熨烤達人 (已結業)

星期日同太太去太子行街，行過一間外貌特別的韓烤店，俾佢外面用了工程用的閘板吸引，決定入去試下。內部裝修採用工業風，係台面放左熨板，唔通一陣用黎熨衫.點左個熨斗烤壓套餐，吓，個熨斗真係有用.個餐有5款肉，第一肉係磚頭五花腩，又真係成舊肉wo. 店員二話不說就主動幫手烤，仲用個熨斗壓住，原來個熨斗係咁用壓住烤又真係烤得貼啲，成個面都烤得金黄色， 之後就剪開再烤熟，食落又真係特別啲。第2款係豬皮，燒好食落粘粘地，都幾香。第3款牛肩肉，薄薄的，燒一陣就得，油香嫩軟，不過肉味稍薄。第4款係一口雪花牛，有入口即溶feel最後係霜降西冷，有和牛feel, 油脂分佈均勻，燒一燒就食得。Good. 今次韓烤比平時的多了一點點特色，就係多了一樣工具，熨斗，好玩又好味