燈籠滷味 (登龍街) (已結業)

日日經過都見燈籠滷味排晒隊，咁啱今日落雨見少啲人喎，所以排咗10分鐘就有位喇一入到店內就被佢地嘅裝修吸引住眼球😍大大個霓虹招牌、仲有好多台灣特有風格嘅菜單、海報，解吓鄉愁新張期內有特價套餐，套餐有一個3款餸嘅麵加一杯飲品，有啲似車仔麵呀！食咗鴨血豬五花同杏鮑菇，唔知係咪為咗迎合香港人口味，滷水味偏淡，唔似台灣咁重口味，個人認為滷水汁可以再濃啲更惹味！另外加咗一份台式香腸，配埋生蒜解膩，唔錯唔錯👍🏼跟餐嘅珍珠奶茶亦有水準，勝過好多台式飲品店，總括而言都幾滿意，期待下次再朝聖！

If you are fan of Taiwanese noodles, this new popular spot at causeway bay is definitely the gem to go! 4 of us each ordered a satisfying bowl of noodle with our chosen combinations! It was awesome! 稻庭烏龍麵 +$3王子麵 +2冬粉(粉絲)豬耳仔+$2豬腱肉 雞翼玉米筍白蘿蔔+$1椰菜甜不辣+$1彈牙貢丸百頁蛋腐+$2大豆皮+$1蘋果鹽酥雞$35 Fried chicken in Taiwanese style was awesome!! We devoured in no time! 滷肉飯 $28The fat to lean ratio was spot on! The flavors embedded in the rice were luscious! Loved it! 綜合芋圓$28 加鮮草$6Who could resist the chewy mouthfu

來自台灣夜市的人氣燈籠滷味~開張以來都大排長龍，忍不住要一試！熱食的滷味除了吸湯的配料可以自行選擇，麵種也不遜色，有人氣台灣王子麵、粉絲、稻庭烏冬，應有盡有！-店子的秘製滷湯湯包由台灣總店直送，湯底含桂皮、花椒、甘草等十數種中藥，喝下去順喉回甘，帶微微肉香，是滷味的靈魂所在！-綜合芋圓 $28芋圓由九份直送，是人手搓製而成的手工芋圓，除了芋圓、番薯圓，也有紅豆、仙草和珍珠，香甜不膩。滷肉飯 $28滷汁有多重調味，層次豐富，豬肉富油香，肥瘦均勻，醬油味道濃厚，下飯一流。

成日見到依間鋪有人龍，今晚都走去排下先。係疫情下飲食唔易做，希望佢地可以撐住。最近又被禁言，唯有食個痛快兼支持小店。平時食開港式車仔麵，以台式材料就唔多，感覺上好有潛力，期待見到排骨麵、嚕蛋、珍珠麵#燈籠車仔麵粉絲+甜不辣+蘿蔔+杏鮑菇+豬腱肉，湯甜粉絲幼滑，食不停口好想叫多碗#香脆地瓜條外表香脆，內滿地瓜，少炸1分12秒會更好#黑糖珍珠奶茶珍珠香甜有咬口，奶茶底合格

朝聖人氣台灣車仔麵！最近有間主打台灣風滷味車仔麵夠敢響疫市開店之餘仲可以做到大排長龍，實在夠哂霸氣！.除咗因為而家冇得飛台灣總算可以止下台灣癮，仲有價錢唔算貴，大部分餸都係十蚊左右，當隔離間港式車仔麵嘅三餸麵都係賣四十幾蚊，一樣價錢咁滯我食間新嘢唔好？.當晚同朋友每一個三餸都再加小食，當中不乏台式餸料例如鴨血同甜不辣等，餸料質素亦頗高，冇乜邊樣係會覺得差，麵類亦有冬粉同王子麵等可以揀，而且好鐘意佢地個麵走半撈麵形式，有少少濃湯汁撈麵超正.小食方面台灣腸夾生蒜片夠香口；鹽酥雞望落好似幾細粒但食起嚟好邪惡好正，仲有爽口蘋果片解膩；不過最估唔到係個填肚用滷肉飯竟然會成為整晚亮點，當前排響間高級台菜店食近一嚿水然後俾朋友稱為呃遊客級嘅廢渣滷肉飯之外，呢間真心上咗天堂，果浸滲滿每粒飯嘅油脂感同香料感，令我好似返咗台灣咁，論味道未算頂級但係可以話係真台灣風值得一試

