火山燒 (已結業)

今天約了母親大人吃晚飯，母親大人要到荃灣廣場購物，於是就到附近的餐廳吃晚飯。這條街一向出名多美食，今次我就選了這間比較特別的餐廳。來火山燒當然就要點火山燒，我們Share來吃，所以就點了一客火山燒和一客意粉。我們都比較細食，所以點了200g就夠了。金標和牛肩胛肉眼200g $158侍應上菜時，會先用牛油紙蓋住牛肉，以防油濺出來。石板不停發出滋滋聲，聽到已經胃口大增，侍應還會遞上圍裙以防顧客比油濺到。牛肉外邊本身都有輕微煎香，我們先把牛再燒熟四邊，然後切開再燒，因為是厚切，所以必需切開來燒，切開後再輕輕煮熟，鎖住肉汁，很有豐富的牛味，亦很嫰滑，不會韌，連牙力不好的母親大人都咬到，非常棒！石板非常非常熱而且熱的時間很長，不用擔心牛會燒不熟，白飯帶點芝麻，非常惹味。如果喜歡吃半生熟的話，要趁早把牛放到碗上，因為石板真的很熱而且熱很久，吃到最尾一兩件時幾乎已經是全熟了。可以吃到自己選擇的生熟程度，又可以玩，真的不錯。香煎北海道帶子野菌忌廉意大利粉 $118帶子意粉非常Creamy ，每條意粉都掛滿忌廉汁，意粉軟硬度適中。帶子更值得一讚，大大粒，外表煎香，內裡有少少半生熟口感，非常滋味，亦很有帶

行開荃灣廣場諗住食個午餐 經過呢間餐廳見到只係幾十蚊就已經有齊餐湯主菜同埋飲品就一於入去試吓啦我叫咗一個豬肋骨焗飯 配蘑菇湯 而我朋友就叫咗一個鰻魚飯 配麵豉湯好快就已經有餐湯送上嚟 呢度啲餐具真係好特別 見到都胃口大開鰻魚飯賣相好足料 不過我唔食鰻魚所以就無食到至於豬肋骨焗飯係新鮮焗嘅 所以都要等一陣但絕對係值得㗎 送上枱嘅時候已經好香 就算熱辣辣都忍唔住要不返一啖黎食豬肋骨嘅醬 配上炒底嘅焗飯 真係十分之夾再飲埋杯棉花糖朱古力 買單只係每人幾十蚊下次去開呢頭都會再嚟試

收工約了朋友去荃灣行下，再去覓食😂 荃灣麻，最多好野食😃 經過這間餐廳，看著門口的餐牌非常吸引，門口的侍應態度亦非常親切。SRF 金標和牛肩髀肉眼。200g. $158石板燒好玩又好味！內眼肉質幼滑，較多汁。配埋燒汁，珍珠米，很豐富的一餐！吉列芝士夾心豚肉咖喱蛋包飯 $88這個蛋包飯超越預期的好吃！芝士是流心的，豚肉煎得脆軟。最喜愛是半熟不熟的炒蛋狀態，蛋香味加咖喱，好味！😋大阪章魚燒 $38總括而言，餐廳食物不論主菜或小食，每道菜的水準都很好，各有用心的地方！侍應態度親切。有空一定再去幫襯😁

天時暑熱，大家都愛到商場逛街，附近的餐廳自然成為目標。這家時尚的外表吸引，餐廳色彩繽紛使人食慾大增。現在人愈吃愈刁，牛肉也會看看是哪裡的出品。金標和牛肩胛肉溫泉蛋丼，這家一點不吝嗇，舖得美美的，加上一顆晶瑩的溫泉蛋。戳破一刻，蛋液緩緩流出，看着也美味。SRF和牛Gold Label 真的名不虛傳，果然咬下多汁，牛味濃郁。加上蛋液和醬汁，真是滋味。旋風蛋包飯也不能錯過，點了這份英式紅酒肉碎汁極上燒豬肋骨，一上菜令人十分興奮，蛋皮是嫩嫩的，紅酒汁和豬肋骨很是匹配，加上蛋包飯真的很滿足。升級套餐，可在餐湯、沙律、串燒和飲品中選三，相當划算。麵豉湯、沙律和雞肉串燒不過不失。那杯彩虹棉花糖特濃朱古力真吸睛，一喝真是暑氣全消。火山是一種蠢蠢欲動，如果把這口放進口中，有這種爆發的感動嗎？

