火山燒 (已結業)

同朋友相聚，喺荃灣廣場行到肚餓，但又唔想喺商場食，於是朋友就提議喺附近食石板燒牛，由荃灣廣場行過嚟都只係幾分鐘，交通都算方便。雖然店舖面積唔算好大，但坐落都算舒服唔會覺得太逼。點咗兩個火山燒，一個係聖安娜安格斯封門柳，另一個係1855頂級高腰西冷。而最抵係加多$29就可以升級做套餐，可以四選三，分別有餐湯、沙律、小食同埋飲品。呢到最窩心嘅係會比埋一個大大嘅圍裙（我仲同朋友講笑係大人用嘅口水肩）以防牛油脂彈到落件衫到。主角出場，餐廳就先將牛肉煎咗四面約一成熟，封門柳嘅牛味比較重肉質好鬆軟，唔使驚過熟而咬唔到；而西冷比起封門柳切得厚身，有嚼勁而肉味香濃。以茶餐廳嘅價格食到呢個質素確係抵食！

每次喺荃灣商場行街都系食名牌連鎖店，今次喺openrice就見到呢間熱推300度熱石燒牛肉。決定今晚去試下。已經喺閒日既7點半左右，就已經要排幾張枱先到我地，上菜服務迅速，又主動收拾空碟食物。200G安格斯封門柳套餐升級做套餐只加29蚊，先上喺沙律同炸蝦，隨即送上熱石安格斯封門柳，厚切門柳一直喺熱石到燒，生熟可由自己控制，門柳油脂雖較少，肉味濃烈，肉質軟腍，非常可口！千層麵以蕃茄醬系表面，蕃茄醬又將整個千層麵覆蓋。配以一層芝士一層麵皮，芝士勁多同埋都焗得好香。口感一流。芝味十足。

又來火山燒食它的石燒牛，今次問下店員選擇那一款好，店員都好有耐性逐款介紹。石燒上之前會有件類似圍裙的不織布口水肩，幾細心，避免油污彈到衣服。SRF金標和牛肩胛肉眼 | $158 200g塊板燒到好熱，肉眼已經咋咋聲係上面燒緊，聽聲都已經覺得好吸引，我們捉緊時間，一路切一路放上塊板到煎。可以自己決定塊扒煎到有幾熟，煎到裏面少少粉紅色，不韌肉味香濃。我們又試下不同的生熟度，可以自己決定每一塊煎到有幾熟感覺真係好爽。雖然只係要了200g，不過兩個人都好夠食，而且打卡一流。吉列芝士夾心豚柳咖哩蛋包飯 | $88賣相真係好吸引，包住飯的蛋十分滑，咖哩汁味道不會太辣或過甜，汁的份量適中。炸豬扒一咬開裏面有芝士汁流出來，肉質鬆化。大阪章魚燒 | $38一客有六粉，好似街邊小食舖般，有水準，章魚🐙燒不會太粉，加上木魚絲吃起來幾香。

上次過來荃灣的時候就看中了這家店想要一試，今天終於機會來了。火山燒主要將半成品的肉類放在滾燙的石板上桌，由客人自行控制喜歡的成熟度，自己動手豐衣足食。選擇主食後可以+29元升級成套餐，在餐湯/沙律/小食/飲品中四選三，價錢頗實惠。忌廉湯，容器夠特別，不過看起來很小一份，我都不好意思去搶朋友的。沙律，用一個漱口杯裝著，蟹籽還有橙色和黑色兩種，算是一點小心思。炸蝦，每人兩隻，香脆可口，正正常常。凡是點火山燒的客人，侍應都會送上圍裙以遮擋濺油。紐西蘭厚切羊架(2支)+飯，朋友不吃牛但又想試火山燒，於是只能點羊架，只能說誤打誤撞，羊架竟然出乎意料的好吃，上桌的樣子看起來就超誘人的，入口肉質柔軟，羊味適中，不會過騷。店家有黑椒和粉紅鹽可供使用，電動的打碎器一傾倒就自動工作，還有亮燈，反正我沒見過 ，大鄉里出城長見識了。聖安娜安格斯封門柳(200g)+飯，與羊架不同，牛柳上桌時還有一張防油紙，底下的油劈裡啪啦得很厲害，可想而知那石板的熱度。而我們後來發現羊架之所以沒有濺油濺得那麼厲害，應該是因為羊架底下還有一層迷迭香草。過一陣之後侍應幫我們取走防油紙才終於露出了肉肉的真面目。外層已經煎得帶脆，內裡

