潮州合成甜品

营业中

休息中

屯马线开咗之後 即刻去左宋皇台站潮圣 因为去九龙城真系方便咗好多😍 九龙城除咗食泰国茶出名之外 合成中式糖水都好有名气 所以都专登试试！清心丸好特色 所以叫咗个 腐竹薏米清心丸 好有咬口🤣 又好消暑！岩晒系九龙城食完晚饭 再食返碗传统潮式糖水🤪🤪🤪🤪🤪

合成糖水系九龙城区传统潮州甜品店，有50多年历史。叫了热门的潮州绿豆边清心丸，冻食既应该系在热糖水中加冰。糖水有粒粒绿豆，清心丸，冰粒同花奶。绿豆同包糭用的绿豆一样，但偏硬有咬口。清心丸透明质感烟韧，糖水甜度适中，系夏天消暑之选。P.S. 朋友的糖水中发现有小昆虫，店家有即时换咗碗新，服务态度良好。

很怀念合成潮式糖水的味道。难得经过九龙城，明明已经饱肚都想食一碗。合成糖水口感依旧丰富，好似车仔面咁可以有很多不同的食材组合，总有一款岩你口味！价钱跟以前差不多，仍然是30几一碗。糖水略甜，假如可以减半糖会好好多。清心丸非常烟韧，自己系无办法煮到呢个水准！总括来说，食得开心，因为这里吃到怀旧地道嘅味道！

消暑必选【莲子绿豆边马蹄沙】🍧话说𝚅𝚒𝚎𝚗𝚗食咗 #合成 咁多年都系好专一净系食 #马蹄沙清心丸🍡 百吃不厌❤️ 但最近气温高达📈 𝟯𝟲度....真系要清热下火..特别成日食辣吃🥵所以肥仔就买咗.......🍧 #莲子绿荳边马蹄沙〰️莲子有维他命b, c ,钙仔，仲有安睡宁神之用，所以好啱有失眠同埋减肥人士之选〰️绿荳边...就清热解毒...d好似𝚅𝚒𝚎𝚗𝚗嘅夜猫💤就啱晒〰️ 马蹄沙....清热解毒之余仲可以降血压🥶好消暑.🍧夹埋细细粒嘅沙冰食落口...wow真系好消暑🤩 特别适合去完沙滩🏖️郊外活动🚣‍♀️⛹🏽⋯⋯男女老幼都非常啱食..📌 潮州合成甜品 (九龙城)📍九龙城龙岗道9号地下

叫左一碗绿豆边清心丸（细个碗38蚊），同埋一个绿豆边莲子百合薏米（大个碗53蚊），无味奶水占左2/3，两碗糖水夹埋91蚊，伏到一个点，啲料系1/3左右都唔知有无，淡，无味，细碗，唔知点解咁贵，起码3十几一碗，上次食无咁差，今次食完唔会再返转头。纯粹觉得名气过大，普通的舖头都无咁稀，唔会咁淡，淡奶水真系好伏。仲要好大牌，啲阿姐系次次都西面的，我好少俾咁差评，因为落差好大，附近有其他选择，想试下名物但真系好失望呢。

同朋友去开九龙城食泰国菜，佢就推介我去呢间传统中式甜品店食糖水。第一次去呢啲旧式嘅糖水舖，见佢有好多款式，都唔知拣边款好，最後就拣咗番薯糖水加清心丸同汤圆, 而我朋友就上咗红豆沙加莲子。佢哋调返转糖水好够姜味，可能有啲朋友会觉得好辣，但我都接受到，至於配料方面，佢哋嘅番薯拣得几好，无根，而我几欣赏佢哋嘅清心丸， 呢样配料好少喺出边食到，识落烟烟银银几好食！汤圆方面就中规中矩，你唔会太厚芝麻味都好足够。至於我朋友叫嘅红豆沙，红豆都俾得好足，食我亦都唔会太甜，莲子亦都煮得啱啱好。总括嚟讲我觉得呢间中式甜品店几高质，如果冬天嚟食就更加好，食完个番薯糖水成身都暖笠笠。

食完晚饭突然好想食糖水男朋友话带我去九龙城呢间好出名嘅糖水舖食甜品， 究竟有几好食呢我都抱住好期待嘅心情想试吓～个menu真系有好多选择，花多眼乱 成几十样糖水 我哋拣咗好耐都唔知食边款好，净系想每款都想试下，哈哈哈最後一人拣咗一款冻嘅糖水热辣辣嘅天气食番碗透心凉嘅糖水 真系好爽我嘅系 44.冰花莲子雪耳清心丸男朋友嘅系 51.冰冻菠萝马蹄沙一上台真系o咗嘴，我冇谂过会咁鬼大碗哈哈，心谂～咁多点食得晒我碗糖水加冰加奶，冰就有好多真系够晒冻，奶都有好多，捞匀嚟食劲大阵奶香味啱晒我呢啲锺意奶嘅人啲雪耳真系超级爽口，食落去索索声劲爽脆㗎！ 莲子亦有劲多，食得出好新鲜清心丸亦有好多沉晒底，每一粒都好大粒 好烟韧超弹牙， 咬落去弹下弹下好有口感男朋友呢碗菠萝马蹄沙都好好味 啲菠萝又系沉晒底，有好多块每一块都好大嚿，亦好甜好爽好冰冻

