熨烤達人 (已結業)

為了好好慶祝一下紀念日,今日特登book左黎食韓燒,順便要食爐邊蛋!!韓燒黎講間餐廳唔算好大,而我地八點半左右黎到,亦都唔洗等位首先主打既就當然係小食前菜啦,而左下既配料就係俾爐邊蛋用既,有芝士,粟米同泡菜!我地兩個人叫左四種肉,已經好夠飽了,食到最尾差啲食唔晒!下面呢個大大嚿既就係呢到既招牌五花腩,非常厚身!今次少人啲既好處就係侍應會好好咁幫你燒埋因為見到咁大嚿五花腩其實真係無從入手!而侍應就教我地首先兩邊各燒三分鐘(要用鐵板壓住黎燒),之後先剪細佢慢慢燒熟,咁就岩岩好喇旁邊仲燒左最期待既爐邊蛋,不過提提呢到既爐邊蛋第一輪係免費既,而之後想再加既話,半圈係$30,一圈係$50今次主要都係叫左豬同埋牛,呢到既肉整體都好新鮮,血色好紅要特別讚下牛胛肩因為我自己好怕食啲好難咬開既肉,而呢個肉既肉質就好鬆,肉汁鎖住左係入面好juicy當然記得唔好燒到太熟啦,如果唔係咩牛都唔好食了!

今星期突然間好想食護心肉，呢日就等埋男朋友特登去食韓燒，本身諗緊食oppa燒肉定呢間，因為兩間都無食過，其他大部分都食過。8:30經過oppa好多人，於是去附近既熨烤達人睇，唔洗排隊仲無乜人，就入左去食。我同男朋友都好肚餓，一心想食護心肉，坐低睇Menu先發現好似冇，於是問吓侍應，點知真係冇！我好失望好唔開心，係咁同男朋友呻無得食護心肉😭😭😭唔知係咪個男侍應聽到，佢好好咁行埋黎同我解釋點解無咗，搞到我有d唔好意思😅 呢個位值得一讚！但其實無護心肉真係好奇怪，我食咁多韓燒間間都有😅可能我孤陋寡聞。 之後兩人叫左五花肉，豬頸肉，同牛肩胛。侍應們拎完前菜比我地，仲話送胡椒湯驅寒。雖然呢日天氣有啲熱，但呢個行為幾貼心。終於等到肉來到，有個女侍應二話不說就張舊五花肉放上去燒，但等左好耐都未食得。我同男朋友好肚餓就放啲牛上去一齊燒點知個女侍應話燒牛肉要用第二塊板，呢塊只可以用來做燒豬肉。完全唔明白既然係咁點解唔燒左牛肉先呢要客人等咁耐之後先可以有得食。以為特登用一塊板燒豬肉一塊板燒牛肉會好好食啦，點知舊五花肉完全冇肉汁成舊柴咁，啲牛肉又冇牛味又un，一d都唔好食！唯一係個豬頸肉叫做唔差，我叫咗一碗

星期日同太太去太子行街，行過一間外貌特別的韓烤店，俾佢外面用了工程用的閘板吸引，決定入去試下。內部裝修採用工業風，係台面放左熨板，唔通一陣用黎熨衫.點左個熨斗烤壓套餐，吓，個熨斗真係有用.個餐有5款肉，第一肉係磚頭五花腩，又真係成舊肉wo. 店員二話不說就主動幫手烤，仲用個熨斗壓住，原來個熨斗係咁用壓住烤又真係烤得貼啲，成個面都烤得金黄色， 之後就剪開再烤熟，食落又真係特別啲。第2款係豬皮，燒好食落粘粘地，都幾香。第3款牛肩肉，薄薄的，燒一陣就得，油香嫩軟，不過肉味稍薄。第4款係一口雪花牛，有入口即溶feel最後係霜降西冷，有和牛feel, 油脂分佈均勻，燒一燒就食得。Good. 今次韓烤比平時的多了一點點特色，就係多了一樣工具，熨斗，好玩又好味

