潮丸 (已結業)

尖沙咀想食一碗牛雜粉麵原來選擇不多，潮丸係筲箕灣有分店，之前去過一次幾乾淨企理，今次一個人快食，我再次搵到潮丸餐店是自行點選菜式，粉麵及配料，上次試完特級牛丸王，今次點了秘製牛三鮮秘製牛三鮮有牛腩，牛筋及牛肚，賣相合格好欣賞佢既牛腩，牛味重，口感軟腍，就算牛腩帶一點牛脂肪也不理會了，因為沾上辣椒油更加惹味除左有傳統的辣椒油外，還有紅及黃燈籠椒牛筋約3-4件，全部都煮得好腍牛肚同樣煮得軟腍，可以一絲絲的拉出麵底份量比出面多，一定能吃飽雖然一碗粉麵要$55元，但價格是連飲品的

我同事話尖沙咀居然有粉麵店夜晚九點前牛腩 Sold Out, 今日有機會一於睇下咩葫蘆賣咩藥。自家牛三鮮湯米$55牛腩:唔會「鞋圾圾」，亦無煮到完全鬆散。牛筋:腍得嚟有咬口。牛肚: 爽口入味。大小適中。一般叫牛嘅湯粉都係跟腩汁，但呢度嘅湯底用豬骨加雞骨熬制，清甜全無味精，亦唔會搶咗牛嘅鮮味。扎肉紫菜肉碎湯飯60份量十足，大大碗。材料配搭得宜。湯底即叫即滾，熱辣辣。鮮炸魚皮28脆爆! 配湯粉麵或湯飯都係無得輸。雖然未至於驚為天人。但性價比絕對超班。唔怪得有機會 Sold Out

雲吞應該是在香港人心中的地位是很高的，因為雲吞是香港港式粉麵店必有的食物，差不多每個港人都會吃過。這次來到尖沙咀馬倫道的潮丸，這裡的裝修用上了很多木材，還有就是地板是用了那種上一代香港餐廳會用到拼貼地板，所以這餐廳充滿了老香港的味道。這裡的餐單有很多選擇，我就點了自家雲吞王湯飯加上了莞茜和扎肉。雲吞很大粒，而且裡面的蝦十分爽彈，而且肥豬肉的比例剛剛好，吃不去不會有太過肥膩的感覺。湯飯加上了蔥和莞茜的味道每一口都令到口腔充滿著香氣。扎肉也很大塊呢！！清湯蘿蔔，這清湯蘿蔔看似沒有什麼的味道，但是其實湯是很濃郁的而且蘿蔔更是沒有（（渣））的那種，沒有渣的蘿蔔是加分的地方，蘿蔔更吸收了湯汁更加清甜。

裝潢走年輕清新風的麵店食物以牛丸為主打牛肉味濃而且多汁彈牙店內算是寬敞裝修風格也是潮流風格還有類吧檯位置就算一個人吃麵也不用尷尬跟別人共用一台保留自己的隱私而紅燈籠椒及黃燈籠椒辣醬更是自家製的辣椒油香而不辣當然如果你本身不能吃辣就下一滴兩滴好了使得湯底更香、更提味自選組合紅色那些是我選的啦背面還有下午茶套餐喔我選了牛腩淨食也就是沒有麵、沒有飯就只有菜底和牛腩另外我還加了紫菜不知道是不是淨食的關係牛腩的數量非常多牛爽腩名副其實爽中帶軟有筋位的位置還帶點嚼勁牛腩的厚度也有一定的份量大概吃了菜和4塊牛腩我就吃不下了價錢也是平民價作為早午晚是再適合不過

新款的潮式茶餐廳，只是看裝修已經覺得很潮，一個人的晚餐，思前顧後，還得不想吃太多，就吃個河粉吧！經過這裡許多次，總以為是西餐呢！潮到自己以為自己在吃日本菜，還是很欣賞店主為店面做了不一樣的裝修，簡單，充滿時尚感。醬料也很特別喔！蘿蔔的清淡是一絲油膩也找不到的，只有甜味，非常好吃牛肉丸河粉，超級好吃的牛肉丸，彈牙，有牛肉的香味，湯底清甜，河粉好滑。值得嘗試。檸檬有4片，而且很新鮮，酸酸甜甜，不加糖就更加健康。

