熨烤達人 (已結業)

今日想食韓燒，就嚟咗旺角既熨烤達人，因為我哋好早嚟到所以冇乜人，可以任揀坐邊。我地首先叫左個調味五花肉，可以用佢個熨斗黎壓住肉片燒幾得意，調味唔錯唔會好辣，可惜既係肉質比較un 大家唔好兩邊燒太耐就ok食燒肉又點可以無牛肉呢 呢度既肩胛肉瘦得黎唔乾 有好濃既燒牛肉香味 而且比較易燒 唔會lone ! 可以點甜酸醬夾埋生菜食 感覺會清新d之後兩樣都係我最愛 雞中翼同爐邊蛋 雞中翼因爲一分為二左 唔需要擔心好像平時煎雞翼好難熟既情況啦 而且醃得入味 爐邊蛋有好多配菜 有粟米 芝士（可拉絲！）同埋泡菜 泡菜好得意 味道唔辣反而像羅宋湯入面既椰菜 好後悔怕辣所以加得唔多呀 大家可以重手少少都唔怕

旺角果然係美食天堂，除左傳統既各國佳餚，咩最新最潮既食物都有。熨烤達人—睇到個名會諗到咩？個熨字好有可能唔會聯想到食物，但驚喜就係呢度，食物真係可以用熨斗熨架！一入餐廳，粗豪既石屎牆令你仿如置身山洞，長木枱上有圓筒形抽油煙機，近距離對正烤爐，所以店內只有輕微油煙味。黑圓椅可打開將手袋放入內，設計貼心。前菜以泡菜最有水準，酸辣適中，夠爽夠多汁，味道夠地道。前菜可以免費追加。飲品點左真露同罐裝韓國梨汁。登登登登...主角黎啦，磚頭五花腩，將五花腩放係烤爐同一斤重既鐵板（傳說中既熨斗）之間，上下夾攻狠狠地鎖住肉汁，保持肉質嫩滑。由於製作需時，店員會埋枱幫忙。烤成後表面金黃焦脆，內裡竟然完全唔鞋，非常juicy ，配埋辣汁豉油，簡直係燒烤最高境界。厚切五花腩片，肥瘦均勻，肉味香濃，燒熟後肥油會焦焦脆脆，又另一番風味。Cider Special士多啤梨味，見隔離枱有杯咁得意既特飲，跟風叫黎試試，份量十足，有2人份，而且唔會太甜，入口好解渴。大園手攪飯，自己將配料撈埋一齊，味道唔錯，都幾開胃。另外朋友話紫菜卷都好好味。餐廳環境味道都令你有置身韓國既感覺，店員有耐性又有禮，最緊要個熨斗夠新潮，愛韓燒

位於旺角洗衣街的熨烤達人，交通方便，環境舒適，抽氣良好小油煙，服務細心，每款食物都會教導如何燒，有時候還會協助客人燒！雞扒很大塊，啖啖肉！雞腎簡單曬上黑胡椒調味，爽口！究竟這鐵板熨斗有什麼作用呢，店員回答“鐵板熨斗是一個韓國的古法，為了令肉質保持鮮嫩，鎖住肉汁，把具重量的鐵板壓到肉上，讓烤出來的肉更多汁美味。以力學的原理，肉塊放在烤爐總有些部位會彈起，無法平放的，而這熨斗則用重量把肉類壓著，讓肉塊能平均受熱，燒得更均勻。燒至兩面微燶，食起來更脆口野味！紅紅烈火熱溶了牛油，牛油包著大大粒扇貝肉，一個字“正！爐邊的加料蛋漿熟後，一啖一次過嘗到芝士,栗米,蛋，完美的配搭！

燒肉用熨斗？未聽過，所以朋友相約立即應允。今日便來看看如何用熨斗燒出美味韓燒。 走進餐廳，裝潢十分特別，好像走進了韓國工廠餐廳，屋頂的管道與每台上方抽氣管道相互呼應，很協調也不突兀，反而覺得更特別了。 一坐下就有種類豐富的前菜供應，很欣喜。桌面擺放整齊，打掃的很乾淨。 兩人擔心吃不完，放棄了二人套餐。單叫了各種肉類，侍應全程幫忙燒，服務十分用心。 牛俐：肉質勁道，燒完後有自然的香味，一咬就斷，冇肉筋，唔塞牙。雪花肥牛：肥瘦相間，分佈均勻，肉質鮮嫩，沾上醬汁讓人停不下來。 豬頸肉：豬頸肉已醃好，燒完脆脆地，同牛肉滋味唔同，也很不錯。熨斗燒肉，能把肉壓的很實，讓醬汁滲透，更入味，也避免燒肉時油飛濺出來。另叫了胡椒雞亦，很入味，皮很脆。兩人消費$580，飽到食唔落，很抵食。

