炊豕店 (加路連山道) (已結業)

豬扒有好多種食法嘅，日式炸豬排、美極豬扒、焗豬，但呢間台式炸豬我都算幾傾心因為佢有水準好穩定，夠哂厚又唔韌，炸漿啱啱好薄而脆，第一次去，其實係俾佢個限定嘅鹹蛋黃炸豬引咗黎，但好可惜嘅係，已經完咗，係好失望㗎，冇辦法我冇得揀我咁拿肥我冇得減，但好彩佢個蔥油豬扒都好好食，嘀蔥油堆到成座山咁高，又大方喎！豬扒係大大塊，食到我肚腩fik fik fik 啊 條腰伸唔直 ayee 喂～啦，我今次去，佢又有新野啦！泰式豬扒飯，紅洋蔥、青瓜、花生碎、酸甜醬，都係水準之作啦！我叫多塊午餐肉，佢重幫我炸得幾靚，又厚喎！唉！點解咁諗肥，我食野真係亂咁黎！好期待佢翻兜個鹹蛋黃炸豬扒呀！吃唔到零捨覺得正呀！😩

之前經過店鋪，已經被相片中的炸豬扒吸引，食過2次，知道家姐最愛炸豬扒，專登帶她來吃！地點在銅鑼灣，小小偏，但唔難搵到。食物份量跟相片中一模一樣，實物賣相一樣咁靚，炸豬扒大大件，表面香脆，內裡肉質嫩滑，無雪藏味，咁大件食哂都唔覺得溜，好香好好味！今次我叫左咖哩豬扒跟太陽蛋，隻蛋煎至燶邊，好香口，蛋黃流心，配飯一流呀！$75大大碗，食到高質炸豬扒，相當唔錯，家姐都大讚😊餐牌的其他食物都好想試！特別想試炸芝麻雞翼

今日約左個FRD去上堂，咁出發之前就食D野先。約左去銅鑼灣再出發，但係佢遲到，搞到好鬼肚餓，睇下有D咩平平地又好食餐廳可以試下。係openrice見到LE 一間炊豕店，好多好評又唔貴咪試下。係外面見到個餐牌就已經比佢個人氣推介 蔥油豬扒飯 吸引到因為6點就入去食，所以唔需排隊，坐底睇埋張嗌餸紙我就點蔥油豬扒飯，我FRD 就點咖哩豬排飯唔洗 5 分鐘就上菜嘩! 大份到，D蒽又多。肚餓就急急腳食啦，但原來食到尾都幾鹹，所以根本食唔落最尾果2啖不過下次可以再試，而我FRD 個 咖哩豬排飯，佢都話唔錯我試左佢D咖哩少少，都幾正，唔太辣仲幾香下。不錯不錯

大大塊野惹味豬扒飯呢間鋪頭已經黎個食幾多次 每次都覺得份量好大同銅鑼灣其他餐廳相比較抵食 今次經過附近想填下個肚 又想食飽啲於是就入咗嚟啦蔥油豬扒飯 $62 飯嘅份量非常大豬扒都大概有四五舊炸到金黃色 顏色同氣味都好吸引份量亦都唔錯 蔥油我諗有成兩湯羹 入哂去啲飯到 幾惹味咖喱豬扒飯$62其實同蔥油豬扒飯一樣不過冇咗蔥油用咖喱代替 個人就比較鍾意食咖喱飯嘅所以鍾意咖喱豬扒飯多啲 份量同蔥油豬扒飯差唔多 都係大大碗飯炸到金黃色嘅豬扒 咬落去脆卜卜 一啖又一啖酥炸魷魚鬚 $38如果大家想叫小食嘅話一定要試吓呢個 食落去比較似中式嘅魷魚酥炸到好香好脆 配埋醋 酸酸地好開胃 做小食幾好總括嚟講個人覺得呢間鋪頭雖然位置遠咗少少但係無論係食物嘅份量質素同埋價錢喺銅鑼灣呢個地段來講都非常之好如果大家唔介意嘅話都可以行多兩步嚟呢度試吓佢哋嘅馳名豬扒飯