這天放工後需到尖沙咀上瑜珈班，同同學仔約在附近吃少少便上堂，因做瑜珈，不能吃太飽呀。左揀右揀，選了這間食潮洲粉麵 - 潮丸。等了一陣才有位。坐下吃時，人客亦絡繹不絕。麵店裝修頗為新式，不似舊式麵店。店員推介其牛爽腩，朋友便叫了一個牛爽腩撈麵，我就叫了魚三鮮米粉（少米粉），另配熱O茶，熱飲不用加錢，凍飲加＄3，特色飲品加$8。麵好快上來，朋友碗牛爽腩真是好冧，好有牛味，D麵都好彈牙。我碗魚三鮮有魚旦、魚片頭及魚餃，D米粉是銀絲米粉，勝在夠清，好味，沒有太多油。見隔離碟炸鯪魚球好正咁，又叫了一碟試下。鲮魚球炸得剛好，有少許魚味，可能剛炸起，油多左少少，配上蜆蚧，好正。好彩叫了少米粉，上堂做運動也不怕，下次上堂可再來

連放三天假期，跟朋友大吃了一頓後就想著今日吃簡單一點舒緩一下。經過這間店門外，正在做推廣送飲品就決定這裡。點菜不久後食物也很快到。整個很精美的用盤子端上來，麵份量很多，牛丸也有五大顆，配菜是自己選故不喜歡吃青蔥等的話不點就可以，非常方便。而且重點牛丸有很濃郁的牛肉味及口感彈牙，是真的牛肉打成的👍🏻這是朋友選的，我嚐了幾口，滷水滷得很入味，帶點咸咸的，配著飯十分好吃😋而且牛三鮮份量也充夠，每樣都有三到四塊。除此之外，枱面上擺放著的黃燈籠椒醬辣得很過癮，加到麵去非常好。

病了，想食清清地，所以係尖沙咀附近搵麵食，今次來到潮丸食。餐廳位於金馬倫道，尖沙咀地鐘站出口約步行3分鐘就到達，非常方便。我好鐘意潮丸裝潢，以前食開其他麵店既環境都唔好，又逼又嘈，但以到好唔同，坐得舒服，又有卡位。我點了潮洲魚三鮮河粉，生炸雞翼落單卡好環保，不用浪費太多紙張潮洲魚三鮮河粉，有魚片、 魚片頭、 魚皮餃各2件魚蛋軟腍彈牙、魚味重魚片頭厚薄適中，口感好魚皮餃煙韌有彈性，不穿不散，啖啖肉，而且仲有好汁河粉滑溜吸湯，不易散。生炸雞翼炸到非常香口，而雞翼亦保留雞肉口感嫩滑不韌，亦可點酸辣醬如果食辣的人可加他們自家製的辣椒油，黃燈籠椒，紅燈籠椒，第一次見到有咁特式的辣椒油。檸檬茶

係尖沙咀行完街諗住求其搵d野食, 見到呢間食粉麵既餐廳都裝修得幾靚, 於是就試下啦~首先係朋友既豬三鮮, 有腩肉, 扎肉同豬肉丸, 最誇張係塊豬腩肉, 成舊日式拉面既叉燒咁大塊啊, 佢仲話好淋好正呀~呢個牛三鮮真係好豐富,牛腩好大舊而且半肥瘦, 牛根好淋好膠, 牛肚好爽, 重點係好大碗, 食到勁飽呀~最後黎個鯪魚球, 跟埋一碟蜆介~鯪魚球係岩岩炸起仲好熱好足料, 粒粒都好大粒,配埋個蜆介汁食真係無得頂呀~另外仲叫左柚子蘇打特飲同咸檸檬特飲~

極速食碗麵之後就要開工啦，今次來到潮丸食，潮丸環境乾淨企理，有點像cafe 風格，坐得舒服，有別於其他舊式的雲吞麵鋪。除了有湯麵，還有撈麵、咖哩飯、湯飯、小食，選擇種類多。我點了自家雲吞王生麵，配料只加了蔥花配料還有3款選擇，冬菜、芫茜、芽菜，舊式的是沒有得選擇，只有走青湯底望落去好清，以為會好淡，竟然唔會，仲好夠味，餐廳每天用三十斤豬骨及六隻雞熬足六小時，而且喝罷不口渴，不加味精。雲吞餡料有蝦和豬肉，皮夠薄夠滑，麵沒有鹼水味，口感煙韌，煮得剛剛好香滑奶茶

尖咀金馬倫呢間潮丸，主打新派潮式粉麵。雖主打粉麵外，但都會有客飯、小食提供。餐廳座位擺放已長餐椅對住甘坐，舖面唔大，但呢種安排感覺無甘焗促。今次就叫一個湯麵同一碗撈麵，所有麵食都奉送熱飲。凍飲+$3、特飲+$8～有三種辣醬可供選擇。比較少有嘅黃燈籠椒，不過對唔食得辣嘅人士黎講後勁都幾凌厲。特製牛丸粗麵 $55 共有5粒大大粒，一睇外貌就知同出面果d唔一樣。 選粗麵可以掛湯外，仲無甘快稔。牛丸咬開會見到d紋理，好juicy 彈牙。最重要無痴牙。凍鹹檸檬梳打 +$8唔好甜嘅朋友就岩晒！凍話梅柚子雪碧+$8柚子蜜同雪碧汽水相對較甜。牛爽腩撈麵$70牛爽腩有6-7塊，炆到好入味好稔，唯麵底應濃味少少。價錢同一般潮式粉麵貴兩倍左右，但如果想食有質素嘅材料都不妨一試。