 绿豆边清心丸 $35 绿豆边 粒粒分明 绵得黎保留到少少咬口🉐 清心丸 好烟韧💯有嚼头 同芋圆、珍珠相比， 会少左饱济感✅必食😻 椰汁黑糯米清心丸 $37 黑糯米 份量颇多 软糯唔过甜👌🏻 擂沙汤圆 $30 有五粒芝麻汤圆 🍡汤圆煮得太耐 无口感可言 好痴牙😥花生🥜同糖粉唔会好甜 但系都唔太建议试 除非中意食浆口粉团🥴 整体而言， 糖水甜度掌握得恰到好处 ⚖️唔会过甜 选择众多 配搭自由度高👍🏻系现时比较少有既传统糖水舖 值得一试🥳

都有一段时间冇黎呢间潮州糖水谱，每次来基本上都系一定会叫清心丸，只差在用乜嘢配搭，究竟系就咁绿豆定系绿豆边，又或者加唔加莲子，谂起都觉得开心。不过今次帮衬，明显少咗好多人，唔洗等又唔洗上角楼，唔知系唔系同佢d糖水质素下降有关呢？先讲我最锺意嘅清心丸，以前外脆内烟韧，今次就成pat野咁，朋友点的白果腐竹蛋，似乎稀咗少少，无谂过最基本嘅经典糖水都失手。希望今次纯属个别事件，系我唔好彩，因为呢间真系我心目中No 1的糖水舖。

呢晚同朋友系附近食完饭, 意犹未尽，再搵地方食糖水!咁佢呢, 就推介我食呢间~佢话呢间潮州合成甜品好多年历史,佢想当年学生时代回忆, HAHA一入店内, 好怀旧FEEL~睇MENU, 糖水都好特别, 好少系出面见到的~我好多都未见过, HAHA,好似有D糖水, 有柿饼! 真心特别!!同埋朋友话我知, MENU上有既野都可以任意配搭~唔一定要跟佢既配搭的~但我地最後就食我朋友推介的:马蹄沙清心丸~我食冻的, 朋友食热的~朋友仲加左雪耳!我第1次食清心丸同马蹄沙的~我想讲, 真系好好味!!我本身都好喜欢食马蹄糕个D, 呢个马蹄沙都有粒粒马蹄有咬口, 味道好清甜~然後清心丸! 好烟UN! 口感好好!我真系好喜欢呢!我之前要再带另一半再来食过!!

每次食呢间糖水都会叫佢嘅招牌“清心丸”，食落烟烟韧韧系大婶最钟意嘅口感🤗。今次就叫左个热嘅绿豆沙加清心丸，估唔到热嘅糖水啲清心丸都唔会淋咗👍🏻，个绿豆沙都唔太甜。大叔就叫咗个腐竹鸡蛋糖水，大婶不嬲都麻麻地呢款糖水，不过都试咗一啖唔系好甜，同埋腐竹都好多。钟意食烟韧嘢嘅推介你要去食清心丸😋

隔离食饱饭念住食下糖水，坐低叫左三碗糖水，其中莲子百合雪耳清心糖水，找不到雪耳，糖水只食到冰味，成碗野系无味既雪水。百合仲系黑色的，无洗乾净，离晒谱。碗野感觉真系好求其，另外两碗算正常没有特别，不过食完有点不适，似d冰唔乾净无服务可言，个啊姐定唔知老板好赶客，食完嫌你阻埞叫你快啲行出去，吓人的态度。睇下其他comments,原来有人有相同经历，早知就唔再黎啦.以前食过几次，之前都唔见得好服务，不过食碗糖水姐，但未至於赶客，现在又难食左，你食完再企系间店等埋单都嫌你阻埞，唔推介了

第一次试潮州甜品，同平时见开嘅中式糖水舖啲选择都有啲唔同，几新奇。拣左莲子雪耳百合，唔会太甜得黎系清甜🥰食落觉得好健康，莲子尤其惊喜因为好腍好甜🤩另外加左2粒芝麻汤圆，汤圆就无乜特别有机会都想试埋其他😋😋铺头好旧式，有种回到过去嘅感觉🤣

香港地痞式既糖水舖真系买少见少，难得嚟到九龙城，一定要去合成糖水叹返碗中式甜品，特别以前喺呢区读书，零舍觉得有人情味。我哋叫分别叫咗两碗糖水，第一碗系绿豆边清心丸马蹄沙，清心丸食落好有咬口，烟烟韧韧，系呢种秋高气爽嘅日子里面，暖笠笠嘅马蹄沙加添左一份滋润，细细粒爽爽嘅马蹄，加上煮到好淋身嘅绿豆边，提升左成碗甜品嘅层次。第二碗糖水系腐竹糖水鸡蛋再加清心丸。腐竹鸡蛋口味浓郁，腐竹味道清甜，配上清心丸爽口弹牙嘅口感，令整天嘅心情变好。人情味嘅店舖现时真系越来越少，所以大家如果想回味一番，不妨到此一游！

食完晚餐好想食糖水, 就揸车去九龙城食合成。九龙城真系几点钟去都系咁多人! 想搵个位泊车都有D难度呀~我次次黎都系食腐竹薏米清心丸,今次黎到想转下食另一样。但睇哂成个MENU 最後都系照旧。哈哈!真系好想知道清心丸系点整。我本身中意食QQ口感既野(例如芋圆)。所以清心丸都系我既最爱!朋友分别叫左莲子百合清心丸同潮州绿豆边清心丸。我坚持我果碗系最好食。宜家D旧式既中式糖水真系买少见少。虽然佢卖得有些少贵。不过真系好好食呀!如果亲民D既价钱就PERFECT啦~ 佢既TURNOVER真系好快。我地3人行, 15分钟就完成左自己碗糖水!