熨烤達人 (已結業)

最近突然好想食韓燒,可能係因為太耐冇食掛,次次食親都係最多分店果2間,今次試下呢間新開分店既熨烤達人。見到個熨斗覺得好新奇有趣,原來係用黎燒肉果時放係舊肉上面壓住佢,但係我地冇叫到豬肉,就冇用武之地!早知叫D豬肉啦!見人地隔離台用佢黎燒五花腩燒到著晒火,好似好好玩咁haha講返食左D咩,有呢個牛肩胛肉,肩胛肉唔會太肥,有返D牛味,不過如果唔小心燒耐左就會好韌。另一份牛係已經燒好左既,係韓牛!即刻食到同牛肩胛個分別,肉肥好多,個鮮味都突出D!不過話就話半生熟,但都好生,好似得2-3成熟咁,所以我都係再燒燒佢。仲有呢個鰻魚飯,好似食韓燒既時候食鰻魚飯有D 9唔搭8,但貪佢夠飽肚啊麻!淨係食肉好難食得飽。鰻魚超大條!不過唔夠汁,所以個魚味好重好明顯,魚同飯中間夾住半熟蛋,好似人地D日式蛋包飯咁,都做得唔錯既,但都係食返韓燒會同個環境襯D既。

通常食燒肉都食開日式嘅。經過見，唔使排隊(大概8點半左右)就試咗呢間。開頭入去 見到啲熨斗 心諗都幾有gimmick，雖然知道呢間都已經唔算新店。因為第一次食我哋就叫咗Set, 確實價錢唔記得 餐牌寫500幾，再叫多少少嘢。拌菜：泡菜呀~牙菜呀~嗰啲 就可以任添送咗一壺 唔記得係黑椒湯定胡椒湯 咁嘢，我地只覺得勁似味精湯，原全無 辣味。最失望嘅就係 牛扒應該未解凍好 就攞出嚟，因為佢地員工一手包辦燒嘅肉 我哋仲食到有啲冰嘅味，如果唔係一定好好味 真搞到我地 超級美中不足。眼見三個員工， 一個乜都唔識答 叫拎嘢 又當無件事，一個冇嚟手尾放啲肉上火 乜都冇交代就走 (如果正係放去 我地都識 你埋搞啦 唔該)，好彩仲有個專業少少 會講聲燒幾耐要反呀~點樣燒會好啲呀～又怕豬骨附近仲有血 細心幫我哋剪開，等等。值得讚嘅就係員工會幫幫手或留意下你燒嘅嘢(可能大多數都係厚切 先會咁)。日式燒肉就少啲咁嘅員工， 好多都薄切 燒一陣就食得嘛。

同姑姐食飯有度好，就係可以食好嘢，因為……我地慣左有大食大嘛所以今晚決定同佢嚟個韓燒夜，去我地都食咗幾次嘅熨烤達人做吓達人先~去到發覺裝修好似同之前唔同咗，比以前闊落咗，無以前咁迫，另外連爐都唔同咗，以前係有爐邊蛋，我亦都好欣賞佢個爐邊蛋……依家無得食……當然Menu都重係用緊木板調味五花腩 - 因為姑姐唔食雞，所以我只可以揀牛、豬，所以五花腩會係我首選，今次我地都有用熨斗嚟整，所以都熟得幾靚，不過五花腩有啲韌五餐肉 - 唔知點解我突然好想食五餐肉，姑姐一向都唔介意我地細嘅食埋呢啲唔抵嘅食物，最緊要你想食，韓式五餐肉真係比香港五餐肉好味，因為肉質比較實，無咁鬆散調味牛肋骨 - 呢個牛肋骨可以話係今晚主菜，醃味啱啱好，燒得過熟又唔會韌，真係好好味，雖然貴咗少少，但係每次食韓燒真係無得唔食大醬湯 - 呢個大醬湯就麻麻地，薯仔唔淋，硬到咬唔開，問店員，佢地重話係咁，正常……薯仔咬唔開、有好重草青味，好明顯係未熟囉，問佢其實係唔係要放上爐度煲，佢話唔係……最後我同姑姐都唔敢再飲~~

