潮丸 (已結業)

今日途經尖沙咀金馬倫道見到一間門面幾光鮮既粉麵餐廳，加上見有啲肚餓，所以就入左去喇。餐廳裝修簡約舒服，座位與座位之間寬敞 ; 兩個人叫左牛三鮮湯泡飯加配牛丸王、牛三鮮飯、滷水豆腐、炸牛丸、生炸雲吞王 ; 飲品點了凍檸茶及話梅柚子蘇打。滷水豆腐 ($28) : 份量大碟，布包豆腐滷得入味之剩口感結實，而且不會一夾就散。炸牛丸 ($28) : 有 3 粒，外皮炸得香脆可口，而且肉質亦無因為經過油炸而變得鞋口仍然食得出香濃既牛味。生炸雲吞王 ($50) : 有 6 粒，每隻均炸至金黃色，而且份量大隻同餡料充足，內有原隻蝦。牛三鮮飯 ($60) : 蘿蔔整得好淋好甜，金錢肚爽口而滷水味夠香，牛腩腍身夠牛味，肥瘦適中 ; 而且份量大碟，我最後係食唔哂既。凍檸茶味道有別一般茶餐廳，味道較清新，而且餐廳飲品用上金屬杯，大大減低冰融化既速度，減少對味道的影響。

呢日同屋企出老尖食飯, 經過見到這一間潮丸, 企企理理, 好似大家都岩食就入黎啦～裝修都十分舒適, 人未算多, 唔駛等就坐底了。睇餐牌最出名都係牛啊～而我二話不說就叫左個咖哩牛三鮮飯賣相幾骨子。咖哩好出色, 小辣但唔會好刺激。牛三鮮分別係牛爽腩牛肚牛筋。正啦, 最岩貪心既我乜都想食。牛爽腩岩岩好有少少肥, 食落唔會好乾, 牛肚牛筋夠冧, 有咬口。非常好。而小食有滷水豆腐, 呢隻最正, 夠企身唔削。而食牛腩飯最緊要係咩? 梗係碟油菜。我係唔多食芥蘭既大朋友, 哈, 但佢煮得真係好食, 無苦味, 又夠滑夠冧。最後整杯熱柚子蜜, vely good。飽晒

尖沙咀一向都人多餐廳多，去親都想試新野，今次就見到一間修修得好雅緻嘅粉麵店，一睇就決定要試試！餐廳主打湯麵同撈麵，賣相睇落都唔錯吸引！麵有唔同選擇，有生麵、米線、河粉、米線，但我最欣賞係可以自選配料，蔥花、芫茜個啲想要先剔，唔要就唔剔，夠晒清楚。我同同行朋友一人叫左一個麵，朋友叫左招牌 自家牛三鮮米線，我就叫咗自家雲吞王生麵，仲叫加多咗個炸鯪魚球同兩杯野飲，落完單好快就上野食。自家牛三鮮米線，一睇就知份量十足，有勁多牛腩、牛筋同牛肚。食落牛腩同牛肚燜得夠晒入味，牛筋唔算太韌，朋友相當滿意！雲吞麵啲雲吞夠晒大粒，又夠多，入面粒蝦都好大粒都好正，啖啖蝦肉。炸鯪魚球，即叫即炸，上枱個陣夠晒熱辣辣，配堆蜆蚧醬，正！不過味道有少少咸，但我自己就好鍾意啦～仲叫左兩杯特飲，一杯話梅柚子雪碧特飲，一杯話梅柚子蘇打特飲，都好好飲。兩個人食左$140，飽到上心口，下次去開尖沙咀可再食！

這一家上次去尖沙咀時已經有經過，但由於上次時間太趕，所以沒有到內幫襯！今次由於之後我們想去美麗華商埸的和酒節，所以我們便早一點來醫肚了！看到門口便知道是吃魚蛋粉之類的，但感覺非常新潮。由於只是5時多，人客沒有很多，位置比較闊落，不像一般的魚蛋粉麵店。而且感覺比較乾淨！餐牌係一樣過左膠的紙，客人可以在上面用紅色market 選上自己要的食材！用完店員只需要用水清潔一下便可以了！既方便又環保！檯面上放了不同的醬汁，有魚露、紅醋、黃燈龍椒、辣椒油及紅燈龍椒。吃了後發現紅燈龍椒很辣，喜歡挑戰辣的朋友要試一試！最後還是用了辣椒油及黃燈龍椒去完成我的雲吞麵！話梅柚子蘇打特飲 ＄22 （跟餐加＄8）初初以為是支裝的飲品，原來是這樣的！內有一粒話梅加柚子，飲落很滋味，酸酸甜甜的感覺！是日油菜 ＄28價錢比出面的貴了一點點，但份量比出面的多！所以還可以接受吧！鮮炸魚皮 ＄28點了後，等了一會兒，他們是真的新鮮炸的，所以熱騰騰，沾一沾麵湯便可以食用！自家雲吞王配粗麵 追加魚片頭 ＄55 ＋ $15雖然比一般的魚蛋粉麵店較貴，但用料一點也不差，份量也十足！我喜歡吃醋，所以也落了很多，總共有五粒雲吞加兩件魚