我成日都覺得餐廳食物選擇唔需要多， 但係專注做好一味， 做得專又精， 自然會吸引食客。 「呢到既豬扒飯真係好香好入味！」 d人就係為左朝聖餐廳既豬扒飯而特登揸車尼食。我所講既係炊豕店， 係銅鑼灣地鐵站行過去都要十幾分鐘， 但係呢個角落一點都唔寧靜， 我六點半係店鋪出面等遲到既朋友， 半個鐘冇一刻唔洗排隊， 人出人入，入面人山人海，好好生意，但係其實個menu係得幾款。等左朋友半個鐘， 終於入去食。 簡單既餐牌，但食物既質素就非常高質。而且價錢非常平民，我鐘意尼得食豬既店當然要食招牌豬扒飯配秘製咖喱汁。朋友就叫左個肉燥飯， 加埋野飲同炸蝦每人70 左右。 食物上枱了， 冇諗過咁大份， 呢個係美國珍寶size既飯啊！ 講下個肉燥蛋飯，冇諗過肉燥可以整得咁入味，而且肉既質感非常嫩滑， 平時食開既都會有點粗，但呢個半肥瘦豬肉（ 我諗係加左五花腩肉） 肉汁鎖住，而且個醬煮得好香好入味，係我食過最好味既肉燥飯。個炸豬牌飯好大份豬扒， 比平時既餐廳大方得多。就算簡單既炸豬扒一點都唔簡單，食得出豬肉有醃製， 有種獨特既味道，而且個皮炸得好脆， 但裡面肉汁鎖實，真係好考功夫。加上秘製既咖喱汁，更上一層

好耐之前已經聽過佢地豬扒大件又新鮮又抵食，今日約佐朋友去鋁銅鑼灣，一於去試下！！😋餐廳位於銅鑼灣跑馬地中間，比起中心地帶，呢度帶點寧靜同隱世既感覺，而且唔係大街大巷，所以相當舒服！聽人講排隊有機會要排30分鐘或以上，所以我地特登預早d去排，不過好好彩唔多人，我地等佐大約10分鐘左右就入得去了。由於我地都好肚餓既關係，我地除咗叫主食外，另外有叫少少小食😂😂先講講主食，我地叫佐咖喱炸豬扒飯同厚餐肉煎蛋撈粗，雖然聽落好普通，但係反而正正係佢特別之處！炸豬扒大塊又新鮮，而且咬落去仲好juicy，完全將肉汁鎖住！而厚餐肉係堅！堅！堅厚！接近1吋既厚度，食落超有口感！小食方面，推介鮮炸鮮魷鬚，配合少少椒鹽係面頭，好配搭！👍🏻👍🏻美中不足係試唔到蔥油豬扒飯，竟然賣曬，希望下次再去可以食到！😫🤣高度推介！👍🏻

呢間店其實想食好耐，因為都係銅鑼灣開咗一段時間，而且聲名大噪，直到而家，繁忙時間都仍然需要排隊先食到，所以應該都唔差得去邊，今日我終於有機會食到啦！嚟到呢間店嘅門口，感覺好似有少少懷舊，感覺都幾地道，佢就好似瑟縮左係呢條街入邊咁，感覺都幾特別，由於時間尚早，加埋最近咁嘅時勢，所以唔使排隊就可以入去啦，都幾開心門口你會見到有個大餐牌，佢 show 左主要嘅主打菜式出嚟，俾埋圖片參考，大家如果第一次嚟食嘅話，可以睇睇先入到黎，餐牌就冇啦，不過落單就要用呢張落單紙，如果大家睇咗想食乜，畫係呢張落單紙度就可以啦，再細心D睇，佢嘅價錢如果以呢區來講，絕對唔貴，所以先未睇份量，相信佢嘅性價比唔會差得去邊高度推介 : 蔥油豬扒飯！(加煎蛋)呢個飯，本身都已經係呢間餐廳嘅人氣推介，當你食過之後你就知點解，其實佢嘅賣相都已經好吸引你，如果鍾意食煎蛋，又鍾意蔥油嘅朋友，甚至乎係豬扒愛好者嘅朋友，一定會令你愛不釋手搬開隻蛋，你就會見到澎湃既蔥油，真係好多架！鍾意蔥油既朋友你見到既話，分分鐘會流曬口水落地下。。重點係，就算佢蔥油好多，個成個感覺都唔會好油，平均食每一啖都可以有好多蔥油粒一齊食再之後就真係要睇下

the joint specializes in deep fried pork chop and they do a great job in ensuring the pork is crunchy, however, the rice portion is a little low but the price is reasonable. But don't come during rush hours, as they prioritize take away orders so the table turnaround will be much slower.

放工到銅鑼灣聚腳，朋友帶路去左南華果邊食。附近雖然冇乜人行但就惟獨e間小店有人排隊，不過只係需要排一陣姐都係，睇定叫咩食都差唔多。餐廳出名食炸豬扒，所以我都叫左個唔執輸，再加d小食咁兩個人食。餐廳裝修玩文青懷舊老台灣，牆上面d海報編製年份仲老過我😂上菜等左唔係好耐，十分鐘都冇就有得食啦豬扒炸皮同薯片一樣咁脆，肉身鬆軟冇油益味，怪唔知得咁出名。不過唔快d食既話，d皮會林。海蜇新鮮爽口，辣辣地好開胃，做前菜好好。炸雞翼好香口，而且有好有肉汁。係好有台灣夜市風味。炸魷魚鬚都係好夜市feel，如果加埋啤酒就好perfect。兩個人埋單唔洗160，係銅鑼灣黎講係好抵食。