《火山燒》位置十分方便，就在荃灣廣場旁邊。餐廳裝修簡約精緻，佈有植物點綴，是文青小清新風格。不論牆壁掛飾、桌子、椅子或吊燈都看得到餐廳的用心佈置。很喜歡這種壓花玻璃。🌼🌿餐牌給人很豐富的感覺，有非常多選擇，但設計清晰有條理而色彩繽紛。有丼飯、蛋包飯、石燒牛、焗飯、意粉、烏冬和三文治，選擇包羅萬有。‖ 金標和牛肩胛肉眼200g 配日本珍珠米 ($98) ‖店員會預先提供圍裙，以防被石燒牛的肉汁彈到衣服。上桌時和牛在熱石上咋咋聲，感受到它的強勁熱力。肉眼非常厚身，所以就算吃得慢，也不怕吃到後期，牛肉因過熱而變乾硬，這點好好👍👍。把肉眼逐片切開，放在熱石上輕輕兩邊煎一煎。外面微微焦脆，十分香口，內裡肉質軟淋帶嚼勁，牛味緩緩散發。‖ 蒲燒雙層日本鰻魚忌廉滑蛋珍珠米丼 ($68) ‖鰻魚口感軟綿，透著點點鰻魚香，份量不算多，只有兩塊。蛋非常嫩滑，與紫菜、木魚花和燒汁混著珍珠米吃，十分好味。餐廳CP值都高，值得一試。

我跟朋友一直都是熱石料理的愛好者，早前試過中環的三拍子，感覺不錯，今晚在荃灣逛街的時候，發現這間餐廳亦有石頭燒，於是決定一試。我跟朋友點了兩份晚餐，包括聖安娜安格斯封門柳(300g)以及原條巨蟹柳溫泉蛋明太子忌廉意大利粉，另加錢升級套餐，包飲品、餐湯、小食及沙律(四選三)。值得一讚的是特飲在升級套餐後同樣可以選擇，我跟朋友就選了兩款奶蓋：炭培烏龍茶玫瑰海鹽，以及茉莉花茶海鹽。先上菜是餐湯、小食以及飲品。小食由串燒改為吉列炸蝦，正常水準，炸蝦外皮香脆，沙律醬分量足夠。餐湯是忌廉湯，比夠稀，但調味恰到好處，不會太咸或重味精。至於飲品則十分有驚喜，飲品上的奶蓋芝士味濃，灑上海鹽更加帶出芝士的鹹香。配合下邊的烏龍茶有一份清新、解油膩的感覺。至於第一份主菜：聖安娜安格斯封門柳則牛味濃郁。牛肉本身並沒有任何鹽或者黑椒的調味，更能食得出食材的新鮮及原味道。牛肉本身質地好，腍身，多肉汁，配上酸汁及牛肉汁更加提升牛肉味。而令一款主菜巨型蟹柳溫泉蛋明太子意大利粉亦同樣屬於高質素。 蟹柳肉質幾彈牙，而且咬開後蟹柳絲條條分明，清甜可口。意大利粉在溫泉蛋攪拌後更加香滑，麵質適中，不會過硬，配合明太子的鹹香令整個

今天收工，老公要ot, 我一個人到了荃灣火山燒吃個豐富晚餐。自己一個能坐在卡位上，很舒適，能讓我好好享用一頓燒「牛」餐。極黑安格斯肋腰背我這份是300g, 份量真的是非常大！安格斯牛味非常濃郁，果然高質，肉質又鮮嫩，啖啖肉。石頭燒得超熱的，可以按自己喜好煎至合適的熟成度。切開時肉汁溢出，送飯一流，米飯也不錯，粒粒分明，珍珠靚米很有口感。我加配了套餐，有忌廉湯和沙律，還可以點一杯特飲，我點了「炭培烏龍茶海鹽奶蓋」，味道不會太甜呢，！烏龍茶味很香濃，配上海鹽奶蓋，特別滑口，芝士濃郁，喜歡奶蓋的人必飲。才二百多元可以吃到如此高質的安格斯肋腰背，還有奶蓋特飲，性價比絕對高，下次一定會再來！