用燙斗黎做噱頭都幾吸引，我比個燙斗公仔吸引左黎潮聖，今日假期都幾多人好彩佢唔只得個樣，食物質素都唔錯! 燙斗烤壓SET，係開始之前開然要整爐邊蛋先侍應將蛋漿注入爐邊，我地再自行加入粟米同埋芝士，要過一陣蛋漿先會熟透因為加入左芝士，所以雞蛋質感變得軟軟滑滑，有芝士香又有蛋味，粟米為佢加入粒粒口感重點黎啦!有厚五花腩、豬皮、牛五花肉、M9西冷大大塊厚厚既五花肉，見到佢既肥瘦間紋，將佢放上鐵板煎，沙沙聲響，可以見到油脂慢慢滲出，好香油脂香、好滋味豬皮都不得不推薦，好有質感，彈牙得黎又有D煙UN 豆腐泡菜鍋，泡菜味都幾出，辣辣地幾開胃豆腐配上一匙湯入口，又滑又有點微嗆唔差食物質素好，價錢當然都貴D可以等多一個月後儲好錢再黎食😂

由於韓風盛行，香港都越開越多不同特色的燒烤店。而今次我就同朋友朋黎到旺角的一間韓燒店。  有別於其他韓燒店，呢到有具有自己特色的"熨斗",而且仲有可愛的"囧"樣 。  用熨斗壓住肉來烤，令肉受熱得更平均，更快熟。  生菜，小菜 同 醬料都任係免費任refill 燒烤爐外圍一圈先倒上蛋漿，然後自己可以按個人喜好加上粟米粒，芝士粒，泡菜等等... 熟左後的蛋漿原來都幾滑，而且有淡淡芝士味 超級熨斗烤壓 ($580)套餐包括有M5牛肉眼扒，牛肋骨，特級雪花牛， 厚切五花肉片，豬皮。  肉眼扒燒至半成熟，肉質嫩而食落冇渣。不需任何調味，都已經覺得夠味道。 而牛肋骨的肉質較有咬口  雪花肥牛細細块咁，脂肪分佈平均，肉質軟腍。  五花腩未燒前都幾嚇人，感覺好似好多肥肉，太油膩。但燒熟剪碎後卻非常香脆，唔會有肥膩的感覺。  連同醬料&配菜一齊整生菜包食，既清爽又較健康。  第一次食燒豬皮，雖則冇咩特別味道，但口感煙煙軔軔幾得意。 原隻八爪魚 ($138)新鮮超大隻八爪魚，講真都幾詭異^^"。  原隻八爪直接上爐燒至半熟後再剪碎。肉質彈牙有口感，味道都幾鮮。  胡椒雞

出去花園街行街 街 當然試下去 隔離街嗰間熨烤達人 捧下場啦 最鍾意 時間早就唔需要等位 ，食得又舒服又唔使同人逼， 餐廳嘅裝修好似係鐵皮屋裏面，又感覺好似喺呢個超時空隧道， 食緊嘢咁，感覺都幾輕鬆。 初頭都冇為意咩叫做熨烤達人，原來意思係你食嘅時候會有個熨斗再放上烤肉上面壓住啲肉令到兩面均勻咁樣熟透 。 呢個構思都相當唔錯， 有陣時烤魷魚呀或者其他嘢都唔會匿埋一舊。👍 食韓燒之前禮拜一定要點食番一輪前菜啦。 其實呢啲前菜除咗畀你餐前小食之外， 韓燒期間會加蛋係 旁邊 一齊燒 ，喺煎蛋嘅過程，再加喺裏面做奄列㗎。 點左個二人拼盤 分享都 相當 豐富， 有一件大西冷扒，牛小排 ，五花腩肉 ，牛肉，豬皮 同 少量 雜菜… 睇見各款肉類肥瘦均勻望到都已經流曬口水喇。 呢啲食物都係韓燒缺一不可， 對於食肉獸嘅我 就相當啱曬我胃口啦 我第一次去韓燒唔知道程序嘅朋友絕對可以放心，店員會細心喺旁邊為你講解或者客人唔多嘅時候 ，仲會幫你燒埋添。 初頭我哋唔知頭唔知路都唔知原來呢個熨斗係咁樣放架，而且 店員落蛋漿嘅時候都會提示大家前菜可以加埋落去㗎。 燒五花腩 係一整件燒

