炊豕店 (加路連山道) (已結業)

喺銅鑼灣附近收工，就喺嗰頭揾餐廳，見呢間價錢幾親民，就諗住食呢間，點知個豬扒勁好味，好有驚喜😋佢個鋪位喺條巷行入啲先會見到，個名叫炊豕店，即係專門烹煮豬肉既小店入面有啲牌都好得意，話我們都是食豬大的😂餐牌主要係唔同口味既豬扒飯，例如有泰式，蔥油，肉燥汁，咖哩汁既口味，如果唔想食豬扒，可以試下豬軟骨或者豬手🙈，佢個飯仲可以轉撈麵，另外仲有好多炸物小食我就叫左呢個泰式口味既豬扒撈麵，佢上面有充滿泰式甜酸醬既青瓜同洋蔥做配搭，而塊豬扒都索左啲汁，但依然好脆，同埋好大舊，好好味😋 同埋個份量好多，唔洗驚唔夠飽，女仔驚食唔哂既話仲可以叫少飯我個朋友就叫左蔥油豬扒飯，因為冇汁既關係，會比較食到豬扒本身嗰味，都係好脆好大份！👍🏼另外我地仲叫左個小食share，我地本身想叫辣味海蜇，不過咁啱佢冇哂😿我地就叫左炸魷魚鬚，味道都唔差，但相對佢地主打既豬扒就略為失色成餐飯食到好飽，好抵食😋

放工去銅鑼灣覓食 難得搵到呢間價格比較平既小店我 6半去到 keep住有人排隊 但翻枱翻得快 等左一陣就有得入呢度主打豬扒 朋友差 d 癲到想叫哂炸豬扒同焗豬扒飯但比我制止左 因為我見隔離枱碗飯份量都幾大就叫左炸豬扒飯 豬手撈麵 同炸魷魚鬚 多 d 款式試下蔥油炸豬扒飯 加滷蛋落單後無幾耐就上枱 我地一見到嘩左一聲蔥油多到就尼滿瀉 非常澎湃 即刻流哂口水蔥油唔會過咸過油 連埋有豉油既飯一齊食 成個口都好香蔥味豬扒好大塊 炸得金黃酥脆 厚身得尼容易咬開 亦好 juicy白飯既份量都好多 男仔都差 d 食唔哂~話梅花雕豬手飯 轉撈幼麵因為我地兩個人 share 突登轉做撈麵 唔洗 2 個都食飯咁齋豬手有 4-5 件 醃得入味 質感軟腍易咬開 佢仲會比隻碟你裝骨幼麵沾到豬手既話梅味好開胃 旁邊仲有大量炸蒜撈埋一齊 幼麵條條掛住炸蒜 好香口 重口味者必試!椒鹽魷魚鬚本身諗緊呢個小食 $38 係呢間餐廳唔算太平但原來份量都多 有好多件!魷魚炸得好香 唔會過靭 炸粉都唔會過厚調味剛剛好 點埋佢個帶少少酸既醬汁完全唔會覺得油膩 就算食完碗飯幾飽都食得哂個魷魚佢跟餐 +$5 就有野飲 有我最愛既維他檸

地道既香港豬扒飯！細細間 店內環境 有風情地理位置都易揾人氣推介 蔥油豬扒飯 $62好多人都慕名而來 😍 豬扒厚身得黎 好易咬開 個豬扒既皮好香口 煎到金黃色 唔會太熱氣 但又好好食😋而重點就係不得不提既蔥油呢到同坊間既蔥油不同 呢到既蔥油 會令人食上癮就甘蔥油配飯 都可以做一餐啊！而小食方面，有辣味海蜇（$22）呢個偏向有麻油同辣味多啲所以食落去都偏油少少 亦因為甘海蜇好入味仲嗌左椒鹽魷魚鬚 （$38）有少少避風塘既炒法比較香口同惹味～ 而且份量偏多，都幾掋食！而且 佢係即點即炸 所以係熱辣辣咁食同時佢又去咗油，所以食落去唔會油又唔會熱氣！配埋個喼汁，係絕配啊！其次欣賞係呢個蘋果汁🧃鮮甜得黎 又唔會越飲越頸渴🤣🤣餐牌如下：

今日行開銅鑼灣，經過呢間舖頭俾佢既香味吸引左入去，去到時唔太多人，可能我地過左食飯時間去啦。呢句野好搞笑。呢度嘅選擇大部份都係食豬既，我見好多人都叫咗豬扒，所以我都諗住試吓佢個人氣推介，蔥油豬扒飯。飲品叫咗包檸檬茶同埋有熱蜂蜜柚子。個份量真係好大份，塊豬扒仲大過我塊面，食得出佢係即叫即做，上枱時熱辣辣，豬扒好入味，同埋好軟宿，另外叫咗個餐肉，午餐肉都係炸過嘅同埋厚切。呢個份量同味道大概$60我覺得都幾抵食，我見佢仲可以網上外賣平台叫外賣。下次可以叫外賣黎試下。