今日去左荃灣廣場附近買嘢，一邊走無意間發現在對面大壩街有一間叫「火山燒」餐廳，看了看門口餐牌幾吸引，而且價錢經濟，望入去見又坐得舒適，所以我地決定食埋午餐先歸家環境舒適乾淨，服務有禮跟餐有忌廉湯，濃厚夠味，不會似水般稀薄飲品點了焦糖朱古力及特濃朱古力兩杯朱古力味都非常濃郁，口感幼滑，飲到最後冰溶曬都重好夠味咖哩蛋包飯流心芝士豚柳蛋包飯賣相好吸睛，咖哩味很香濃，帶少少辣，好惹味！吉列豚也夠脆口，蛋亦很滑吉列豚中間有流心芝士蛋白煎芝士夾心三文治配極品醬燒豬肋骨芝士豐滿豬肋骨好入味，又夠淋，骨肉好易切開主角石板燒的牛肩胛肉眼200g配珍珠米眼見好多人點，因為價錢真的超經濟，平時吃這個最平都要百尾二百呀，依家午市先$98咋！上枱時已聞到超香超香既肉味，可按自己喜歡生熟程度係塊石板加熱，非常方便，牛肉入口肉味濃，口感嫩滑，！餐廳很體貼，還有圍裙提供，不怕肉汁彈上身

行完城門水塘跟住就上去OpenRice搵嘢食，見到圖片同埋價錢都唔錯，所以就去試吓啦呢間「火山燒」晚市套餐唔錯抵食，今次就叫咗「肥牛芝士丼」同埋「英式紅酒肉碎豬肋骨蛋包飯」。肥牛芝士丼都幾大碗，相當飽肚，就嫌牛肉有點韌，但是勝在肉多，飯多，有汁送飯，同芝士一齊就更加融洽，食多幾啖。另外英式紅酒肉碎豬肋骨蛋包飯，英式紅酒汁酸酸甜甜都幾開胃，但係與茶餐廳相比，味道較沒有什麼不同。豬肋骨肉質軟熟，一到切就切到，亦都好入味，同紅酒汁一齊食更加好食，成個飯都大大份，都好飽肚。另外仲加咗$29升級套餐，可以四選三（有沙律/餐湯/飲品/串燒）。本身諗住食串燒，但係串燒咁啱售罄，餐廳就轉左吉列炸蝦（天婦羅），另外仲叫咗兩個餐湯（可以揀粟米濃湯/麵豉湯），叫咗粟米濃湯，味道正常，同罐頭差不多。飲品方面就叫咗熱門嘅奶蓋。分別叫左炭培烏龍玫瑰海鹽奶蓋，但係玫瑰味不足，只有奶蓋上的玫瑰花瓣碎，同埋正常烏龍茶，甜度不大。另外叫咗茉莉花海鹽奶蓋，雖然茶味比烏龍茶濃，但是味道仍然偏向淡。雖然味道比較清淡但是飲品發揮正常。最後，餐廳員工服務態度良好，有耐心解釋餐牌，出餐速度快，唔趕客。七點去食唔使排隊。

喺荃灣行街行到攰攰地又餓就喺附近搵間茶餐廳坐低食個下午茶休息吓———————————————————————🔸蒲燒日本鰻魚粒忌廉滑蛋珍珠米丼($58)鰻魚味道同份量都唔錯以價錢來講係超抵食🔸極品豬肋骨燒汁焗飯(骨肉分離)($52)食豬肋骨最怕就係要切嚟切開但呢度嘅朱立骨標榜係骨肉分離所以就慳返好多功夫豬肋骨嘅肉質比較林但係絕對對得上價錢———————————————————————火山燒 (荃灣)荃灣大壩街75號地舖

本身諗住過到嚟都要排一陣隊點知好意外竟然唔使等入去即刻有得食轉眼一望出去條隊又有10個人等緊 XD入面有少少迫, 不過 二人卡位都還可以食物好多選擇 最後叫咗香煎奈良手帶芝士牛肉餅咖哩蛋包飯 &蒲燒日本鰻魚滑蛋珍珠米 兩個滑蛋都超級滑漢堡扒好厚身鬆化滑蛋鰻魚都好正 女仔食都好夠飽餐湯係粟米湯 有啲迷你 個碗小小可愛 整體而言都好味 下次可以過嚟試下佢最出名嘅燒牛

