潮丸 (已結業)

上yoga前與友人在附近搵食，假日的尖沙嘴難以搵食，於是走走，便發現了潮丸。門外看是一間新潮的食店，感覺很乾淨、特別，於是就選擇了佢。剛巧店中人不多，在繁忙的區中，竟找到帶點寧靜和舒服的新式粉麪的食店，與友人叫了不同食物，可以慢慢品嚐和坐下來談話，感覺真不錯👍🏼！餐牌上食物種類不算很多，但是當中也有些驚喜。我們叫了牛爽腩米粉、豬手撈麵、炸雲吞、魚皮、菜心和兩杯特飲。牛爽腩米粉足料，腩肉肥瘦適中，炆得入味。米粉有驚喜，不像普通的米粉，比較有口感，配以湯頭，還真不錯👌🏻👍🏼豬手撈麵不過不失，配上上湯，與魚皮同吃感覺不錯。豬手入味夠林，配麵食剛剛好。朋友喜歡配以不同的辣椒醬，以黃椒較特別。值得一讚，我最喜歡炸雲吞，內含鮮蝦，外脆內軟，新鮮炸出，十分推薦。特飲叫了柚子話梅梳打，酸酸甜甜，柚子味較重，十分適合配上其他食物。整體環境不錯，舒服。

要係尖沙咀食碗魚蛋粉好似好難，但好彩見到一間望落完全唔似舊式魚蛋粉店格局既粉麵餐廳。呢到既裝修似係食越南粉、泰國餐既感覺，小妹一於同朋友坐低食返碗牛丸河同牛三鮮河牛丸河 ＄55呢到既牛丸同市面上又真係唔同，因為呢到既牛丸好Juicy同埋牛肉味重。一碗有5粒仲要都算幾大粒，連唔太喜歡食牛丸既小妹都會想一食再食。不過呢到既湯底就比較淡味D自家製牛三鮮河 （崩沙腩、牛筋、牛肚） ＄55崩沙腩成日聽得多，但小妹真係好少食，因為都幾怕牛肉個陣”so” 味。呢到既崩沙腩同牛筋都好軟淋，可惜個牛筋就真係太咸。牛肚都屬爽口既，總括都唔錯餐枱上仲有幾款辣椒醬同辣椒油，見到有黃辣椒醬同紅辣椒醬都比較特別，但係小妹覺得黃辣椒醬比較過癮

今日早少少收工，因為3號風球，仔仔冇課外活動，返屋企前食碗粉先，呢間潮丸成日都想來試，但係遇上食飯時間超多人，始終都冇入去試過，今日下晝四五點見佢入邊唔多人就試吓啦。一坐低見潢裝幾好，唔似舊式粉麵店，好乾淨，menu有粉麵、潮州滷水，都算多元化。潮丸主打牛丸，又係自家製牛丸做招牌，果然名不虛傳喎，咬落去爽口彈牙，重牛味，咬落去超多肉汁，因為係手打，所以入面好多窿窿，好多空氣，所以咬落去口感爽彈，同超級市場或者凍肉店嗰啲一啲都冇得比！湯底亦唔係味精湯底，用豬骨湯底，食完唔口渴。再叫杯話梅七喜，好正消炎解渴，喉嚨痛立即冇晒，60幾蚊食碗粉物有所值！

今日過咗尖沙咀搵朋友食午餐，因為佢只係得一個鐘頭食飯時間，所以我要去搵定位等佢黎，又怕佢等得耐，所以我專登叫佢晏少少先食😂，我睇咗一陣就決定食呢一間，入到去裝修非常舒適同埋闊落，服務員亦非常好nice,1）牛爽腩河粉，牛爽腩好腍，而且非常入味，個河粉嘅份量係平時嘅1.5倍👍🏻，非常抵食😂，2）炸雲吞，非常飽滿，入面有蝦亦都有豬肉，啲蝦非常新鮮好爽口👍🏻，而且仲要炸到脆卜卜，正呀，3）炸魚皮，好脆，不過不失，仲有叫左一杯凍檸茶同埋凍柚子蜜，整體來講，分量十足，味道也不錯👌🏻，值得一試