同男朋友都成日去尖沙咀食野，不過都係第一次見到呢間麵店名字叫潮丸，門口見到係主打牛丸同墨魚丸，岩哂超鐘意食牛丸既我公眾假期既下午1點都唔算多人，座位好闊落落單係自己響餐牌上面tick既，可以選擇配料，方便成日唔記得叫走蔥既我哈哈牛三鮮分別係牛腩、牛筋同牛肚牛腩夠淋，牛筋牛味都濃，牛肚入味，整體都唔錯不過湯底好淡，無咩味，較失色全走既棍打牛丸米線，賣相非常一般，味道都係腩汁湯底淡而無味，令碗米線分數大減店內稱牛丸係皇牌牛丸，味道都幾好啦唔算彈牙仲有少少淋，牛味尚算濃，但調味有點重我地再另外加左$15追加潮洲魚蛋試，原來只得兩粒，細過粒雞蛋仔口感都係較淋身，唔太彈牙，調味重，味道略咸，$7.5就唔值總括黎講，呢間店鋪既食物CP值較低，粉麵都係傳統店鋪做得好啲

在尖沙咀掃完貨又到依肚時間盲中亂撞同朋友入左潮丸食粉面牛爽腩米粉米粉是優質米不是一般粗米墨魚丸非常彈牙墨魚味甚濃牛爽腩能烹煮出不肥不瘦的口感好多調味醬料任均選擇似在食日本拉麵的感覺枱頭放滿醬料自調口味食粉面當然唔少得要叫返碟芥蘭非常粗壯好綠嫩証明菜好新鮮喔選料上盛不馬虎豬手王有三大舊皮厚淋嫩加上秘製滷水汁湯底仲有條生菜墊底見到餐牌有咸檸梳打一問之下又是選用勝獅牌梳打立刻叫番支爽爽佢最鐘意佢唔甜又夠氣配上咸檸是一級享受雲吞淨食加牛丸王👍🏻有些後悔無叫多幾粒因加購是只有兩粒牛丸牛丸好有牛味會好想再食多幾粒既感覺因為本身麻麻地牛丸牛丸爽彈配合牛味令人回味🤤所以叫了雲吞淨食淨食就有五粒雲吞入面蝦都幾新鮮

之前去香港東區經過潮丸, 其實都想試佢D 牛腩好耐, 耐何地方唔就腳, 唔係堵一易搵時間去到, 再加上係openrice 周不時會睇到筲箕灣店有不少好評彈出黎, 更加挑起我條根想去試。今次行經尖沙咀, 見原來潮丸都有分店, 就二話不說入左去試。自家牛三鮮飯自家牛三鮮有牛肚牛筋、同牛筋。三者都係用秘製鹵水汁炆到淋一淋又入味。牛筋有爽有淋, 爽的有咬口, 淋的滑溜。牛腩入味又唔鞋, 牛肚係靚位, 爽口入味。而且仲有一碗小小的秘製鹵水汁撈飯, 相當不錯咖哩牛爽腩飯牛爽腩牛味本身已經濃郁, 而且爽腩位肉質有嚼勁, 脂肪均勻分布, 軟淋得黎又非常入味, 肉質鮮嫩甘香。而且咖哩味非常香濃, 唔食腩剩係咖哩都可以撈2碗飯。另外叫飯/粉面都包左杯熱飲, 可以加錢轉其他特飲, 我地叫左泰國梳打咸檸, 夠解渴。

行街行到累，同朋友係金馬倫道揾食，順便坐底抖下，呢排涼涼地，食碗熱湯麵就晒喇，最後揀左來"潮丸"好喜歡有圖片既餐牌，吸引力大增，呢度係自己畫落張餐牌上落單，環保好多，又可以減少落錯單既機會望望前面，發現除左有紅燈籠椒，辣椒油外，原來仲有我好鐘意既"黃燈籠椒"丫牛爽腩+特級墨魚丸米粉唔好睇個湯好似好清，但其實只係腩汁沉左底，牛爽腩咬落好腍小小肥，份量都多，有6,7舊反而+$15既特級墨魚丸就只有2粒，分埋一粒俾朋友真係唔夠食丫😭😭朋友唔係太肚餓，叫左滷水豬手王剩食，豬手炆得岩岩好，好入味，帶濃郁的滷水清香，骨膠原豐富，入面有幾條生菜係底是日油菜今日係大芥蘭，好粗身，平時芥蘭會有陣苦澀味道，但呢碟一d都無最後加左碗雲呑王+特級牛丸王剩食鮮蝦雲呑爽口彈牙，雲吞皮薄夠滑牛丸非常彈牙，而且食落真係有牛既味道有驚喜咸檸梳打支裝可樂雖然食物有d貴，但呢度衛生同環境比起其他同類食店會舒服好多