今日黎到荃灣揾食，發現火山燒既評價都唔錯，咁就不妨試一試。首先我覺得必點既一定係佢地既石燒牛扒。我就因為認為牛柳肉質會嫩一點所以就點左200g安格斯封門柳。上桌後發現比我想像得更好，即使牛扒放左熱石上不停加熱，但肉質唔會老，食到最後一舊都仲保持非常嫩滑。另外肉汁亦鎖住在牛扒內，雖然餐廳有提供兩款醬汁，但我認為高質既牛扒即使唔點醬汁已經相當美味。下次有機會我一定會試埋其他牛扒。另外我地都點左一客吉列芝士豚柳咖喱蛋包飯，味道都相當不錯，咖哩係日式咖喱，所以唔會太辣而係帶有一點點甜味。而豚柳既份量亦相當大，芝士配搭任何食物都非常夾。小食方面就點左日式燒茄子，本身上桌時已經幫客人撕好一份份，方便客人去食。而茄子上鋪滿木魚碎同沙律醬，真係會另人忍唔住一口接一口咁食。Ps.所有主食可以加29蚊就變成套餐，可以喺四樣選擇入面揀三樣，分別係任何一款飲品，串燒，沙律同餐湯。我認為都值得加配，尤其飲品方面，我點左玫瑰海鹽奶蓋烏龍茶，茶味都濃而且味道唔會太甜，都係值得推介既。

次次去到荃灣廣場對面嗰條街都有好多餐廳，火山燒門口次次都排長龍，冇一次食到，今日終於兩點幾先來食午餐，唔使等位就入到去啦！三個人嗌左三個午餐，我叫咗金標和牛肩胛肉眼配日本珍珠米飯！上枱係配一個石板俾你自己慢慢燒的，最啱我哋呢啲唔鍾意太熟嘅朋友，鍾意幾熟燒幾熟，肉質軟淋充滿牛味吉列流心芝士豚柳咖喱蛋包飯，賣相極度吸引，香脆吉列豬柳中間夾住流心芝士，香脆惹味，大過塊面，淡淡咖喱香味配蛋包飯一流！蛋白煎芝士夾心雙層三文治配奈良手打芝士牛肉餅分量剛剛好又唔會太飽，唔想食太多嘢就係一個好選擇，加上沙律菜，都好清新彩虹棉花糖焦糖朱古力，熱量極高啊啱晒啲妹妹仔啊炭陪烏龍茶玫瑰海鹽奶蓋，我就揀番杯烏龍茶啦，茶味香濃，淡淡玫瑰香

近排好興食石燒牛，我發現呢間火山燒的晚餐套餐性價比高。晚市+$29就可以4揀3轉套餐，我覺得超值。餐湯唔大，忌廉味ok。沙律我覺得好食，竟然有好多蟹籽！仲配埋特飲好抵。彩虹特濃朱古力都幾好飲，朱古力味夠濃。平時鍾意食牛柳的我，見倒餐牌竟然有1855頂級高腰西冷，決定轉呔西冷。300度火山燒果然夠熱，我自己就鍾意薄切，兩邊各燒十幾秒，岩岩好，燒至7成熟差不多。石燒的好處就係可以自行調。溫度，例如好似我朋友鍾意熟D就燒多一陣。石板keep倒溫度，唔會太快凍。西冷肉脂平衡，肉質香，有口感，配珍珠米飯食一流。我自己一個都食得哂300g。朋友一見倒餐牌有旋風蛋包飯就放棄咗食石燒。吉列芝士夾心豚好大份，豚肉炸得夠脆，有芝士味。蛋包飯的咖喱汁夠香濃，配埋滑蛋食都幾滿足！餐廳環境舒適，枱幾靚，係拍拖食餐好的好地方。

收工約左朋友黎到位於荃灣大壩街，荃灣廣場附近的日式餐廳-火山燒試一試。雖然疫情同有限制的聚餐人數，但見到大部分位置都坐滿，都睇得出餐廳嘅受歡迎程度。食物方面叫左一份300G 的聖安娜安格斯封門柳，封門柳係用加熱過的石板上，客人可按照自己喜好切成不同大小和加熱不同時間。封門柳非常厚身，口感十足，而且油脂比例極佳，不需要特別調味處理，搭上香噴噴嘅白米飯已經係絕配！另外，主食亦有英式紅酒肉碎汁燒豬肋骨蛋包飯，蛋包飯外觀非常吸引，香嫩的滑蛋漿覆蓋再飯上，而燒豬肋骨採用了優質的軟骨部位，食起上嚟來更為可口，配上特製燒汁蛋包飯的味道更加提升了一個檔次。另外加$29更可提升為套餐，餐湯、沙律、小食、飲品四選三，當晚小食為雞肉串燒，飲品方面朱古力特飲亦是相當不錯的選擇。