炊豕店 (加路連山道) (已結業)

平日收工約左家姐去銅鑼灣行街，行之前梗係要醫下肚。七點鐘左右黎到炊豕店，岩岩好仲有一張兩人枱，唔駛係門口吹風，太好！我揀左厚餐肉煎蛋飯，雖然睇落好似普通茶餐廳都有既野，但黃金配搭既經典都會有喜出望外既驚喜，香煎封邊既餐肉有兩大舊，真係好厚好厚，個面食落仲脆脆地，個蛋係流心蛋，都有好香既脆邊。另外當然要試下呢度最出名既豬扒飯，有幾款配搭，家姐想食咖哩多啲，所以就揀左咖喱豬扒飯。我地叫左少飯，仲可以減一蚊。咖哩分開上，仲有一舊薯仔，咖哩甜甜地，可以撈飯食。豬扒個煎炸表面唔會好油，裡面肉質唔會乾，同埋都幾大塊，切開咗三舊，幾好味。另外仲叫左兩個小食，揀咗麻辣炸魚旦同埋辣味海蜇，魚蛋好彈牙，個辣汁香香麻麻，唔算好辣，海蜇就好爽，可以一試～飲品揀左柚子蜜，個底有少少柚子肉可以食埋～

見到呢間鋪頭勁特別 好似將日本同港式嘅嘢融合 所以吸引我去試試😋餐牌上嘅選擇算係幾多而且各有不同風味入面雖然話大唔大 但係都容納到好多人 而且裝修頗特別🤩我就叫左個人氣推介嘅蔥油豬扒飯😚呢個配搭超特別係我之前未聽過同食過 佢哋嘅豬扒做得好出色 炸得皮脆肉厚 入面仲保留着豬嘅肉汁同肉質 個外皮唔算好厚💛蔥油同豬扒一齊毫無遺和感 好夾🥰跟住仲試咗個話梅花雕豬手飯 雖然冇上面嗰個咁驚喜但係都好好食🥰佢比嘅份量完全唔會少 啲汁好入個豬手 配埋啲蔥同飯一齊食 好香🤡加埋啲汁又會滲透落個飯度 食多幾碗都得😳聽講佢哋嘅芝麻雞翼都好出名😍我好建議唔使走辣 因為佢哋嘅辣係提升味道 個雞翼炸得超香脆 而且好熱好正🥰🥰個蘋果汁都好好飲😛😛

走至加路連山路，一條渺無人煙的街道，有兩三間特色食店，其中一間就是專賣豕肉的餐廳。不點它的招牌蔥油，卻點了期間限定的‘泰’味豬扒飯，淋上泰式辣汁酸酸甜甜很開胃豬扒肉味重又嫩，加上酥炸表皮，味道確實不錯！

去exchange之前已經食過呢間幾次，覺得呢到嘅豬扒飯抵食又好味😚 不過事隔差不多一年，質素有啲下降而且貴咗🥺雖然係貴咗，但份量其實多咗，細食嘅女仔可以兩個人share一碗😆 冇變嘅係厚厚嘅炸豬扒😍 脆漿唔會好厚，食落啱啱好，加埋爆多葱油，餸飯一流😋 不過唔知係咪因為豬瘟，所以啲豬扒冇以前咁好食咁有肉味，可能來貨唔同咗啦🤔 魷魚鬚就第一次食，炸得好香脆，粉漿味道幾好，而且份量唔少，唔錯👍🏽 希望有返新鮮豬會再好味啲啦！▫️葱油豬扒飯 $62▪️椒鹽魷魚鬚 $38

今日同男朋友去行街見到呢一間台式小店專食豬扒嘅 我哋就入咗去食個豬扒煮得啱啱好 而且葉得好好而且佢啲米飯亦都好香好好食好似日本米咁銅鑼灣以呢一個價錢食到咁飽其實已經好抵

很久沒有來這邊，剛好要到附近辦點事,本來想去榮式雞扒，當時不知道原來搬了隔離街，12點到見這間人氣都㕵，剛剛有一個位不用排隊，就試吓。環境方面十分擠迫，坐在路口，要就住就住坐，服務員傳菜也會被碰到手踭。不過在小食店lunch都係食完就走不會要求太高。食物方面點了蔥油豬扒飯，飯量是十分多的一定夠飽，早知點少飯，避免浪費又可以減$1。等了幾分鐘我的蔥油豬扒到了，賣相不錯可是豬扒沒有肉味，蔥油也不見得香，不明白為何那麼多好評。應該不會再來了。

