熨烤達人 (已結業)

之前呢間出聲明道歉～幾欣賞佢既作風，幫襯下！前菜都算大堆頭！栗米粒等等用黎整蛋條！加埋芝士落去融入蛋條，超正，無限refill~~另外再叫左個泡菜～～ 太喜歡食～ 醃得好好味！不太辣！份量幾多！入口爽脆～ 夠正宗～今次無叫到特色野飲要左支傳統韓國米走送下燒肉！用熨斗黎整好似特別好味！哈哈！ 邊忽唔夠熟可以再大大力烤落去！ 烤得表外特別香口！正呢塊5花腩夠晒咬口，超厚肉，外皮烤得微燶！加埋佢地既醬汁，好惹味！店員好好服務！ 值得再來！

今日同朋友仔慶生，一行7人又去食韓烤，朋友仔想試這間特色韓烤店，熨烤就是有一個類似熨斗的工具畀你幫手燒，幾好玩㗎！食物方面，食材新鮮，分量十足。服務可算是不錯，服務員會幫手燒，又會提醒我們怎樣燒，算是我去過的韓烤店之中服務較主動的。

見到D裝修和一個個抽煙機，感覺好韓國地道的店。黎之前已經book左枱，都算準時交枱。座低已經有前菜食，有芽菜、茄子和薯仔。茄子好正，一再encore！仲可以整蛋食，有芝士、粟米、泡菜加入去。叫左一份厚切五花肉，見到咁大份真係好抵食！我地兩個女仔唔係好識用個熨斗，店員會自動來幫忙剪開肉，分開好晒，用熨斗壓住D肉，講解清楚，服務好周到。終於食得，有兩個sauce 食，附生菜。yummy!食左份豬就食牛，唔講唔知，原來烤牛和豬係用唔同爐燒！店員細心幫換爐。開始自己燒牛頸肉，賣相精美！肉質亦都唔錯。咁熱緊係食埋個寒冰水冷麵。一直好鐘意食韓式冷麵，呢個有D特色。雪條係用酸酸地dressing連鮮果肉製成，連麵食好正！

第一次見到有舊鐵壓住d肉，好似好特別咁😍所以就試下啦😆7點入到去，我地做左第一枱客，嗌左個$480餐，有五花腩2大舊，牛粒6粒，幾塊牛肋肉，幾塊牛肩肉，仲有幾塊豬皮，份量都好多😚一開始店員就幫我地燒豬肉，仲好俾心機燒架，可能因為無咩人，仲用舊鐵壓住舊肉，雖然唔知有咩用😂舊豬肉燒得岩岩好，好香口，用菜包住食，正💕💕 之後燒牛肉，店員換過另塊鐵板俾我地燒，牛肉就自己燒🔥牛肩肉、牛肋肉、牛粒，每樣擺2舊落去，我地燒到7成熟到，一擺牛粒入口，嘩！無牛味又好un😲😲食另外兩塊牛肋肉同牛肩肉，嘩！牛味有小小，但口感好似泥膠咁😑😑之後就無再燒牛，食返豬算☹️店員見到燒豬又換過塊板俾我地，好細心😍又係店員幫手燒豬👍🏿不過店員唔小心燒黑左😂即刻話換過另一舊俾我🙀真係好好呀👍👏🏿豬腩肉係好食，但份量太多，食唔晒😲 總結黎講，服務一流👍🏿，豬嘅質素好好👍🏿，但牛肉呢就真係太差😑，試過一次就算☺️

人生第一次寫食評，估唔到係寫有幾咁唔好食。。心血來潮想食韓燒，就記起呢間想試好耐既餐廳。打電話去訂位得知八點半後先有位，都好啦，餓啲可以試多啲。準時去到，叫左兩款牛肉，一種有調味，一種無、燒生蠔、大腸東東、生牛肉同k roll。牛肉好似食gum咁，要咬好耐！最後兩樣都放棄左半碟。。第一次覺得點解portion會咁大。。想勉強食埋都生蠔都叫正常既，無話好食，但食得囉。係開得有趣啲。大腸個個我認真唔識欣賞，口味比較重。生牛肉，第一次食好似三絲炒牛肉咁既野。。肉無味，食完第一啖直接放棄最後k roll都還好，呢碼食得落。另外成間店勁大煙，抽風差d。。總結完全中伏，可能對佢有期望，真實係我太失望！相無咩點影，完全無心情影

