燈籠滷味 (登龍街) (已結業)

次次lunch time經過都見到好多人買外賣，尋日放工經過見到唔係好多人，即刻買外賣返屋企加餸。買咗盒滷味拼盤，有雞翼、雞頸、雞腎、豬耳同豬腱肉。個汁好夠味，啲滷味都好入味，送飯一流。雞腎同豬耳都好爽脆，唔會煮到淋哂。另外叫咗個滷水麵，揀咗王子麵，餸就有蘿蔔、甜不辣、百頁豆腐、大豆皮同鴨血。不過拎到返屋企個麵有啲漲，不過啲餸仍然出色。甜不辣好正，夠煙韌。鴨血都入味。唯一係蘿蔔太細舊，唔係好食到。香蒜腸好可口，同蒜片一齊食。芋圓加仙草夠哂解渴，地瓜圓同芋圓夠哂香，不過珍珠有啲不夠熟，硬咗啲。另外叫咗杯無糖茉香綠茶，啱哂夏天飲。