其實黎過炊豕台好幾次！每一次都俾佢嘅滷肉炸豬扒飯吸引住！雖然邪惡，但係真係10分滋味同滿足...是晚我兩口子叫咗兩個飯同埋兩個小食！今晚突然想食簡簡單單，所以叫咗煎蛋厚切午餐肉飯！厚切午餐肉認真唔野少！YAM咗少少瞓喺面10分脆口!除此之外,，我哋都有叫一個期間限定，泰式炸豬扒飯！配左一啲青瓜絲同埋花生碎喺面，加上酸甜嘅泰式醬，當然有classic嘅炸豬扒！真係相當滿足😎之後我哋當然有叫炸雞翼&炸魷魚鬚。。唔使講都知好好食。。今晚食咗咁多油膩野，真係要還！😅

今天路過銅鑼灣，發現了一間名字很特別的小店，門外有一條排隊等候區,證明小店人氣十足，趁現在是非繁忙時間，我當然要入內一試啦😋店內的悉心的佈置也提及到店名的由來，小店名原來讀「吹」「始」店，意思是用火燒的豬肉，所以店的招牌菜亦是炸豬扒飯，各國款式也有呢🤩🤩🤩最後點了人氣推介的蔥油豬扒飯$62, 秘製咖喱汁豬扒飯 $62及椒鹽魷魚鬚 $38豬扒飯上枱時十分吸睛，因為飯很大碗，炸豬扒厚切密佈飯碗，加上濃郁的蔥蓉鋪面，香氣滿溢，是等不及馬上咬一口炸豬扒，一咬落去香脆得吱吱作響的外表，肉嫩而不韌，是豬肉嘅最高境界，另外咖喱豬扒飯因為咖喱汁是另上的，所以吃起來更加香脆，吃了一大半時才發現蔥油豬扒飯是有汁才底下，再看看才發現，原來枱上有一瓶頭抽也是可以拌飯吃的，對於沒有太大飯癮的我，也想一口接一口把白飯吃光另外椒鹽魷魚鬚是剛炸起的，香脆可口，另配上酸酸的汁，跟魷魚鬚很搭配，更減油膩感

呢間豬扒飯口碑超好 係銅鑼灣打工仔嘅飯堂之一 一到午市放飯時間 人龍不斷 座無虛席今日特登揀咗非繁忙時間過來光顧 結果都係坐滿曬人 真係誇張 店內充滿香港懷舊特色 地方細細 但勝在有一種人情味 店內食物款式好少選擇 但係這是店舖的一大特色 因為店主想把豬扒做好 而且份量多得驚人 價錢合理平民化蔥油豬扒飯 充滿懷舊特色 未食已經流曬口水 豬扒已經預先切件 方便食客享用 而且豬扒又大又厚 完全覆蓋底層嘅飯 仲有一大堆蔥油 非常惹味厚切豬扒啖啖肉 真是讓人一試難忘 豬扒全部都係即叫即炸 外酥內嫩 仲有好多肉汁㖭濃濃的蔥油的香味拌飯確實是冇得彈 結果我係一粒飯都冇淨 掃光光另外+$10 追加咗一片超級厚切嘅午餐肉 仲要係炸過嘅午餐肉 確實非常邪惡 午餐肉嘅獨特香味 是我最喜歡的肉燥豬扒撈粗麵 店內秘製的肉燥汁 簡直是俘虜了不少食客的心 味道濃沃還有粒粒肉碎 拌飯或拌麵都非常合適豬扒脆漿夠薄 入口一點也不油膩 醃製的味道 不會過於鹹實欣賞小店落力做好豬扒 有一句說話講得好啱貴精不貴多 用心鑽研是有回報的 難怪有咁多捧場客啦

🍴ᴍᴀɪɴ·蔥油豬扒飯 $60 (加煎蛋+$8)﹟個蔥油飯真係好香口, 塊豬扒新鮮即炸, 熱辣辣又卜卜脆, 不過就欠缺左juicy🤔同埋有少少偏咸, 勝在佢價錢親民又食得飽, 都可以一試😋🍴ᴍᴀɪɴ·肉澡滷蛋飯 $52﹟個飯一開始望落覺得好似好多肥豬肉, 但原來d五花腩肉入口即溶, 食落冇左果種肥肉既感覺, 加埋個汁黎撈飯食, d飯唔會覺得乾😉🍢sɴᴀᴄᴋ·辣味海蜇 $20﹟個海蜇偏咸, 而且對食辣既朋友仔黎講, 應該feel唔到有辣味😂份量都唔算大太份🙈