韓燒平時就食得多，但用「熨斗」燒真係第一次！呢間餐廳就係好特別咁用熨斗形既鐵板燒烤，研究左個爐咁耐，就要嗌下野食！燒烤方面嗌左豬頸肉、牛肉拼盤仲有五花腩。我覺得份量都算幾多，雖然價錢唔係特別平。每燒一種既肉類既時候，店員就會教下點燒先最好味！人少啲時候仲會幫手燒埋，好helpful! 因為其實望住舊五花腩，我地真係唔知點入手😂😂最鐘意韓燒就係自己可以控制生熟度，好似牛柳粒牛肩肉咁，自己燒就最滿足！調味亦都可以自己控制！除左燒烤，仲有嗌個叫「一公升眼淚」既煙三文魚小食，之所以叫一公升眼淚，係因為佢有個wasabi 汁俾你自己落。唔小心落得多就會一公升眼淚喇哈哈。最後仲嗌左個紫薯芝士排骨！！食呢個要換一個爐，之後就慢慢等芝士溶就食得！紫薯同芝士mix埋既味道好特別，好惹味，不過食得多會有少少滯，所以多啲朋友一齊食會好啲！仲可以嗌韓式燒酒！！好滿足！

熨烤達人所有分店：元朗,旺角,鑽石山，都嘗過了，每間分店食物都有點不同，各有特式，裝橫富韓國元素，以及澎湃的韓國流行曲，氣氛一流！！招牌熨斗，令人難忘，除了外型有趣它亦十分實用，壓著食物燒熱力更平均！！前菜每間每日都不同，今次有大豆芽，矮瓜，醃蘿蔔，伴燒肉包菜食一流！！蛋漿加入芝士及栗米後，邪惡萬分！！餐牌大熱推介：來自韓國濟州的黑毛豬豬柳部位，入口滑嫩！！韓式壽司卷，青瓜,玉子,蟹柳,蟹籽等，口感層次豐富！！激讚的梅子雞翼，甜甜的，有點像蜜糖雞翼，這是熟食不用燒，但照樣將它們烤一會兒，更熱更野味！！

八點半入座只有四枱客，叫了個餐（如圖），有職員代燒，就算用熨斗‘責’ 住黎燒舊 “icon 五花肉”，可惜並冇肉汁（好乾冇肉味），M9 霜降西冷又係冇乜牛味。生菜都算新鮮，調味汁唔係太得。總結：試過一次便夠！

琴日約左朋友出旺角行街，朋友話想食韓燒，我就提議左去食熨烤達人！好開心啊！我想食好耐咖喇！！好采最後餐廳都冇令大家失望😆餐廳裝修得好靚，地方闊落，仲播住K-POP MV，好似去左韓國一樣😍！！配菜有三款配菜，有芽菜、蓮藕同埋酸蘿蔔，全部都好好食😝！！蘿蔔酸酸甜甜特別開胃，芽菜有少少辣，重點係配菜可以refill！！另外烤爐旁邊有個位可以烤蛋，可以加泡菜、粟米同芝士，佢地啲泡菜唔算辣但好入味，而且唔似出面個Ｄ咁大大塊😋個烤蛋都好好味，尤其是加左牛油粟米個款，開頭見佢烤咁耐仲驚佢會老，點知食落口好香蛋味同牛油味，好滑，粟米又好甜。小食一公升眼淚（個名好吸引😂）係煙三文魚配沙律菜，另外有枝wasabi油俾我地滴落去，我驚好辣，所以滴左一滴，但一滴都已經食到有陣陣wasabi味😙江南UFO薄餅呢個一定要襯熱食！熱辣辣既薄餅夾住江南風味肉碎，岩哂係啲燒肉未熟之前頂下肚👍🏻海鮮帶子好新鮮，放左牛油係面一齊燒，而且燒既時間岩岩好，好juicy👍🏻👍🏻生蠔好大隻，侍應姐姐仲幫我地續隻開殼，辛苦哂！八爪魚都係燒得岩岩好，如果平時我地自己燒實會燒到老哂又難咬，好采有侍應姐姐幫我地燒，先食到軟綿綿既八爪魚，

