潮州合成甜品

营业中

休息中

d人說合成真係好好食, 所以係值甘貴, 所以我便慕名而來.我地叫了1. 腐竹糖水- 清甜,唔差.2. 湯丸- 比較普通dwor, 姜味都係佳佳好d wor3. 蓬子糖水- ok啦. 因為不太喜歡食蓬子, 味道同普通個D都係一樣啦.

今天無事忙, 但卻要四圍行, 於是都幾攰下, 想吃清心丸...呢度是不二之選!腐竹蓮子百合 (凍), $20....老公的, 腐竹是一塊塊的, 不太喜歡, 仍記得第一堂家政是教我們煲腐竹蛋糖水, 老師還教授如何使腐竹煲得碎一點的技巧!蓮子百合清心丸....這是我原來的選擇, 可惜沒有清心丸, 失望到極點, 推而求其次要了....腐竹蓮子薏米 (熱), $19, 蓮子不夠鬆化, 薏米味道重, 不合心意, 我還是想吃清心丸!

我媽是潮州人，但她自小由廣東人湊大，故此連潮語也不懂，著實是一點潮州人的特質也沒有。再來到我這一代，只有半截「架嘰冷」基因的我，對潮州食物的認識除了「潮州粉果」外，分數上應該被列入負數。來到「潮州合成糖水」，面對一大堆長長的糖水名稱，當中那些是傳統，那些是混合了現代口味，實在是無從稽考，亦懶得去考證，就隨心意而點了一碗熱的「腐竹蓮子百合糖水」($19.00)。蓮子與百合也是先放在碗中，再倒入腐竹糖水，所以在腐竹糖水中感覺不到因百合被煮溶掉而成的糊狀，同時大部份的腐竹仍然保持在片狀，未有溶於糖水中，亦因為此，糖水與各材料帶著疏離感，沒有腐竹、百合跟糖水三為一體的融和感覺。另外，有些蓮子的芯未全清掉，仍帶點苦澀味，可幸問題不算嚴重。吃腐竹糖水時那種融和感覺，是我最喜愛的。原因可能是來自我媽，每次一大鍋又綿又香甜地煮出來，細碎與片狀的腐竹並存，與及半溶狀態的百合，雖然大多不會加入蓮子，但也無損我對它的愛惡。總結一句，此店的腐竹糖水，不是我那杯茶。

去完隔離間清真牛肉館, 順便試埋個潮式糖水一睇個menu, 有七十幾款糖水, 真係要花少少時間研究下邊樣o岩自己話明食潮式糖水, 冇理由食紅豆沙芝麻糊o既..........我叫左個腐竹薏米清心丸, 我朋友就試個腐竹薏米清柿餅腐竹都煲得幾蓉, 但係又唔會爛哂, 幾好, 薏米我鍾意食滑o既, 呢度整o既有D"鞋"口, 清心丸有少少甜味, 夠彈牙, 夠正宗, 好野!偷左朋友少少柿餅黎試, 同個糖水唔多夾, 同掉舊蕃薯乾落碗糖水度差不多, 唔得廿幾蚊食碗糖水, 呢個質素, 真係好一般

九龍城嘅食肆何其多，競爭之大可想而知。要狂芸芸食肆中站得住腳，一係有特色，一係要靠實力，缺一不可。位於龍崗道嘅合成，沒有誇張嘅門面，冇精緻嘅裝潢，簡單的幾個廂座，幾張圓枱，空氣中播放著老掉牙嘅旋律，賣嘅就係以蓮子變化出嚟嘅甜品。合成以潮式甜品掛帥，一眾潮式甜品，包括清心丸、綠豆爽等皆一應俱全。其中以蓮子作主力，配合百合、馬蹄、綠豆邊、清心丸等，配搭出幾十款甜品。筆者與太座在芸芸數十款甜品中揀選了以下兩款：蓮子綠豆邊薏米馬蹄沙加清心丸($30) – 此甜品用料豐富，入口清甜，如果食完濃味嘢之後進食，可掃除飽滯感覺。馬蹄固之然爽滑，清心丸彈牙有咬口；蓮子軟硬度剛好，蓮子心已經挑乾挑淨，一點苦味也沒有。雖然要成三十蚊一碗，但以份量大、材料充足計，此訂價實屬公道。蓮子雪耳龍眼肉燉百合($32) – 筆者陰虛，以圓肉為材料嘅糖水要合適。此甜品以燉盅奉上，奉上前撕開蓋在燉盅上嘅紙，証明係真材實料燉出嚟的。材料嘅充足度不比太座嘅糖水遜色，雪耳仍舊保留爽脆感覺，應是後加之物。蓮子入口如粉狀化掉，火喉十足。甜味屬王道，唔會給食者過大嘅負荷。是次光顧人不多，相信係時間較早(大約晚上九時)嘅緣故，過往嘅經驗

