潮丸 (已結業)

今日下午茶自己放工到尖咀食下午茶，見到這間潮丸好多客人幫襯，睇一睇Openrice,原來有2間（另一間在筲箕灣），所以今日就黎品嚐一下！環境幾好！好光亮又乾淨的！設計簡約又新潮；左右對牆的長枱及右邊多張長枱，好好善用空間！四邊有不同食物菜色相片，每樣都好吸引好靚枱上有推介、調味、筆（寫在餐牌上、可重用好環保）調味料好特別，有黃紅燈籠椒，好夠香好夠辣滷水豆腐好大份囉！有5-6塊仲要好大！抵食哦！好入味好香滷水味豆腐好有口感質感好好又美味（秘製豬三鮮河粉）上桌以木盒配上木筷子及湯匙，配料可以自我選擇（芫茜、蔥、芽菜等等）好大碗湯汁濃郁唔咸又唔口渴，河粉好滑好軟，長長唔碎，份量我覺得足夠！豬肉丸：2大粒，好彈牙有豬肉味濃！秘製滷水腩肉：層層肥瘦適中，口感正、豬肉香！扎肉：厚身好有咬口，好香又彈彈肉（熱奶茶）下午茶配上免費飲品！選擇了香滑奶茶，好香濃郁茶味配上滑滑奶香，無加糖都好好飲質素好好的粉麵，環境也好舒服乾淨，這裡雖然主力食牛，但這個豬三鮮及魚三鮮、招牌雲吞墨丸同滷水豬手都好美味又各有特色，適合不同客人的需求及口味

今天下午去尖沙咀和契女見面，我覺得有點肚餓便想吃些輕食。平時路過都沒有留意到金馬倫道有間吃牛丸的食肆，所以便去試試。下午茶時段牛爽腩河$53，包凍鴛鴦，另外追加了墨魚丸$15、牛丸$15。牛爽腩名副其實爽中帶軟，非常好味。牛丸是用粗丸，所以有根位，帶點嚼勁。墨魚丸富有墨魚味，如果彈性再多一點會好些。凍鴛鴦，茶味和咖啡味平均，味道符合要求。值得推介是黃燈籠椒醬，這個不是很多地方有得吃，辣中帶酸，辣度是中高，我很喜歡吃。

今日到尖沙咀出外勤，做左成日嘢，又熱又攰，冇乜胃口，晚餐想食碗麵就算，睇到有間潮丸，是食粉麵的，店內裝修擺設好時尚，木枱木凳，燈光明亮，地方整潔。炸鲮魚球：剛炸好的鲮魚球，口感彈牙，魚肉鮮甜有果皮的香味，點蜆介醬汁，可以令味道提升！滷水四寶撈麵，四寶都好入味，五花腩，肥瘦適中。豬腸夠林。滷蛋香、豆腐滑得黎有口感。麵爽口，好味！撈麵會跟一碗清湯。任何一款粉麵或飯，送普通熱飲，凍飲加3元，特飲加8元，我要了凍鴛鴦。用冰杯盛載，夠晒冰凍。

喺尖沙咀行街經過呢間餐廳，初時以為佢係食越南野，因為見到入面裝修都幾新潮，坐低見到Menu，原來係食港式粉面為主，但見佢環境都幾好，就試下先。我哋一行四人，所以叫咗幾款野一齊share黎食。牛三鮮河粉 $55 - 牛三鮮即係牛筋，金錢肚同牛腩，d牛筋同牛腩煮得勁林, 好好味啊！咖喱牛三鮮飯 $63 - 估唔到呢度d咖喱亦都有一定嘅水準，d金錢肚撈埋啲咖喱汁,正到不得了！特級牛丸王米缐+牛筋 $70 - 依碗野令我諗起「食神」，重心推介，嚟到必定要試！招牌滷水集燴飯 $60 - 有滷水豆腐，滷蛋同豬手依間粉面舖其實質素幾高，環境又幾乾淨。每碗粉麵大概$60左右仲要包埋嘢飲，係尖沙咀區可以話係超值之選了！