星期六同朋友喺金馬倫道揾嘢食，見到呢間潮丸門口話佢哋D湯底係用新鮮豬骨及鷄經過六個小時以上熬製，咁吸引，一於入去試下。餐牌圖文並茂，夠晒清晰。自家牛三鮮河粉 ($55) - 牛三鮮牛味濃郁，包括牛腩、牛筋、牛肚； 牛筋夠晒腍滑、牛腩腍中帶有D咬口，牛肚腍得嚟爽口 ，配上經過六小時以上熬製的美味湯底，好食！潮州魚三鮮米線 ($55) - 湯底十分鮮甜，配上美味魚蛋、魚片頭、魚皮鮫，簡簡單單以少少冬菜及芫荽吊味已經好味美。炸鯪魚球 ($28) - 鯪魚球表面炸得香口，入面肉質嫩滑juicy, 配上鹹鮮嘅蜆芥醬，水準之作！熱奶茶 - 跟粉麵飯免費，茶味及奶味都恰到好處，甚至比好多茶餐廳嘅好飲，出色！咸檸檬雪碧特飲 - 呢個特飲跟餐只需$8，咁抵飲，當然要叫啦！

月尾想慳錢就想搵啲性價比高啲嘅舖頭食下，係尖沙咀想搵間好食又平嘅嘢真係唔容易，朋友就話不如試下粉麵，就search到呢間潮丸，去到舖頭見到環境都幾舒服乾淨，感覺唔錯，入到去舖頭發現啲舖同裝飾都係木系為主，好有cafe嘅感覺。食物選擇都幾多，飯、撈麵同粉麵選擇都好多。因為有得自由組合，我就揀咗最鐘意食嘅墨丸同牛筋河，牛筋好滑好「林」，墨丸都煙「銀」好好食。每枱都有好多醬料調味。朋友叫嘅墨丸牛丸粉，朋友俾咗粒牛丸我試，非常之好食呀，味道好濃，牛丸好厚實。另外朋友叫嘅雲吞牛雜麵。我地再叫咗個小食係炸墨丸，呢啲炸丸真係唔係度度都可以食到。再叫咗個菜。

潮丸，聽個名以為係食D好潮既小丸子之類，原來唔係，此潮乃潮州也。作為一個潮州人，就入去睇下有幾潮。同我食開既潮州打冷餐廳唔一樣，餐廳裝修都幾潮，光猛乾淨，桌櫈新束束，靠門口的幾張枱有梳化可以坐。叫了一碗牛三鮮，一碗豬三鮮，一碟鹵水拼盤，一份淨豬手。除左潮州辣椒油，餐廳仲提供黄燈龍椒同紅燈龍椒，魚露同紅醋更係潮州野不可缺少既調味料，所以完全感到餐廳有幾潮，幾咁有誠意同貼心。牛三鮮有牛丸，牛肚，牛坑腩。牛丸真係好彈，果然係名符其實既手打牛丸，坑腩好爽，帶少少肥，非常口味。牛肚炆得好冧，好入味，牛三鮮果然好掂。由於朋友唔食牛，所以叫豬三鮮。豬三鮮有五花腩，扎肉，豬肉丸。五花腩鹵水好好味，瘦肉同肥膏係黃金比例，肥膏唔會好多，咬落去好爽，唔會感覺好肥膩。豬肉丸都好彈，果然潮丸既丸係非同凡響。大家都以為扎肉係越南野，其實潮州都有扎肉，係好正宗既潮。鹵水拼盤既鹵水汁好掂，每一樣野都鹵得好入味，豬手好冧，但豬皮仲好脆。豬大腸入面D肥膏切走晒，變得無咁邪惡，但依然係好爽口同好味。豆乾唔會好硬，配埋鹵水汁好好味。由於豬手實在太好味，最後忍唔住叫多份淨豬手食

我本身好鍾意食潮汕牛丸，喺香港都越來越少啦！尤其是係尖沙咀啲租金咁貴嘅地方，但冇一日經過金馬倫道，竟然比我遇到呢間 走小清新風格既粉麵店～潮丸！ 二話不說走進店內，再看一下餐牌介紹，原來小店特別在�– �潮汕自設工場做棍打牛丸，就一於試下必食推介: 特級牛丸王 &自家牛三鮮。 自家牛三鮮。特別有口感，有嚼勁，果然係香味非凡，牛味濃郁，加埋佢哋獨特嘅牛腩汁，好味到想即刻食晒落肚！我一邊食一邊說好好食，尤其是食麵就一定要落辣椒油嘅 ，遇到新嘅刺激，就係小店自家製既紅燈籠椒同黃燈籠椒，一碗熱辣辣既麵變得更加刺激。唔使10分鐘已經將成面食得乾乾淨淨！ 特級牛丸王唔單只彈牙，口感爽，肉汁豐富。 淨係食一碗麵有點夠喉呀！當然要叫番啲小食陪襯下，一定要讚一定要讚鮮炸魚皮，皮夠薄炸得好香脆。炸墨魚丸，同樣係彈牙到飛起，仲好似乒乓波咁大粒！最後點返一杯鹹檸檬梳打，爽呀！簡簡單單幸福的感覺。