係對面食完泰國野就過黎食糖水!頭先食完D辣同熱氣野過黎食返碗凍糖水真係透心涼!我地叫左:冰花綠豆清心丸腐竹薏米清心丸百合綠豆清心丸不過我只能夠評論我自己食個個!冰花綠豆清心丸"食第一啖真係有透心涼既感覺，因為佢真係好凍!!凍得黎唔會覺得好淡...正!而且佢真係好足料...之後先知原來呢個係潮式甜品既特式...勁有口感!!D清心丸好得意~好似椰果，不過佢好食過椰果!煙煙UNUN好得意!!不過可能頭先我太飽...所以食到一半已經有夠哂既感覺!都可以有下次既...但都係覺得有少少貴!! 哈哈!而家D糖水同個飯餐真係差唔多價錢!!!

食完正餐當然拉左bb去食糖水啦去到差唔多十分鐘都無人招呼...算數,等我慢慢選擇食咩糖水佢真係超多糖水選舉最後叫左一碗紅豆沙清心丸+湯丸,一碗冰凍馬蹄沙綠豆個人覺得紅豆沙好普通,周圍都食到,不過清心丸真係幾好食呀可惜湯丸一d都唔好食,芝麻又唔夠香馬蹄沙綠豆就超好食!估唔到馬蹄沙+綠豆會咁夾,值得推薦!!

去九龍城食完泰國菜後, 我最愛去合成食糖水滋潤一下....Menu 有廿幾三十種, 其實來來去去都係幾種依食物變化出來....熱雪耳腐竹清心丸, 內有少量蓮子, 蓮子唔甜, 好鬆化, 清心丸煙煙韌韌...好味, 好潤...而且廿幾蚊一碗糖水, 但每啖都有材料的糖水店, 只此一間.....

晚上到了以清心丸最出名的合成買外賣甜品食,但食既係蓮子紅早雪蛤膏呢味道幾好,火喉夠,蓮子十分鬆化,紅早去埋核,有很多舖頭唔會咁做,之前仲食過,可以隨意再加百合或清心丸等配料,視乎自己口味決定!

中午在九龍城吃完飯, 想吃糖水, 就想起合成.每次看餐牌都花很多時間, 花多眼亂, 但其實來來去去都只得幾款材, 就配搭出超過40至50款糖水出來. 主要材料不外乎:- 綠豆/紅豆/馬蹢沙- 圓肉/西米/薏米- 百合/蓮子/雪耳- 雞蛋- 柿餅糖水份量都很大碗及很足料, 但價錢又不算貴, 所以想吃糖水是不差的選擇.我們吃了:紅豆沙清心丸 ($19) ~ 紅豆起沙, 豆很諗, 清心丸很韌....冰花百合蓮子柿餅 ($23) ~ 百合及蓮子都很諗及很粉, 柿餅很特別, 別的甜品店很少吃到用柿餅來做糖水.