今日同男朋友2個人拍拍拖我朋友話呢間韓燒幾特別，服務好所以我地2個專誠黎試試！6點黎到無乜人入面環境乾淨無味 坐係度的櫈仲可以放袋入去！睇吓餐牌，懶得選，決定要個餐算亦有不同的前菜比我地食！我最鍾意就係芽菜，辣辣地好開胃！之後黎個爐邊蛋可以跟自己份量加泡菜，粟米，芝士食落蛋好滑，加埋泡菜辣辣地，栗米又甜甜地！好正啊由於豬要燒得耐d所以店員會幫埋我地燒！大大舊豬真係睇到我流口水！豬食落好香口肥瘦平均！唔會話太油，亦都唔會唔滑而且一大舊其實可以分好多舊仔比我想像中更多，真係連飯都唔洗叫！仲可以用佢提供的生菜包住黎食！呢個餐的牛肉粒亦都唔錯啊入口即溶！食落去d肉汁泌出黎真係幸福的感覺整體呢間餐廳都唔錯食完唔會成身味而且個餐真係幾多野食，價錢合理！

排第一竟然要等餐死, 叫左个6xx 餐, 份量少, 件貴豬以為好好食, 點知唔太得, 最正反而系杯drink, 二个人埋單700多, 超唔抵食, 又唔夠食, 可以不去!去韓燒自助餐一定抵好多又好食d..............................店員服務尚ok, 但食物本身一般般啦, 好普通law, 旺角區大把好東西可以try..............................整體食物美味度只有30分,if 100 分滿分!

住係太子咁耐,一直都好想試呢間韓燒,今日與老公兩人一於去試下,有時想食既野都需要一時即興店鋪外面裝潢都充滿特式一座低就奉上韓式前菜,還有冬天限定既胡椒湯,驅走寒氣餐牌選擇很多,想烤肉前食點fresh既前菜,有沙律選擇,肉類有厚切五花腩,豬皮,豬扒等等仲有午餐肉揀呀！最好既係佢有set俾你揀,最新有濟洲黑毛豬餐,海鮮餐,而我地就揀左$480-熨燙烤壓。磚頭五花腩第一次用真係好似磚頭咁大既腩去燒,五花腩用'熨斗'每邊烤3分鐘,變金黃色剪開再烤多陣就食得喇,店員會為你烤得剛剛好,不會過於難咀嚼,保持肉汁,但略嫌有點肥，唔夠均勻調味豬皮豬皮夠晒入味,烤到有微焦帶點香,入口十分煙韌彈牙食完豬,店員會為你換上另一個網去燒牛肉牛肩脾肉-油花較少,輕輕燒一燒就可以了,我地燒得耐左少少,就多了點嚼口一口雪花牛粒-油脂分佈平均,燒到表面微焦,細細粒放入口,帶點嚼口而又有點鮮嫩既口感,不錯！M9霜降西冷-油脂令火熊熊燒起口感比較鬆化,有種軟綿綿的感覺,油分十足值得一讚,店員服務態度很好

呢到間舖頭，當然二話不說叫野食啦。但係未叫野食之前，佢已經上左前菜俾我地食，加埋個超級鐘意食嘅爐邊蛋。之後叫左個好大舊嘅五花腩肉，2個人食都算係好多。而且係燒嘅時候仲會有侍應黎幫我地睇下燒成點，甚至乎係幫我地燒。一向我都以為豬肉要黎燒嘅話，都會變得好韌，但呢個又唔會。之後仲叫左個特級雪花牛，貴啲都真係有質素，燒完之後，好大陣牛肉嘅味道，而且好'林'。除此之外，我仲叫左肩胛肉，呢個我都唔知係咩位，但係呢個食起上黎係比其他牛仲重牛味！不過所有牛都應該唔使燒太耐，一燒得耐就會變得韌了。

今日家中無人煮飯，老婆去威，我約人食下烤肉。去左Openrice 搵心水，約友人試下呢間都好，D人評語不算差。＿呢度D裝修係好韓味，但我無所謂，重點係食肉同海鮮。D牛肉好腍，有牛味，好食。牛肋骨又係推介，D骨烤透會有骨汁跟埋D肉一齊食，會好正，因為醃左會好入味，個人就建議不同點咩醬，熱辣辣於入口，食到原汁原味，正。韓燒一定要豬腩肉，因為油花重，烤到豬油出晒，同D肉焦焦地，食到你耳仔郁。重有係豬腸，用咩野浸過呢?好腍身，燒到好快熟都好腍，但係唔夠入味，點韓式辣醬會好惹味，腸夠肥真係特別＿味！友人佢居然埋首整爐邊蛋，加左D粟米、芝士、泡菜，我估唔好食，點知越焦越好味，D芝士溶晒咁加埋D蛋皮同埋D好辣泡菜，吃到好多粟米，口味過癮，唔錯。至於海鮮，魷魚係新鮮，但會越燒越似橡筋，有魷味，但好韌咁。帶子真係要Encore，燒烤最鮮最好味，虎蝦好大隻，雪藏野但烤完會無晒雪味，蝦有少少鮮，但肉好彈，好爽，而且啖啖蝦肉，好享受。 蝦食左好多，好值。呢間D肉同海鮮都唔錯，價錢合理啦。食左咁多焦肉，滿足，致肥？致癌？無有怕。

未講內容, 排no.one 都要等餐死, 比左个no.8 號, 仲系外面等緊, 未食已不太滿意, 一陣食完先再評, 但覺得比較服務麻麻, 見住三抬人入左去了, 排第一仲未有影......