收工嚟到銅鑼灣食晚飯，為免多人特登早啲嚟到人氣豬扒飯專門店—炊豕店🐷🐷.今期出左新嘅，係泰式豬扒！好似幾特別就嗌左😋上面有好多泰式辣醬同洋蔥的，味道真係幾thai~~ 豬扒好脆的，又厚身！而且同泰式辣醬係幾夾。揀左粗麵嘅，一如既往咁好食😋 .另一個叫左蔥油豬扒🤪 蔥油愛好者必食，因為超多真心重口味😝😝蔥油配豬扒亦係好夾，味道更有層次添😀😀.小食嗌左滷水雞翼，好入味，雞肉夠淋🥰上面有d黑椒😀😀.天氣凍叫杯柚子蜜💁🏻‍♀️ 足料夠滋潤😚😚

抵食夾大件之前看到有報導介紹這間豬扒店，我常常會經過，一直都好想去試所以專登約朋友一起去試，幸好我地好早去，所以冇咩人排隊，之前常常見到有人龍出現一坐低我已經知道自己想食咩!必點(蔥油炸豬扒飯)，另外朋友點了(秘製炸豬扒飯咖啡汁)我地兩個都加了煎蛋!食物來到，我嘩了一聲，好大份炸豬扒!同埋真係有好多好多蔥呀!本人非常愛食蔥的!好滿足，我原本驚食唔哂所以點了少飯，後來後悔了，豬扒都炸得非常好食!煎蛋煎到燶邊!大愛呀!朋友的咖啡汁版本都很好食，只是我非常愛食蔥，所以當然覺得自己個份正啲啦！其實我地仲想試埋炸芝麻雞亦，但太飽，下次一定會再來食，到時再試

呢度嘅炸豬扒炸到外脆內嫩,真係十分之好食!我就推介呢度嘅蔥油豬扒飯,咁我就會鍾意將飯轉做幼麵.呢度午餐平時都好多人等位,可能要等15分鐘㗎, 不過呢個質素同呢個價錢係值得嘅!

成日見到人地影d相勁吸引今日終於去試呢間人氣豬排飯店啦！我地初5去唔洗排隊，平日應該就要啦。好快有位入咗去，裏面都有幾個人食緊。餐廳係用木枱木凳，地方唔算大，需要搭枱。我哋都叫咗人氣嘅蔥油豬扒飯，一個加煎蛋一個加炒蛋。啲豬扒真係好大份！起碼有34舊喺飯上面，所以我地叫佢另外比個碗分開啲豬扒來放。啲蔥油多到滿瀉流晒出嚟，飯嘅份量都好多。如果驚食唔晒可以轉做撈麵，有得揀粗麵同埋幼麵。講下個豬扒，外皮炸得好金黃香脆，啲粉唔算太厚身，咬落去唔會太乾，配埋啲蔥油同煎蛋係非常好味！不過食耐左會好口乾，+$5 配可樂就啱晒啦！芝麻雞翼兩隻 $29外表炸得脆卜卜內裏肉質嫩滑好美味！

尼間鋪地方唔算大我就係中間尼啲咁既小店迫迫地 暗暗地叫左個蔥油豬扒飯食62蚊咋佢既豬扒勁大塊炸得好脆好juicy肉又好嫩個量正正係一個男仔既食量一定夠飽女仔既話我諗你哋都係少飯會比較好銅鑼灣咁既價位 抵食啦

夜晚約左朋友去銅鑼灣行街，之前聽過呢間專門食豬肉既店好似幾好味，一於就黎試下，餐廳幾近美食雲集既銅鑼灣市區，唔算難搵，職員態度都幾有禮貌，一行到門口就主動詢問幾位而且有笑容，店內既擺設都有日式風格，好中意佢木系既design。朋友叫左個蔥油豬扒飯配麥精，超級大碗！上枱既時候我同朋友都嚇親，超多蔥油，豬扒份量超級大塊而且係好juicy,唔似平時好多乾爭爭，炸得外皮好鬆化，肉質鮮嫩，飯粒都好香好嚼口，細食既朋友可以揀少飯。而我就叫左厚餐肉煎蛋撈粗麵，豉油配蔥油撈粗又係另一個超好食的，粗麵煙煙韌韌好彈牙，午餐肉真係超厚而且少少炸過，特別香口，豉油汁同蔥油份量都好多，一定足夠撈曬成碗！另外叫左個椒鹽魷魚鬚小食，同樣份量超多，配甜酸汁就感覺冇咁油膩，都幾好味。