喺依家武漢肺炎疫症所帶嚟嘅陰霾仲未完全消散嘅時候，周圍都唔去得，當然旅行去轉台灣都唔得啦！咁唯有去呢間嚟自台灣師大夜市嘅過江龍「燈籠鹵味」，搵返屬於台灣嘅味道，當自己去咗轉台灣啦～～～開左都一段日子，但仲係好多人排隊！即叫即整～呢度嘅鹵味都係由台灣進口，即叫即鹵，亦都非常入味，款式眾多，而有啲例如王子麵，好少可以喺香港食到，雖則都係公仔麵，但有種台灣嘅味道滲透出嚟。呢次我哋兩個分別叫左蘿蔔，大豆皮，豬腱肉，高麗菜（椰菜）配王子麵。另一個叫左甜不辣，素雞，雞翼，大陸妹（生菜）配冬粉（粉絲）。當然味道全都非常入味，大豆皮有啲似豆卜咁，吸滿湯汁，味道更濃，豬腱肉怕食肥肉嘅，可能會有點卻步，高麗菜爽口，蘿蔔亦清甜，所以整體係非常滿意。小食方面呢次叫左客蘋果鹽酥雞，鹽酥雞本身炸得非常香口，調味得宜，炸粉亦適量，而間中可食作伴碟嘅蘋果，會有助減少鹽酥雞帶來嘅油膩感。飲品：呢度有個名為紅茶豆漿，其他地方聞所未聞，原來配以紅茶嘅豆漿，有啲啲似奶茶嘅味道，但輕盈啲，飲落舒服舒暢啲，感覺亦都健康啲。另外一杯係紅棗桂圓茶，因為朋友近排有啲寒 所以要補補血～～叫左半糖 味道剛好 補補的

一，大腸，雞腎，腱子，冬粉。二，雞翼，甜不辣，米線。行過多次見有多人排隊，終於第一次黎食，選擇全是要腌滷水的。一，三樣餸只係腎有味。腱子普通到好多家庭都整得好味過佢，不過佢做到爽口嘅。二，雞翼冇色不是問題，估計有味，原來不入味的。甜不辣不惹味。蘋果鹽酥雞，原來蘋果同雞係分開，咁有冇夾在一起食呢？有，試埋，都冇特別。整體唔係好食又唔係難食，只是普通。不值得排隊去食。似台灣夜市味？邊有咁惹味獨特呀。唯一的好，係播80後一定中學聽過的唱過的台灣歌。想食好味粉麵同滷味，大有其他選擇。

最近疫情緩和左d，就約左朋友出街食下野，我地大家都好中意食滷味，所以就黎左燈籠🏮滷味朝聖一下，順便當去左台灣師大夜市一轉啦！😝😝一踏入店舖裝潢就真係充滿台式既氛圍，牆上既poster都好有特色！真係好似去左台灣夜市既感覺！我就叫左豬耳朵、大豆皮、高麗菜、甜不辣、鴨血冬粉，加$12 香炸花枝丸（半份），一上檯就聞到香噴噴，份量都幾大碗，豬耳朵很爽脆，大豆皮（支竹）很唸身吸晒滷味既味道，甜不辣很煙韌，鴨血就很滑嫩，撈埋冬粉一齊食味道一流！而花枝丸即叫即整，熱辣辣好彈牙爽口！而朋友就點左豬腱肉、百頁豆腐、白蘿蔔、花椰菜🥦、芋絲稻庭烏龍麵，豬腱肉硬度適中，百頁豆腐、白蘿蔔、芋絲吸晒滷味既味道，入口更惹味！花椰菜清新鮮爽連埋稻庭烏龍麵一齊食入口更滑嫩！飲品優惠加$18黑糖珍珠奶綠另加$4 仙草，本店大推介，黑糖珍珠很腍身有咬勁，唔會太甜，加埋仙草，好似涼粉咁滑lu lu ，可以解毒清一下熱氣！😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