又約左朋友韓燒，上次去元朗的熨烤達人，今次就去旺角呢間食食物質素高，價錢都合理，所以我再回頭食番佢。旺角呢間同樣以舊式鐵工場為主既裝修，坐落都一樣幾舒服，唔洗就住就住坐！我地叫左厚切牛舌，好淋好juice口感非常好牛扒肉質好嫩滑，食落一d都唔韌，好香牛味肥瘦比例又相當均勻雞扒肉質結實嫩滑，一d都唔似雪藏雞，仲好有雞既味道啖啖肉扇貝新鮮大隻，味道好鮮甜，烤過之後都仍然多汁好味，食物配埋少少醬汁更加好味！ 爐邊既蛋烤完食物，岩岩好又可以’筆’出黎食，侍應控制d時間真係岩岩好！我地仲叫左個部隊火煱，配料十足，餐肉，金菇，豬肉，甘筍，公仔麵……樣樣有！差D忘記值得一提，我一坐底就有既凍既韓式開胃小食，泡菜味道非常好，仲有芽菜，青瓜，茄子都非常好食！

味道唔錯～7個人食左1900幾人多選擇會多d! 但舊鐵就真係無乜好玩！但服務就一流，會介紹你食乜，幫你燒埋，仲講得笑Tim!而且坐得都舒服既，唔會好迫狹！人少都唔怕，因為佢d餐都係for 2人既！但就無咩特別好食！

今天我們吃的韓國燒烤真的非常讓我欣喜。店面的裝飾模仿廢舊工廠管道，令人耳目一新。這家熨烤達人就是以韓式古老烤法為賣點，所有食材基本上都是由店員親自上陣幫忙烤熟，烤法如其名，店員會先將食材剪開，然後用熨鬥燙烤，很有特色。熨斗壓在食物上，即能快熟，也把油脂逼出來。第一次見到非常好奇。這家所有的食材都十分新鮮，無論是海鮮還是牛肋骨都鮮嫩可口，令人回味無窮。再配上胡椒雞翼，特色炸雞，部隊鍋，和免費提供的泡菜，韓式小菜，感覺是極好的。最後想要推薦這邊的Special Cider，一個裝Cider的玻璃瓶倒扣在大大的果味冰沙中，很奇特很震撼，而且口感極佳，值得你來體驗。

這晚和美女晚餐當然要食餐好。經過街口見有這店的宣佈海報，又見幾特別就一齊挑戰下。一開始的前菜都幾好味, 尤其蓮藕，好甜雪糕筒拌飯，好味又好玩，先戴上手套把飯攪勻，再搓成如雪糕球般放在上吃，我們都玩得好開心。「雪糕球」飯粒粒粒分明，加上沙律醬好好味。當然不少得試下這裡的熨烤。我們叫了個五花腩肉。店員就服務週到地幫我們用個熨斗造型的鐵來烤，之後還幫我們切開。厚厚的五花腩肉，放在爐上後便用這個鐵放在上面壓實肉，據說有助減少肉質的流失。掛住欣賞過程和傾計，忘記拍攝過程了。燒好的五花腩肉燒得焦香又充滿肉汁，口感一流又惹味，食得好滿足。

第一次寫食評，可惜唔係好回憶。尋日同阿仔一早預左去洗衣街食韓燒，諗住打完波已經9點，可以食宵夜時段，點知媽媽話想試下呢間用熨斗嘅燒烤店。心諗都係嗰D嘢，冇所謂啦，點知就係失望嘅開始……一坐低侍應就講明套餐係冇折，散叫的話全枱讚好打卡就有85折。我即刻已經計到兩者分別不大，心諗咁樣好似有D取巧囉，不過既然坐低左就算啦。我叫左個厚切五花腩，M5牛，紫菜卷，魷魚鬚。個侍應一拎件五花腩就放上去燒，之後就行左去，後來有位應該較好經驗嘅侍應過黎幫我地燒。問題就係呢度，我去過咁多韓燒店(包括韓國)，通常店員會先燒牛，因為牛係主菜，而且快熟，可以讓客人先品嚐(如有海鮮另計)。可憐就係我地幾個好肚餓咁望住舊肥豬肉，聞住肉香等足差不多半個鐘，其間我忍唔住問個侍應，點解你地唔係應該先燒牛嘅咩？佢當時個表情只係好無奈咁笑一笑。算了，等到已經冇乜心情食，就請侍應幫忙燒埋件牛。我承認我要負最大的責任，因為太太已提醒我搵另一個侍應燒件牛，可惜當時佢企正係我張枱旁邊，為左唔想令佢難堪，就麻煩佢燒件牛了。佢行埋黎求其清一清個板(板面仲有d豬肉碎)，就放件牛上去，然後再用熨斗壓住，之後就行開了，幾分鐘後返黎幫我反件牛，再