潮丸位於尖沙嘴金馬輪道，餐廳樓底高，佈置簡單整潔，環境舒適檯上備有唔係間間潮州粉麵餐廳都有的紅/黃燈籠椒醬，當然唔少得仲有辣椒油啦， 喜歡食辣辣的人 一定要試曬三種辣椒醬，配以三色辣醬辣油，一食就知唔係普通野。今次叫咗兩碗粉同埋一碟小食自家牛三鮮粗自家牛三鮮粗， 有齊牛腩、牛筋、牛肚。牛腩入口鬆軟，牛筋有爽口也有淋身的，兩者 我也喜歡 ，牛肚滷得入味。湯底 用豬骨同雞煮成，不加味精，鮮甜得黎又唔肥膩。特級牛丸 湯粉另外有叫咗一碗呢度出名嘅牛丸 湯粉， 牛丸非常爽口彈牙，一睇就知係自家製， 唔係用出面街貨。 牛肉味重之餘又唔係淨係得脂肪同發粉，好食到下次打邊爐都要呢度買番斤牛丸返去。另外加錢已經包括咗一杯熱飲， 另外我哋仲叫咗杯特飲， 係鹹檸檬配梳打水， 梳打水零卡路里之餘又 非常解渴!炸雲吞最後仲叫咗一碟炸雲吞, 雲吞炸得粒粒飽滿， 層皮卜卜脆, 而且入而蝦同肉的比例都剛好, 非常香口。

潮人 ，是關本人正是潮洲人，「自己人」就幫襯番「自己人」的潮店啦！ 裝橫格局走新潮路線，餐牌係環保餐牌，循環再畫～ 選擇頗多，又到左「人生的抉擇」的時刻⋯ 除左一般丸類，牛腩之外，仲有滷水、咖喱等等選擇。最後點左：滷水四寶撈麵（配柚子蜜）大約10-15 分鐘上菜，用木托盤盆著，成件事好舒服，乾淨😌 撈麵加四寶：五花腩、豆腐、滷蛋、豬大腸仲有碗湯撈麵的份量十足，好大碗，麵質係我最喜歡的口感，彈牙！ 並非煮到腍晒嗰種，凍左都仍然保留到嗰種彈牙，勁！ 滷味方面都煮得夠入味，五花腩層次分明，豆腐亦很實在，大腸也煮得入味夠腍～ 另外點了炸魚皮小吃，炸墨丸，炸魚皮厚厚的，好豐富的口感而且很大塊香脆🤤🤤炸墨丸爽口彈牙，配泰式辣醬，酸甜開胃，提升墨魚的鮮味！ 杯飲品是柚子蜜，仲加左塊檸檬，幫助解膩，很飽足的一個午餐～ 😋😋😋

今日經過尖沙咀想搵嘢食，食個午餐乜都要$60左右，仲要係茶餐廳嘅格局，於是把心一橫食啲傳統嘅麵食，希望可以平啲仲要係茶餐廳嘅格局，！咁啱經過呢一間裝修都幾唔錯嘅餐廳，見到佢勁牛腩麵好似唔錯於是入去試一試。醫療之外，最貴嘅都係只係$60 ，仲免費送一杯熱飲！呢個價錢當然係開心笑眼！我朋友叫咗朋友叫咗牛三鮮，$55，我見到勁多䓤，最重要佢哋又有冬菜，令到食物鮮味提升，值得一讚！河粉夠米香及滑口，正！我特別推介呢一個爽牛腩，真係一層肥膏一層牛肉，麵爽口，其實我已經好耐冇食牛，再食返牛我有不覚得酥味，而且啲肥膏好爽口，好味！加熱奶茶不用加錢，✌️另外大家要試試黃澄龍椒醬，又特別又好味，不熱氣🤘