早陣子出尖沙咀剪頭髮，出到去感到有點餓，見距離預約尚有時間，便隨意進了在附近的潮丸。這裡和舊式粉麵店不同，裝潢設計很光鮮亮麗，座位亦夠寬闊，感覺乾淨整潔。自家雲吞王配生麵 $55盛載的器皿很好看，而且頗大碗，更有5大粒雲吞。雲吞皮薄餡料飽滿，吃下去有大地魚香，蝦和肉的比例平均，口感正常，味道不會太鹹。麵沒有太重鹼水味，口感爽滑有彈性。湯底啖啖魚鮮味，不會太重味精感。而這裡更有三款辣醬，分別是紅辣椒醬、辣椒油和黃辣椒醬，刺激度不同，但一樣香辣美味，好辣者要試。自家牛三鮮撈麵 $65配料加兩條菜已把麵完全遮住，真的很足料。牛三鮮分別是牛坑腩、牛肚和牛筋，全都炆到很入味，牛坑腩爽脆中帶鬆軟，牛肚非常軟稔好咬，牛筋啖啖豐富骨膠原。招牌滷水拼盤 $75拼盤有鹵水豬手、鹵蛋、豬腩肉、豬腸等，鹵到很夠味手，鹵水的鹹甜度亦恰到好處。豬手很軟稔、豬腩肉油潤不膩，豬腸清得夠乾淨。原來低下還有軟滑豆腐，真的很豐富好味。麵食價錢已包餐飲，其實尖沙咀區也算化算呢。

今晚放工行開這裡見到間新開麵店，望望裡面都整潔乾淨，於是入去座下，這裡座位係自由座，有空位就可以座下，店員就會送上餐牌，食客用枱上嘅紅筆在餐牌上畫上自己喜歡嘅食物，點了招牌嘅潮州魚三鮮$55，有魚蛋、魚片頭、魚皮餃，三款口美，而麵就有生麵選擇，而配料可自己選擇追加，還有一杯我就點了份生炸雞翼$38同炸雲吞$50，先上了個生炸雞翼，炸得外脆內香，但又唔會炸得好耐而變成深黃色，只是剛剛好；而份炸雲吞就隻隻都有蝦肉，彈牙爽口，外面炸得香脆，不過就細隻了少少，但味道唔錯！主角上枱，生麵上放了潮州魚三鮮，超彈牙嘅魚蛋，較香口味道濃嘅魚片頭，同埋肥美嘅魚皮餃，個湯亦好味，見到係用豬骨煮整，味道濃郁，生麵亦十分彈牙爽口，整體感覺唔錯，下次要試個咖哩牛三鮮飯先！

連續兩星期的大假剛開始，亦是我在港踏上美食之旅的開鑼。剛在荃灣探完病之際，個五臟廟發出警號，提醒我要去尋找美食，於是我便乘坐地鐵前往人來人往的尖沙咀走一趟。在尖沙咀地鐵站金馬倫道出口一出，直行大約數分鐘，看見一間店鋪面積不大，但被它的店鋪名稱吸引的“潮丸"。究竟有幾潮? 入去試一下就知一二。由於已是下午三點幾，午餐時間已過，裏面的環境並不擠擁，可以清楚看到店內的環境。店鋪採用長餐桌，有的是向牆單邊坐，有的是沿桌而坐，不論你是多少人，都可以彈性安排坐的位置。抬頭望，懷舊的吊燈相互輝映，配上背景音樂，情調立即產生，讓顧客在舒適的環境下進食。我點了它們的招牌菜: 牛三鮮米線加配凍檸茶。這亦是我自己的心頭好。牛三鮮是包含牛腩，牛筋和牛肚，店員一放到我跟前，熱辣辣，牛的味道充斥著我兩個鼻孔，香氣四溢。先講味道，個湯底擁有著傳統腩汁的精神，令人一口接一口地飲，肉中亦充滿花椒百角的味道，一層一層的從每一下咀嚼擠壓出來。至於牛的質感，入口即溶，炆煮透切得不用花力氣去咀嚼，但又食到牛肉的線條紋路。而個麵線，爽滑可口，一入口裏，就想快快轉進我的喉嚨裏。不能不配上一杯凍檸茶，緩和一下我的味蕾，新鮮的檸檬加上