朋友生日想食韓燒…於是揀左間比較有特式嘅…雖然都是圓型嘅燒烤枱加可儲物嘅椅的韓式design…但他最特別就係每張枱上面都有個熨斗烤板 一開始侍應先送上前菜，胡椒湯及蛋漿配料order左食物之後，侍應就開爐倒蛋漿可自行加泡菜/芝士/粟米咩都想order嘅就最好order套餐…我地order左熨斗烤壓套餐，包左磚頭五花腩，牛肩脾肉，一口雪花牛，調味豬皮及M9霜降西冷熨斗烤板終於出場啦這樣壓著，可以平均受熱，燒到外層焦香的，好味他們當然有提供生菜包住啲肉黎食另一驚喜就係個芝士排骨…初時只係一心諗係食拉絲芝士…點知一上枱…有舊紫薯喺旁邊…仲以為係伴碟…原來係會mix落啲芝士度ga…成件事令啲芝士冇咁膩…更擊中了我地呢啲紫薯&芝士迷最後，友人生日…我地當然有帶埋蛋糕給她驚喜…但我地估唔到餐廳上蛋糕嘅時候，會點上花火般嘅蠟燭及播出韓文生日歌…滿足的一餐

之前在FB看過有間餐廳是用熨斗去韓燒，覺得好特別，於是趁著生日跟朋友去試下。一來到，每檯客人先有一壺胡椒湯和前菜，如果冬天喝著胡椒湯應該是很暖胃的，可惜現在是夏天，夏天時可以改成沙律嗎?而栗米，芝士和泡菜是製作爐邊蛋的，蛋汁處於半熟狀態時最美味。就是為了鐵鑄熨斗而來，好可愛的樣子。熨斗烤壓套餐$480這個套餐款式多，有磚頭五花腩，牛肩脾肉，一口雪花牛，調味豬皮和M9 霜降西冷。一次過滿足大家的胃口，不用散點如此煩惱。有磚頭五花腩，甚為厚身的五花腩被切成磚頭狀，店員用熨斗壓著腩肉，每邊大概三分鐘，之後再細心幫我們剪開成小件，方便進食。五花腩脂肪分佈平均，充滿肉香。M9 霜降西冷肉汁豐富，一口雪花牛口感比較韌，不過肉味幾濃，豬皮口感煙煙韌韌，更可以用熨斗壓平，不會捲起。芝士排骨$268鐵板上面有排骨，芝士碎和紫薯蓉，當芝士慢慢溶化時，店員就過來為我們細心地用芝士跟紫薯蓉混合再捲好排骨，呈半溶狀態的芝士跟紫薯蓉拉出長長的芝士絲，味道帶點甜，加上用韓式甜辣醬製成的排骨，甜甜酸酸的。而排骨肉質非常鬆軟而有肉汁，意料之外的美味。環境有少少狹窄，加上我們又韓燒又芝士排骨，桌子不太夠位。不過當我們切生

星期六晚上網見到佢話補償雙倍份量又咁啱經開旺角就去試下啦~點知一等就等左起碼60分鐘等左咁耐又餓又熱，決定叫個寒冰水冷麵食住先menu寫住話係有條水果冰條浸住，本身仲希望個冰條可以冰震住去食個麵消下暑，點知一食竟然係啫哩狀既…個麵同湯仲要係完全唔涷，室溫咁樣，唔OK叫左熨斗烤壓個set ($480)，真係全部double份量，起碼3個人以上先食得晒呀! (顧住開始唔記得左影相 )厚切五花肉咁厚都唔算好乾，服務員都會主動幫我地燒同剪，咁就唔會燒到乾晒~略嫌個味道唔夠，好似冇醃過咁…豬皮— 好易燒燶，d油仲會周圍彈我本身唔食牛，個set其他牛肉，男友就話還可以另外叫左個豬頸肉，醃得幾好味飲品叫左真露特飲(有酒精) 同 Dry Finish特飲(冇酒精)真露特飲飲到後d酒就好濃，建議一開始就倒多d酒出黎或者可以同Dry Finish特飲溝黎飲overall 都ok既，但叫個set (double份量) 真係要多d人去食先食得晒!