熨斗達人好似新開業左都有一段日子啦住係旺角既我竟然仲未試過!今日得閒，就呼朋喚伴一齊去試下熨斗烤壓套餐套餐已經包左多款肉類叫左個餐，就唔驚有咩走寶拉有牛肉眼、牛肋骨、雪花牛、厚五花腩肉同豬皮就咁睇好似每樣既脂肪分佈都唔錯顏色幾新鮮見人人都講五花腩當然要試左先拉因為佢幾係幾厚店員話要用熨斗壓3分鐘，變成金黃色之後再剪開分開黎燒食落好香脆脂肪再令佢添上油香牛肩脾肉、牛味濃豬皮煙煙UNUN好彈牙有咬口我地仲額外叫左帆立貝隻隻都好飽滿食得出佢既甜味熟食仲叫左豆腐鍋豆腐都叫有豆味滑溜溜配上類近泡菜既湯底辣辣地、幾惹味

同女朋友餓左成日,行開MK就搵下有無烤肉食(因為女友想食..)708X之前試過,所以今次不在名單上...結果就搵左呢間餐廳內在環境都唔錯...可能比較早啦...我地6點左右去食,都係得2~3台人(連埋我地)佢有3個SET, 我地覺得最抵都係$480的,有5種食物(五花腩,牛柳粒,豬皮,M9霜降西冷,重有種忘記了..)(唔記得影...可以去其他食評度睇番係咩)開頭驚唔夠,重叫多左份雞翼佢有2種網,一開始係燒五花腩先店員好有禮貌,會主動問我地需唔需要幫手,當然我地需要啦...因為咁大舊五花腩都唔知點燒...)原來係要將個熨斗壓落去將D油逼出黎,同埋防止將D油彈出黎..但係D蛋就完全無食啦...因為逼出黎既豬油全部整晒D蛋度燒左正反兩面,店員就幫手剪開D五花腩,但都仍然用個熨斗壓住之後我地就自己燒...但燒得有D燶不過仍然好好味,由於太多油,所以一定要包菜食(佢既生菜係無限添加)燒好就轉網燒牛牛D牛都唔錯嫁,尤其係牛柳粒,好JUICY,將其他2種牛比下去之後就燒調味雞翼($48)佢將D雞翼剪開一半,整D燒亦易D燶,要睇下火~~食落好滑嫁!最尾重燒左豬皮...原來D豬皮一樣要用熨斗壓住...防

係facebook 見到有人食過呢間, 今日無意間經過, 認得個熨斗icon, 就試左呢間.我地3 個女仔, 見到人人都係叫$480 dinner set, 我地又唔想散叫, 就跟風.一開始就有3小碟前菜, 包括:茄子, 蓮藕同大豆芽菜, 茄子同蓮藕都好甜.當你點完餐後, 待應會主動幫你加蛋 , 你仲可以加粟米粒, 萢菜同芝士一齊食.主菜上枱了, 好大碟. 有五花腩, 牛肩肉, 牛柳粒, 豬皮同西冷片.值得稱讚係呢間餐廳待應服務好好, 主動教你點燒, 原來唔同肉類係用唔同網燒. 佢仲會幫你燒呢.初頭以為熨斗係裝飾之用/ icon, 原來唔講唔知, 佢有功用架, 佢放係肉上面, 就可以令到肉頪受熱平均, 仲可以逼出豬油. 五花腩初頭以為一定好肥, 點知熨斗已經幫你把油逼出, 唔油, 好香好味, 不過我覺得用生菜加小小前菜配料, 整個小小生菜包, 會更加好味.牛有牛味,  我覺得三款牛中, 牛柳粒比牛肩肉同西冷較好味. 好juicy, 唔洗加醬料已經好好味. 

友人實在太愛吃韓燒了，之前食過元朗個間感覺一般，今次就試下太子呢間會唔會好啲先。 散叫了，份量比元朗大份 好彩都食得曬。 配菜係有得再潻加的，不過蛋就沒有了，潻加需再加錢，雖然呢度配菜不多， 不過味道還可以。 叫左杯荔枝無酒精，淡淡既荔枝味，不錯，好清爽，好涼快。 好大份既五花肉呀，店員話要咁燒先，燒完面頭帶點脆脆，肉質不過難咬口，還有點水份，不會太乾身，不錯不錯。 呢個係超厚切既牛舌，哇，真係啖啖肉，好爽口，唔會太韌，鍾意食牛舌既人一定不可錯過。 呢個成個花型咁既賣相幾不錯， 肩胛肉，入口好新鮮有牛味，不韌，好林身今次俾上次吃得開心愉快，服務又不錯，希望可以keep住或者做得更好