呢排係街既店鋪都好早收，所以我地今日係銅鑼灣經過呢間餐廳，又咁岩唔洗等位，即刻入去坐。點知坐唔夠5分鐘，出面排哂出龍，好彩入得黎合時😆我今日想食d野味少少既野😂😂😂所以叫左咖喱味💕少飯。等左10-15分鐘，食物到。超級厚切豬扒！！飯我叫少飯所以岩岩好。 塊豬扒好好食，豬扒勁厚肉！😍😍😍😍 咖喱汁係另上！十分好！下次再黎食先🤗

行過路過唔好錯過， 炊豕店呢間舖嘅嘢食真係大件夾抵食。是晚八點三左右去到，等咗五分鐘就有位。 舖頭入面只有十幾個位，坐既係圓凳， 所以都係速食店，唔好預可以坐低慢慢傾計。我地叫咗蔥油秘製豬扒飯同埋沖繩豬軟骨飯。 如果唔怕熱氣， 個人係高度推薦食豬扒飯既。 豬扒炸到香脆內軟，外面嘅炸粉唔會好厚， 而且豬扒嘅份量好多，加埋啲蔥油食無得頂。 佢仲有咖哩汁同埋肉澡汁可以揀， 如果怕食完蔥油個口好大味嘅話，可以有其他選擇。因為小弟最近食得太多熱氣嘢，所以唔敢再食炸豬扒喇， 叫咗個都係好多人食嘅豬軟骨飯。 豬軟骨好入味好淋，無牙既婆婆都食到但相對份量就細少少喇。另外值得一提既係，店舖既嘢飲喺良心價， 加罐可樂/熱飲都只係要五蚊，冇乜地方可以搵到呢個價嫁咋。

Hogology is a Taiwanese restaurant famous for its signature fried pork rice. This pork rice is available with three different flavors - curry, meat stew, and spring onion. Today I chose the spring onion option and it is absolutely amazinggg!!The thick cut, super crispy and juicy pork loin is the star of the show. Each bite is tender and flavorful, fried to perfection with the crispy exterior. As you can see, the rice is served with a HUGE portion of sliced spring onion. Fresh and tasty, perfect

今日黎到銅鑼灣食飯，聽個friend講話呢間餐廳幾好食，一於就黎試下去到發現都唔少人係到排隊，不過係出面可以拎定點餐紙點餐，入去個陣俾個waiter就得。排隊個陣隔離有個大餐牌～點餐紙蔥油豬扒飯（轉撈幼麵、加炒蛋）D蔥油多到堆左座小山，下面塊炸豬扒又好厚好大塊，再加麵同炒蛋係下面成碗野超大兜塊豬扒係炸，但冇炸到d肉乾哂，反而好juicy。而個外皮又好脆，口感超正。加埋炸蒜同炒滑蛋同個撈麵食，好好味咖喱豬扒飯塊豬扒應該係一樣，不過配飯一樣咁好食咖喱汁又好濃味，同豬扒一齊食好夾炸芝麻雞翼得2隻，不過係雞全翼，而且炸得好脆，唔錯跟餐+$5有杯柚子蜜，可能太多水有d淡鋪頭有d懷舊風我地2個人都食到超飽，但每人都唔洗$100，好抵食！

食店的裝修有種懷舊的感覺，走台式復古風，內裡有不少老台灣掛畫。店面非常整潔，但空間非常細，搭台的話會跟其他食客好近，有點尷尬。餐廳用開放式廚房，感覺心裡會踏實一點，師父的一舉一動都會被監察。坐在高台位置可以看到師父一炸豬扒，每一件都是新鮮出爐，香噴噴，不會變冷。豬扒十分大份，外脆內軟，內裡的肉汁沒有流失，面包糠沒有很多，不會太熱氣，又沒有太重的油味。咖哩是秘制，不會太辣，恰到好處。把咖哩汁淋上飯，簡直是一流。50多元的價錢，另外配上飲品，包你一定食得飽。