無意中發現位於尖沙咀的這家店，主要因為它的名字跟我在香港仔常食開的一家潮式粉麵店很相似，就膽粗粗的試下。這裡座位不算很多，但裝修企理乾淨，環境不錯，與一般潮式小店有點區別。再看看餐牌，圖文並茂，令人容易一點做出選擇。食物種類也不少，有各式豬牛魚和滷水食物，也不乏其他小食，總括來說，價錢比傳統的潮式小店貴一點。順帶一提，喜歡食辣椒醬的Foodie們，可以一試它家三款辣椒醬，我不是愛好者就沒有試了。雖然這店名帶丸一字，但我和男友並沒有選擇招牌牛丸，而是選擇了同樣是招牌的咖喱牛爽腩飯和滷水四寶撈麵。咖喱牛爽腩飯ᴴᴷ$68先說說個咖喱汁，非常濃稠，重香料味，又帶微，也有不少薯蓉和薯仔，拌飯一流，不過不適宜吃太多，會有濟肚感。平常在其他地方多吃牛坑腩，這次試這裡的爽腩很是不錯。筋和肉相間，既能吃到肉稔，也吃到爽筋。滷水四寶撈麵ᴴᴷ$65四寶分別是：五花腩、豬腸、滷蛋和豆腐。五花腩有油脂香也滷得入味，如果肥肉和瘦肉分層更多，口感應會更好；豬腸最重要是保留裡面的少許肥膏，吃起來更香濃，這裡做到了，而且煙韌度剛好；滷蛋不夠入味；豆腐是用上硬豆腐，更能吸收滷水汁又不易爛，只是口感相對較粗鞋。麵稍稍有鹼水

成日都行金馬倫道, 成日都見到一間裝修靚靚食牛丸既新派潮式粉面店都幾吸引咁~ 但係又唔知點解又好少停底睇下佢仲有D乜野食喎~, 今日好大雨, 但係做完GYM又好肚餓,行去尖東途中又俾我見到你, 我就知今晚係你啦~~~鋪面細細~ 中間有一張長枱, 第一吸引我眼睛係其他食客食緊個碗牛丸~ 好大粒~ 好好似好正咁~兩個人好肚餓叫咗一個牛丸面, 一個爽腩面~ 一個炸雜粒, 一個炸雞翼, 一份魚皮, 凡叫粉面飯加8蚊可以轉特飲~ 好鬼扺~牛丸---非常彈牙, 牛肉味濃得黎無牛羶味, 好好味~ 爽腩--- 肥瘦適中, 爽腩一層肉, 一層筋, 一層肥膏, 炆得好林, 起好吃~ GOOD GOOD~結論: 非常扺食~ 種類多~ 值得推介~~

颱風底下，由朝做到晚，夜晚8點先食晚飯，一身疲累，打算食碗牛丸麵填肚但係胃得一個，點可以浪費位置呢店名已經表明要將傳統既粉麵檔重新定位，用型格路線改變一般既觀念咁新潮既餐廳當然要試下啦一般餐廳落單，往往都會消耗大量落單紙反而呢到會將落單紙過膠，再用箱頭筆係上面勾選番想食既嘢，落完單只需一抹就可以循環再用，夠哂環保牆上啲食物相用牛丸做推介，當然要試下牛丸相當既彈牙，仲要有肉汁包含係肉丸到每一口都有鮮濃既牛肉味放棄一般辣椒油，而用海南島特產既黃辣椒醬，又夠香又夠辣，夠哂刺激就算一個食飯，都要飲食均衡新鮮爽口既生菜清甜，蠔油都會主動分上，唔會掩蓋左生菜既味道

放工陪同事去尖沙咀買嘢，到左晚餐時間，要找地方食飯，經過金馬倫道，見一麵店潮丸，門口餐牌食物圖片吸引，價錢不貴又冇加一，於是就入座試試！餐廳潔淨光猛，座位是長枱設計，座位不會太迫，枱上放了麵食的調味品，方便客人享用。炸雞翼：所有炸物都即叫即炸，雞翼上枱時熱騰騰，皮脆肉嫩又入味，還有泰式甜酸醬，好惹味！炸雲吞王：熱騰騰、脆卜卜，好香口。自家雲吞麵：雲吞是自家包的，皮滑餡料爽口，生麵彈牙，湯底鮮味。自家製的雲吞餡料粒粒都有鲜蝦，爽口夠味！無論煮或炸都很好味，值得一試！潮州魚三鮮河粉：有彈牙的魚旦和魚片頭、足料的魚皮餃，河粉很滑溜，配鮮味的湯底和芫荽蔥，十分美味！加汽水只需3元