幾個朋友仔又去左食大家都like既韓國野，今次去左朋友介紹既熨燒達人，食物同地方都唔錯，都好有韓風味道，抽氣方便又做得好好，唔算好焗都有味，最正係塊鐵板熨斗勁得意，又實用黎壓d食物，等佢再快熟d都平均咁熟，又有得玩又有得食！Order左set海鮮，都幾新鮮好食，食物亦都清得好乾淨企理，燒熟左既扇貝都仲好大隻啖啖肉，爽甜大蝦亦唔失禮，大大隻爽口彈牙得黎又鮮甜好味，點埋醬汁一齊食，更加滋味！ 帶子同魷魚都唔錯不過不失一樣咁好味！ 厚切五花腩，鍾意食肥豬肉野既我，覺得真係好好味，不過燒既過程時間就要耐d，店員都好好見到我地唔係幾知點處理好，都會主動幫我地燒，仲教我地用熨斗壓下會快熟平均d，包埋生菜一齊食即刻減少油膩感！ 💕石卵生牛肉，都幾好味嫁，牛肉半生熟撈埋雞蛋一齊，肉質更加嫩滑唔錯，加埋惹味醬汁一齊食，更加好味添呀！

好耐冇食過韓燒，即興就約左幾個friend去食熨烤達人到食，呢到真係好有韓國食燒肉feel，無論裝修同食物都吸引我!我地叫左好正既牛肉眼，大大塊肉質嫩滑得黎又多肉汁，食落一d都唔會覺得乾身，牛味亦好重! 黎到食韓燒點少得魷魚，好新鮮爽口彈口，點埋醬汁一齊更加惹味! 平時唔like食牛舌既我，朋友叫到即管試下牛舌淋淋地口感亦唔錯! 大腸處理得好乾淨，食落一d都唔會令人抗拒! 牛肋骨肥瘦比例岩岩好，一碟份量都ok，食落一d都唔韌，好易咬開好味道! 仲有大蝦新甜彈牙亦唔錯! 食到尾聲食埋爐d蛋，都幾滑幾好食! 除左燒肉好食之外，呢到d紫菜飯卷都一樣咁好食，甜甜辣辣真係唔錯!基評分: **味道(基基基基)**外貌*(基基基基)*抵食(基基基基)**服務(基基基基)**最後基言:熨烤有特色，朋友都讚有創意，唯獨等得久，少下煮廚會變魔

那天星期五晚，又來到呢間食韓式燒烤，約埋成班Friend 一齊食，真係好開心！呢間D肉同海鮮都OK新鮮，唔會太多雪味咁，今次來到，無上次咁擠迫，因為上次D位好密下，坐得無咁舒服。點了Cider special 士多啤梨味，唔係好甜炸，淡香士多啤梨味，酸甜清淡，食燒烤好Match。肉盤到來，五花腩最正，腍肥香軟，油份夠足，豬肋條有咬口，油份較輕但醃得夠入味，無雪味，無豬酥味，豬肉燒烤必點！西冷也不錯，建議烤到五成熟，食時點D韓式辣椒醬，惹味得來，好有牛味，同埋吃到牛味和腍軟軟化口感，雪花牛也是推介，夠薄，夠油香，又係吾好烤到熟，點D醬油，好味道到飛天啊！姐味們話吃肉時夾下D泡菜或青瓜，會無咁膩，重好味咁話。至於海鮮，唔係今次重點，OK啦，帶子唔差，鮮味OK，反而虎蝦好大隻啊，好鮮好厚肉，另外魷魚就鮮，不過有點韌啦。另外呢個爐邊蛋，都係今次重點，上次我地整到燶鬼晒，今次再來過，加左好多芝士，另外蛋漿和票米，今次有睇住來烤，烤到恰到好處，好香好多芝士味，有D甜甜地粟米，好似食班Cake 咁，成班大叫好味！今次要讚下服務員，醒目到同我地同熨斗烤到D肉表面帶焦，鎖到D肉汁，令吃肉成為今次頭盤主角