今日去完旺角行街，見夜夜地就同朋友係旺角火車站附近搵啲嘢食，最後我哋見到街頭有個廣告牌，係食韓式燒肉嘅，覺得好得意，因為間餐廳個logo係熨斗黎😂入到餐廳員工都好有禮貌招呼同介紹食物，基本嘅韓式配菜都有嘅，泡菜、豆芽等等，餐廳裝修都唔錯架，幾特別，香港好少有餐廳會咁樣裝修，睇返個餐牌，其實都有幾多選擇嘅！咁我哋就叫左： 厚切五花腩，肉質唔錯，初初以為咁厚會好難咬，點知食落口又爽又柔軟熟，加上佢用個熨斗壓落塊五花腩到，令到厚厚嘅肉都好快熟調味豬皮，識食韓燒梗係要食燒豬皮啦，豬皮同香港嗰啲真係好大分別，香港嗰啲係爽口嘅，而韓式果d係有啲好似年糕feel ，食落口感覺唔同調味豬頸肉，調味料令到豬頸肉好入味，豬頸肉亦都好爽口北海道帆立貝，帆立貝好大隻，加上有牛油，味道更香濟州生蠔，生蠔好新鮮，一啲都唔腥，食落口都好有蠔味八爪魚，份量都幾多下，仲要好大隻有兩隻咁多，燒完嗰啲魷魚鬚亦都好爽口，配埋個醬汁簡直一流另外我哋仲叫多咗兩杯飲品，smoothie cider，係韓國七喜再加士多啤梨沙冰，味道唔錯，影相一流韓燒來講，間餐廳食物算多選擇，裝修同環境都唔錯，值得一讚嘅係個個員工都好細心咁幫我地燒食

又係時候一班姊妹聚聚，特別上網搵過資料，我哋就比呢到用古法韓式熨斗烤肉吸引！決定一定要來試試我哋一嚟到餐廳門口， 就已經覺得依度嘅裝修、設計好吸晴好有韓式嘅風格， 主打熨烤圖案亦好風趣！入到去店員就好熱情咁招呼我哋，隨即梗係即刻睇餐牌啦！不得不提嘅係，呢度嘅韓式小食，真係好好食，泡菜甜甜辣辣，停吾到口！不停要加加加！我哋點左兩款小食先一公升的眼淚（煙三文魚沙律）-配有wasabi汁，特別又好味！芝士雞肉飛碟-親熱食超香脆厚切五花腩、調味豬皮-終於見證熨斗烤厚厚五花腩😍肉汁被鎖住，豬皮烤完後另一種口感，必食！驚喜！北海道帆立貝、原隻章魚-邊燒睇住牛油融合帆立貝，章魚仔配有特別醬汁，愛食海鮮嘅人必試原隻連殻燒生蠔-係我因為愛食海鮮嘅朋友點既，我地食完到覺得好鮮甜，所以到係推介！七喜荔枝飲品-吾洗講睇外觀到知掂！有得睇又大杯又好飲！總括嚟講，係我食過最滿意嘅一間韓式烤肉餐廳！地方亦舒服！

畢業後，大家各有各忙，今日終於夾到時間約埋一班姊妹去食大家至愛的韓燒，餐廳地點好方便，旺角東站落天橋幾分鐘就到我地大約9:45到，有85折優惠餐牌選擇多，沙律，燒肉，燒海鮮，熟食樣樣有至愛既邊爐蛋餐廳會提供芝士，泡菜和粟米比你自行加落蛋到，好正好好味一公升眼淚，個名很特別其實係wasabi加三文魚仲有沙律菜，上面兩枝透明既管係wasabi，可以自己吱落去很特別。豬肉類- 最上方係厚切五花肉，左邊係調味豬皮，煙煙韌韌，右邊係調味豬頸肉，賣相一流，好美燒至金黃色，外脆而肉質爽口熨燒中既厚切五花肉必食之選肉質嫩滑，油脂豐富，好好味濟州生蠔，大大隻連殼燒生蠔，蠔味濃帶子，味道鮮甜，沒有沙加上牛油，味道一流士多啤梨沙冰，成枝七喜插落去沒有藥水味，大大杯，好抵總括而言，食物種類多又特別，高質素，服務員態度很好，全程也主動燒肉，好貼心，價錢不高，每人二百蚊到，下次再食