食完飯,再去到合成甜品食碗糖水潤一潤先因為一個人住既關係,根本無可能自己煮,但其實我都真係幾鍾意食糖水,希望快d娶到個老婆而佢又肯煮俾我食啦講番個蓮子百合紅豆沙,十九蚊碗,紅豆沙煮得稀爛,有果皮味道,夠熱,好好食,蓮子同埋百合提供了爽口既感覺,唔錯好想食埋個燉雪蛤,但係已經食唔落,下次再食過啦

由於在泰式燒王吃不飽，在九龍城轉了一個大圈，最後決定去吃個甜點再找鹹點。剛才的泰菜完全不是男友的茶，令他暗暗地埋怨我，幸好合成的甜點比較合他的心意呢。男友點了滋潤的燉雪梨蓮子海底椰，而我要了綠豆邊清心丸。燉雪梨蓮子海底椰($32)﹕送上來時才把燉盅的紙撕去，保證是燉出來。雪梨及海底椰燉得火候剛好，不太爛亦不太硬﹔蓮子鬆化無比，舌尖一壓即化，果然屬必吃項目。至於糖水不會太甜，吃罷滋潤得很。綠豆邊清心丸($20)﹕滿滿的一碗，內有大量綠豆邊及清心丸，還有少量蓮子。綠豆邊同樣沒有煮得過火，有點咬口剛好；清心丸煙煙韌韌，比較飽肚；蓮子亦非常鬆化。此店的甜點份量不是很多，但非常足料，吃罷可是會飽得很呢。另外，此店的店員大部份都很有禮貌，亦很好笑容，一定會再來啊。

我曾寫過我一向也不會幫襯糖水店，今次又破戒了。主因是open rice「誤了我」，人已在清真牛肉館，wifi 看看open rice有沒有小食吃，然後就回家。見到合成就在隔離，心裡爭”扎”了良久，就來看看吧；去到店前，又再爭”扎”一會，入內吃完一了百了。試了一碗熱的腐竹芝麻湯丸，腐竹很香很滑很多，糖水不太甜，味道合宜。四粒芝麻湯丸反而為之失色，湯丸皮有點厚，芝麻不夠香, 其實接近無味 – 0至10的話，只得2；咬開時亦未至於流出來，實在有些失望。 (灣仔碼頭的急凍芝麻湯丸還比這裡的好吃。)23蚊一碗，有點兒不值。

飯局遲到了, 狼吞虎嚥的食哂D餸尾, 大隊從新蒲崗行到九龍城, 由一個80年代, 走到另一個80年代.來到日本人所謂的「下町」, 食糖水, 合成是最佳選擇. 看見門口的糖水工作坊, 一盤盤的綠豆邊, 一盤盤的蓮子, 一盤盤的清心丸等等. 合成, 原來就是這些東東撈撈撈.....上樓上的雅座, 一行十多人, 安排了我們坐在樓上的古典圓檯. 玻璃下滿是一些各大報章既食評介紹, 而且亦風靡至倭國, 有張倭文介紹, 「下町」乜乜乜乜的.....日本人, 也愛潮汕甜品.我點了一個綠豆邊蓮子清心丸, 清甜不漏, 綠豆粒粒分明, 蓮子爽口, 連應該冇乜味既清心丸都因為那糖水底而甜起來. 其他朋友也要了一碗合成品, 其成份也不外乎以上的一切, 撈埋一碗就是. 果然名符其實是合成. 薑糖水可以自選辣度, 適合不同口味既人.食完糖水, 本來仲有胃口去吞下牛肉餅的, 只可惜清真館已關門.

吃過沙嗲公仔麵後戰鬥力只剩少許…最後來到合成甜品店…我記得我很多年前曾經來過…只記得這裡有清心丸吃…但其實清心丸是什麼樣子的我已經忘記了~不能吃太多…我和sheep share了一個冰花蓮子百合杮餅清心丸….多花奶~確實是大堆頭大製作…哈~友人的熱百合綠豆沙清心丸先上場…綠豆沙很足料…煮到起沙…一點也不稀…質感豐富的幾乎每一啖都充滿綠豆…不過吃太多會有點漏…多人分享就最好呢~大大碗的糖水…有碎冰和大量花奶…很清甜…清心丸大大粒的…很煙靭…杮餅加在糖水裡吃我還是第一次…加上蓮子和百合…感覺很健康…而且也沒一般的糖水般甜和漏…不錯的~幸好我和sheep兩個人share…否則就算我不是吃飽了我也吃不完…短短的三個半小時就吃了三餐…真的要跟自己的肚餓說聲”辛苦了~”