Approve!!! 午餐想清清地食碗粉 呢間係唔錯之選!! 我唔係好知佢嘅河粉係咩水準 因為我認為唔太硬唔太軟已經ok 所以呢方面不方便評語 不過牛丸係超高質 大大粒 好足料嘅感覺 好香 好似齋食丸都會飽咁 極力推介牛丸 黎到一定要試下 當然 價錢比起一般牛丸河貴啦 不過都貴得有道理 裝飾靚 好坐 又係尖沙咀大街 都好難搵到四十元留下架啦 另外 佢有幾款辣醬 有隻好似係秘製 可以加少少落碗粉度冇咁單調 落單個姐姐都幾好服務 問我地碗粉加啲咩配料 有介紹啲好嘢食俾我哋 overall experience都唔錯!

今日王氏力場同哥哥去尖沙咀玩， 但係又唔想食西餐high tea咁平凡。所以我哋決定食番碗河粉，就去左潮丸食返碗潮州河粉先。話明潮丸梗係要食佢d牛先叫正宗，但係佢哋除咗一般嘅潮州牛外，仲有其他好多新嘅 菜式可以選擇， 唔一定要食牛嘅朋友先可以食佢哋，豬手，豬腩，墨魚丸。梗有一款啱你口位。店內裝修新穎， 唔似一般潮州河粉麵檔咁 較差衛生環境，即時感覺舒服好多，可以比你坐耐d傾下計。先黎個雜丸拼盤，貨真價實，非常香口。粒粒都食出嚟係自家製並唔係街買返或者交貨嚟嗰，送麵必叫，值得推介。力牆哥哥， 佢本身都係一個食家，所以就叫咗個潮州鹵水豬手飯試下， 我都忍唔住夾咗佢一舊嚟食，真係非常入味。有時候真係唔使食面咁單調，呢個飯仲好食過男人的浪漫。而我就叫咗秘製豬三鮮拼河粉，講下豬腩片非常入味， 再加埋豬肉丸，扎肉呢個配搭我可以講暫時，無任何潮州舖可以食到，唯獨是呢度，你可以一次過滿足到。唔好睇少啲三兜嘢，往往麵檔最留得住客人就係啲辣椒醬。食咁多辣，當然要試埋佢杯鹹檸梳打，大大粒鹹檸冇花冇假，大家可以黎不妨一試。

呢度嘅環境比起出面嘅潮州麺舖乾淨，而且仲有少少文青風裝修。再講一講野食：牛三鮮 + 雲吞先講一講個湯底係幾醇幾舒服，唔太似係味精湯。清清地又唔會太飲落好淡口。牛三鮮：牛肚係三樣最出色嘅一樣。牛肚嘅部位算係比較靚嘅位置，有啲舖頭攞返黎嘅牛肚係無牛肚獨有嘅網格，而呢間就有嘅。而咬落去都好易咬開，唔會起渣。牛腩方面，淋身無蘇味。牛筋極之淋身，係咁咬下就咬得開。雲吞爽口，大細剛剛好。而麺質適中，保留左少少質感。牛丸王 + 墨丸湯底比牛三鮮淡少少，應該少咗腩汁。聽staff講呢度嘅牛丸係好出名。而食落就真係比出面嘅牛丸彈牙，同牛味出啲。墨魚丸彈牙有咬口，都有墨魚味。墨丸王 + 牛筋湯底同牛丸王一樣。而牛筋同墨丸上面都講過，就唔重覆啦。炸墨魚丸外面脆，裡面彈牙。當係小食都唔錯。

今晚食左潮丸，佢地既潮州粉面好好味，滷水入味，招牌棍打牛丸王勁彈牙好食，一定要開心share!餐牌有好多潮州特色野食，我揀左潮州魚三鮮米線加特級牛丸王再加特級墨丸王，好大一碗吖！哈哈！我同朋友share嘛。招牌棍打牛丸果然名不虛傳，勁彈牙，勁爽脆，牙咬落去果時，牛肉表層好乾脆的裂開，脆到有響聲！正吖！湯底味精不濃，感覺鮮甜！滷水拼盤，超級入味吖！估唔到滷水豬腳可以咁冧，咁入味，輕輕一咬爆晒入口，全部是膠原蛋白！正吖！豆腐都十分入味，點上滷汁，更加好味！炸鯪魚球，外皮炸至金黃，又系特別彈牙，配有一小碟蚧介，據說是潮州特色的調味料，但我覺得晤洗調味了，蚧介太咸，鲮魚球就咁食已經非常好味！回味無窮！潮州丸！