放左工，跟友人都愛吃烤肉，特別專程來此品嚐新式韓式燒烤，看過飲食節目，知道這間店以熨板燒烤馳名，一試無妨。進內，已被那個Cute 爆熨斗公仔吸引！感覺似走進山洞，黑色圓椅子、圓枱、石屎牆，還播著K-pop Music，十足在韓國的烤肉店設計，可是座位有點迫。我們坐下，先上些前菜和醬料，有泡菜、粟、蘿蔔、薯塊、脆肉瓜、矮瓜，還有醬汁和韓國辣椒醬。我們絶對食是肉獸！點了數次磚頭五花腩(店員提議先烤五腩肉)因為這些磚頭五花腩要烤得比較耐，店員幫忙來烤，他表示使用鐵板熨斗來熨肉，夠鎖住厚身肉塊的肉汁，令面表受熱均勻，肉表面稍焦，更香口、更Juicy，烤好後，急不及待要吃，蘸上辣醬和醬油，熱熨熨的滋味，可謂吃烤肉的昇華版！另外烤了肉眼，也是香口好吃，夠肉汁。泡沬咖啡炸雞，非常特別的美食，芝士底下面有紫薯蓉，還有盤子盛了泡沬咖啡，吃時是用爐熱著的，我把炸雞蘸上紫薯蓉和泡沬咖啡同吃，炸雞不錯外表香脆，雞肉入味又嫩滑，加上紫薯的微甜，平衡了雞的肥膩和咸味，加了少少泡沬咖啡，有少少咖啡味道，這種炸雞味道好特別，總之好食。另一最愛是飛魚籽沙律，最愛是它的沙律醬，混了魚籽，味道酸甜得宜，混著青瓜絲和卜卜脆蟹

家人好愛韓國燒烤，試過好多間韓燒，今次就搵一間有特式點既黎試下。店內既裝修好特別，座位係印有iron man既cute版公仔樣，連用黎壓住食物既鐵板都係有ironman既樣。夠晒有啄頭。點內油煙不多，抽風系統做得不錯。座位與座位都有一定距離，唔會逼住晒甘。之後點了：Cider special士多啤梨味：$43見好多人都有點，就點埋一份，好大杯，2個人都夠飲，士多啤梨味唔太重，但勝在夠解渴。前菜可以任fill，但蛋就唔可以，如再refill就要加錢。厚切五花肉：$105好大舊既五花肉，可能比較難燒，店員會閒唔時走過黎幫手燒，肉味幾濃，又夠咬口。夾生菜食一流。極上牛舌條（4條）：$100勁厚勁大條，肉質既紋理清晰可見，燒完唔會鞋同un。不錯。肩胛肉：$120擺設成花形上碟，好靚。肉質好嫩，好淋。正。

朋友仔勁鐘意食燒肉... 係韓式燒肉，所以我們去吃韓燒，一定會叫她介紹。 今次來到熨烤達人 ... 成個熨斗logo ~~3個人，叫一個 set餐再加小吃，應該ok吧 !! 看了好久，決定點 <<超級熨斗烤壓 HKD580>>套餐等待之時，我們點了個薄餅做小吃這個是 江南UFO (HKD68)小小一個，每人2片，餅底很熱，又軟又香，中間夾雜芝士，'粟米及豬肉，小小甜非常滋味又不會覺得乾，用來填填肚子剛剛好！ 吃過薄餅，燒肉開始一盤盤送上來來看看套餐包括了什麼 .....先來點餐前小菜，可以refill的，多樣化之後來了個熨斗 ~ 呵呵呵!!  後來才知道，原來熨斗是用來壓著那些肉的待整返肉受熱均勻厚切五花肉片 - 肥瘦得宜，咬上去軟硬交替，有點點脆口感調味豬皮 - 聽說韓國人都很喜歡燒豬皮，我實再不太懂欣賞不過口感是煙煙軔軔，一想到是在把膠原吃下肚就覺得，味道還好啦!!用生菜包著來吃，清新感提昇100%！ 生菜是可以添加的吃過豬再來燒牛肉，由鐵板燒變成網燒囉先來 A5肉眼牛扒，厚厚的一塊用熨斗來幫忙壓一壓 店員見到我們雞手鴨腳，來幫忙燒了一陣子，非常Ni