依個泡沫咖啡炸雞好得意！仲有紫薯蓉喺雞下面！仲有d咖啡mix 忌廉，不過佢係會煮溶左用來點雞食的！炸雞的炸粉略厚，但都尚可接受，但佢的細心之處係拆左大部分骨，食起來好方便！而且雞入面仲釀左芝士！！ 真係好得意hahahaha 熨斗烤壓 ～五花腩！ 相信大家都應該見過！ 味道當然好好啦！但我想講既係！！！全程職員都幫我地燒！ 因為其實好難燒，佢係好厚，同埋好易燒燶！ 所以依方面好抵讚的！ 鍋邊蛋一定係韓式燒烤的重點啦！ 佢地可以比你自己落！ 粟米，芝士，泡菜，你鐘意落咩都得！ 咁就可以滿足唔同人的喜好啦！

之前都見到有人介紹佢, 見到佢用熨斗黎韓燒貪新鮮既我 已經非常有興趣就岩我生日，當然要逼人陪我一行三人，叫左海鮮拼盤，牛肉（原諒我唔記得到底係咩牛肉），雜菇拼盤，紫菜卷飲品叫左strawberry cider、梨汁、葡萄汁海鮮拼盤（$380）有大隻海蝦x2、大隻扇貝x2、大隻帶子刺身x2、大隻魷魚x1、龍利柳x2、仲有唔知咩魚x1海蝦：好大隻！而且我鍾意睇啲侍應幫人剝蝦殻，超犀利，拎住兩個鉗勁快就將成隻蝦剝晒殻隻蝦都好好味，鮮味，肉好結實扇貝：超鍾意食扇貝！扇貝新鮮唔腥帶子刺身：侍應教我地輕輕地燒幾下，一食落口...好鮮甜而且燒左幾下，又有少少燒野既香味魷魚：新鮮，燒到乾乾地，有啲似食魷魚乾因為我唔食魚，以下係我朋友嘅評價龍利柳+唔知咩魚：明知佢係雪藏，但食落口無咩雪味，抵讚唔記得咩牛肉...但都幾鮮味，都嫩口不過因為我唔係好鍾意食野有血水，但呢隻牛燒極都仲有有少少扣分@@（我知有啲人係鍾意有啲血水既...）雜菇拼盤um...係呢度，我學識左真正嘅燒菇方法就係唔好好似我咁為左貪靚影相，將啲菇咁樣放係度燒係燒黎燒去都唔熟既，侍應哥哥教我，冬菇蘑菇嗰啲其實係要返番轉黎燒先咁你見到佢嗰個邊邊

近排乍暖還涼, 一日天氣好似4季咁變幻莫測, 所以又係食韓燒既時候(唔好問點解)其實都爆爆地場, 不過都仲有一張抬可以坐, 但就對住牆囉前菜有成7大碟, 不過睇真D, 原來得4碟, 茄子算係比較特別, 應該有醃過但唔重手, 所以仲係甜甜地蘿蔔同泡菜就唔成比例, 泡菜太少啦! 仲有就係超慷慨既芽菜, 塞到滿晒粟米同芝士其實係用黎加入個側邊D蛋漿度既, 如果唔係其實就咁食都得既, 不過就最好燒燒佢先囉原來就係咁樣壓住D肉黎令到佢快D熟, 同埋受熱均衡D, 唔會話有D熟有D唔熟, 仲可以擋住彈出黎既油, 意念都幾好生菜就主要用黎包住D豬肉, 爽爽脆脆都幾好味, 同埋真係清D, 冇咁油D蛋就早少少食, 見佢結焦就好食啦, 唔係熟晒口感差好遠咩達人沙律原來係加左士多啤梨同士多啤梨醬, 佢個醬有D士多啤梨味, 酸酸甜甜都幾唔錯, 但D醬就好鬼多, 成個PAT落去真係好漏, 所以千祈唔好落咁多!

查實呢間野都開左好耐架啦，啊婆都經過左唔知幾多次。難得有一日得閒就打算去試下。又查實呢，啊婆呢個人好膚淺，想要好幫襯嘅主要原因都好因為間店裝修得意囉。佢六點一開我地一班啊婆就沖左入去，啊婆係唔等得位嘅，你明啦。入到去，完全可以話係空無一人。但呢啲人氣唔人氣啊婆都唔在乎啦，最主要係入到去有冷氣，裝飾又好睇  （完全膚淺）一班啊婆拿拿淋叫左呢個好吸精且為港幣88大元嘅荔枝味真露特飲。3個啊婆share一杯就差唔多咁啦。Okay嘅，大啊婆好㝝，酒味唔會話太重，荔枝味都唔會好藥水。叫燒肉會附試蛋槳，栗米，芝士，泡菜過你自家製燒水蛋。啊婆冇記錯栗米，芝士，同泡菜一律可以添加。所以想靠燒水蛋食飽都應該係一件可行嘅事。我地叫左個熨斗烤壓set menu，為港幣480大元。 內含五花腩，牛脊腩肉，調味豬皮同M9霜降西冷牛。份量勉強夠3個人食啦。佢地嘅招牌菜：熨斗厚切五花肉。無啦無啦，啊婆今次輸大左比佢啦。正式有得睇冇得食⋯⋯五花肉質勁韌，極乾。重點係我地已經叫左服務員幫我地燒架啦，因為驚整錯。伏了。不過都係嘅，你咁大塊肉係到燒，真係好難燒得好囉。下次都係正正常精燒肉算啦。最後叫左呢個唔知叫咩嘅麵，UF

