潮丸 (已結業)

呢日同屋企出老尖食飯, 經過見到這一間潮丸, 企企理理, 好似大家都岩食就入黎啦～裝修都十分舒適, 人未算多, 唔駛等就坐底了。睇餐牌最出名都係牛啊～而我二話不說就叫左個咖哩牛三鮮飯賣相幾骨子。咖哩好出色, 小辣但唔會好刺激。牛三鮮分別係牛爽腩牛肚牛筋。正啦, 最岩貪心既我乜都想食。牛爽腩岩岩好有少少肥, 食落唔會好乾, 牛肚牛筋夠冧, 有咬口。非常好。而小食有滷水豆腐, 呢隻最正, 夠企身唔削。而食牛腩飯最緊要係咩? 梗係碟油菜。我係唔多食芥蘭既大朋友, 哈, 但佢煮得真係好食, 無苦味, 又夠滑夠冧。最後整杯熱柚子蜜, vely good。飽晒