今日黎到銅鑼灣做野, 本來約左朋友話帶我去食好西, 但最後被爽約。 不過佢極力推介叫我去試下這間炊豕店, 咁反正黎到就試下啦。舖頭細細, 比食飯時間早少少到, 都差唔多坐滿, 到我入座後已有人等位啦。真係咁好食?佢得1張落單紙, 好似車仔麵咁, 唔係太多選擇。但對我這種選擇困難既人反面好。我點左佢既招牌泰好味豬扒配撈幼麵, 炸雞翼, 炸魚蛋和海哲。佢小食份量唔大, 仲諗住唔住夠唔夠食, 點知個麵黎到就明白啦。 泰好味豬扒麵真係好大份, 足料大塊炸豬扒, 切開左5件都看得好大好多。我先食個麵, 意外地好好食, 個麵煮到剛剛好, 我好喜歡佢個幼麵。 如果要排名我會首選好食係幼麵, 跟住炸雞翼(味粉同炸道都好夾), 然後炸豬扒。 反而個炸魚蛋有點失望, 一點都feel唔到係炸(麻麻)。 其他都一般。但師傅既炸功真係好得。 本來都怕熱氣, 但佢實在做得唔錯。 真係要推介下比朋友去食。

今日中午同女朋友食飯，過咗嚟銅鑼灣行咗陣街，之後就過咗嚟試吓個豬扒飯。朋友之前嚟過話個蔥油豬扒飯好好食，分量大最啱男仔食，所以特登過嚟試吓，女仔如果覺得份量太多的話，又唔想食飯，可以轉做食麵都得。可能我哋三點幾黎嘅關係冇乜人排隊，好快就可以入座。鋪頭裝修都比較簡單，個好特別嘅就係佢哋啲凳係用返以前中學時代嘅凳，感覺就好似返返去讀書時代。我哋叫咗兩個蔥油豬扒飯，因為佢話人哋推介，所以想試吓，我哋一個加咗午餐肉，一個加咗蛋，啲豬扒全部都係炸，面頭鋪左陣厚厚嘅蒽，啲油三落啲飯度好好食，豬扒好大塊，午餐肉仲係厚切，因為蔥油嘅關係所以食落去會比較油，但係真係幾惹味。

之前係中環食過炊豕一試愛上，推薦比幾個frd都贊高質，今日好掛住所以係銅鑼灣行完街食佢既分店 我地三點到但門口都勁多人，冇計啦又平又好食，咁高質難怪大受歡迎我平時真係唔多中意豬不過呢間整得真心好食而且入面裝飾都好台feel我都係要番上次既沖繩豬軟骨飯，再加隻滷水蛋，有冇心機正真係食得出，中意佢夠多料，食左幾次都堅持叫呢款 ，不過今次d肉太入味有小小咸朋友要既限定泰式辣豬排飯，聽朋友講汁酸酸甜甜幾開胃，豬排唔會話炸得好乾身我地仲要多款小食齊齊share，海哲有營養又好味

同朋友去左呢間勁多人既炊豕店食下先🤤一去到真係幾多人排緊隊，都幾驚要等好耐，但大概十五分鐘之後就入到去了～喺門口已經點好野食既我哋，一入去就等野食了～呢個係佢哋鼎鼎大名既蔥油豬扒飯！非常咁大份量，睇落都驚自己食唔晒😂豬扒夠厚又多塊，好juicy！似即整咁熱辣辣，蔥油好送飯，好食！呢個炸蝦都係水準以上👍🏼非常脆冇油膩感，配埋蛋黃醬好惹味🤤魷魚鬚都非常脆口！配埋醋冇咁膩，好食！呢個海蜇比起平時食嗰啲更夠味，送飯一流！亦都冇市面上嗰啲咁爽身，食落個口感比較自然，正！呢個麻辣魚蛋辣就唔係好辣，偏麻比較多。炸得好乾身，外脆內軟好正！總括黎講，呢度好多野都大份夾抵食！我覺得我同朋友都點得太多😂食完真係捧住個肚出黎🙈推薦！

以前放lunch成日過黎食飯，自從換公司之后就好少嚟，隔左半年再試，水準都完全keep到。今日因為係週末，3點到左都要排20分鐘隊，證明呢度真係好受歡迎裝修都好有特色！叫左一個蔥油豬扒麵+炒蛋，上菜速度好快，但相信都係落單即炸嘅。蔥油真係無得輸，聞到咁香就即刻食指大動豬扒果然係呢間鋪嘅招牌，皮非常香脆，肉唔會乾，好juicy但係無論幾肚餓都食唔細，份量實在太多啦，對女仔嚟講一定食淨。炒蛋正正常常，麵條好有咬口，唔想食飯嘅人都可以試下。整體嚟講好抵食，以呢個價錢食到咁大碗又香脆嘅豬扒麵，絕對值得推薦。