同朋友行街經過見到，雖然已經食左唔少街頭小食，但係覺得幾得意就決定一於去試下！😁一去到即刻叫咗罐梨汁飲！天氣實在太太太熱啦！嘩！一直以來都未飲過梨汁，味道好清甜好fresh!一坐低就已經有幾碟小食！一份係茄子，一份係大豆芽菜同埋一份青瓜，茄子夠晒淋，而且味道甜甜地好唔錯！青瓜撈咗一啲韓式辣醬，好開胃！呢啲配菜店員話可以放系蛋漿作調味之用。粟米清甜、芝士淡香、泡菜超入味！叫左我最最最愛既蠔！一份有6隻都幾抵！店員幫我地燒，仲排得好靚！我學到點樣燒蠔，就係頭放中間最猛火既位置，等個殼打開就食得！d蠔夠晒大隻同肥美！一d都唔腥，有淡淡海水味第一次食柚子味既雞翼，濃郁既柚子香味，甜甜地，好似蜜糖雞翼咁，雞肉好juicy

在網上看過熨烤達人的熨斗烤肉很久了,一直未有機會來試試。朋友再次提起這家店,一於就來吃晚飯吧。店內油煙味不大,電視不停播放kpop,加上工廠風格的裝潢,感覺置身韓國烤肉燒店。爐邊可以加入蛋漿,可自行加入粟米,芝士和泡菜,做出自己喜歡口味的爐邊蛋。看見很多人點這杯飲料,也忍不住點了,藍莓cider好大一杯,藍莓味很重,不會藥水味,非常解渴。這個熨斗的作用就是壓在肉上,這樣肉會燒得更均勻,受熱平均,鎖住肉汁。調味五花肉用上熨斗果然熟得比較快,烤出來得五花肉保留肉汁,但仍然烤得香。最喜歡加上蒜,包在生菜吃的食法了,感覺更清新,減少油膩感。豬頸肉肥瘦均勻,肉質香口彈牙,咬下滿口肉汁燒牛和豬肉用的鐵板不同,所以燒完牛後可以叫店員幫忙換網。特級雪花牛牛肉味特重,入口油脂不會很重,有咬口。調味牛肋肉調過味的牛肉更好吃,醬汁已滲入肉中,愈食愈香芝士焗雜箘因為同行朋友鍾意食芝士又鍾意食菇,這道菜完全正中她口味,我也試了幾啖,芝士味不算很重,所以不用擔心會很膩,菇的清甜配上芝士頗特別的配搭。總算一滿心願試到了有名的熨烤達人,感覺好新鮮,店員都落力幫忙換網,見旁邊客人點了水冷麵還配有雪條,下次可以試試呢

家姐好中意食韓燒，我出糧就一於帶佢去呢間好出名既熨烤達人試下一開始店員就倒d蛋漿系燒爐旁邊，佢話起碼要30mins先食得。不過唔緊要，燒完其他野食就岩岩好有兩種唔同口味既醬汁，紅色有d辣辣地，黑色就有清清地既醬油味生菜係可以無限refill，用嚟包住啲肉一齊食冇咁漏！呢個調味牛柳，一碟有兩塊，都幾厚身。本身已經調好晒味，一燒就食得！呢碟係特級雪花牛，佢肥瘦均勻，脂肪分布得好平均，本身都已經有少少調味太肚餓一次過燒晒佢！燒嘅時候肉唔會黐住個網，所以可以成塊完整無缺咁食！店員仲會幫我地將牛柳剪開，分俾我哋，服務一流 另外，仲叫咗一份芝士海苔竹崙卷，佢哋將芝士竹崙加海苔再加上一層好薄嘅生粉炸成。外脆內軟，點埋佢哋比嘅自家製醬汁就更加正！食完野口乾就叫咗杯荔枝真露，荔枝味好香，甜度都啱啱好！加上韓國嘅酒，簡直就係prefect match!!!!! 最後，我哋仲叫咗個部隊鍋，裏面有好多唔同嘅配料包括：金菇、年糕、午餐肉、即食麵、魷魚、芝士腸等等！煮咗大概五至十分鐘左右就食得！泡菜嘅味道再加上辣辣地，好正