台灣過江龍 一試就知龍與鳳係台灣就冇食過呢間滷味 但係都食過幾間出名既對比起其他滷味   呢間就比較甜味兩人之選1. 各人一個滷味大豆皮 好食雞腎 豬耳 正常椰菜 正常甜不辣 有啲太粉杏包菇 好食豬展肉 太碎 食吾出同平時豬肉有咩分別～2. 台灣腸半份 ＋$12小食同平時台灣菜一樣都有俾埋蒜頭片一齊食但係呢個比起其他家蒜頭片切得size岩岩好 吾會比蒜頭搶哂啲味 不過食完個口都係好大陣味 哈哈哈3. 花枝丸半份 ＋$12 小食對比起台灣腸會覺得叫腸好似抵食啲佢半份得兩粒 係炸左既野 表面都一定係油啲不過佢吾係淨係得粉既花枝丸 會咬到一粒粒花枝食入面彈牙既～～～

終於食到呢間日日排長龍嘅燈籠滷味喇🏮，原來有上下兩層，但係都仲係咁多人排隊，勁👨‍👩‍👦‍👦👨‍👩‍👧‍👧👨‍👩‍👧‍👦.佢係車仔麵形式，自己揀牆揀餸，menu有幾款⭐️⭐️左嘅推介食物，我都有跟住叫🤗.我地兩碗麵嘅配搭分別叫左1️⃣豬腱肉杏鮑菇鴨血大豆皮冬粉同2️⃣大腸白蘿蔔甜不辣王子麵，兩款都冇湯底，不過冬粉索哂啲汁，王子麵就比較乾身啲，各有不同，特別推介甜不辣，好煙韌，真係食台灣野先有架👍🏻.小食叫左香炸花枝丸拼貢丸，雖然係炸，但係一啲都唔熱氣，外脆，入面就juicy，幫碗麵加餸😋.飲品叫左黑糖珍珠奶綠🥤，珍珠超煙韌，有好香嘅綠茶味🍵，冬瓜茶我唔記得叫少甜，我就覺得偏甜左啲🤏🏻.最後叫左綜合芋圓，入面有芋圖、紅豆同珍珠，呢碗芋圓係冰凍架🥶，入面放左冰，同平時食開熱嘅唔同，囉哂夏天食👍🏻

現在去不了台灣，很掛念台灣美食，幸好香港有不少選擇。位於銅鑼灣的燈籠滷味，新開張不久，夜晚排隊人龍都幾長。好似車仔麵選擇水蜜桃綠茶 $20，選了無糖，水蜜桃帶少甜，剛好，配綠茶不錯。冷泡桂花烏龍 $18，無甜夠健康，茶味清香。燈籠滷味是熱食的滷味，配上麵底，是台式車仔麵。香炸花枝丸拼貢丸 $28花枝丸好彈牙，包著大大粒花枝。這個湯很少，似撈麵王子麵，好似公仔麵彈牙，麵身較幼，易掛湯，味道較濃，重口味餸選了吸湯汁的百頁豆腐、入味的雞翼、彈牙的甜不辣，美味。而我的是稻庭烏龍麵，質感好滑，似烏冬，相對不會太濃味，較適合我口味。而餸是爽口的豬耳、雞腎，吸湯的大豆皮。除了滷味，還有滷肉飯、蛋餅等選擇，下次可以試試。

2020年的上半年，最想做的當然是外遊，台灣，每年必去的地方，我懷念了。懷念夜市，懷念珍珠奶茶等各樣美食....滷味是到當地夜市必吃的小吃之一，各種各樣的肉類/ 蔬菜類等等隨意配搭，多與少自行選擇走到銅鑼灣的燈龍街，找到了燈籠滷味，立刻有沖動排隊進餐，店內播著國語歌，頓時彷彿穿越到台北一樣燈籠滷味的食材是即叫即點，是台式車仔麵，當然是可以點淨餸食材清晰可見，乾淨衛生台式店當然要喝一杯黑糖珍珠奶綠，甜度及冰塊分別可以選擇，珍珠入口溫暖，本身黑珍珠已經被糖水包含著，所以我選擇了半糖，甜度是剛則好到了主食，點了冬粉，就是粉絲，它是完全能吸味，吸了所有配菜的味道，湯底沒有太多，麵當中加入了酸菜 ，令整體甜甜酸酸，好開胃一塊一塊的大豆皮，浸在有滷水汁的湯底內，入口唔會乾，好吸味，必點一條條長條形的鴨血，夾著也不會散開，同樣也吸著滷水的味道蘋果鹽酥雞，每一粒都好香脆，炸粉唔會太厚，旁邊有數片九層塔及薄蘋果片，前者我是跟鹽酥雞混著一起吃，味道獨特，滿滿台式風味，至於蘋果片是最後再吃吧