平時黎銅鑼灣都會喺呢頭落車，只係知道呢條街出邊有幾間小店，冇諗過原來行入少少就有呢一間具人氣嘅炸豬扒店！雖然係平日晚上，不過店內充滿着客人，我入咗冇耐更加有人等位，可想言之人氣有幾咁勁啦！嚟得呢度當然要食佢嘅人氣豬扒，同男朋友一人叫咗一款豬扒飯，另外加咗一個小食冇幾耐嘢食全部送上，先介紹呢個涼拌大豆芽，味道有點帶微酸，除咗大豆芽之外仲有豆卜，大豆芽咬落爽脆，呢個小食都幾開胃，唔錯唔錯！人氣豬扒飯終於嚟啦！大大塊嘅豬扒鋪滿成個碗，賣相相當吸引整個豬扒上面放滿蔥油，蔥油鹹香味唔算太重，用嚟撈飯味道啱啱好，不得不介紹佢呢度嘅豬扒真係超好味，酥脆嘅外皮包着充滿肉汁嘅豬扒，雖然係炸豬扒但食落穿唔覺得好油膩，真係一塊充滿驚喜嘅豬扒！啲男朋友平時比較少食炸豬扒佢都話好好食咖喱汁秘製豬扒飯，人氣豬扒真係無得輸，配上呢個咖喱汁真係一個完美嘅配搭，如果俾我揀蔥油同咖喱汁，我會選擇後者，咖喱汁味道唔算好重香料味，感覺有啲似日式咖喱，但味道更加香，越食越惹味！本身叫咗少飯，竟然不知不覺食晒！因為真係好好味整體嘅嘢食真係幾好味，而且價錢大眾化，同男朋友兩個嚟食兩個買單都唔使$200 ，下次有機一定再過嚟食過，回

📍炊豕店 銅鑼灣加路連山道11號地下秘製炸豬扒飯（蔥油）加飯+$2 &（咖喱）💰$62個人比較喜歡蔥油味 份量好足好有油香炸豬扒亦好大份 夠脆 但炸粉偏厚而咖哩味係甜咖哩 味道一般般但整體價錢親民份量大辣味海哲💰$27份量好少 辣度剛好

麻辣海蜇 極咸， 同服務員講之後竟然有咁嘅答案就係話 係攞貨， 之後 我再講多次我話真係鹹到食唔到， 另外廚房聽到我咁樣講佢話可以換其他嘢食我就話換返我頭先叫過的 芝麻雞翼， 跟住個服務員再搭咁芝麻雞翼冇問題嗎！ 真係吹脹

今日突然好想食豬扒！諗起位於銅鑼灣加路連山道🐷炊豕店🐷雖然係星期六繁忙時間！都一定要去嗰度食佢嘅美味嘅豬扒😋😋泰.好味豬扒.撈幼麵　泰好味豬扒飯真係太好味😋⋯⋯係😏期間限定👍豬扒非常厚件🤩炸到外脆內軟保留肉汁！肉質豐富鮮嫩！配上佢特製嘅醬汁！甜甜酸酸辣辣超惹味⋯⋯配上撈幼麵超滋味！麵條沾滿泰式辣汁！😋😋蔥油豬扒飯豬扒可以食出原味！豬扒非常入味⋯⋯當然又非常鮮嫩啦⋯⋯配上大量蔥花🤩撈埋啲飯一齊食好和味！總之豬扒就冇得輸啦⋯⋯咁嘅價錢份量超大！芝麻雞翼芝麻雞翼做得非常出色！外層非常香脆！內裏肉質鮮嫩！👍👍小店雖然細細地！但係食物品質就非常好啦！值得去食嘅小店！

相約吃豬扒之夜，炊豕店人氣認真超高，位於偏向暗巷仔既位置，但排隊人數一直有增無減，幸好餐廳出餐時間很快，所以客人好快食完又好快離開，等左大約30分鐘就入得店，系等既其間可以捻下食咩同揀定，因為店鋪點餐形式系由客人填紙仔，好方便亦都可以好快。🔷秘製豬扒飯(肉燥汁) 💰58 💙85/100🔻煎蛋 +$8🔻加蔥油 +$8首先講下個炸豬扒，不但止好大塊好厚，食落仲好淋好夠味，淋得黎外皮又十分之脆卜卜。米飯方面用左台灣米，配肉燥汁十分正宗，肉燥汁足量應該都幾足，因為卡比碗飯子左汁仲有好多肥豬肉，所以店家系煮呢個肉燥汁可以話係真材實料。另外加左煎蛋，有半生熟微微流心，為呢碗豬扒飯有畫龍點睛，更上一層既效果。🔷話梅花雕豬手飯 💰54 💙75/100豬手飯同樣出色，富有骨膠原，口感滿足，咬落口又淋又彈，味道以酸性為主說明話梅味充足。份量亦都吾少，足足有四大嚿咁多，忟到好淋好入味真系贏哂。🔷涼拌大豆芽 💰22 💙70/100大豆芽系涼拌所以系凍食，有好香麻油味另外都有微酸，order呢款主要作為開胃菜黎食，都很不錯。

This tiny shop tucked away in the quieter area of Causeway Bay on Caroline Hill road is truly a hidden gem. It is not just me saying this, there is almost always a line at their door!The first time I came was for the infamous spam rice and it was SO GOOD, I love spam! But other than spam, something else smelled really good, and it was their pork chop, I saw people around us eating it, and it looked really good, so I decided to come back and try that too.Obviously, we had to get the spam and egg