同平時食嘅魚蛋粉麵店有 D 唔同, 呢間餐廳走小清新風格｡店員會提供兩款餐牌, 內容係一樣, 只係有圖同冇圖嘅分別｡ 餐廳都幾環保, 冇圖嗰張 Menu 係 For 客人 Order 用, 由於過左膠嘅關係, 客人可以喺上面剔想食嘅野,  Order 完之後店員就會抺去筆痕, 繼續重用 Menu｡每張檯上都會擺左自家製嘅紅燈籠椒同黃燈籠椒辣椒醬, 愛食辣人士一定要試｡自家牛三鮮米粉有別於一般粉麵店, 呢度嘅湯底用左豬骨加雞骨熬成, 味道非常清甜｡ 牛三鮮即係牛腩、牛筋 & 牛肚, 全部都已然炆到好入味。牛腩煮到夠晒淋身, 而且仲有 D 牛脂香添。牛筋軟腍又有咬口, 食落去好似感覺到啖啖骨膠原咁。牛肚非常爽口入味, 愛牛人士千其唔好錯過呀。扎肉紫菜肉碎湯飯湯底夠晒熱辣辣, 而且味道鮮甜, 用料豐富, 份量非常多, 女士們一定唔會食得晒｡ 炸墨魚丸炸到粒粒金黃, 非常彈口, 配埋泰式甜酸醬食超級開胃。

今晚要趕到達美容院～做Facial，所以放工後，拿拿淋，快快脆在公司附近Tea一Tea。這家粉麵店，上菜速度應該很快，一於在這裡食個麵吧！在六點前到達，剛好趕及下午茶優惠時段。下單後，食物很快呈上。      牛爽腩撈麵　湯粉麵都比較熱，會減慢用餐速度；又要擔心食吮粉麵時，熱湯會弄污衣服，即是Ｄ湯會揈到Ｄ衫，而撈麵則可避免這個問題。加上心思思想要牛腩，就點了牛爽腩撈麵。    牛爽腩　未聽過何謂爽腩。　乍看之下，腩肉顏色偏白，並非想像中的坑腩／崩沙腩。再看清，部份牛腩二邊各有一層脂肪和筋膜。想像：半肥瘦的腩肉，肉味和牛脂味並存，還有那筋膜脆脆／煙韌的口感。　　一般肉類經長時間燉煮，難免會變乾柴／鞋口，但有油脂來潤澤久煮的肉質纖維，再配短切刀法，爽腩就變得鬆軟又不太硬。著數左，賺左！　爽腩牛味香濃，為嚐其原味，没有沾其他醬料。　附上的清湯，跟牛爽腩相比，味道較淡，唯有當作濕口。  而麵底的鹼水味不重，但有彈牙口感和濃濃的蛋味，跟平常遇到雲吞麵不同。把麵底和牛腩汁拌勻，味道已經很足夠，名符其實的＜撈麵＞。　潮州的牛丸很有名，潮州魚蛋也不遑多讓，如果同時享用二款，就更完美了！下午茶粉麵可以追

放假去尖沙咀睇戲，見大家刀餓了，所以在附近食碗麵。結果去了潮丸！自家雲吞王生麵：雲吞大大粒之外，入面除左有豬肉仲有爽口鮮味既蝦，一咬開仲有不少juicy既汁滲出！生麵同樣爽口彈牙，兩者一同食用，真的很配合，湯底不會太咸添呢！特別牛丸王：話明特別，所以特登order左。真的非常驚喜既一道小食，牛丸超級彈牙！牛味濃郁！可以說十分爽口！真心推薦比大家order!!!!!金錢肚：非常推薦比大家食用既一款，金錢肚大大塊，而且不乾身，見到紋理亦相當美觀！食起上黎，不會硬到咬吾開！食落滲出不少汁添呢！炸牛丸：牛丸的第二種食法，牛丸充滿濃郁的牛味。但個人覺得炸既牛肉沒有焯牛丸甘彈牙啊。炸墨魚丸：入面煙煙unun，墨魚丸炸得不算太油膩，當小食也是不錯的選擇！柚子蜜：依度竟然有柚子蜜飲，甜度適中，不會覺得有柚子的苦澀味道啊！

做完一日野，加上外面落住大雨，揾個地方坐低食吓野先！依間舖頭雖然係賣粉麵，但係格局一d都唔似架！入面地方寬敞，唔會坐到人夾夾人咁。而且點餐方法都好貼心，自己剔完之後交俾侍應就可以喇。我叫咗個爽腩加金錢肚米粉，配鮮炸魚皮同油菜，仲有咸檸梳打！好豐富呀！雖然係下午茶，但係份量絕對唔細！依度嘅辣椒醬選擇幾特別，有黃椒，又有紅椒，每款都好香，而且辣度比一般辣椒醬高，食得好過癮呀！爽腩點少少紅辣椒醬，幾香幾好味！爽腩又冧又嫩。金錢肚滷得幾入味，唔會有任何內臟嘅腥味，不錯呀！真心推介依間麵店，下次要再黎食過！