上次自己食，今次帶埋朋友一齊食。每次食粉麵都鍾意食牛，一定要煮得夠腍先得，呢度就做到喇，仲好大份添！牛爽腩（HKD60）唔係平，但真係好鬼飽！腩肉好易咬，正！再加咗牛丸王（HKD15），真係好彈牙。朋友食雲吞王（HKD55）加牛筋（HKD15），平時雙拼都覺得啲餸少咗，但望住5粒雲吞就覺得好有良心喇。配料仲可以揀幾款，特別少有俾咁多冬茶喎。試咗件牛筋，炆到有少少起膠，下次要食呢個先得。滷水豆腐（HKD28）有5大塊，不過可能煮耐咗啲啲，布包豆腐入味但有少少硬。普通凍飲加HKD3，凍奶茶好有茶記feel。熱飲柚子蜜仲有檸檬跟埋，冇欺場喎。美味指數：8/10抵食指責：7/10

潮丸位於尖沙咀金馬倫道，係尖沙咀ʙ2出口行過黎好方便喔！這裡的感覺一點都不像麵店沒有腦海中老式的裝修，很有ᴄᴀғᴇ sʜᴏᴘ既感覺，是行文青的路線嗎❓😆看到白色的瓷磚，就知道店內以白色為主！這張餐牌有曬圖片睇very ɢᴏᴏᴅ ᴀʀ!有湯麵麵和撈麵可以簡，我同朋友就決定叫曬之後就share一齊食😊這裏點餐是用 ᴍᴀʀᴋᴇʀ筆來畫落這張已過膠了的餐牌上，很環保呀👍🏼👍🏼唔會好浪費紙張，為地球出分力💪🏼自家牛三鮮湯麵$55牛三鮮係有牛腩、牛筋和牛肚，有半碗都係蒽花呀😍好吸引喔！牛腩同牛筋都煮到好淋好入味，牛肚爽口彈牙🤤牛筋入口即溶😍食落滿滿的骨膠源感覺😆呢2個餐都包左2杯飲品，叫了柚子蜜，濃濃的柚子味牛爽腩撈麵 $70厚厚的牛爽腩分量有好多舊，而且炆煮既時間好足夠，令肉既質感一啲都唔韌😚又唔肥😚生炸雲吞王 $50即叫即炸雲吞😆炸雲吞小胖子看到有得叫就心思思諗緊食唔食好，怕好熱氣😖不過呢，唔諗咁多啦食左就算😆有六大粒炸雲吞，好香脆和鬆化，而且夠哂熱辣新鮮又唔會好熱氣咁..

講起食雲呑麵嘅鋪頭，通常都會覺得店鋪裝潢古舊，較少年輕人會去呢類型食店聚會。但呢間潮丸一定會俾你有種煥然一新嘅感覺：裝潢似平時cafe嘅格局🤩落order方法亦環保，用油性筆喺呢張過咗膠嘅餐單上打剔便可我同朋友都係鐘意食牛丸，每碗有5粒之多，有肉汁之餘牛味亦濃。其中一碗加配左墨魚丸，口感唔粉，亦有幾多墨魚粒喺入面我決定都唔執輸加配左魚皮餃同魚片頭😗每碗粉麵可以決定加咩配料，例如冬菜，芽菜同蔥咁，如果想再重口味啲，可以加佢哋嘅自家製辣醬生炸雞翼炸得得啱啱好，皮脆肉嫩，入面仲保持到肉汁炸雲呑饀料好足，唔會得雲吞皮，配埋泰式辣醬一齊食就好match清湯蘿蔔鮮甜，冇渣柚子蜜甜度適中