平時吃日式燒肉店吃得多，石煱燒肉是第一次，剛好朋友正想一嚐「火山燒」我當然不會錯過。在晚上的時間，人流真是車水馬龍，聰明才智的我當然是早一點食晚飯，店內用餐光線充足，位置十分寬敞舒適。我今日試食「1855 頂級高腰西冷」，套餐包括粟米湯，沙律菜和醬汁。店員端上的高腰西冷是切成長方柱體，賣相好靚眼，見肉質爽彈，顏色鮮嫩，肉色澤紅潤，又有雪花，油花分佈靚。我已經急不及侍把它烹調，嘩！煙霧飄飄，熱煱把牛肉的油脂逼出來，不須要添加全何油，即令牛肉的外面煎熟，鎖住本身的肉汁，剛燒好的牛肉煩皮脆肉香嫩，而且一啲都唔油膩，超級美味。西冷肉質最為嫩滑，清晰油花紋理，有驚喜牛的油脂喺嘴裏融化，感到入口即化，忍不住不斷一口接一口，牛肉味濃，入口嫩滑，滿口是油脂香，沾下醬汁更美味，好正！

火山燒嘅下午茶真係好抵食，一個餐裏面包湯包嘢飲，重點係食一啲特別啲嘅菜式都唔貴。安格斯封門柳$88足足200g，仲要配埋珍珠米一碗，呢個價錢真係冇得輸，重點係佢嘅牛其實幾好味，特別要讚一讚就係上碟嘅時候只係三成熟，我就可以慢慢將佢切開再喺塊石上面燒一燒，燒到我啱心水，食過出面有啲石燒有時唔夠快手就會令到啲牛好老，呢樣野我覺得幾貼心。蒲燒鰻魚忌廉滑蛋丼$58個滑蛋真係非常之滑，而且真係食到有濃濃嘅忌廉香味，鰻魚粒都唔少，驟眼睇都有成七八粒，重點係我最怕食鰻魚裏面有啲細骨，但係呢個係連嗰少少食得落肚嘅細骨都冇，令我刮目相看，再加上啲木魚絲，再增加個層次感，成個菜式香味十足，同埋份量好多好夠食。另外特別要讚一讚嘅係呢度啲特飲只係加$10姐，但係就有鮮水果梳打，即係唔會加埋嗰啲人做糖漿搞到成件事好人工嗰隻甜。

見好似好多人食又係良心店就幫襯下，但食物水準唔算高，有d失望，可能佢主打真係火山燒系列會好食d啦！塩趜燒紐西蘭穀飼肥牛芝士珍珠米丼 $78依個餐叫做幾好食，肥牛幾有牛味同淋，啲飯都好食，因為珍珠米好煙韌。香煎奈良手打芝士牛肉餅咖哩蛋包飯 $88個牛肉餅係幾好食嘅，好淋，加左芝士幾香，個蛋都好滑身，不過咖哩我就一般，食到咖哩粉，同埋個人5中意5辣嘅咖哩。吉列芝士夾心豚柳咖喱蛋包飯 $88依個最失望，塊豬扒薄身再炸，好硬好乾身又鞋口。加$29可升級套餐，4選3包括: 串燒、飲品、沙律、湯。雞肉串燒幾好食，奶蓋飲品冇咩味，忌廉湯亦淡味。ps. 仲有加一服務費，感覺性價比好低，同食物水準未能成正比。

叫左兩款肉配飯，豬扒太瘦了，瘦到有點乾身。咖哩味不錯，偏辣有點苦口，蛋炒得好滑，米飯都屬於好味既珍珠米，但豬扒得一塊仔，食左一半飯都冇肉送了。 至於個$138牛肉飯，啲肉仲少，飯勁多。成餐飯就主要食蛋同白飯，好dry....