最近呢間過江龍開咗喺銅鑼灣登龍街，前牌喺嗰邊食嘢已經見到排晒長龍，趁今日得閒少少排隊都要試吓係咪真係咁有料先！以為座位好少原來係有兩層㗎，上層環境更加好添，辛苦晒員工想想落落🤣我哋嗌左碗麵，面底揀咗王子麵（+2）然後試埋呢度最出名嘅滷水，包括豬腱肉、豬耳、雞腎，仲有台灣夜市好出名嘅杏鮑菇，喜出望外好好食，滷得入味之餘份量都幾多，食起嚟唔乾，而且王子麵都係第一次食幾彈牙同埋爽口比一般公仔麵更加好食。《綜合滷味拼盤》$48入邊同樣有齊晒雞頸、豬耳、豬腱肉、滷水雞翼，全部嘅味道都好好，又唔會好油膩，好好食，價錢又唔貴幾抵呀！《蘋果鹽酥雞》$38第一次食咁嘅配搭，鹽酥雞炸粉有少少厚，不過勝在炸得香脆，而且雞肉都好Juicy，食蘋果解解膩，感覺更好，唔錯唔錯。《滷肉飯》$28呢個滷肉飯好得！喺香港食過之中都算係數一數二，滷肉肥瘦適中，識落好滑，一啲都唔乾，而且好香添，好快清晒成碗。《冷泡四季春》$18四季春茶味好出，好清新，唔會有茶的苦澀味，好出色。 以我嘅經驗，並唔係所有過江龍都可以咁好生意，食完一次先知咁多人排隊係有原因，性價比真係幾高。

今晚同朋友黎到呢間長隊店食晚餐，排左成個鐘先有位。我地分別叫左三個唔同既配搭，再加一個綜合芋圓加仙草。飲品分別叫左黑糖珍珠奶綠、紅茶豆漿、冷泡桂花烏龍。王子麵配百頁豆腐、高麗菜、彈牙貢丸。王子麵好鹹又好乾，百頁豆腐口感似啫喱，高麗菜正常，貢丸冇特別彈牙。冬粉配大腸、白蘿蔔。冬粉都偏鹹，因為汁鹹。白蘿蔔有幾舊係苦既，唔入味。大腸正常。米線配豬腱肉、玉米荀、甜不辣。米線最好食，豬腱肉鞋既，玉米荀普通，甜不辣似年糕版魚餅。黑糖珍珠奶綠叫左半糖都好甜，特別係珍珠好甜又唔煙韌。紅茶豆漿正常，豆漿味比較出。冷泡桂花烏龍桂花味比較出，茶味比較淡。綜合芋圓加仙草係我食過最難食既，又硬又過甜，味道好怪，唔推薦。呢間食物好普通，份量又少，完全唔值得排隊去食，唔會再食。

我們點了王子麵及冬粉，很入味。食物很好食，不會過鹹，份量也多，特別喜歡烤腸。珍珠奶茶都好味。在中午後去，還有午市套餐，麵加飲品及小食，大約每人90元多。店員也有禮貌，上菜速度很快。但放在枱上自取的餐具有點污糟，在枱上放了個餐具架，內有筷子及湯匙。筷子是木製，還是竹製，但洗完未乾，有點濕。最可怕是湯匙，像是被用過的，上面有滷水汁及一些食物殘渣，看了大約4隻都是這樣，所以告訴店員，店員換了乾淨的給我們。