今日放工約咗好閏蜜去尖沙咀行街放電又放血,晚飯唔想食得太heavy,又唔想去啲太多人等位嘅地方,途經呢間粉麵店覺得佢光猛又新潮,就決定入去幫襯啦。入到入面發現小店地方唔算好大,但十分之乾淨企理,主要裝修擺設都係簡約嘅風格,令人感覺舒服衛生。餐枱座位亦都夠寬敞,唔會好似啲傳統粉麵店咁逼逼夾夾。睇完份餐牌之後,發現佢呢度主打嘅魚、牛、豬三款都好吸引,所以閏蜜🐷就揀咗一碗自家豬孖寶撈麵,而我就揀咗一碗潮州魚三鮮,咁就可以試兩款味道啦閏蜜🐷點嘅自家豬孖寶撈麵：裡面有扎肉同埋豬肉丸,另附送幾條生菜。扎肉有四片仲要係厚切㗎所以份量都好足夠,閏蜜夾咗一塊俾我食,味道好好唔會有筋再加上厚切令入口嘅咬感更為扎實,我鍾意丫豬肉丸亦都勁大粒又彈牙,好好味熱湯另上等客人可以隨自己喜好鍾意點撈就點撈。呢碗係我點嘅潮州魚三鮮：裡面有魚蛋x 2,魚片頭x 2,魚皮餃x 2,全部餸都令我食得好滋味魚蛋夠彈牙尤其是魚片頭仲正魚皮餃都一樣有兩粒我就夠哂開心喇。其實本來我最鍾意食河粉㗎,不過因為怕肥所以最後都係決定叫米粉配菜方面其實餐牌上面所有都可以揀嘅咁我就只係要冬菜就夠啦。唔好以為望落去個湯咁清好似冇味咁,其實都幾夠味

早幾日同個friend喺尖沙咀食lunch 見到間門面新穎 感覺清新 但原來係食粉麵嘅舖頭 同我食開嘅完全唔同 餐廳入面係好乾淨 完全唔似係食粉麵的我食咗牛爽腩撈麵 個牛腩真係好好食 佢個脂肪同肉係一層一層的 但係又唔會肥膩 唔會話食到好油咁 牛肉嘅味道亦都保留到 烹調得幾好我見過friend嗰碗牛筋咁正都攞咗兩舊嚟食 煮得好林食落好黏口 下次我都要試下呢個對於鍾意食牛嘅我嚟講 呢度嘅牛筋牛腩 煮得確實不錯 可以坐得舒舒服服乾乾淨淨 食番碗牛腩麵 的確不錯

從少喜歡食潮州粉麵，特別是丸類，每間食肆師傅總有不同的袐方，夠特別。今次同朋友行過金馬倫道，試下尖沙咀一間小小店，估唔到個牛丸有驚喜。牛丸一看就覺得有質感粗糙，似手打，非在超市買到一粒粒完完整整用機械做出來的。一碗牛丸河有五粒，大大粒，食落好有咬口同彈牙。還有旁邊有黃燈籠辣椒醬，辣椒油及紅燈籠辣椒醬，三隻都試了，黃紅我食不出有什麼分別但兩者都帶酸，辣椒醬多了一份油香，三種醬的辣屬微辣，因為我是一個不受辣的人，但每一口我也點著醬來吃，刺激味蕾。另外還有牛三鮮，牛肚牛筋好入味。再加一個小食，炸鯪魚球，香脆的外層還有大量果皮，另鯪魚球更甘香美味每一碗粉麵都配飲品，咸檸蘇打好正，成支泰國梳打，要加八蚊。還可以叫柚子蜜，不用加錢。

說到潮式粉面店，一般都會想起門前有一大盤牛雜，再加上濕粒粒的地面同大叔侍應。今次介紹的潮丸就完全可以顛覆一間潮式粉面店的印象！一入門面就像cafe一般，木枱加吊燈， 十分光猛乾淨枱面擺放三款不同味道辣椒醬，十分香口，食得出不是普通來貨貨色，是自家製的先叫一杯話梅柚子雪碧特飲，這特別的配搭意想不到地好飲，話梅的甜加上柚子的微酸，極之解渴，最適合夏天飲主角牛丸王粗麵果然沒有令人失望，牛丸10分爽口彈牙，咬落有肉汁彈出，一定人手打成才有這個效果，在現今講求效率世界， 10分難得炸鯪魚球亦是另一高水準之作，鯪魚球叫即炸，上枱中保持熱度，魚味濃，配上鹹鹹的蜆介，食不停口！炸魚皮不過不失，但附送的上湯就不錯十分欣賞這間誠意製作小店，一定要再嚟！