今晚同朋友黎食火山燒。之前都黎過呢間餐廳，好鍾意呢度夠多選擇，價錢又相宜而且又幾好味。今次朋友點了一份$128既聖安娜安格斯封門柳，個名聽落都好有氣勢，每款火山燒都可以點200g或300g,可因應自己食量而定。朋友點了200g,女仔來說份量都好夠了，大滿足。鐵板一上檯都熱得呼呼聲，好熱好好味呀，石板燒到好熱，所以夠曬保溫，把牛肉切開，中間都是生生地，但再把中間部分輕輕在石板上煎一煎，熟度岩岩好，又可鎖返住個肉汁，中間超嫩，十分好味。啖啖肉大滿足，最欣賞塊石板好熱，肉又大件，肉又唔會過老。不過都係建議一上菜後，盡快食用，以免牛肉會煎得好老。呢個火山燒仲有碗飯架，夠曬飽肚。牛肉仲可以沾上汁醬吃，好惹味。另外我點了吉列芝士豚咖哩蛋包飯。份蛋包飯好靚呀，好多嫩滑既蛋鋪係飯上，蛋好好味，一啖蛋包飯，配埋咖哩汁，正呀。另外，芝士豚都唔錯，外皮香香脆脆，切開後見到芝士同豬扒夾在一齊，味道唔錯，芝士都幾濃。我地呢兩款主食都加配了套餐，都幾抵食。$29可以選3款（串燒、湯、沙律、飲品）是日串燒是雞肉串燒，味道不錯。湯都幾creamy,是忌廉湯最後飲品可以任揀一杯，呢間餐廳都幾多唔同種類野飲架。呢杯炭培烏

其實我本人真係好少寫食評 但今次真係想提醒大家唔好試🙄今日經過見到呢間餐牌同裝修都幾靚同埋老公之前話食過千層肉醬闊麵覺得ok就諗住試下 點知大獲！中伏😨😨😨我地叫左2個lunch set鰻魚蛋飯 + 咖哩流心芝士豬扒飯都係真心麻麻 😫鰻魚賣相好普通 重點鰻魚得2塊仔 cp值極低 其實冰鮮雪藏個d俾1條都唔過份 影相的慾望都冇 豬扒個碟靚d就有影 入面有少少流心芝士 但飯同餸的比例差好遠 勁多飯冇嘜飯 d豬扒又乾爭爭忌廉湯個container幾得意但個湯係粉開水咁 真心冇下次🙅🏻‍♀️

近幾年都好興食石燒牛，但係正正常常都要幾百蚊上落，我搵到呢間荃灣嘅火山燒，佢嘅石燒牛都係一兩百元，極黑安格斯肋腰+飯，再加埋套餐升級+29，可以選擇湯沙律同埋小食，我選擇咗忌廉湯加沙律加炭燒雞串，安格斯牛連埋熱辣辣嘅石燒上枱，聽到石燒上邊油脂既咋咋聲真係好期待，有圍裙防止油彈到衣服，牛外層已煎香，剩下來可以自己控制生熟度，肉質鮮嫩有肉汁，超口安格斯肋腰位置，但食落去都唔會覺得韌，加埋特製醬汁配飯真係一流，份量超大，好滿足。另外點左金標和牛肩胛肉溫泉蛋飯，唔想自己燒嘅可以選擇呢一款，份量亦都係超足，溫泉蛋撈飯令到口感更加香滑，飲品方面點左炭燒烏龍茶玫瑰海鹽奶蓋，茶香濃郁配上奶蓋嘅鹹香，不錯👍

呢間日本菜其實主打應該食石板燒既，不過我同朋友都有少少唔舒服，所以揀左滑蛋飯系列。蒲燒雙層日本鰻魚忌廉滑蛋珍珠米丼加左鰻魚汁既嫩滑鰻魚，混合鋪滿飯面既滑蛋，伴以大大粒珍珠米搭食，咩都唔好做，食左先講！燒千層安格斯肋腰背忌廉滑蛋珍珠米丼安格斯牛燒到半熟狀態，切成薄片上碟，口感幾juicy。滑蛋都做到平時既水準，但講夾唔夾都係鰻魚個配搭較為出色加30蚊左右仲有得upgrade 做套餐，有小食，餐湯同飲品等，好豐富炭燒烏龍茶配玫瑰芝士奶蓋冇再北上之後已經冇乜點叫奶蓋飲品，今次咁啱有供應先叫黎試下。烏龍茶底比奶茶健康，亦冇咁甜。溫馨提示，攞到野飲就要盡快攪拌均勻，唔係就會變到一舊舊！奶蓋仲有少少花香味幾小清新芝士玉子燒特登叫既玉子燒，表面除左木魚，仲有一陣輕輕炎燒過既芝士，好邪惡！不過留意番呢兩件玉子燒都幾飽肚，唔可以睇小主食menu