經過旺角，比餐廳門口大大嘅一個熨斗banner吸引，於是決定試一試呢個咁新奇嘅燒肉餐廳 爐嘅側邊有一啲為放咗蛋汁，仲可以加入芝士粟米泡菜等等嘅材料，去到最後會變成一個egg custard我哋先叫做一個煙三文魚，佢叫做1公升眼淚，因為可以加入wasabi，落得多真係喊出來，個名真係好有趣燒肉方面，我哋叫咗一個set menu，肉類都算幾豐富，有齊五花腩，雪花牛肉粒，調味豬皮，西冷我最鍾意嘅係雪花牛肉粒，入口即溶另外，佢嘅芝士焗菇都非常之好食，去到最後我哋仲叫多一碟我哋仲試咗佢嘅特別菜式，芝士排骨。除咗知識之外，佢仲加入左紫薯，非常有趣嘅組合，好好食店舖嘅店員都非常之好，有時會幫我地笑，處理一啲比較難燒嘅肉，有佢哋專業嘅技巧，食物當然更加好食。飲品方面，我哋就試咗佢嘅米酒，同燒肉十分之夾，值得一試。

今日同友人去咗旺角一間食韓燒的餐廳，平日人流不太多，大約8點幾去到都唔洗等枱。我地叫咗幾款食物，先燒豬皮, 豬皮質感特別，必食！燒個D大大塊的豬肉牛肉的時候，服務員會提點我地大約的燒烤時間，又會幫我地剪到細細份方便食！ 佢地都會主動幫我地換爐，讚！除咗燒肉，我地都叫咗胡椒雞翼！好香脆！！另一個gimmick－ 一公升眼淚！其實係三文魚沙律，但點解會叫做一公升眼淚….? 唔好睇小個兩小枝膠管… 食韓國野又點少得飲韓國米酒！Cheers！

今晚同fd行左好耐moko都無麼收穫，就覺得食翻餐好噶補償下。印象中平時搭巴士果陣見過附近有間韓燒，就去試下。一坐低，朋友發板要左個超級熨斗烤壓，即係有M5肉眼扒，調味豬皮，雪花牛，牛肋骨同厚切五花肉。配菜好快就到，呢個豆芽好好味，酸蘿蔔都係。呢間噶韓燒都係有爐邊蛋食，但呢個比較特別，配料係自己加噶，有泡菜，芝士同粟米。我地三樣都加曬落去d蛋漿度。我地叫噶超級熨斗烤壓到啦。睇落份量都ok，全部肉類都好飽肚噶。一開波店員幫我地燒五花肉先，放左五花肉上鐵板後，再用個熨斗鐵板壓上去，令受熱更均勻。不過店員唔係成日留意住，所以最後個五花肉燒到有d乾。呢個雪花牛好好味，油花多，而且d肉都幾嫩。牛肋骨略嫌筋比較多，不過牛味都幾重，而且脂肪都ok多，店員燒得火候剛剛好，所以食落都唔錯。M5肉眼扒係最後先燒，店員燒之前會問我地中意幾成熟，我地要5成。今次店員明顯留心好多，一燒到差唔多5成就立刻剪開，排開兩邊等我地食。肉眼扒5成熟剛剛好。始終肉眼噶油份比較多，所以d肉唔鞋，又ok嫩同“冧”，好正。總結呢餐都算唔錯，我同朋友都幾滿意，已經淰住下次再離食下個濟州黑毛豬。

朋友生日想食e間烤肉店，打電話去時full booking，職員話可以試下walk in，十分幸運有位我地五個大人一個小朋友，點左一個烤肉套餐$480，要加多個烤牛舌，江南ufo，芝士雞，大團手搞飯，爐邊旦(可以加泡菜，芝士，栗米，同一個好似辣椒醬)，重有好多前菜，有泡菜，大豆芽，茄子，酸蘿蔔片，同蓮藕片。再加一人一杯飲品一坐低佢地送上胡椒湯，湯太咸了胡椒味重。前菜可以refill，可惜爐邊旦無得任食※熨斗烤肉$480，主要有大大磚頭的五花肉，豬皮同牛肉粒同牛肩肉同西冷，烤五花腩需要烤3至4個字，服務員可以幫你烤，五花腩烤得非常到家，卜卜脆，而且全熟，如果自己燒，肯定沒有這個耐性。豬皮烤完軟腍腍，好有骨膠原。烤完豬肉，佢地會換另一個綱是烤牛肉全程都是服務員幫我地代烤※烤牛舌$100得4條厚切，建議大家唔好點真心覺得超貴，烤完之後有點um...※大團手搞飯，底有飯，有吞拿魚，蟹籽，青瓜c，旦c，同一粒粒脆卜卜類似粒通的物體，加埋沙律醬，附上隻手套比你用手撈埋一齊，再放係雪糕筒裡面，有多的飯可以伴著紫菜一齊食，唔錯唔錯，姐係沙律撈飯※江南UFO，中間夾著芝士，再加上一些肉醬有點微辣，一定要