔錯喎 可能佢哋有改進🥳💫綜合滷味拼盤 $48🧆👉🏻👈🏻貪心想一次過試晒可以叫呢個( •̀∀•́ )✧ 不過我覺得唔算特別出色 唔係全部都鍾意嘅話就可以skip😗🌟百頁豆腐+蘿蔔+大腸+冬粉 ~$40 🍜一個餸或者面$10左右 我覺得份量好大方喎(⁎⁍̴̛ᴗ⁍̴̛⁎) 我冇叫加底都好多粉 而且係底仲有好多料😆 蘿蔔好食! 入味冇渣💛 大腸都唔錯但係個人覺得唔夠車仔麵既滷得好食😌 豆腐係有啲彈牙嗰種 我幾鍾意😚 最後個冬粉索晒味又唔會太咸 我可以🤤🌟鴨血+甜不辣+王子麵 ~$30🍜鴨血滷得唔夠入味Ծ‸Ծ 甜不辣都唔錯 我鍾意食煙韌野😛 貪得意試埋王子麵其實係普通杯麵質地不過幾索汁😌 推薦大家問佢攞辣汁 更加好食!!🌟香脆地瓜條 $32🍠炸漿夠脆同薄 炸完地瓜更加甜 不敗小食😚整體黎講唔錯 價錢都幾平民唔使排咁耐就值得黎😛

無得去旅行，唯有去食下燈籠滷味，當去咗台灣啦！雖然要排隊，但整體感覺好好！店員超級友善，而且地方乾淨，又有台灣特色！排隊嘅時候就已經見到一盤盤嘅滷味，興奮呀！其實總共食咗兩次，第一次係食佢嘅招牌師大組合，有六樣配菜，加咗油麵，都幾好食！雖然無驚艷嘅感覺，但整體好食！係lunch之選！另一次就選了 「自由是個好東西」點咗蘿蔔和甜不辣，配咗王子麵，整體好食！店員仲自動為我地配上辣椒油，提升整碟麵嘅味道，雖然唔係咩特別嘅辣椒油，但夠香辣！整體而言，我會再不停光顧！各方面都水平之上，中午簡單食lunch之選！第一次建議點王子麵喔！

餐廳以車仔麪形式自己劃餐牌麵底、肉類、豆類、蔬菜、小食 任君選擇難得有冬粉（粉絲）麵底緊係唔可以錯過啦！大大碗面份量十足，個湯夠哂惹味又濃郁，粉絲吸收湯底精華，但又唔覺太咸。配料方面，要特別讚貢丸同高麗菜！小食鹽酥雞炸得岩岩好，粉同肉比例balanced，唔油膩。用埋牛皮紙袋墊底，特別有風味。怕膩既話就加杯台灣特色飲品，又可以按口味走甜小冰。餐廳裝潢好有傳統台灣文青風，播埋台灣經典歌曲，真係好懷舊！

最近很想吃台灣菜，見到這間新試業店舖，決定去試試！沒想到今天有出現人龍！我們等了15分鐘後便入座點餐的形式像是選擇車仔麵一樣，職員會給予點餐紙，有多款餸菜可以選擇，而且有小食及飲品等王子麵（甜不辣、豬耳、蘿蔔）當然選擇這個王子麵！據說王子面是台灣的公仔麵，不得不讚這個滷湯與王子麵十分搭配，王子麵可以吸收滷湯的精華，不會過鹹，味道剛剛好！很喜歡這個甜不辣，十分彈牙，而且豬耳十分爽口，蘿蔔十分入味，整體味道不錯！蘋果鹽酥雞鹽酥雞配搭蘋果的感覺很清新，蘋果非常清甜爽脆，而鹽酥雞的炸粉厚度適中，而且炸得十分脆口！黑糖珍珠奶茶這杯半糖半冰的珍奶味道不錯！甜度適中，如果黑糖味再重一點會更好！整體來說，餐廳的食物質素不錯，可以再encore！

今日過黎銅鑼灣，就想試一試lee間店，因每次去台灣都差不多每晚買滷味宵夜。但lee間實在今人太失望了。我們兩個人，淨係食餸冇要麵底，叫左六個餸加一碟水蓮，同埋一支茶。食物既份量實在太少了，分兩個細碗大概半碗滿左右，三個餸一碗，很可憐的感覺，但埋單一共＄110。味道方便，唔難食，但唔特別好食，唔覺得我會食過返尋味，反而我想飛去台灣一轉。另外，員工一邊煮野食一邊傾計嬉笑，令人感覺唔專業。總括而言，不值得一試。

大家對呢間滷味店一定吾會感到陌生😀舖頭用左台灣總店直送秘傳配方滷湯，內含數十種中藥材，經過門口都聞到啲香味💕客人可以挑選自己鐘意既食材，組合成獨有既滷味拼盤❣️餐廳午市仲有三個套餐：🇦 師大超人氣組合🇧吃你滷味套餐🇨​健康有營套餐，同朋友仔分別試左A、B餐🥢A餐$59，有甜不辣、豬肉片、高麗菜、杏鮑菇、花枝丸、白蘿蔔，麵就揀左油麵🍜 白蘿蔔好清甜👍🏻甜不辣煙韌有咬口👍🏻花枝丸都吾錯👌🏻其他食材就一般🙈 油麵份量好多，超滿肚😀B餐$56，有豬腱肉、豬耳朵、雞腎、大腸、高麗菜，麵就揀左粉絲🍜 仲加左米血糕呀😋 呢個組合好吸引❣️ 豬大腸好腍👍🏻豬耳、雞腎爽口👍🏻米血糕帶點嚼口又吾會過硬🤤 所有野都好好味💛 粉絲索晒啲滷汁精華，非常濃郁🤤 同時因為粉絲吸力強勁，食多左會覺得咸🙊 呢個時候飲冰涼既冬瓜茶真係好爽😘

呢排上網睇呢間新開既店鋪就要黎試一試😋😋位置唔難搵去到既時候都好多人排隊，我哋大約等左半個鍾左右就入得啦，排隊既時候已經比野食紙我地點野食一入去就交比佢，跟住就等食就得啦😆😆😆用餐時候90分鐘坐低左好快就比左個滷肉飯我地先，滷肉飯唔算大碗，味道係好好食既👍🏻👍🏻👍🏻之後我地再叫左個滷味加粉絲，整體黎講偏淡，本人覺得麻麻地🙁🙁🙁仲叫左2杯飲品，都還可以啦，本身想叫蛋餅點知話賣晒🙈