火山燒有各類丼飯、焗飯、意粉、蛋包飯、烏冬甚至係石燒牛食😌而且午市套餐包湯包野飲，都幾抵食！1⃣️香煎奈良手打芝士牛肉餅咖喱蛋包飯（$59）見到佢個餐牌寫住千代田旋風蛋包飯，好似好勁咁，點都要試下！個蛋包飯整得好靚，食落都幾滑，不過就冇乜蛋香🙈咖喱汁唔係日式咖喱果種甜甜地既味，比較似平時茶餐廳食到既港式咖喱，個人覺得同個蛋包飯唔係太夾😂  個牛肉餅面頭有燒融既芝士，幾香，而且牛肉餅好厚！好足料！食落仲係有啲肉汁既，唔會煎得太熟太乾🤤  另外午市套餐仲有跟忌廉湯或者麵豉湯，揀左忌廉湯，入面有啲粟米，幾好飲。 2⃣️時令野菜天婦羅手打湯烏冬（$55）野菜天婦羅有蕃薯、南瓜、秋葵。天婦羅既炸衣偏厚，同埋層炸衣同件食材唔係好痴埋一齊。不過手打烏冬就幾好味😋烏冬煙韌有彈性，湯底都ok，似係豬骨湯底既味。  湯揀左麵豉湯，個麵豉湯麻麻地，好淡，而且入面冇乜料。  3⃣️極品豬肋骨燒汁焗飯（$59）豬肋骨真係幾大件，啲醬汁係BBQ醬既味，加埋焗好之後融融地既芝士，呢個組合好邪惡好好味🤤  4⃣️鮮雜果冷泡茉莉花茶（跟餐+$9）好fresh好好飲，雜果味道少少甜。  5⃣️鮮蘋果冷泡茉莉花茶（跟餐+$9）覺得呢款最好飲，

這店食物選擇都不少，有石板燒、蛋包飯、丼飯、意粉類等，可謂各式其式，總有一款合心意。今次我點了香煎北海道帶子野菌忌廉意大利粉，帶子十分夠份量，很大顆的，而且前煎得非常香，卜。嚐了一口，就知道這帶子不是一些便宜的貨色，十分爽口彈牙，很鮮味，果然有水準。意大利粉韌度剛好，我最怕吃茶餐廳的意大利粉，大多是太林，沒咬口，不夠彈牙，但這裏則不同，很好味，而且忌廉白汁剛好掛在意大利粉上，十分creamy，意大利粉夾雜著野菌，配合得不錯，美味。另外又點了吉列芝士夾心豚柳蛋包飯，當應應一端上餐桌，已很想吃，賣相吸引。吉列外表酥脆而不太油膩，中間夾著一層芝士，十分惹味。而蛋亦煎得嫩滑，配合米飯來吃很不錯，而且份量十足。咖哩是日式的，帶微甜，正合我意，因怕吃很辣的。只須加29元就可升級套餐，包餐湯、燒雞串及飲品（可點餐牌任何一種飲品，不限價錢），真是覺得十分化算。雞串亦燒得嫩滑，味道不錯。我點的飲品是芝士奶蓋苿莉花茶，很有特色，起初看上去以為很甜，怎料一點也不甜，冰涼解渴，有一種清新的感覺。整體而言，這店出品頗有水準，值得再來。

見6點無人排隊，入去食下。坐位安排已經唔好，將枱細到根本放唔到所有食物。叫左2個丼飯套餐，質素奇差。所謂既串燒係超市急凍貨，餐具殘舊及不衛生。埋單3百幾完全可以係正宗日本餐廳食番有水準既丼飯。絕對無下次