每次進入潮式粉麵店都覺得比較陳舊。 今日見到一間新派嘅潮式粉麵店， 位於尖沙咀金馬倫道21C號地舖， 名叫「潮丸」。餐廳裝修新穎，有點似台灣cafe ， 環境乾淨舒服， 正！ 我叫咗碗《自家牛三鮮 $55》，招牌牛三鮮(牛腩、牛筋同牛肚)。牛腩非常好味， 肉質鮮甜， 仲炆得相當入味， 口感更佳。 加上冬菜、蔥花同芫荽，湯粉就變得更加惹味。 店主亦相當細心， 有醋、魚露同辣椒醬油放在桌上， 以便客人享用。 《秘製豬三鮮 $55》都做得不錯， 有扎肉、豬肉丸同腩肉。 豬肉丸十分彈牙， 腩南食落鬆化， 好好味。 仲可以自由追加食物， 想食乜就加乜， 正啦！ 加$15 就可以追加墨丸王。 叫咗杯《話梅柚子蘇打特飲》， 話梅同柚子好夾， 加上soda, 令夏天變得涼快， 爽呀！總結吓先，食物不錯， 環境寬闊舒適， 位置方便，價錢合理，可以再encore !

平時出尖沙咀經過呢間鋪，通常都冇乜人食。但對於我呢d鐘意人少又坐得舒服既人黎講，呢間鋪頭就正正吸引到我lah。再望下佢地個menu, d野食係港式同潮式的合成版， 價錢就合理。 所以呢個星期日晚，決定黎呢到試下佢習潮港式粉麵，［特級牛丸王 $55］ 十級好食既牛丸 相當彈牙 又多肉汁 好juicy 又有牛肉味 好耐冇食過咁好食既牛丸所以佢呢碗牛丸河 係 出乎本身我意料既好食［咖喱牛三鮮飯 $63］佢既咖喱未又係非常濃烈 香噴噴既咖哩辣香 撈埋個飯簡直一流 牛三鮮入面有牛腩 牛筯 牛肚三個都好新鮮好好食 牛腩肥滑 牛筯鬆軟易咬 牛肚都好新鮮總括來說，食物質素都算唔錯，環境乾淨企理，值得一試

潮丸在我工作地點附近、一直想過來試試。非常環保的做法！先來碟靚菜心、很清甜而且完全沒渣、沾少少蠔油帶出鮮味。自家雲吞王米粉、雲吞不算非常大粒、不過饀料不少、有兩隻蝦、而且皮薄新鮮！這裡有些特別的醬料、有紅椒醬和黃椒醬、酸酸辣辣的很開胃！招牌牛爽腩加特別牛丸王河粉！這碗超好食的、牛爽腩很特別、真的很爽口、又不是太肥膩、很少有這個特別的部位！另外、牛丸王一咬下去、牛肉汁很甜又彈牙，正正宗宗的潮式牛丸！炸墨魚丸輕輕炸、不是非常熱氣那種、不錯！粉麵的份量麵都不少、我吃清光的話都幾飽的。

一個人去完尖沙咀買野，喺金馬倫道揾地方醫肚，成條街都係人，好多食店做遊客生意價錢開到好貴，又唔好食，經過一間有河粉麺吃又光猛的，諗住清清地，一於試吓啦。餐廳走潮州食物風格，有好多滷水食物，亦有牛的不同部位，我決定要一個招牌河，一次過可以試晒佢哋嘅三種牛肉：牛腩，牛筋，牛肚。又貪心地叫左一個滷水拼盤。剔好交出去，仲可以揀配菜。枱面亦有三種自製醬，有我最鍾意食嘅黃辣椒醬，酸酸辣辣好開胃。佢哋嘅餐具用品，全部都好乾淨好有心。先試左牛河牛腩唔老，味道香及稍咸。牛筋有咬勁，十分入味。牛肚好乾浄，同樣十分入味。湯底濃郁，加上芽菜芫荽等，成碗河粉好夾，俾我清晒。以前喺出邊食拼盤，通常煮到爛溶溶一大堆野，呢間唔會，同時醃得好入味，佢地豬手好似好出名，拼盤入邊就有豬手，豬手好好味，仲有我最鍾意嘅豬腸，同埋滷水入邊唔可以缺少嘅豆腐，豆腐超好吃， 可以送飯tim! 好滿足嘅一餐。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️